Acara Partangiangan Mamasuhi Bagas Sibaganding Tua

PARTANGIANGAN MAMASUHI BAGAS SIBAGANDING TUA

Kel. J Simanjuntak/br.Simanungkalit ( A Rahel )

Jln Merpati III, No :2 Perumnas Mandala Medan

Dapotan tua do pangisi ni Bagas on sadarion (Luk 19:9)

A.   Acara pasahat kunci di joloni pintu ni bagas

1.       Penyerahan kunci sian Keluarga  J Simanjuntak/Br Simanungkalit tu Parhalado

2.       Parhalado mangungkap Pintu, Dungi Bongot ma situan natorop tu Bagas Sibaganding tua

2. Acara Kebaktian

(U : Uluan, R : Ruas, Kel : Keluarga)

1.      PANGARADEON

U:  Hamu angka na hinaholongan di bagasan  goar ni Tuhan Jesus Kristus. Tama  do mandok mauliate hita tu Debata, hinorhon ni asi ni rohaNa tu keluarga ni amanta J, Simanjuntak/Br Simanungkalit dinaboi nasida pasidunghon bagas na pinauli nasida on.

R:  Mauliate ma di Ho ale Debata. Pujion nami ma Ho sian nasa gogo, ai tung na songkal do pambahenanMu sudena.

U:  Antong dalanta manghamauliatehon saluhutna i, tapuji ma Debata, marende   ma hita.

2.      Marende BE No. 125: 1 – 2, “Marlas ni Roha Hita on”

v Marlas ni roha hita on, mamuji Debata. Ai asi ni rohaNa i do bongot tu rohanta i. Umbaen nuaeng mardomui dison sadarion, dison sadarion.

v Dibahen i manggogo be ma hita on sude. Mamuji Tuhan Jesus i, parasiroha godang i. sibaen las ni rohanta i. Nuaeng nang sogot pe, nuaeng nang sogot pe

3.      VOTUM – INTROITUS – TANGIANG

4.      Tangiang: (U=Uluan)

(U : Uluan, R : Ruas, Kel : Keluarga)

U :  Mangasahon asi ni roha ni Jahowa Debata Ama, dohot AnakNa Jesus Kristus dohot Tondi Parbadia do singkop ulaon on. Di hita na marpungu marlas ni roha tongon sadari on, tama ma hita mandok mauliate tu Tuhanta siala pasupasuNa na so habilangan hita na tongtong sahat tu ngolunta. Nunga simpul jala tipak ojak inganan on parmianan ni Keluarga ni amanta J Simanjuntak/Br Simanungkalit  ima bagas na pinauli ni pande bagas. Jala dibagasan sadarion tahalashon marhite Pesta Mamasuhi bagas on, dalanta martangiang tu Tuhanta asa dipasupasu Tuhanta saluhut pangisi ni bagas on.

Kel :Mauliate ma rohanami di Ho Ale Jahowa na marmudu hami, lumobi di pasupasuM naung mangalehon sada bagas di hami, ima nagabe ingan parmianan nami , laos ajari ma hami Tuhan asa tongtong huhamauliatehon hami pasupasuM jala hubahen hami nang bagas on bagas pamujion di GoarMu. Bagas hasorangan ni anak na pistar dohot boru na marroha bagas parpunguanmaon dihami,bagas Partangiangan dohot mangguruhon hataMi. Sai Pasupasu ma na ro dohot na ruar sian bagas on

R  :  Nunga jumpang naniluluan dapot najinalahan laos tulus nasinangkapan nasida. Molo so Jahowa paulihon bagas, loja sambing ma angka namamandei, molo so Jahowa na marhal huta i, ndang marniula hadudungoni parhal, Molo Jahowa do napaulihon dohot na marhal Dapotan tua ma pangisi ni bagas on sadarion , ai pinompar ni si Abraham do nasida

U  :  Mangasahon Jahowa, sai hamonangan do parjambarata, marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri, sai Ibana ma tanda di nasa dalanmu asa Ibana patigor angka dalanmu. Tu Jahowa ma giling angka pambahenanmu, asa tulus angka sangkap ni roham. Sai jagaon ni Jahowa do ho sian nasa parmaraan, sai jagaonna do tondim , Jahowa do sijaga ho, Jahowa do parlinggomanmu dilambung ni tanganmu siamun

Kel :Jahowa do pargogongku dohot lombulombungku, marhaposan tu Ibana do rohangku, jadi dapotan pangurupion  ahu asa marolopolop ma rohangku jala pujion ni endengku ma Ibana.

U  :  Sai tumpahi ma bangsoMi jala pasupasu bangso na niainMi, sai parmahani jala usungi ma nasida rodi salelengnilelengna. Ai sai tumpahan ni Debata do Sion jala paulionNa do angka huta ni Juda asa maringan nasida disi jala nampunasa. Asa pinompar ni angka NaposoNa i tumeansa sogot, jala angka na manghaholongi goarNa maringan disi. Martangiang ma hita: Ale Jahowa Debata parasiroha na sumurung, mauliate hudok hami tu Ho,  On pe, ale Debatangku! Sai tonggor ma mataM, jala tinggil pinggolMu mangalusi tangiang di inganan on!. Ditatap Ho do ale Tuhan di tongatonga ni bagas ni dongan nami on, di las ni roha ni nasida, bagas on dilehon Ho tu nasida. Ale Tuhan, rap mandok mauliate do hami tu Ho, TondiM ma natongtong mian di tonga ni bagas on laho mandongani dohot mamasumasu pangisi ni bagas on, suang songon i ma ganup na bongot dohot na ruar sian bagas on dapotan pasupasu dohot las ni roha. Asi ma rohaM ala ni AnakMu Tuhan Jesus Kristus, Tuhan nami, Amen.   

  

5.      MARENDE BE 159 : 4 “MARTUA DONGAN ANGKA NA”

v       Martua dongan, angka na sajabu Parlas ni roha dibagasan Ho

                     O Jesus na ringkot mamasumasu  angka na holong roha i di Ho

                     Martua ma tutu sude nasida Nang di na songop hasusaan pe

                     Ai sai diapul Ho rohanasida Paima ditogu Ho tu jabuMi.          

6.    LAPATAN DOHOT OJAHAN NI BAGAS  DI  ANGKA NA PORSEA

(U : Uluan, R : Ruas, Kel : Keluarga)

U   : Hamuna dongannami na marlas ni roha keluarga,J Simanjuntak/Br Simanungkalit  ,  Nunga  dipaloas Debata hamu paulihon bagas on,  ingot hamuma hata ni Debata natarsurat di Josua 24 :15c, alai anggo ahu dohot donganku sajabu, ingkon Jahowa do oloannami. Antong, dia do impola ni bagas on di ngolumuna?

Kel :  Basabasa dohot silehon-lehon ni Debata do bagas on. Sihalashonon jala sipangkeonnami ganup ari Martangiang di bagasan pos ni roha tu Tuhan i, Inganan panjangkonon di pasupasu ni Tuhan i,

U   : Nunga dipasahat Debata bagas on tu hamu, Asa pakeonmuna bagas on patupahon na denggan tu keluargamuna, donganmuna, tu masyarakat nang  tu Huria ni Tuhan i. Ingot hamu ma Hata ni Debata di Yosua 2 : 18 b,  na mandok:                 “ .. jala papunguonmu tu lambungmu di jabu on natorasmu dohot angka ibotom dohot sandok pinompar ni amangmu”.

Kel :  Dibasabasahon Debata bagas on di hami, on pe, bahenon nami ma bagas on gabe inganan parsaoran dikeluarga besar nami, jala gabe inganan pardamean dohot parolop-olopon mida Tuhan i.

U   :  Dipauli hamu do bagas on di atas ojahan batu, dohot marhite hansing-hansing na togu, Alai boto jala ingot hamu ma : Ianggo hatoguon ni bagas on, Ima molo dipaojak jala dipajongjong, di atas ni ojahan na togu jala na manongtong i, ima Jesus Kristus Tuhan i.

 R  :  Mian ma hamu di bagas na uli on, di bagasan dame dohot hasadaon,

         Dibagasan hatoguon ni haporseaon dohot panghirimon, Di bagasan las ni roha nang di parungkilon, Maradophon Tuhan i.

U   :  Bagas on naeng ma habaoran ni pasupasu dohot dame Maradophon saluhutna na ro tu bagas on, nang maradophon saluhut jolma na humaliang bagas on.

R   :  Ale Tuhan, sai usehon ma pasupasuMi Tu dongan nami di bagas on, asa taripar pasupasuMi, nang tu angka dongannami pe.

Kel : Ale Jahowa Zebaot, Debata ni Israel, nunga dipapatar Ho tu pinggol ni naposomon hata on: Ahu pajongjongkon di ho sada bagas. Ala ni umbahen naung marhasonangan roha ni naposomon.  On pe, ale Tuhan Jahowa! Ho sandiri do Debata, jala hasintongan do angka hatam, jala nunga diparbagabaga Ho tu naposomon hata na denggan on.

R   : Antong pungka ma nuaeng mamasumasu Keluarga ni amanami, J Simanjuntak/Br Simanungkalit asa hot di adopanmu nasida ro di salelenglelengna; ai Ho sandiri, ale Jahowa marbagabagahon.

U   :  Ianggo bagas na binasa-basahon ni Tuhan i, bahen inganan pangajarion di poda na tama dohot di Hata ni Tuhan i, inganan pados tahi dohot pandapot, laho mangulahon na denggan jala na uli  marhitehite na masilehonan roha dohot pikiran.

Kel   :        Paingot ma hami Tuhan di bagasnami on, manghangoluhon  parsaorannami di bagasan dame, tongtong mangajarhon na denggan jala na uli, dohot parbinotoan di Hata ni Debata.

U   :  Ale Tuhan, sai ajari ma nasida ganup ari, asa tarbege sian bagas on angka barita na denggan na tau sihalashonon. Ende puji-pujian dohot pelean na hushus, na marparangehon haserepon dohot hadameon. A m e n.

  9.     MARENDE BE.  463 : 1 “PASUPASUM  TONGOSONMU “

      Pasu-pasuM tongosonMu,  i  do didok hataMi.

      Suru TondiM na Badia, bosur bahen rohangki.

      HagogoonMu, songgop ma tu rohangkon

      Unang sai holan manetek, gohi sandok diringkon.

10.       TANGIANG PANGONDIANON (hula-hula)

11.     Marende B.E No. 160  O TONDI PARBADIA, BONGOTI  BL. 206

v Rajai ma hami sai tongtong Pasaor tu rohanami on DameM, o Tuhannami

              Marhitehite tondiMi Ingani rohanami be Huhut patogu hami

              Dao ma bada Sian hami, jabunami baen inganan Pardamean, hasonangan.

 12.  JAMITA :CPdt B Sianturi

13.  MARENDE BE 435 : 1-2 “MOLO JESUS DONGANMI”

(P a s a h a t h o n  P e l e a n)    

1.                  Molo Jesus donganmi las roham,Jesus I pangurupi, las roham,

Hot haporseaonmi do hot pos ni roha miMardonganhon Jesus I las roham.

Las roham, las roham mardonganhon Jesus i. Las roham, marsinondang ma di ho, bintang pangkirimon I mardonganhon Jesus I las roham.

2.                  Molo Jesus donganmi las roham, JagaonNa tondimi las roham,

Tiruonmu ma tongtong dame nang holongNa I,

Saleleng dingolumi las roham. Las roham ………

13.  TANGIANG PANUTUP – PASUPASU

C.   Hata huhuasi diatur hasuhuton

Acara Partangiangan Mamasuhi Bagas Sibaganding Tua

PARTANGIANGAN MAMASUHI BAGAS SIBAGANDING TUA

Kel. J Simanjuntak/br.Simanungkalit ( A Rahel )

Jln Merpati III, No :2 Perumnas Mandala Medan

Dapotan tua do pangisi ni Bagas on sadarion (Luk 19:9)

A.   Acara pasahat kunci di joloni pintu ni bagas

1.       Penyerahan kunci sian Keluarga  J Simanjuntak/Br Simanungkalit tu Parhalado

2.       Parhalado mangungkap Pintu, Dungi Bongot ma situan natorop tu Bagas Sibaganding tua

2. Acara Kebaktian

(U : Uluan, R : Ruas, Kel : Keluarga)

1.      PANGARADEON

U:  Hamu angka na hinaholongan di bagasan  goar ni Tuhan Jesus Kristus. Tama  do mandok mauliate hita tu Debata, hinorhon ni asi ni rohaNa tu keluarga ni amanta J, Simanjuntak/Br Simanungkalit dinaboi nasida pasidunghon bagas na pinauli nasida on.

R:  Mauliate ma di Ho ale Debata. Pujion nami ma Ho sian nasa gogo, ai tung na songkal do pambahenanMu sudena.

U:  Antong dalanta manghamauliatehon saluhutna i, tapuji ma Debata, marende   ma hita.

2.      Marende BE No. 125: 1 – 2, “Marlas ni Roha Hita on”

v Marlas ni roha hita on, mamuji Debata. Ai asi ni rohaNa i do bongot tu rohanta i. Umbaen nuaeng mardomui dison sadarion, dison sadarion.

v Dibahen i manggogo be ma hita on sude. Mamuji Tuhan Jesus i, parasiroha godang i. sibaen las ni rohanta i. Nuaeng nang sogot pe, nuaeng nang sogot pe

3.      VOTUM – INTROITUS – TANGIANG

4.      Tangiang: (U=Uluan)

(U : Uluan, R : Ruas, Kel : Keluarga)

U :  Mangasahon asi ni roha ni Jahowa Debata Ama, dohot AnakNa Jesus Kristus dohot Tondi Parbadia do singkop ulaon on. Di hita na marpungu marlas ni roha tongon sadari on, tama ma hita mandok mauliate tu Tuhanta siala pasupasuNa na so habilangan hita na tongtong sahat tu ngolunta. Nunga simpul jala tipak ojak inganan on parmianan ni Keluarga ni amanta J Simanjuntak/Br Simanungkalit  ima bagas na pinauli ni pande bagas. Jala dibagasan sadarion tahalashon marhite Pesta Mamasuhi bagas on, dalanta martangiang tu Tuhanta asa dipasupasu Tuhanta saluhut pangisi ni bagas on.

Kel :Mauliate ma rohanami di Ho Ale Jahowa na marmudu hami, lumobi di pasupasuM naung mangalehon sada bagas di hami, ima nagabe ingan parmianan nami , laos ajari ma hami Tuhan asa tongtong huhamauliatehon hami pasupasuM jala hubahen hami nang bagas on bagas pamujion di GoarMu. Bagas hasorangan ni anak na pistar dohot boru na marroha bagas parpunguanmaon dihami,bagas Partangiangan dohot mangguruhon hataMi. Sai Pasupasu ma na ro dohot na ruar sian bagas on

R  :  Nunga jumpang naniluluan dapot najinalahan laos tulus nasinangkapan nasida. Molo so Jahowa paulihon bagas, loja sambing ma angka namamandei, molo so Jahowa na marhal huta i, ndang marniula hadudungoni parhal, Molo Jahowa do napaulihon dohot na marhal Dapotan tua ma pangisi ni bagas on sadarion , ai pinompar ni si Abraham do nasida

U  :  Mangasahon Jahowa, sai hamonangan do parjambarata, marhaposan tu Jahowa ma ho sian nasa roham, jala unang marpangunsandean ho tu pingkiranmu sandiri, sai Ibana ma tanda di nasa dalanmu asa Ibana patigor angka dalanmu. Tu Jahowa ma giling angka pambahenanmu, asa tulus angka sangkap ni roham. Sai jagaon ni Jahowa do ho sian nasa parmaraan, sai jagaonna do tondim , Jahowa do sijaga ho, Jahowa do parlinggomanmu dilambung ni tanganmu siamun

Kel :Jahowa do pargogongku dohot lombulombungku, marhaposan tu Ibana do rohangku, jadi dapotan pangurupion  ahu asa marolopolop ma rohangku jala pujion ni endengku ma Ibana.

U  :  Sai tumpahi ma bangsoMi jala pasupasu bangso na niainMi, sai parmahani jala usungi ma nasida rodi salelengnilelengna. Ai sai tumpahan ni Debata do Sion jala paulionNa do angka huta ni Juda asa maringan nasida disi jala nampunasa. Asa pinompar ni angka NaposoNa i tumeansa sogot, jala angka na manghaholongi goarNa maringan disi. Martangiang ma hita: Ale Jahowa Debata parasiroha na sumurung, mauliate hudok hami tu Ho,  On pe, ale Debatangku! Sai tonggor ma mataM, jala tinggil pinggolMu mangalusi tangiang di inganan on!. Ditatap Ho do ale Tuhan di tongatonga ni bagas ni dongan nami on, di las ni roha ni nasida, bagas on dilehon Ho tu nasida. Ale Tuhan, rap mandok mauliate do hami tu Ho, TondiM ma natongtong mian di tonga ni bagas on laho mandongani dohot mamasumasu pangisi ni bagas on, suang songon i ma ganup na bongot dohot na ruar sian bagas on dapotan pasupasu dohot las ni roha. Asi ma rohaM ala ni AnakMu Tuhan Jesus Kristus, Tuhan nami, Amen.   

  

5.      MARENDE BE 159 : 4 “MARTUA DONGAN ANGKA NA”

v       Martua dongan, angka na sajabu Parlas ni roha dibagasan Ho

                     O Jesus na ringkot mamasumasu  angka na holong roha i di Ho

                     Martua ma tutu sude nasida Nang di na songop hasusaan pe

                     Ai sai diapul Ho rohanasida Paima ditogu Ho tu jabuMi.          

6.    LAPATAN DOHOT OJAHAN NI BAGAS  DI  ANGKA NA PORSEA

(U : Uluan, R : Ruas, Kel : Keluarga)

U   : Hamuna dongannami na marlas ni roha keluarga,J Simanjuntak/Br Simanungkalit  ,  Nunga  dipaloas Debata hamu paulihon bagas on,  ingot hamuma hata ni Debata natarsurat di Josua 24 :15c, alai anggo ahu dohot donganku sajabu, ingkon Jahowa do oloannami. Antong, dia do impola ni bagas on di ngolumuna?

Kel :  Basabasa dohot silehon-lehon ni Debata do bagas on. Sihalashonon jala sipangkeonnami ganup ari Martangiang di bagasan pos ni roha tu Tuhan i, Inganan panjangkonon di pasupasu ni Tuhan i,

U   : Nunga dipasahat Debata bagas on tu hamu, Asa pakeonmuna bagas on patupahon na denggan tu keluargamuna, donganmuna, tu masyarakat nang  tu Huria ni Tuhan i. Ingot hamu ma Hata ni Debata di Yosua 2 : 18 b,  na mandok:                 “ .. jala papunguonmu tu lambungmu di jabu on natorasmu dohot angka ibotom dohot sandok pinompar ni amangmu”.

Kel :  Dibasabasahon Debata bagas on di hami, on pe, bahenon nami ma bagas on gabe inganan parsaoran dikeluarga besar nami, jala gabe inganan pardamean dohot parolop-olopon mida Tuhan i.

U   :  Dipauli hamu do bagas on di atas ojahan batu, dohot marhite hansing-hansing na togu, Alai boto jala ingot hamu ma : Ianggo hatoguon ni bagas on, Ima molo dipaojak jala dipajongjong, di atas ni ojahan na togu jala na manongtong i, ima Jesus Kristus Tuhan i.

 R  :  Mian ma hamu di bagas na uli on, di bagasan dame dohot hasadaon,

         Dibagasan hatoguon ni haporseaon dohot panghirimon, Di bagasan las ni roha nang di parungkilon, Maradophon Tuhan i.

U   :  Bagas on naeng ma habaoran ni pasupasu dohot dame Maradophon saluhutna na ro tu bagas on, nang maradophon saluhut jolma na humaliang bagas on.

R   :  Ale Tuhan, sai usehon ma pasupasuMi Tu dongan nami di bagas on, asa taripar pasupasuMi, nang tu angka dongannami pe.

Kel : Ale Jahowa Zebaot, Debata ni Israel, nunga dipapatar Ho tu pinggol ni naposomon hata on: Ahu pajongjongkon di ho sada bagas. Ala ni umbahen naung marhasonangan roha ni naposomon.  On pe, ale Tuhan Jahowa! Ho sandiri do Debata, jala hasintongan do angka hatam, jala nunga diparbagabaga Ho tu naposomon hata na denggan on.

R   : Antong pungka ma nuaeng mamasumasu Keluarga ni amanami, J Simanjuntak/Br Simanungkalit asa hot di adopanmu nasida ro di salelenglelengna; ai Ho sandiri, ale Jahowa marbagabagahon.

U   :  Ianggo bagas na binasa-basahon ni Tuhan i, bahen inganan pangajarion di poda na tama dohot di Hata ni Tuhan i, inganan pados tahi dohot pandapot, laho mangulahon na denggan jala na uli  marhitehite na masilehonan roha dohot pikiran.

Kel   :        Paingot ma hami Tuhan di bagasnami on, manghangoluhon  parsaorannami di bagasan dame, tongtong mangajarhon na denggan jala na uli, dohot parbinotoan di Hata ni Debata.

U   :  Ale Tuhan, sai ajari ma nasida ganup ari, asa tarbege sian bagas on angka barita na denggan na tau sihalashonon. Ende puji-pujian dohot pelean na hushus, na marparangehon haserepon dohot hadameon. A m e n.

  9.     MARENDE BE.  463 : 1 “PASUPASUM  TONGOSONMU “

      Pasu-pasuM tongosonMu,  i  do didok hataMi.

      Suru TondiM na Badia, bosur bahen rohangki.

      HagogoonMu, songgop ma tu rohangkon

      Unang sai holan manetek, gohi sandok diringkon.

10.       TANGIANG PANGONDIANON (hula-hula)

11.     Marende B.E No. 160  O TONDI PARBADIA, BONGOTI  BL. 206

v Rajai ma hami sai tongtong Pasaor tu rohanami on DameM, o Tuhannami

              Marhitehite tondiMi Ingani rohanami be Huhut patogu hami

              Dao ma bada Sian hami, jabunami baen inganan Pardamean, hasonangan.

 12.  JAMITA :CPdt B Sianturi

13.  MARENDE BE 435 : 1-2 “MOLO JESUS DONGANMI”

(P a s a h a t h o n  P e l e a n)    

1.                  Molo Jesus donganmi las roham,Jesus I pangurupi, las roham,

Hot haporseaonmi do hot pos ni roha miMardonganhon Jesus I las roham.

Las roham, las roham mardonganhon Jesus i. Las roham, marsinondang ma di ho, bintang pangkirimon I mardonganhon Jesus I las roham.

2.                  Molo Jesus donganmi las roham, JagaonNa tondimi las roham,

Tiruonmu ma tongtong dame nang holongNa I,

Saleleng dingolumi las roham. Las roham ………

13.  TANGIANG PANUTUP – PASUPASU

C.   Hata huhuasi diatur hasuhuton