Jam Tepat ma ( Teng ) Unang Jom Karet Manang Waktu Indonesia Batak (wib)

Adong Pandohan ni Halak Batak di Jolo Raja Siaduon  di pudi Raja Sipaimaon , alai sipata mamereng parpeakna doi , Molo taringot tu Partingkian do ingkon sude do Tepat taringot tu waktu dang marlangku istilah i asa unang marisuang angka tingkki, didok Halak Eropa Time Is Money, Waktu itu adalah uang, alai sipata di halak hita olo do dang marlangkui, ai sai dietong rohana do molo parpudi, manang tarlambat angka Raja mai. ( ndada tusi lapatan nihatai ). Dang hinata nia ai adong do naginoaran Jom Karet, Jom Batak . Sai jolo lewat sian waktu na ditontuhon baru pe asa mullop, Ingkon Sipaimaon dang olo paimahon

Adong do sada kebiasaan ni hita Batak na maol di uba. Tung mansai maol do mendisiplinkan diri taringot tu partingkian. Nunga dibahen boa-bao partangiangan mulai Pkl. 19.30 teng, alai sai tong dope godang natarlambat,(memang tung mansai terkenal do jam karet ni halak Batak) jala ujungna dipartangiangan na mangihut, baru pe dimulai molo nunga torop na ro. Di namangapuli, nang ditingki na besuk pe,masa do na songoni. Nunga marjanji nasapunguan arisan asa pajumpang di RS Pk. 17.00 "ala waktu jam besuk na terbatas, asa tepat waktu ma hita" ninna pengurus. alai otik dope naro di jam naung tinontuhon i, ujungna olo ma gabe marungut-ungut dongan na parjolo sahat, ai gabe gumodang tikki nasida paima donganna, sian tikki na besuk. Diparmingguanpe tong do adong na songoni. Di Gereja pe songoni do Minggu Pagi Masuk Pkl 8.30 alai ro do Pkl 9.30 Mandok sae nama , alai disi do ibana ro, tujolo musemai sude ma natorop sibereng tu ibana  minggu siang, masuk pk.10.00 Wib , alai ro do mandapothon Pkl tonga 12 harusna nunga cukup tikki di angka dongan lao marhobas dijabu asa unang pangkuduson lao tu gareja. Alai  di sada ari minggu i, Nunga hohom di bagas joroi, ala nunga manjaha votum amang sintuai. Alai pintor gitikma tu pinggol soara ni sipatu namallatak-latak mardalan sian pudi tu hundulan ni punguan ina di jolo. Pintor guga do konsentrasi mambege suara namallatak-latak i, tanpa sadar gabe sude ma natorop  manerbeng dompak hundulan ni punguan inai "ai ise doi" ninna roha. Tanpa rasa sungkan pintor dihusip ma donganna asa digeser saotik asa boi ibana hundul, jala tanpa rasa bersalah jongjong ma inantaon satokkin alai pintor hundul muse, jala dibuat suri/sisir sian tas na, laos marsisir tikki i, dung sae marsisir jongjong muse ibana ("amang tahe inantaon",ninna roha dibagasan) . Laos huhut markassa  Napasti akibat ni haroro ni inantai tuparmingguan nunga mambahen mago songon na niullus ni alogo hahomion di parmingguon i, alai nunga gabe sitonduran ni angka namarminggu i inantai tarlumobi na dipudina mambahen mago konsentrasi ni dongan na sedang marsomba tu Tuhan i. Tujuanta lao tu bagas joro nalao mamuji Tuhani do, sian jabu pe nunga tapersiaphon dirinta asa unang tarlambat, asa unang mangganggu acara parmingguon i, jala sian parmingguon i, gabe dapotan bohal ni partondion ma hita lao patoguhon rohanta, mangajari hita, songon dia ma hita bessikap lao mangadopi angka naneng masa dingolunta tujoloan ni arion. Alani dihita halak batak na sai olo dope dang disiplin di partingkian, asa tapaubama i, ai olo do holan ala ni i, gabe sisurang hita di parsaoranta siganup ari, dipunguanta, dihurianta tarlumobi gabe mambahen dongan targanggu, gabe mambahen losok rohana marsaor dohot hita. Tung mansai godang do harugianta molo dang disiplin hita dipartikkian, dang holan dirinta sandiri, alai dohot do nang angka donganta rugi,  nang di ulaon diapei tauji ma tepat waktu ( WIB: Waku Indonesia Barat do manjahai dang Waktu Indonesia Batak ). Songoni nang tupesta , dung jolo mulak pe angka parpesta baru asa ro, Maronan pe songoni, nunga mulak paronan baru pe asa ro, ujungna holan tinggal uluni gulamoi nama dapotna di onan i, ai nga suda di buat donganna.  Songoni nang Marsingkola dung jolo sae pe baris angka donganna baru pe mullop di harbangan ni singkolai ujungna di strap guruna ma tutu, Mansai arga do tingki alani do didok endenta no 802 i Pangke Tingkim Saonari... malo mamangke partingkian  ai boi do alani na tarlambat gabe hatinggalan, isarani na marhapal habong molo tarlambat 5 minut pe rupani sian bording pas naung di tontuhon di tinggalhon do ibana.  alani tapaubamai.Targahon ma angka partingkian i di Hata Indonesia didok " Tepat Waktu "

Puji Tuhan Unang Puji diri

Molo marminggu iba, tung mansai sonang do nihilala molo denggan jala jojor marture parmingguon i. Goarna ma na mangalap bohal ni partondion, naeng ma nian renta sude mulai sian namaragenda, marende,nang angka napatubegehon ende koor dohot parjamita. Jala angka punguan koor pe nian naeng ma diparsiaphon endena dohot denggan, asa unang gabe partuktuhan tu angka ruas namarminggu. Naeng ma nian angka parende koor, marende sian nasa rohana, songon sada tanggungjawabna, mangulahon tugas panggilanna be. Asa unang ma nian adong dipikkiranna, "asa dibereng halak au" songon nalao mangahut pujian tudirina sandiri. Dihuria nami, kebetulan huria na sedang berkembang dope, "di torop ni ruas, nang dihaparhaladoon." Songon sada huria pagaran na jongjong dimulana songon sada Pos Pelayanan Zending, alai nunga 12 taon naung gabe huria na gok. Adongdo Punguan Koor Ama, Punguan Koor Ina, Punguan Koor Immanuel, alai tung mansai godang kendala na niadopan songon pangajar koor iba. Beha ma angka ruas naposo dope toropan ruas ni huria nami on, nang anggota koor on pe toropan naposo do, na "lagi ingin memunjukkan keberadaannya ditengah tengah" parsaoran ni huria, jala na lagi rosu mangalului pandaraman siganup ari. Alani keadaan na sisongoni, gabe godang do kendala ni adopan, dikehadiran nang diparrohaon pe. Olo do sipata ala na so cocok tu na dirohanai, pintor sitik, adongdo sipata donganon molo nunga adong donganna marpungu-pungu gabe dang diingot be ro marguru. Dang dibahen gabe songon sada prioritas na utama na marguru i, sian angka parpungu-punguan na asing. Molo pe marguru, dang pintor dilehon rohana gabe maol dapot endei. na umparah dope, nunga naso marguru, alai dohot marende di ari minggu nai, ujungna gabe sega endei. Asing do masalahna molo di Punguan ina Martahi ma nasida naeng kunjungan gerejawi tu Pagar Alam, jadi didok guru pagajari ma tu nasida, "asa denggan nian hita marende, tarlumobi ala na naeng lao hita kunjungan gerejawi, asa taatur ma parhundulta, antar naummura manakkup tone ni endema nian hundul di jolo, jala asa proporsional, tabagi ma nang halakna, ai nunga patorop hu soara sada on. dang adong pikkiran na asing alai asa lam tabo do parendeontai" ninna. Anggo di tikki i di tolopi nasida do usul ni pangajari i, alai dung lao marguru tu minggu naro nai nunga godang beredar angka isu, namandok na lao manegai punguan i do na binahen ni guru nai. Gabe dang kondusif be punguan i, hinorhon ni i gabe songon na sempat menurun semangat ni na mangajari nang anggotai deba. Alai sai nilehon ma semangat asa unang marnaloja mangula na denggan. Nagabe sungkun sungkun, Boha molo pe taulahon na denggan di bagas joro ni Jahowa i, mambahen sangap di ise do, "mambahen sangap dihita do manang di Tuhan i".

Alani di hamu amang, inang dilehon Debata do talenta ganup tu hita be secara gratis, tapangke mai dohot denggan mambahen sangap di Debata, unang ma dirinta natarpatujo, alai ingkon Debata do. "Biarlah Dia semakin besar, dan aku semakin kecil" Horas ( Sumber : Sitopa Hudon : Februando Simanungkalit)