MARGURU MANGGORET HATA BATAK Disada luat adong ma sada kelaurga mangolu dibagas sonang niroha, siganup ari borhat do tuhauma manang tupargadongan nalaho mananom eme nang gadong. Sonang do ngolu nasida soadong tubu angka hassit niroha manang angka sitaonon. Sian manogot sahat tu hos niari rap mangula donasida, dung host niari mulak ma nalaho mardaup pogu songon siganup ari. Suang songoni dung bot ari mulakma nasida laos martapian asa adong bohal mangaloppa manogotna. Dibagas lasniroha do nasida mangulahon saluhutna sian ari sahat tumanogotna. Dung marpiga taon nasida dipasupasu Tuhanma sada dakdanak manang sibursok. Dilas nirohai dipatupama partonggoon mandok mauliate tu Tuhan, jala dijou ma angka hulahula,tulang dongan tubu suang songoni angka hombar hutana. Dipatupama ulaon nametmet songon pasahat hamuliateonna tu Tuhan. Ditingkii marsiboan angka siluanama angka dongan tubu nang dongan hombar huta, anggo angka hulahula nang tulang diboanma parompa asa las pamatang ni sibursoki. Dung magodang sibursok dipasupasu Tuhando muse anggina dua nai, tung mansai las doroha niamongna, alana adongma donganna nalaho mangula asa adong gudang papunguonna parbue. Nangpe padaodao angka parhutaan anggo parngoluan nasida tung sonangdo alana ndang adong angka namanggaori. Dung magodang angka anakhonnai borhatma mangaririt boruni tulangna, alanaung mulai suda gogo among nang inongnai. Ditikkii godang do angka abatabat molo lao martandang tuluat naasing, alana masa doditikkii mangambati partandang. Dung dapot sada luat ni tulangnai padompak manasida dohot angka naposo ni parhuta, jala uhumna do ingkon marhulinghuling assa, molo dang tolapna mangalusi disuruma mulak nalaho marguru asa tang diparbinotoan. Molo dung malo ulahannama muse mangaririt boruni tulangnai. Tohoma tutu angka parguruanna sian luat naualu, boima dialusi angka hulinghuling assa ni naposoi, alai ingkon do adopanna muse angka raja nihuta. Disughun ma sidoli ai aha do ulaonmu tuluat namion? Sian dia doluatmu? Molo dipaboa nalaho mangaririt ibana godang ma abatabat. Ala naung marbisuk doibana jala godang parguruanna boido tutu dialusi angka natuatua niluati. Dung adong hata sopisik disidoli dohot paribannai, mangunung tikki manasida nalaho mangalua borngin, ido uhumna molo naeng mangoli ingkon borhat borngindo asa unang adong naumbotosa. Borhat manasida sahat tuluatna, jala diparajama, dipaborhatma dongan tubuna mandapothon luat nitulangnai, laho paboahon naung diparaja borunai. Dung diboto tulangna naung diparaja borunai disunghunma tunaposo niluati boasa ndang diambati hamu ibotomunai? Jala dialusi angka naposoido ndang huboto hami nandigan lao nasida, hape naung dilehon sipangoliido tanda songon sinamot asa boi borhat nasida. Songonima angka namasa ditikkii molo naeng mangalului rokkap tuluat ni naasing. Nangpe diparaja boido sundat patupahon ulaon, molo ndang saut angka pangidoan nitulangnai. Ditingki marhata nasida dipatupado songon sunghunsunghun jala inghon dialusi do dohot hata umpama. Marsiadu do nasida laho patuduhon parbinotoanna, nang sian panghataion manang parbinotoan naasing. Molo dang taralusan ni dongan tubuni paranak boido ditogu muse borunai, jala didokkonma marguru majo berenamii nang angka hamu namardongan tubu. Adong do pandohonan najolo tu borua nasundat digoari mai sitikkir sakkotan. Molo sitikki sonarion ndang dapotta be hata sitikkir sakkotan, alana borua nungnga dipaborhat natorasna molo naeng muli. Horas Monang JP Silaban

MARGURU MANGGORET HATA BATAK

Disada luat adong ma sada kelaurga mangolu dibagas sonang niroha, siganup ari borhat do tuhauma manang tupargadongan nalaho mananom eme nang gadong. Sonang do ngolu nasida soadong tubu angka hassit niroha manang angka sitaonon. Sian manogot sahat tu hos niari rap mangula donasida, dung host niari mulak ma nalaho mardaup pogu songon siganup ari. Suang songoni dung bot ari mulakma nasida laos martapian asa adong bohal mangaloppa manogotna. Dibagas lasniroha do nasida mangulahon saluhutna sian ari sahat tumanogotna. Dung marpiga taon nasida dipasupasu Tuhanma sada dakdanak manang sibursok. Dilas nirohai dipatupama partonggoon mandok mauliate tu Tuhan, jala dijou ma angka hulahula,tulang dongan tubu suang songoni angka hombar hutana. Dipatupama ulaon nametmet songon pasahat hamuliateonna tu Tuhan. Ditingkii marsiboan angka siluanama angka dongan tubu nang dongan hombar huta, anggo angka hulahula nang tulang diboanma parompa asa las pamatang ni sibursoki.
Dung magodang sibursok dipasupasu Tuhando muse anggina dua nai, tung mansai las doroha niamongna, alana adongma donganna nalaho mangula asa adong gudang papunguonna parbue. Nangpe padaodao angka parhutaan anggo parngoluan nasida tung sonangdo alana ndang adong angka namanggaori. Dung magodang angka anakhonnai borhatma mangaririt boruni tulangna, alanaung mulai suda gogo among nang inongnai. Ditikkii godang do angka abatabat molo lao martandang tuluat naasing, alana masa doditikkii mangambati partandang. Dung dapot sada luat ni tulangnai padompak manasida dohot angka naposo ni parhuta, jala uhumna do ingkon marhulinghuling assa, molo dang tolapna mangalusi disuruma mulak nalaho marguru asa tang diparbinotoan. Molo dung malo ulahannama muse mangaririt boruni tulangnai. Tohoma tutu angka parguruanna sian luat naualu, boima dialusi angka hulinghuling assa ni naposoi, alai ingkon do adopanna muse angka raja nihuta. Disughun ma sidoli ai aha do ulaonmu tuluat namion? Sian dia doluatmu? Molo dipaboa nalaho mangaririt ibana godang ma abatabat. Ala naung marbisuk doibana jala godang parguruanna boido tutu dialusi angka natuatua niluati. Dung adong hata sopisik disidoli dohot paribannai, mangunung tikki manasida nalaho mangalua borngin, ido uhumna molo naeng mangoli ingkon borhat borngindo asa unang adong naumbotosa. Borhat manasida sahat tuluatna, jala diparajama, dipaborhatma dongan tubuna mandapothon luat nitulangnai, laho paboahon naung diparaja borunai. Dung diboto tulangna naung diparaja borunai disunghunma tunaposo niluati boasa ndang diambati hamu ibotomunai? Jala dialusi angka naposoido ndang huboto hami nandigan lao nasida, hape naung dilehon sipangoliido tanda songon sinamot asa boi borhat nasida. Songonima angka namasa ditikkii molo naeng mangalului rokkap tuluat ni naasing. Nangpe diparaja boido sundat patupahon ulaon, molo ndang saut angka pangidoan nitulangnai. Ditingki marhata nasida dipatupado songon sunghunsunghun jala inghon dialusi do dohot hata umpama. Marsiadu do nasida laho patuduhon parbinotoanna, nang sian panghataion manang parbinotoan naasing. Molo dang taralusan ni dongan tubuni paranak boido ditogu muse borunai, jala didokkonma marguru majo berenamii nang angka hamu namardongan tubu. Adong do pandohonan najolo tu borua nasundat digoari mai sitikkir sakkotan. Molo sitikki sonarion ndang dapotta be hata sitikkir sakkotan, alana borua nungnga dipaborhat natorasna molo naeng muli.

Horas
Monang JP Silaban