Acara
partangiangan
pasahat
sulang sulang pahompu
Kel : nababan/br saragi
jumat, 06 JANUARI 2017
HKBP suka bangun, RESSORT TIGALINGGA
jumat, 06 JANUARI 2017
ACARA
PARTANGIANGAN MANGADATI/
SULANG SULANG PAHOMPU
KEL NABABAN/BR
SARAGI
Jln Tigalingga KM 5. 06
JANUARI 2017
PAMUHAI
U : Hamu dongan sahaporseaon na marlas ni roha
marhite na naeng mangulahon adat di sadarion, jalo hamu ma tabe dohot las ni
rohanami di hamu saluhutna. Tama do hita mandok mauliate tu adopan ni Debata na
badia I, ai asi ni rohaNa do tongtong na pangoluhon hita jala na pasauthon
angka sangkapta. Tarlumobi Ibana do na pasauthon sangkapmuna di ulaon sadarion.
Marhite i do nunga ditanda hamu asi ni roha ni Debata tu bagasan ngolumuna,
dibaheni tapuji ma Debatanta pardenggan basa i di bagasan ulaon sadarion,
marende ma hita.
01.
Marende B.E No. 464 : 1 –
2 Huboan ma diringku
v
Huboan
ma diringku, Tuhan hibul tu Ho. Ai au do tinobusMu, umbaen tarbaen au ro.
Pagalak ma rohangku dison managam au. TondiMi
ma suru na boi managam au.
v
Ho
sipalua au, sun hinagogoMi. HataM do huhaposi, na so boi muba i. Pagalak ma …..
d.u.
02. VOTUM
INTROITUS
U : Marhite-hite goar ni Debata Ama dohot goar ni
AnakNa Tuhan Jesus Kristus dohot goar ni Tondi Porbadia, na manompa langit
dohot tano on.
H
: Amen
U : Puji
ma Jahowa ale tondingku, baritahon hamuma goarNa i, pabotohon hamu ma di
tonga-tonga ni angka bangso pambahenanNa i.
H : Puji ma Jahowa ale tondingku, jala nasa
rohangku di bagasan mamuji goarNa na badia i.
U : Puji
ma Jahowa ale tondingku jala unang tung halupahon denggan ni basaNa sudena.
Ibana do manesa dosam sudena, Ibana pamalum angka sahitmu sudena.
H : Ibana paluahon ngolum sian hamagoan, Ibana
martumpalhon tu ho denggan basa dohot asi ni roha.
U : Ibana
pamahap roham marhitehite denggan basa asa mulak poso ho songon pidong
rajawali.
H : Jahowa do patupahon angka
pambahenan hatigoran jala dipatingkos uhum tu saluhut angka hajolmaon.
U : Martangiang
ma hita: Ale Tuhan Debata Amanami partigor jala parasi roha di hami. Tatap ma
hami na pungu dison na ro tu adopanMu na badia i. mauliate dipasahat hami tu Ho
ala nunga dipasaut Ho sangkapnami di bagasan sadarion. Ianggo holan sian
pingkiran, gogo dohot pambahenannami do, ndang na tarpatupa hami ulaon
sadarion. Dibaheni ale Tuhan, sapala naung dipaloas Ho hami tu sadarion,
dongani ma hami nang di ulaon on asa mamungka dohot marujung di bagasan las ni
roha, jala tarpuji Ho di tonga tonga nami. Mangasahon goar ni AnakMu Tuhan
Jesus Kristus, martangiang hami tu Ho. Amen.
Marende
B.E. No. 66 : 1 “Debata baen donganmi”
v
Debata
baen donganmi, lao mangula ulaonmu. Baen ibana haposanmu, sai paserep rohami.
Debata baen donganmi, Debata baen donganmi.
03.
Martangiang
sian sahalak paidua ni suhut
04.
Marende B.E. No. 497 : 4
v
Marlas
ni roha do au on, ai Jesus donganhi tongtong. Sai ro do sinondangNa I, tongon
tu rohangki. Ipe huingot ma tongtong, dang boi holsoan rohangkon. Ai damang na
di surgo I pasingkop bohalhi.
05.
MANJAHA HATA NI DEBATA
U : Ayat sijahaon di hita saonari, di las ni rohanta
sadarion ima na tarsurat di Jesaya 40 : 26-31, songonon ma hatana. Manaili ma
matamuna dompak ginjang, jala idama tung ise do manompa angka i?
H : Tung ise ma paruar
parangan nasida marbilangan? Ibana tahe manjou luhutnai di goarna be marguru tu
hinagodang ni gogona.
U : Jala
Ibana do na sun hinagogo, ndang tagamon lilis nanggo sada.
H : Boasa ma dohononmu ale
Jakkob, jala didok ho ale Israel: buni do dalan maradophon Jahowa, jala ndang
maruli uhum ho sian Debata.
U : Atehe,
ndang dibege ho, manang ndang dung dibege ho? Debata salelengna do Jahowa,
sitompa angka ujung ni tano on, ndang olo loja manang mandate Ibana, jala ndang
hadodoan pingkiranNa i.
H : Ibana balik mangalehon
gogo tu na loja, jala dipargogoi situtu angka na so margellok.
U : Loja
pe angka doli-doli jala mandate, jala tarsulandit angka na mardaging na tambos.
H : Alai angka na marhaposan
tu Jahowa maruli hagogoon mardapotdapot, gabe marhabong ni lali laho manaek.
U : Marlojongi
nasida ndang olo loja, mardalani nasida ndang olo mandate. Ido sahatna, Martua ma angka na umbege hata ni Debata jala na
umpeopsa, Amen.
06.
Marende B.E. No. 557 : 1
v
Dao
dumenggan asi ni roham, dao ummarga sian ngolungkon. Sai pujiongku ma Ho
Tuhanhu, dao ummarga asi ni rohaM.
07.
Martangiang pangondianon sian
hula-hula
08.
marende B.E. No. 467 : 1
v
Asi
ni rohaM hupuji ala Ho manobus au. Dipaias Ho rohangku gabe soranganMu au.
ingananMu rohanami tondiMi manggohi i. pangke dohot ngolunami gabe ulaulaMi.
09.
JAMITA
10.
Marende B.E. No. 188 : 1+2
(Papungu pelean)
v
Jahowa
siparmahan au ndang hurang manang aha. Ai nasa jea dipadao do sian dorbiaNa.
Tongon dibaen na lomak I, lao pangoluhon tondingki dibaen asi rohaNa.
v
Ditogu
au tu na tio aek mata hangoluan. Dibaen do tondingki sio di dalan hasonangan.
Sabam rohangku do tongtong, saleleng au di tano on baen sangap di goarNa.
11.
PANGAUHONON
U : Dongan sahaporseaon, nunga itahalashon
pambahenan ni Debata naung sahat tu hita. Ipe tadai ma pambahenan ni Debata
huhut marpanghirimon tu adopanNa.
Kel : Marlas ni roha do hami dibahen Ho ale
Debata, Sai pasupasu ma tongtong parsaripeonnami.
U : Sai dipasupasu jala diramoti Tuhan Debata ma
parsaripeonmuna, disondanghon ma bohiNa
tu hamu jala asi ma rohaNa di hamu, didompakhon ma bohiNa tu hamu jala dipasaorhon ma dameNa tu parsaripeonmuna.
Kel : Amen.
H : Sai parrohai ma hami mamilangi angka
ariarinami, asa dapotan roha na bisuk hami.
U : Antong
borhat ma hita tu halasan ni rohanta, sai saut ma angka na tasangkapi
saluhutna, di ulaon adat sadarion dohot di angka ulaonta siganup ari, ai nunga
ro Debata tu tonga-tonganta. (Tangiang
Pelean/ AGENDA).
U+H : Ale
Amanami…….+ Pasupasu
H : AMEN….AMEN….AMEN
