DEBATA PAIMBARUHON BANGSONA
3 Oktober 2013 pukul 6:32
Jamita tu Minggu 6 Oktober 2013
Turpuk: Hesekiel 36:22-32
DEBATA PAIMBARUHON BANGSONA:
Hamu gabe bangsoku, jala Ahu gabe Debatamuna
A. PATUJOLO:
Di bulan Oktober on, ingkon paratarataon ni huria do ngolu haimbaruon (pembaharuan), ala nunga dipatujolo Marthin Luther patupa haimbaruon (Reformasi) di Huria paulakhon pangalaho naung manimbil sian hata ni Debata - mengkritisi praktek na menyimpang sian Hata ni Debata. Songon huria na reformatoris ingkon udutan ni hurianta HKBP do mengkritisi praktek na so umbuk tu lomo ni roha ni Debata di sude turgas panghobasionna asa lam marojahan tu Hata dohot lomo ni Roha ni Debata. Dungi mangalehon sada dalan songon dia ma asa lam marojahan huria i dohot ngolu ni ruas tu hata ni Debata. Joujou patupa haimbaruon (pembaharuan) marsaringar di jamita minggu sadarion na pinatolhas ni panurirang Hesekiel.
Panurirang Hesekiel mangula di tingki raja Joyakim i ma raja parpudi di Juda (1:1). Diida si Hesekiel do pardalanan ni bangsoi dohot pangalaho ni angka induk di Jerusalem sahat tu na dohot ibana tarbuang tu Babel. Di bindu sada dipatujolo do hatorangan taringot tu parnidaan ni si Hesekiel taringot tu Opat Parngolu na mangusung Habangsa ni Debata. Dung diida ibana i diuduti ma muse taringot tu panjouon dohot parsuruonna ( Hesekiel, 2:1-7; 3:1-11). Dia na naeng dohononna disi, i ma hamuliaon ni Jahowa i do na manjou si Hesekiel manopot bangsoNa asa mulak muse hamuliaon ni Jahowa i tu tongatonga ni bangsoNa, ai nunga di ramuni bangso i habadiaon nasida songon bangso ni Debata. Angka dia ma haramunon ni bangsoi; mardebata sileban (5:6-7), pajongjong sombaon, ganaganaan dohot langgatan parsombaon tu na leban (6:1-10). Dipabotohon do tu panurirang Hesekiel, ia mula ni jea masuk tu bangso i sian angka induk manang partogi di Jerusalem na mangungkap pintu (memberi jalan masuk) tu Assur. Sada sikap na kompromistis sian angka partogi ni Jerusalem tu na leban na paloashon parjongjong ni angka langgatan parsombaon tu na leban (11:1-2). Angkup ni i diida Panurirang Hesekiel do ia habuangan Babel ndada kesempatan memperbaiki diri ni bangsoi, baliksa lam mago do identitas nasida songon bangso ni Debata ala parulannasida na ramun di adopan ni Debata (Israel had profaned among the Heathen, 36:21). Profane lapatanna ‘to debase by a wrong’, ‘un worthy’, or ‘vulgar use’ lapatanna pangalaho na sala naung lohot jala tedek, ndang badia jala tung pangalaho hailaon. Ndang dipasombu Debata bangsona i ramun alai mangula do Debata, (berinisiatif dan bertindak) paimbaruhon bangsoNa, asa mulak habadiaon dohot hamuliaon ni Debata di tongatonga ni angka parbegu marhitehite bangsoNa. On ma sipaimbaruon ni panurirang i Hesekiel asa ditinggalhon nasida pangalahoi masuk tu haimbaruon na marojahan sian roha parbagason.
Marhite parsuruon ni panurirang Hesekiel paingothon bangso i adong sada haimbaruon taringot tu integritas ni hapanurirangon (transformasi ni hapanurirangon): tegas dan berani menyatakan kebenaran serta menyatakan kesalahan para pemimpin dan menerima konsekwensi kesalahan nabi yang tidak mengingatkan kesalahan umat sebagai hutang nyawa. “Ia ho anak ni jolma! Nunga hupabangkit ho bahen * siparmahan halak Israel, dibahen i sai tangihon ma hata na ruar sian pamanganku, angka sipatolhasonmu palumba nasida sian ahu. Molo hudok tu parjahat i: Ingkon do na ginoa rjahat i, asa dapotan hangoluan ibana nian; sai na mate do nian parjaa hat i di bagasan hajahatonna, alai * sian tanganmi do partungguhononku mudarna.” (3: 17-18)
B. HATORANGAN NI TURPUK:
Nunga pola di hata na deba bangsoi di habuangan ala ni pangalaho nasida na ramun. Pola gabe tubu pandohan eleseles mandok: ‘ai nasida do hape bangso ni Jahowa?’(ay 19). Patuduhon nunga gabe sihataan ni na leban bangso i (‘buah bibir’) ala ni pangalahona na so suman. Targoar do bangso ni Debata, bangso na badia, na tarpasupasu hape diulahon nasida ragam ni haramunon na paurakhon nasida. Marhite turpuk on ro bagabaga ni Debata naeng paimbaruhon bangsona dohot sada visi: “hamu gabe bangsoku, jala Ahu gabe Debatamuna”. Sian i taida marpangulahi roha ni Debata di bangso naung manundalhon Ibana, toguonna muse asa gabe bangsoNa. Aha do sibahenon ni Debata paulakhon nasida gabe bangsona? Dialusi turpuk on, ingkon adong haimbaruon (pembaharuoan) ni bangsoi. Pembaharuan i ndada sian bangsoi, alai insiatif ni Debata.
I. DEBATA PAIMBARUHON BANGSONA
1. Haimbaruon di ngolu habadiaon (pengudusan - sanctification);
‘Ahu ma pabadiahon goarHu na timbul‘ (ay 23). Ido sada respon ni Debata tu bangso i ala naung niramunan ni bangso i goar ni Debata di tano habuangan. Ndang dipasombu Debata dirina diramuni bangsona di tongatonga ni angka bangso. Diparbadia Debata goarna na Badia i ndada ala ni bangso i alai ala ni hadirion ni Debata na badia i do. Sasintong na ndang tarparbadia jolma i Debata marhite parulaon, alai angka na jinou jala na dipillit Debata naeng ma nian marhabadiaon(Pat. 3 Musa 19:2 : “Ingkon badia hamu, ai na badia do Ahu, Jahowa, Debatamuna i!”). Ondolan taringot tu habadiaon on, paingothon bangso Israel songon bangso na pinillit jala ‘pinapulik’ ni Debata. Adong do hasurungan ni bangso Israel sian na asing na mardomu tu habadiaon; ima sian unsur ima hadirion (manusia), tano niinganannasida (tanah) dan tradisi (waktu). Bangso Israel ima bangso na pinillit sian angka bangso na adong di portibion, sian bangso Israel dipillit do angka malim na mangaradoti habadiaon, sian angka malim adong do na badia ima angka sintua ni malim, jala na badia situtu sian angka sintua ni malim i ma Sintua Malim na Bolon (imam besar). Angkup ni i dipillit Debata do inganan ni bangso i, ima tano Kanaan songon tano parpadanaan. Sada inganan na badia di tano Kanaan ima Jerusalem, inganan na badia di Jerusalem ima Bagas Joro, jala di bagas Joro i adong do sada inganan na sun badia i ma Inganan na Badia Situtu, (catatan: hire na maribak di tingki haheheon ni Tuhan Jesus gabe ndang adong be holangholang inganan na badia sian inganan na badia situtu) jala holan sintua ni malim na bolon do na boi masuk tusi. Andigan i, taida ma hatorangan ni tingki di halak Jahudi. Ari Sabat ima ari na pinarbadiaan ni Debata, habadian ni ari Sabath i adong do na dipestahon tahun Sabath sahali pitu taon, jala dung pitu hali taon Sabath di goar mai Tahun Jobel; disi ma na dipestahon taon haluaon. Na tolu habadiaon (manisia, tano dohot tingki) domu do di sada tingki, di inganan ni bangso ni Debata. On do sada hasurungan taringot tu habadiaon ni halak Israel songon bangso ni Debata. Paulahon ni Debata habadiaonna, marhite na manopa roha na imbaru dohot tondi na imbaru di bangsoNa (jaha ay 26-27).
2. Haimbaruon; pasuanghon hadirion nasida songoit songon bangsoNa (pemulihan):
“Asa maringan hamu muse di tano, naung hubasabasahon tu ompumuna, jala sumuang * hamu gabe bangsongku, jala ahu gabe Debatamuna” (ay 28). Dipatorang panurirang Hesekiel do sangkap ni Debata di bangsona naeng pasuanghon bangsona mulak tu tano nasida. Dung masa habuangan, maol do tarjalo Israel songon bangso ni Debata hape tarbuang nasida, mago identitas habangsoon nasida songon sada bangso gabe hatoban di luat na leban. Di turpuk on dipabotohon panurirang Hesekiel do paboa; Debata sandiri manjou dohot pasadahon nasida asa mulak tu tano hian, ima huta Jerusalem. Olo tajaha ay 24, ‘Ahu sandiri mambuat hamu sian angka bangso parbegu.’ Lapatanna mulak nasida sian habuangan i ndada ala ni usaha manang gogonaida paluahon dirina sian habuangan, alai ala ni tangan ni Debata na mambuat nasida. Ima holong ni Debata di bangsona. Ndang dipasombu Debata nasida gabe paisolat alai dipasuang identitas habangsoon nasida songon bangso ni Debata, mian di tano parpadanan naung pinatikhon ni Debata jala gabe panean di bagabaga.
Marhite habuangan hira ombas naung tarrapas do bangso Israel sian identitas, huaso dohot hadirion nasida songon bangso ni Debata. Godang do sian nasida na mangandungi habuangan dohot halelengse ni Bagas Joro songon na nidok ni BE 143:1 “Jerusalem, Jerusalem Na timbul na hinan, na di patimbo Debata Ho ro di langitan , nuaeng marserak pangisim, huhut magargar ho. Jerusalem, Jerusalem hutatangisi Ho.“ Angkup ni i tangis ni bangsoi taringot tu habuangan boi do tajaha di Buku Andungandung ni si Jeremia. Tangis dohot andung nasida di habuangan Babel didaoni Debata marhite na manjou nasida mulak tu Jerusalem. Tarapul ma nasida jala mulak gabe bangso ni Debata.
3. Haimbaruon ala naung niurasan ni Debata (pentahiran):
Urashononku ma tu hamu aek angka na tio, asa tung ias hamu (Ay 25a). Somalna pangurason ima sada praktek simbolik panjanghonon ni sasahalak tu sumuang tu parsaoranna. Isarana halak naung pinapulik ala ni tihas dohot pangalaosion marhite pangurason tading ma tihas dohot hasalaanna gabe imbaru (Pat. 3 Musa 14). Angkup ni i di Hukum Levirat di 3 Musa mansai torang do ia pangurason i dipatupa angka malim (3 Musa 9: 13+15; 10: 17). Molo tasulingkiti buku 3 Musa; tu angka malim do dipasahat ulaon pangurason, jala otoritas ni malim do mandok ias angka na nirajuman ias manang ramun angka naung dirajuman ramun. Ndada holan aspek lahiriah na hinangham ni pangurason i alai dohot do makna spiritualitas manang partondion ni sasahalak. Ingkon tangkas do sian tondina mananda hasalaanna (haramunonna) jala sian tondina ibana maninggalhon hasalaanna (hamubaonna). Molo diturpukhon dipatolhas panurirang Hesekiel do boaboa naeng urasan ni Debata bangsoi sian haramunon dohot sian ganaganaan nasida, ima paboahon haradeon ni Debata manjanghon bangsoi mulak tu adopanNa. Sian pangurason on, boi ma antusanta: asa sumuang nasida mulak gabe bangso ni Debata ingkon urason do nasida sian haramunonna.
II. ROHA NAIMBARU DOHOT TONDI NAIMBARU:
Hamu gabe bangso-Ku, jala Ahu gabe Debatamuna! Songon dia do Debata manopa bangso naung ramun i mulak muse gabe bangsoNa. Di ginjang nunga dipatorang taringot tu pambahenan ni Debata tu bangsoNa, i ma mamparbadiai, pasuanghon dohot manguras nasida sian salana. Cara ni Debata di turpuk on, ima marhite na mangalehon roha dohot tondi i na imbaru tu ateate ni bangsoi. Dison adong sada panopaon mulak tu bangso Israel asa tutu situtu gabe bangso ni Debata. Andorang so sada bangso Israel, ditopa Debata do nasida marhite na opatpulu taon di parhorsihan. Saleleng di parhorsihan dimemehon jala dirataratai do patik ni Debata di nasida marhite si Musa. Panopaon sisongoni hira na diulakhon – [penafsiran ulang taringot tu latapan ni habuangan i]. Ia bangso Israel naeng dipaimbaru, marhite parsiajaran di habuangan lehonon ni Debata ma roha dohot tondi na imbaru di ateate ni bangso i. Roha na imbaru dohot tondi na imbaru di lehon singkat ni roha batu. Roha batu marlapatan doi roha hatangkangon (keras), naso tardok manang aha jala maol muba. Roha batu gabe sada sifat na negatip manang bakko na lohot di bangso i. Roha sibuk singkat ni roha batu. Ndada roha sibuk songon na digombarhon keinginan daging na dimaksud dison, alai roha sibuk i ma ni jolma na boi topaon jala pauliulion. Alai molo didok roha batu ndada tartopa be i. Ido sipaimbaruon ni Debata marhite na mangalehon roha dohot tondi na imbaru tu ateate nasida, asa gabe roha pangoloi di patik ni Debata.
Dia do panghorhon ni roha dohot tondi na imbaru na dilehon tu hita?
Parjolo, Roha na imbaru dohot tondi na imbaru di ateate ni bangsoi mansai ringkot ala naeng mulak nasida tu Jerusalem. Jerusalem ima huta parmianan nasida hian, huta na badia jala na hinaporseaannasida inganan parmianan ni Debata, alai marosak doi jala lengse ala ni roha batu. Dipatolhas do naeng paulion ni Debata huta na Badia, andorang so mulak nasida jumolo nasida ditopa Debata marhite na roha dohot tondi na imbaru silehononna tu ateatenasida. Ndang tarmasuhan nasida Jerusalem molo tong do bako na leleng i lohot. Ido mansai arga pangurason i, asa tading roha batu dohot haramunonnasidai asa soluk roha sibuk na marpangoloion tu Debata. Tondi na marsihohot jala marhasatiaon tu Debata – ketaatan.
Paduahon, molo di panopaon di parhorsihan ditopa do bangsoi marhite sistem (patik), ima nasa rumang ni patik dohot ruhut siulaon nasida paulihon parsaoran tu Debata dohot jolma. Ia di turpuk on, ndada marhite sistim manang patik alai marhite roha parbagasan. Ala ni i boi ma idaonta parasingan ni panopaon ni bangso ni Debata di buku panurirang Hesekiel on. Paimbaruhon ndada marhite sistim alai sian roha parbagasan (inner life); pembaharuan yang akan didorong dari dalam hati individu-individu. Jala di Buku Panurirang Hesekiel on, ndang ditaringoti taringot tu raja (struktur kekuasaan), alai didok do Debata sandiri gabe parmahan di bangsoNa. Cara ni Debata marmahan bangsona marhitehite roha dohot tondi na imbaru na sinuanhon di ateate ni bangso i. Aha na naeng dohonon ni panurirang Hesekiel on ima patupahon haimbaruon ndada ingkon sai hundul tu sada huaso (struktur kekuasaan), alai patupahon haimbaruon i boi do marhite sasahalak naung tangkas manjalo roha dohot tondi na pinaimbaru. Angka on ma ra naung manghangoluhon visi di ngoluna, marsitutu pasauthon na diroha nionjar motivasi na marsitutu (spirit).
Patoluhon: bangso na pinaimbaru i ima halak manjalo roha dohot tondi naimbaru di ateatenasida. Nasida do na pinillit ni Debata manjalo tohap (ahli waris), ima angka bagabaga ni Debata naung niuarihon tu nasida. Hot do padan ni Debata, tung naso olo muba jala mose, i do sihirimon jala na mangonjar nasida asa hot marhaposan tu Debata. Angka dia ma tohap sijaloon ni bangso na pinaimbaru i? Di turpuk evangelium minggu dipatorang do angka rumang siteanon, boi ma taida mamungka sian ayat 28 – 32 i ma: mulak tu bona ni pinasana – pemulihan status kebangsaan, pasupasu hadumaon; siding ma sian haraparon dohot marparbue angka suansuanan nasida jala
Paopathon, roha na imbaru dohot tondi na imbaru, ima patondithon tu diri ni bangsoi asa maila di angka parange sisurahan – budaya malu. Adong kesadaran di bangsoi maila di angka dalan na so patut gabe marlojong tu dalan na hinalomohon ni Debata. Pangalaho si songonon mansai ringkot situtu lam masa dekadensi moral di huria nang masyarakat. Hea do digagas tokoh lintas agama: ‘gerakan anti bohong’ sada kritik tu patogi ni bangsonta na boi tartiop hatana. Virus kebohongan mansai jorbut jala cepat merambat tu sude suhisuhi ni ngolu ni jolma. Gerakan sisongonon boi do ra gagasaon ni huria mengkritisi pangalaho manang fenomena na masa di huria nang masyarakat naso umbuk tu lomo ni roha ni Debata.
C. PANIMPULI
Parjolo: Turpuk evangelium minggu on patubuhon panghirimon di ngolu ni angka na porsea. Porsea hita mangula Debata didiri ni sasahalak manang komunitas na boi do adong haimbaruon. Ndang pe maol pola digombarhon songon roha batu, marhuaso do Debata paubahon dohot paimbaruhonsa.
Paduahon: sian perspectif ni bangsoi na mengalami habuangan, terpukul jala terpuruk nasida songon bangso ni Debata hape gabe paisolat nasida di huta na leban. Torop na mangandungi (meratap) jala torop na sahat tu pandelean marhite na manadingkon Debata. Joujou ni panurirang Hesekiel diturpuk on, unang hita mandele ai marpamuati do Debata. Pamian ma tongtong ngolu na marpanghirimon, tagam jala paima ma Debata ro paimbaruhon, pasuanghon dohot mangalehon bagabagana tu hita.
Patoluhon: Nunga dipaimbaru Debata hita dibagasan Kristus Jesus, dohot do hita targoar bangso na pinillit ni Debata. Antong halak naung pinaimbaru ni Debata angka ido sitean bagabagana. Unang patangkang roham, alai talehon ma roha dohot tondita tu Debata asa dilehon roha dohot tondi na imbaru tu ateatenta. Lam dipatangkang ho roham, lam dao do asi ni rohana. Alai molo dipaimbaru ho ngolum dibagasan Ibana, jumpangan jala dapotan pasupasu ma ho di ngolum.
Paopathon: Parbue ni halak na pinaimbaru dibagasan Kristus, ima maila mardoa. Tung paholang ma dirim sian ragam ni hajahaton, haramunon dohot nasa panundalion sian Debata. Alai pajonok ma roham dohot tondim gabe pengoloi di PatikNa. Gabe bangso ni Debata na satia ma ho mangaradoti lomo ni roha ni Debata.
Pdt. Nekson M Simanjuntak, MTh
Kepala Biro Pembinaan HKBP
Turpuk: Hesekiel 36:22-32
DEBATA PAIMBARUHON BANGSONA:
Hamu gabe bangsoku, jala Ahu gabe Debatamuna
A. PATUJOLO:
Di bulan Oktober on, ingkon paratarataon ni huria do ngolu haimbaruon (pembaharuan), ala nunga dipatujolo Marthin Luther patupa haimbaruon (Reformasi) di Huria paulakhon pangalaho naung manimbil sian hata ni Debata - mengkritisi praktek na menyimpang sian Hata ni Debata. Songon huria na reformatoris ingkon udutan ni hurianta HKBP do mengkritisi praktek na so umbuk tu lomo ni roha ni Debata di sude turgas panghobasionna asa lam marojahan tu Hata dohot lomo ni Roha ni Debata. Dungi mangalehon sada dalan songon dia ma asa lam marojahan huria i dohot ngolu ni ruas tu hata ni Debata. Joujou patupa haimbaruon (pembaharuan) marsaringar di jamita minggu sadarion na pinatolhas ni panurirang Hesekiel.
Panurirang Hesekiel mangula di tingki raja Joyakim i ma raja parpudi di Juda (1:1). Diida si Hesekiel do pardalanan ni bangsoi dohot pangalaho ni angka induk di Jerusalem sahat tu na dohot ibana tarbuang tu Babel. Di bindu sada dipatujolo do hatorangan taringot tu parnidaan ni si Hesekiel taringot tu Opat Parngolu na mangusung Habangsa ni Debata. Dung diida ibana i diuduti ma muse taringot tu panjouon dohot parsuruonna ( Hesekiel, 2:1-7; 3:1-11). Dia na naeng dohononna disi, i ma hamuliaon ni Jahowa i do na manjou si Hesekiel manopot bangsoNa asa mulak muse hamuliaon ni Jahowa i tu tongatonga ni bangsoNa, ai nunga di ramuni bangso i habadiaon nasida songon bangso ni Debata. Angka dia ma haramunon ni bangsoi; mardebata sileban (5:6-7), pajongjong sombaon, ganaganaan dohot langgatan parsombaon tu na leban (6:1-10). Dipabotohon do tu panurirang Hesekiel, ia mula ni jea masuk tu bangso i sian angka induk manang partogi di Jerusalem na mangungkap pintu (memberi jalan masuk) tu Assur. Sada sikap na kompromistis sian angka partogi ni Jerusalem tu na leban na paloashon parjongjong ni angka langgatan parsombaon tu na leban (11:1-2). Angkup ni i diida Panurirang Hesekiel do ia habuangan Babel ndada kesempatan memperbaiki diri ni bangsoi, baliksa lam mago do identitas nasida songon bangso ni Debata ala parulannasida na ramun di adopan ni Debata (Israel had profaned among the Heathen, 36:21). Profane lapatanna ‘to debase by a wrong’, ‘un worthy’, or ‘vulgar use’ lapatanna pangalaho na sala naung lohot jala tedek, ndang badia jala tung pangalaho hailaon. Ndang dipasombu Debata bangsona i ramun alai mangula do Debata, (berinisiatif dan bertindak) paimbaruhon bangsoNa, asa mulak habadiaon dohot hamuliaon ni Debata di tongatonga ni angka parbegu marhitehite bangsoNa. On ma sipaimbaruon ni panurirang i Hesekiel asa ditinggalhon nasida pangalahoi masuk tu haimbaruon na marojahan sian roha parbagason.
Marhite parsuruon ni panurirang Hesekiel paingothon bangso i adong sada haimbaruon taringot tu integritas ni hapanurirangon (transformasi ni hapanurirangon): tegas dan berani menyatakan kebenaran serta menyatakan kesalahan para pemimpin dan menerima konsekwensi kesalahan nabi yang tidak mengingatkan kesalahan umat sebagai hutang nyawa. “Ia ho anak ni jolma! Nunga hupabangkit ho bahen * siparmahan halak Israel, dibahen i sai tangihon ma hata na ruar sian pamanganku, angka sipatolhasonmu palumba nasida sian ahu. Molo hudok tu parjahat i: Ingkon do na ginoa rjahat i, asa dapotan hangoluan ibana nian; sai na mate do nian parjaa hat i di bagasan hajahatonna, alai * sian tanganmi do partungguhononku mudarna.” (3: 17-18)
B. HATORANGAN NI TURPUK:
Nunga pola di hata na deba bangsoi di habuangan ala ni pangalaho nasida na ramun. Pola gabe tubu pandohan eleseles mandok: ‘ai nasida do hape bangso ni Jahowa?’(ay 19). Patuduhon nunga gabe sihataan ni na leban bangso i (‘buah bibir’) ala ni pangalahona na so suman. Targoar do bangso ni Debata, bangso na badia, na tarpasupasu hape diulahon nasida ragam ni haramunon na paurakhon nasida. Marhite turpuk on ro bagabaga ni Debata naeng paimbaruhon bangsona dohot sada visi: “hamu gabe bangsoku, jala Ahu gabe Debatamuna”. Sian i taida marpangulahi roha ni Debata di bangso naung manundalhon Ibana, toguonna muse asa gabe bangsoNa. Aha do sibahenon ni Debata paulakhon nasida gabe bangsona? Dialusi turpuk on, ingkon adong haimbaruon (pembaharuoan) ni bangsoi. Pembaharuan i ndada sian bangsoi, alai insiatif ni Debata.
I. DEBATA PAIMBARUHON BANGSONA
1. Haimbaruon di ngolu habadiaon (pengudusan - sanctification);
‘Ahu ma pabadiahon goarHu na timbul‘ (ay 23). Ido sada respon ni Debata tu bangso i ala naung niramunan ni bangso i goar ni Debata di tano habuangan. Ndang dipasombu Debata dirina diramuni bangsona di tongatonga ni angka bangso. Diparbadia Debata goarna na Badia i ndada ala ni bangso i alai ala ni hadirion ni Debata na badia i do. Sasintong na ndang tarparbadia jolma i Debata marhite parulaon, alai angka na jinou jala na dipillit Debata naeng ma nian marhabadiaon(Pat. 3 Musa 19:2 : “Ingkon badia hamu, ai na badia do Ahu, Jahowa, Debatamuna i!”). Ondolan taringot tu habadiaon on, paingothon bangso Israel songon bangso na pinillit jala ‘pinapulik’ ni Debata. Adong do hasurungan ni bangso Israel sian na asing na mardomu tu habadiaon; ima sian unsur ima hadirion (manusia), tano niinganannasida (tanah) dan tradisi (waktu). Bangso Israel ima bangso na pinillit sian angka bangso na adong di portibion, sian bangso Israel dipillit do angka malim na mangaradoti habadiaon, sian angka malim adong do na badia ima angka sintua ni malim, jala na badia situtu sian angka sintua ni malim i ma Sintua Malim na Bolon (imam besar). Angkup ni i dipillit Debata do inganan ni bangso i, ima tano Kanaan songon tano parpadanaan. Sada inganan na badia di tano Kanaan ima Jerusalem, inganan na badia di Jerusalem ima Bagas Joro, jala di bagas Joro i adong do sada inganan na sun badia i ma Inganan na Badia Situtu, (catatan: hire na maribak di tingki haheheon ni Tuhan Jesus gabe ndang adong be holangholang inganan na badia sian inganan na badia situtu) jala holan sintua ni malim na bolon do na boi masuk tusi. Andigan i, taida ma hatorangan ni tingki di halak Jahudi. Ari Sabat ima ari na pinarbadiaan ni Debata, habadian ni ari Sabath i adong do na dipestahon tahun Sabath sahali pitu taon, jala dung pitu hali taon Sabath di goar mai Tahun Jobel; disi ma na dipestahon taon haluaon. Na tolu habadiaon (manisia, tano dohot tingki) domu do di sada tingki, di inganan ni bangso ni Debata. On do sada hasurungan taringot tu habadiaon ni halak Israel songon bangso ni Debata. Paulahon ni Debata habadiaonna, marhite na manopa roha na imbaru dohot tondi na imbaru di bangsoNa (jaha ay 26-27).
2. Haimbaruon; pasuanghon hadirion nasida songoit songon bangsoNa (pemulihan):
“Asa maringan hamu muse di tano, naung hubasabasahon tu ompumuna, jala sumuang * hamu gabe bangsongku, jala ahu gabe Debatamuna” (ay 28). Dipatorang panurirang Hesekiel do sangkap ni Debata di bangsona naeng pasuanghon bangsona mulak tu tano nasida. Dung masa habuangan, maol do tarjalo Israel songon bangso ni Debata hape tarbuang nasida, mago identitas habangsoon nasida songon sada bangso gabe hatoban di luat na leban. Di turpuk on dipabotohon panurirang Hesekiel do paboa; Debata sandiri manjou dohot pasadahon nasida asa mulak tu tano hian, ima huta Jerusalem. Olo tajaha ay 24, ‘Ahu sandiri mambuat hamu sian angka bangso parbegu.’ Lapatanna mulak nasida sian habuangan i ndada ala ni usaha manang gogonaida paluahon dirina sian habuangan, alai ala ni tangan ni Debata na mambuat nasida. Ima holong ni Debata di bangsona. Ndang dipasombu Debata nasida gabe paisolat alai dipasuang identitas habangsoon nasida songon bangso ni Debata, mian di tano parpadanan naung pinatikhon ni Debata jala gabe panean di bagabaga.
Marhite habuangan hira ombas naung tarrapas do bangso Israel sian identitas, huaso dohot hadirion nasida songon bangso ni Debata. Godang do sian nasida na mangandungi habuangan dohot halelengse ni Bagas Joro songon na nidok ni BE 143:1 “Jerusalem, Jerusalem Na timbul na hinan, na di patimbo Debata Ho ro di langitan , nuaeng marserak pangisim, huhut magargar ho. Jerusalem, Jerusalem hutatangisi Ho.“ Angkup ni i tangis ni bangsoi taringot tu habuangan boi do tajaha di Buku Andungandung ni si Jeremia. Tangis dohot andung nasida di habuangan Babel didaoni Debata marhite na manjou nasida mulak tu Jerusalem. Tarapul ma nasida jala mulak gabe bangso ni Debata.
3. Haimbaruon ala naung niurasan ni Debata (pentahiran):
Urashononku ma tu hamu aek angka na tio, asa tung ias hamu (Ay 25a). Somalna pangurason ima sada praktek simbolik panjanghonon ni sasahalak tu sumuang tu parsaoranna. Isarana halak naung pinapulik ala ni tihas dohot pangalaosion marhite pangurason tading ma tihas dohot hasalaanna gabe imbaru (Pat. 3 Musa 14). Angkup ni i di Hukum Levirat di 3 Musa mansai torang do ia pangurason i dipatupa angka malim (3 Musa 9: 13+15; 10: 17). Molo tasulingkiti buku 3 Musa; tu angka malim do dipasahat ulaon pangurason, jala otoritas ni malim do mandok ias angka na nirajuman ias manang ramun angka naung dirajuman ramun. Ndada holan aspek lahiriah na hinangham ni pangurason i alai dohot do makna spiritualitas manang partondion ni sasahalak. Ingkon tangkas do sian tondina mananda hasalaanna (haramunonna) jala sian tondina ibana maninggalhon hasalaanna (hamubaonna). Molo diturpukhon dipatolhas panurirang Hesekiel do boaboa naeng urasan ni Debata bangsoi sian haramunon dohot sian ganaganaan nasida, ima paboahon haradeon ni Debata manjanghon bangsoi mulak tu adopanNa. Sian pangurason on, boi ma antusanta: asa sumuang nasida mulak gabe bangso ni Debata ingkon urason do nasida sian haramunonna.
II. ROHA NAIMBARU DOHOT TONDI NAIMBARU:
Hamu gabe bangso-Ku, jala Ahu gabe Debatamuna! Songon dia do Debata manopa bangso naung ramun i mulak muse gabe bangsoNa. Di ginjang nunga dipatorang taringot tu pambahenan ni Debata tu bangsoNa, i ma mamparbadiai, pasuanghon dohot manguras nasida sian salana. Cara ni Debata di turpuk on, ima marhite na mangalehon roha dohot tondi i na imbaru tu ateate ni bangsoi. Dison adong sada panopaon mulak tu bangso Israel asa tutu situtu gabe bangso ni Debata. Andorang so sada bangso Israel, ditopa Debata do nasida marhite na opatpulu taon di parhorsihan. Saleleng di parhorsihan dimemehon jala dirataratai do patik ni Debata di nasida marhite si Musa. Panopaon sisongoni hira na diulakhon – [penafsiran ulang taringot tu latapan ni habuangan i]. Ia bangso Israel naeng dipaimbaru, marhite parsiajaran di habuangan lehonon ni Debata ma roha dohot tondi na imbaru di ateate ni bangso i. Roha na imbaru dohot tondi na imbaru di lehon singkat ni roha batu. Roha batu marlapatan doi roha hatangkangon (keras), naso tardok manang aha jala maol muba. Roha batu gabe sada sifat na negatip manang bakko na lohot di bangso i. Roha sibuk singkat ni roha batu. Ndada roha sibuk songon na digombarhon keinginan daging na dimaksud dison, alai roha sibuk i ma ni jolma na boi topaon jala pauliulion. Alai molo didok roha batu ndada tartopa be i. Ido sipaimbaruon ni Debata marhite na mangalehon roha dohot tondi na imbaru tu ateate nasida, asa gabe roha pangoloi di patik ni Debata.
Dia do panghorhon ni roha dohot tondi na imbaru na dilehon tu hita?
Parjolo, Roha na imbaru dohot tondi na imbaru di ateate ni bangsoi mansai ringkot ala naeng mulak nasida tu Jerusalem. Jerusalem ima huta parmianan nasida hian, huta na badia jala na hinaporseaannasida inganan parmianan ni Debata, alai marosak doi jala lengse ala ni roha batu. Dipatolhas do naeng paulion ni Debata huta na Badia, andorang so mulak nasida jumolo nasida ditopa Debata marhite na roha dohot tondi na imbaru silehononna tu ateatenasida. Ndang tarmasuhan nasida Jerusalem molo tong do bako na leleng i lohot. Ido mansai arga pangurason i, asa tading roha batu dohot haramunonnasidai asa soluk roha sibuk na marpangoloion tu Debata. Tondi na marsihohot jala marhasatiaon tu Debata – ketaatan.
Paduahon, molo di panopaon di parhorsihan ditopa do bangsoi marhite sistem (patik), ima nasa rumang ni patik dohot ruhut siulaon nasida paulihon parsaoran tu Debata dohot jolma. Ia di turpuk on, ndada marhite sistim manang patik alai marhite roha parbagasan. Ala ni i boi ma idaonta parasingan ni panopaon ni bangso ni Debata di buku panurirang Hesekiel on. Paimbaruhon ndada marhite sistim alai sian roha parbagasan (inner life); pembaharuan yang akan didorong dari dalam hati individu-individu. Jala di Buku Panurirang Hesekiel on, ndang ditaringoti taringot tu raja (struktur kekuasaan), alai didok do Debata sandiri gabe parmahan di bangsoNa. Cara ni Debata marmahan bangsona marhitehite roha dohot tondi na imbaru na sinuanhon di ateate ni bangso i. Aha na naeng dohonon ni panurirang Hesekiel on ima patupahon haimbaruon ndada ingkon sai hundul tu sada huaso (struktur kekuasaan), alai patupahon haimbaruon i boi do marhite sasahalak naung tangkas manjalo roha dohot tondi na pinaimbaru. Angka on ma ra naung manghangoluhon visi di ngoluna, marsitutu pasauthon na diroha nionjar motivasi na marsitutu (spirit).
Patoluhon: bangso na pinaimbaru i ima halak manjalo roha dohot tondi naimbaru di ateatenasida. Nasida do na pinillit ni Debata manjalo tohap (ahli waris), ima angka bagabaga ni Debata naung niuarihon tu nasida. Hot do padan ni Debata, tung naso olo muba jala mose, i do sihirimon jala na mangonjar nasida asa hot marhaposan tu Debata. Angka dia ma tohap sijaloon ni bangso na pinaimbaru i? Di turpuk evangelium minggu dipatorang do angka rumang siteanon, boi ma taida mamungka sian ayat 28 – 32 i ma: mulak tu bona ni pinasana – pemulihan status kebangsaan, pasupasu hadumaon; siding ma sian haraparon dohot marparbue angka suansuanan nasida jala
Paopathon, roha na imbaru dohot tondi na imbaru, ima patondithon tu diri ni bangsoi asa maila di angka parange sisurahan – budaya malu. Adong kesadaran di bangsoi maila di angka dalan na so patut gabe marlojong tu dalan na hinalomohon ni Debata. Pangalaho si songonon mansai ringkot situtu lam masa dekadensi moral di huria nang masyarakat. Hea do digagas tokoh lintas agama: ‘gerakan anti bohong’ sada kritik tu patogi ni bangsonta na boi tartiop hatana. Virus kebohongan mansai jorbut jala cepat merambat tu sude suhisuhi ni ngolu ni jolma. Gerakan sisongonon boi do ra gagasaon ni huria mengkritisi pangalaho manang fenomena na masa di huria nang masyarakat naso umbuk tu lomo ni roha ni Debata.
C. PANIMPULI
Parjolo: Turpuk evangelium minggu on patubuhon panghirimon di ngolu ni angka na porsea. Porsea hita mangula Debata didiri ni sasahalak manang komunitas na boi do adong haimbaruon. Ndang pe maol pola digombarhon songon roha batu, marhuaso do Debata paubahon dohot paimbaruhonsa.
Paduahon: sian perspectif ni bangsoi na mengalami habuangan, terpukul jala terpuruk nasida songon bangso ni Debata hape gabe paisolat nasida di huta na leban. Torop na mangandungi (meratap) jala torop na sahat tu pandelean marhite na manadingkon Debata. Joujou ni panurirang Hesekiel diturpuk on, unang hita mandele ai marpamuati do Debata. Pamian ma tongtong ngolu na marpanghirimon, tagam jala paima ma Debata ro paimbaruhon, pasuanghon dohot mangalehon bagabagana tu hita.
Patoluhon: Nunga dipaimbaru Debata hita dibagasan Kristus Jesus, dohot do hita targoar bangso na pinillit ni Debata. Antong halak naung pinaimbaru ni Debata angka ido sitean bagabagana. Unang patangkang roham, alai talehon ma roha dohot tondita tu Debata asa dilehon roha dohot tondi na imbaru tu ateatenta. Lam dipatangkang ho roham, lam dao do asi ni rohana. Alai molo dipaimbaru ho ngolum dibagasan Ibana, jumpangan jala dapotan pasupasu ma ho di ngolum.
Paopathon: Parbue ni halak na pinaimbaru dibagasan Kristus, ima maila mardoa. Tung paholang ma dirim sian ragam ni hajahaton, haramunon dohot nasa panundalion sian Debata. Alai pajonok ma roham dohot tondim gabe pengoloi di PatikNa. Gabe bangso ni Debata na satia ma ho mangaradoti lomo ni roha ni Debata.
Pdt. Nekson M Simanjuntak, MTh
Kepala Biro Pembinaan HKBP
