Budianto Sianturi: June 2017

PARTORDING NI ACARA

MINGGU III DUNG TRINITATIS

& Ev: Jeremia 28:5-9 & Ep: Mateus 10:40-42

PESTA AMPLOP RESSORT/TUKAR MIMBAR

HURIA KRISTEN BATAK PROTESTAN

RESSORT:TIGALINGGA, DISTRIK VI DAIRI

TOPIK:

ALO ROHA SIPAULAULA, DAPOTHON HASINTONGAN

LAWAN KEPALSUAN, SAMBUT KEBENARAN

MINGGU, 02 JULI 2017

I. ACARA PARMINGGUON (U = Uluan; R = Ruas; A=Ama; I=Ina; N = Naposobulung

1. Pangaradeon:

a. Taparade ma roha nang Pingkiran laho masuk tu Parmingguon

b. Parhalado marhobas jala martangiang borhat-borhat tu parmingguon, jala di tingki masuk barisan prosesi tu gareja, marende ma Song-Leader sian BE. 248:1-2 “Saleleng ho di Tano on Patigor ma rohaM”.

c. Di Tingki mardalan Prosesi Parhalado, Jongjong ma sude ruas di inganan na be.

2. Jou-jou marsomba tu Debata:

U = Selamat ari Minggu ma di hita saluhutna!

R = Selamat ari Minggu ma tutu,

U = Di bagasan Tema Bulanan di Bulan jULI 2017 ima: PAJONGJONGHON HASINTONGAN DOHOT HATIGORAN ro do hita nuaeng mamuji dohot marsomba tu Debata. Marhite topik minggunta sadarion gabe panindangion ma di ganup hita mandok: ALO ROHA SIPAULAULA DAPOTHON HASINTONGAN.

R = Ima na tutu situtu,Sai pajongjongon name ma hasintongan dohot hatigoran , jala ingkon aloon nami roha sipaulaula mandapothon hasintongan

U = Tapuji jala tapasangap ma Tuhanta naung mamintori hita marhite haporseaon di bagasan Jesus Kristus, marende ma hita.

3. Marende sian B.E No. 18: 1-3 “Ungkap Bahal na ummuli” BL. 84

^♫♪♫ Ungkap bahal na umuli, bagas ni Debatangki.

Ai tusi do au naeng muli, ganup jumpang Minggu i.

Hulului do disi, bohi ni Debatangki.

Nunga ro au, o Tuhanku, ro ma Ho tu au muse.

Ai di bagas ingananMu, las ni roha do sude.

Sai bongoti rohangkon, baen ma JoroMi dison.

------ JONGJONG ------

^♫♪♫ Sai pantun pangalahongku Maradophon bohiMi

Sai suruhon tu rohangku Tondi Parbadia i

Asa sai tongtong ture Tangiangku ende pe

4. Votum - Introitus (Responsoria)

U = Marhitehite Goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on. Amen.

R = Tung ise ma donganku di angka banua ginjang? Jala dungkon ni Ho, ndang adong dihalomohon rohangku di tano on.

U = Nang pe merus sibukhu dohot rohangku, sai Debata do partanobatoan ni rohangku jala parjambaranku salelenglelengna. Haleluya.

U/R= Mangendehon: HALELUYA, HALELUYA, HALELUYA.

U = Martangiang ma hita: Ale Tuhan Debata, Amanami na di banua ginjang. Hupangido hami tu Ho: Sai lehon ma TondiM na badia i tu bagasan rohanami. Sai paian di bagasan hami asi ni rohaM dohot hatigoran, na pinatupa ni AnakMu Jesus, Tuhannami. Sai ramoti hami di hamamasa ni pangunjunan. Pargogoi ma hami mangulahon lomo ni rohaM, asa lam marlas ni roha hami mida denggan ni pambahenanMu di hami, marhitehite Tuhan Jesus Kristus, Tuhannami. Amen.

(Hundul)

5. KOOR :

6. Marende sian B.E No. 114: 1 Ale Jahowa Debata” BL. 212

^♫♪♫ Ale Jahowa Debata Sai tatap hami on

Ai masiboan dosana be Do hami tu joloM

Asi rohaM di hami Sai sesa dosa i sude

Marhite Jesus AnakMi Na mate di hau silang i

Di Golgata Di dolok Golgata

7. Patik :

U = Patik di hita di minggunta sadarion i ma na tarsurat sian Patik X Hon Dohot Lapatanna:

H = Ndang jadi haliangan ni roham bagas ni donganmu, ndangJadi haliangan ni roham dongan saripe ni donganmu, manang naposona baoa manang naposona boruboru, manang lombuna manang hodana, manang dia pe ugasan ni dongan mu

U= Diado Lapatan ni ondo : Ingkon dihabiari rohantaDebatajala ingkon holong rohanta di Ibana, asa unang hita olo marangkal mangarohai ugasan ni dongan jolma dohot ugasan tinadingkon ni ompuna, siurupan do nasida mangaramoti nasa ugasanna.Angkup ni I ndang jadi bolabolaonta pardihutani dongan jolma manang naposona pe, siapoan do nasida mandapothon ulaon na hian . Olat ni do sahatna Antong, rap mangido gogo ma hita tu Debata.

Sude = Ale Tuhan Debata! Sai pargogoi ma hami mangulahon na hombar tu patikMi. Amen.

8. Koor:

9. Marende sian B.E No.467 : 1“Asi ni roham hupuji” BL.315

^♫♪♫ Asi ni rohaM hupu ji ala Ho manobus au. Di paIas Ho rohangku, ga-be

soranganMu Au. IngananMu rohanami. TondiMi manggohi i. Pangke dohot

ngolunami gabe ulaulaMi.

10. Renungan Situasional:

U = I da ma, nunga dipatuduhon tu hamu habisuhon na sian TUHAN i. Sai jalo ma i, jala pangasahon i di nasa ulaonmu siganup ari.

A = Suru ma hami TUHAN, jala lehon ma bisuk dohot hatauon asa boi hupajongjong hami hasintongan dohot hatigoran laho patujolohon hasintongan dohot mangalo angka roha sipaulaula

U = Tanda ma pasupasu na binasabasahon ni Debata di ngolumi; Tondi pangantusion ma na patau hita mananda lomo ni rohaNa marhite panjouon dohot ulaonta be.

I = Ale Tuhan, hujanghon hami ma Ho di ngolunami. Sai togutogu ma hami tu dalan hasintonganMi.

U = Halak na bisuk dohot na marroha patuduhon haporseaonna marhite parange na denggan, halambokhon, hademahon, parasi ni rohaon, haundukhon, hadameon dohot pasidinghon angka ragam ni pangarupaon.

N = Ale TUHAN, pargogoi ma hami pasauthon dameMi di tongatonga portibion.

Sude = Mangendehon B.E No. 159 : 3 “Martua Dongan” BL. 201

^♫♪♫ Martua na saripe, pangajari di anakkonna, asa tong burju,

Na so marpansohotan ganup ari, tumangiangkon angka i tutu.

Tu Tuhan Jesus asa sai Ibana mamasumasu sasudena i

Huhut dilehon asi ni rohaNa manogihonsa tu lambungNa i.

U = Habisuhon ni Debata manogunogu partigor mangulahon ulaonna. Pangantusion na sian Debata patauhon huhut mangalehon sahala tu uluan i, na marpargogoi ibana pasidinghon angka pangarupaon dohot jengkeljengkel ni portibion. Nang roha sipaulaula

R = Ale Tuhan, hupangido hami ma tu Ho: Lehon gogo dohot hatauon tu sude ruas ni HuriaM, Lehon ma hasadaon di hami, hot ni haporseaon, pauliulihon parsaoran ditongatonga ni HuriaM, dohot pauliulihon bagas joroMon, asa ditiru jala dioloi hami Ho songon na binahen ni AnakMu Tuhan Jesus Kristus; asa taruli hami di pasupasu nauli jala na denggan hombar tu lomo ni rohaM Asa Gabe Ama namarsahala, Soripada na marhuaso, jala angka ianakhon sioloi ajar hami saluhutna

U = Ditogutogu habisuhon ni Debata do halak partigor di nasa ulaonna asa marsihohot mangolu dibagasan na marhabiaran mida Debata. Jala habisuhon ni Debata manjagai di nasa ulaonna, huhut dilehon huaso asa dipadao sian nasa mara dohot sangkapsangkap ni portibi on

R = Mangendehon B.E No. 651 : 3 “Huria Na Huhaholongi Hami” BL. 651

^♫♪♫Huria na hinophop ni Tuhanta, sai mian ma di haholongon i.

Sahata ma pangula nang ruasNa, manomba Jesus na marsangap i,

Sai timbul hadameon lam tang haporseaon.

Manggogo pe angka galumbang i, Tuhanta do pademakhon i,

Martua do na hot di Tuhan i.

U = Antong habisuhon na sian Debata margogoihon angka na serep marroha laho pajongjong hatigoran. Hatauon na sian Debata manjagai angka naposoNa sian halak na geduk roha.

11. Mangendehon B.E No. 688 : 1 + 3 “TUHAN” BL.688

^♫♪♫ Tuhan jotjot do marsak donganki,

Ala na sala pambahenanki,

Hatangku langka nang parulanki,

Jora ma au.

(Jongjong)

^♫♪♫ Nuaeng na ro do au sumomba Ho,

Pasahat ngolungki Tuhan tu Ho,

Tuhan lehon ma roha na holong,

Urupi au.

12. Manopoti Dosa dohot Bagabaga Hasesaan Ni Dosa

U = Tatopoti ma dosanta tu Debata martangiang ma hita: Ale Tuhan Debata, Ama ni Tuhannami Jesus Kristus, Ho do Debata pargogo na so hatudosan, sitompa nasa na adong, paruhum na tigor, na manguhumi jolma manisia. Na ro do hami tu joloM manopoti dosanami, angka na huula hami marhite siaan pangalasionnami di patikMu, i ma marhite sian tubutubu ni rohanami na roa i, nang sian panghataionnami na so ture, ro di pangoloionnami di hisaphisap ni rohanami. Na tama situtu do hona uhum hami ala ni dosanami i, alai tarsolsolbagi do hami nuaeng ala ni i. Asi roham di hami ale Debatanami.

Sude Mengendehon BE No.182: 1 “Tu JoloM O Debatangku” BL.24

^♫♪♫ Tu joloM o Debatangku, sai use do rohangkon,

Sai pasiat tangiangku, dohot iluilungkon.

U = Pardengganbasa jala parasi roha do Ho ala ni Anak haholongan ni rohaM, Tuhan Jesus Kristus Tuhannami. Sai sesa ma dosanami saluhutna, jala suru ma Tondi Parbadia tu rohanami be, asa tarbahen hami mangoloi Ho dibagasan hatigoran dohot habadiaon, gabe sahat hami tu hangoluan na so ra suda, na pinarbagabagaM di angka na porsea di AnakMu, Tuhan Jesus Kristus, Tuhannami. Amen

Sude Mengendehon BE No.182: 4 “Tu JoloM O Debatangku” BL.24

^♫♪♫ Ala nii tungki rohangku, jongjong di adopanMi,

Sai asi rohaM Tuhanku, sesa nasa dosangki.

U = Hata baga-baga taringot tu hasesaan ni dosa: Songon on do Hata ni Tuhan Jesus: Ro ma hamu tu Ahu, hamu angka na loja jala na sorat, hupasonang pe hamu. Buat hamu ma augangKu tu hamu, guruhon hamu ma sian Ahu, ai na lambok do Ahu jala na serep marroha, asa dapotan hasonangan tondimuna. Ai lambok do augangKu jala neang do dohot na hupaporsanhon. Hasangapon ma di Debata na di ginjang.

R = Amen !

13. Koor:

14. Marende sian BE. 166 : 5 “Ai beasa di balian BL. 177

^♫♪♫ Aha do sihabiaran Molo haholonganmi Au, o Jesus ?

Ndang jujuran Ni Debata dosangki Gabe pintor au dibaen

Tung anakNa au diain Na martohap di Ibana Martinean di artana.

15. Epistel:

U = Hata ni Debata na gabe turpuk di minggunta sadari on tarsurat Mateus 10:40-42, tajaha ma marsingkat soring: Na manjangkon hamu, Ahu do jinangkonna: Jala na manjangkon Ahu, Na marsuru Ahu do jinangkonna disi.

H = Na manjangkon panurirang, ala targoar panurirang, dapotan upa ni panurirang; na manjangkon partigor, ala targoar partigor, dapotan upa ni partigor.

U= Na painumhon aek tabar santahu tu sahalak sian angka na metmet on, ala targoar siseanku ibana: Na tutu situtu do na hudok on tu hamu, ndang na mago upana! Ima sahatna: Martua do angka na tumangihon hata ni Debata jala na umpeopsa. Amen.

16. Koor:

17.Marende sian BE.No. 403: 1-2“Posrohangku di Tuhanku ” BL. 402

^♫♪♫ Pos rohangku di Tuhanku, ndang tarbaen tarhirim au.

On do tongtong tangiangku : Tu lambaen tarhirim au.

BungaMu au patau. Lobi pos do rohangki, sai patu luson nai,

Boan on na au tu si.

^♫♪♫ Huhilala ganup ari paniopNa di au on.

Sai tong dipasarisari, naeng badia rohangkon.

Naeng lam tu tinggilna I,

Pinggol partondionki lao mambaen lomoNa i.

(Jongjong)

18. Manghatindanghon Haporseaon:

U = Tahatindanghon ma haporseaonta i, songon na hinatadinghon ni donganta sahaporseaon di sandok portibi on. Rap ma hita mandok:

Sude= Ahu porsea ….. du. Amen ! (HUNDUL)

19. Koor:

20. Tingting/Tangiang Pangondianon

21. Marende sian BE.257: 1“Jonok Debatanta” BL. 210 (P.Pelean Ia,Ib)

^♫♪♫ Jonok Debatanta Unduk be ma hita Lao marsomba tu Tuhanta Mijur

Debatanta Tu tongatonganta Tapahohom ma rohanta

Somba ma Debata Di banuaginjang Na so halompoan.

------ Musik ------

^♫♪♫ Jonok Debata surusuruanNa Do manungkap di joloNa

HabadiaonNa Dipapujipuji Dohot ende na ummuli

Hita pe sasude Sai girgir rohanta Mangoloi Tuhanta.

--------- Musik --------

22. JAMITA: Jeremia 28:5-9

23. Marende sian BE.No.358:1 -“Hamu Saluhut Harajaon” (Pest Amplop Res)

^♫♪♫ Hamu saluhut harajaon Marolopolop ma hamu

Endehon ma hamuliaon Ni goar ni Debatamu

Tu Debata ma dok hamuna Na songkal do pambaenanmi

Ai musumi pe saluhutna Marsomba do di jolomi.

--------- Musik -------

^♫♪♫ Tu Ho, o Tuhan do marsomba Muse sandok portibi on

GoarMu do endehononna Pasangaponna Ho tongtong

Ro ma hamu saluhut jolma Marnida pambahenan ni

Jahowa na sai marmulia Di nasa manisia i.

----- Musik -----

24. Parsuruon – Tangiang Panutup

U = Jahowa Hatigoran dohot Hasintongan, jala dijou do hita mangolu dibagasan Hatigoran dohot hasintongan. * Hatigoran dohot uhum do ojahan ni habangsami, * asi ni roha dohot hasintongan patujolo ni bohim hatigoran do dohot hadameon dohot las ni roha di bagasan Tondi Parbadia

R= Nunga dison be hami Tuhan, patau ma hami manghatahon hasintongan, mangulahon na denggan, asa gabe patujolohon hadameon dohot pasiding pangarupaon hami di portibion.

U= Antong hamuna dongan sahaporseaon songon tanda ni pangoloionmuna tu Debata, tapuji ma goarNa laos tatangianghon ma peleanta, asa lam hembang Harajaon ni Debata di huriaNa dohot di portibion. Jongjong ma hita: