Poda Tahonan Pandita

 Foto By HKBP , Naskah Agenda HKBP

I. Ramotanmuna ma arta na sian Tuhan Jesus, songon na binahen ni parmahan mangaramoti na di ibana, asa unang mago. Ai peakhononmuna do sogot rujiruji taringot tu angka na pinarmahanmuna di jolo ni Tuhan i. Na gabe sitiruon do hamu di jolo ni angka na pinasahat tu hamu. Dibahen i tangkas ma hatahon hamu tu nasida Hata ni Debata, na tarsurat di angka surat na di Padan na Robi dohot di angka surat na di Padan na Imbaru. Buat hamu ma sian Hata i poda, apoapo, sipaingot, apulapul dohot hata paminsangon, hombar tu angka na masa. Songon i do dibahen angka Apostel, songon na nidok ni Apostel Petrus: Molo adong na manjamita, dihatahon ma hatana songon Hata ni Debata; molo adong manang ise na marhobas hombar ma i tu gogo na nilehon ni Debata, asa dapotan hasangapon Debata marhitehite Tuhan Jesus Kristus di na salohutna. Sialoonmuna jala sitaluhononmuna ma nasa hatahata, na marsalisi tu Hata ni Debata. Marlambok ni roha ma hamu maminsangi angka na mangalo, anggiat dilehon Debata hamubaon ni roha, asa diboto nasida hasintongan. Antong ramoti hamu ma dirimuna dohot na sapunguan i, manang tu dia hamu dipaojak Tondi Parbadia asa diparmahani hamu Huria ni Debata, na hinophopNa i marhitehite Tuhan Jesus Kristus. Ingkon baritahononmuna do hata sihaporseaan i, i ma na nilehon ni Debata padengganhon jolma tu Ibana, ai i do dalan tu hangoluan, dalan tu hamubaon ni roha dohot dalan pardamean ni jolma tu Debata. Pardengganan na songon i ma paboaonmuna tu angka na pinasahat tu hamu. Antong singkat ni Kristus i do hamu mangelekelek jala dohononmuna ma tu jolma i: Sai olo ma hamu padengganon tu Debata.

II. Songon tangkas ni pamodaionmuna di angka na olo tu hadaulaton tu Debata, ingkon songon i ma tangkas paminsangonmuna di angka na so olo tu hangoluan, asa unang adong na mago, ala so ada sipaingot, jala unang marsapata nasida tu hamu. Ingot hamu ma na tarsurat i. Ia ho ale anak ni jolma ! Nunga hupabangkit ho gabe siparmahan ni halak Israel, ingkon tangihononmu Hata na ruar sian pamanganHu. SingkatHu ma ho, palumbahon nasida. Molo hudok tu angka pardosa na tu hamatean nama ho, gabe so dipalumba ho ibana, ndang diapuli ho ibana, asa dipauba rohana, asa mangolu, na mate do tutu pardosa i ala ni dosana, alai sian tanganmu do tungguonHu mudarna. Alai molo dipalumba ho pardosa i, hape ndang dipauba rohana dohot pambahenanna, mate ma ibana tutu di bagasan dosana, alai malua do ianggo tondim.

III. Alai ndada holan ulaon ondeng na pinasahat tu Pandita. Ai di na laho manadingkon tano on Tuhan Jesus, jumolo do dipadiri ulaon na badia na dua ragam i. Na mangan parpadanan na badia do na saragam. Na saragam nari, i ma pandidion na badia, na tinonahonNa i di na laho manaek Ibana tu banua ginjang. Asa radotanmuna ma ulaon na badia na dua ragam i; songon parhobas di bagas ni Debata ma hamu mangulahonsa. Tangkas ma pamanat hamu angka dongan i, asa holan angka na tau, angka na tumanda dosana, angka na mangarsakhon pambahenanna jala na olo paubahon rohana manjonohi panganon na badia i. Ambatonmuna do angka na jungkat, angka na lomo roha di dosa, asa unang dijonohi na badia i. Ingot hamu ma: Dipasahat Tuhan Jesus do anakhinsu ni banua ginjang tu HuriaNa i, asa dipabali angka na so olo paubahon rohana, ai ninna do: Hulehon pe tu ho anakhinsu ni harajaon na di angka banua ginjang i. Nasa na niihotanmi di tano on, na tarihot do i dohot di angka banua ginjang, jala molo adong diharhari ho di tano on, harhar do i nang di angka banua ginjang. Didok Tuhan Jesus dope: Jalo hamu ma Tondi Parbadia ! Molo disesa hamu dosa ni manang ise, naung sesa ma i, molo dipahot hamu dosa ni manang ise naung hot do i.

IV. Angkup ni radot ma hamu patureturehon angka dakdanak, maniru pambahen ni Tuhan Jesus. Ai didok Tuhan Jesus sahali: Loas hamu ma angka dakdanak i ro tu Ahu, unang orai hamu nasida, ai di angka sisongon i do harajaon ni Debata. Dibahen i ajarhon hamu ma pamusatan ni Hata ni Debata (Katechismus) dohot jamita tu angka dakdanak. Podai hamu ma nasida, asa diboto hadaulaton tu Debata dohot hapantunon tu jolma. Ambat hamu ma nasa na tau mangago dakdanak, ai parmahan do hamu, songon naung nidok ni Tuhan Jesus: Parmahani ma angka anak ni birubirungKu.

V. Ramoti hamu ma saluhut pangisi ni Huria i, angka na mabalu, angka ama, ina, dolidoli dohot anakboru, maniru pambahen ni Apostel Paulus. Ai ninna do tu halak Epesus: Dibahen i jaga ma hamu, ingot hamu ma na so mansohot ahu saleleng ni tolu taon arian dohot borngin, paingothon ganup hamu huhut mariluilu. Tangiangkon hamu ma saluhut na pinasahat tu hamu, asa diramoti Tuhan Jesus nasida jala dipasupasu marhitehite Tondi Parbadia.

VI. Angkup ni i sai ture ma parangemuna, asa tau tiruan hamu di angka na pinarmahanmuna i, tiruan di hata, di pangalaho, di haporseaon dohot di holong ni roha. Ingot hamu ma na nidok ni Hata ni Debata: Ingkon unang marhaurahon Sintua i, harajaan ni sada boruboru, unang parmabuk, na marroha, na ture marparange, na las roha di tamue, pangajari, unang sisobur tuak, unang pangalinsingi, unang parpangomoan na so tama, alai ingkon partalup ni roha do, na so parbada, na so impolan di perak, na denggan mangarajai donganna sabagas, parianakhon sioloi ajar di bagasan nasa hatomanon. Ai molo adong manang ise, na so malo manggomgomi isi ni bagasna tung beha ma tarpaturesa Huria ni Debata.

VII. Ingkon ture bahenonmuna saluhut aturan ni ulaonmuna i mangihuthon patik ni indukmuna. Sahata ma hamu dohot angka dongan Pandita: Di pangalaho ni pangoloion tu Debata, unang pulikpulik marpingkiran, unang marsalisi hata dohot roha, unang masigasipan, asa saut di hamu na pinangido ni Tuhan Jesus sian AmaNa di na nidokNa i: Sai tongtong ma di GoarMu nasida na nilehonMi tu Ahu, asa sada nasida songon Hita.

Bahasa Indonesia :Nasihat Tugas Pelayanan Pendeta

I. Peliharalah harta yang kau terima dari Tuhan Yesus seperti yang dilakukan gembala memelihra yang dipercayakan kepadanya agar jangan tersesat. Karena kamu kelak mempertanggung jawabkan mereka yang saudara gembalakan.

Saudara hendaklah menjadi teladan bagi mereka yang dipercayakan kepada saudara. Karena itu beritakanlah dengan jelas kepada mereka Firman Tuhan yang tertulis di dalam Perjanjian Lama dan Perjanjian Baru. Ambillah dari Firman itu pengajaran, nasihat, tegoran, penghiburan dan peringatan kesalahan sesusai dengan kedaan yang kamu hadapi. Karena demikianlah dilakukan para Rasul sebagaimana Rasul Petrus berkata: "Jika ada orang yang berbicara, baiklah ia berbicara sebagai orang yang menyampaikan Firman Allah; Jika ada orang yang melayani, baiklah ia melakukannya dengan kekuatan yang dianugerahkan Allah, supaya Allah dipermuliakan dalam segala sesuatu karena Yesus Kristus. Lawanlah dan taklukanlah segala perkataan dengan Firman Allah. Dengan lemah lembut tegorlah orang yang melawan agar Allah memperbahurui hati dan mengenal kebenaran. Karena itu pelihralah dirimu dan persekutuan itu, kemana pun saudara ditetapkan oleh Roh Kudus untuk menggembalakan Jemaat Allah yang telah ditebus dalam Tuhan Yesus Kristus.

Saudara harus memberitakan  Yesus Kristus yang diutus Allah untuk memperbaharui persekutuan manusia dengan Allah, karena Dialah jalan kepada kehidupan, jalan kepada pertobatann dan jalan untuk kerukunan manusia dengan Allah.

Kerukunan itulah saudara beritakan kepada Jemaat yang dipercayakan kepada saudara. Maka saudara adalah utusan Kristus untuk membujuk dan mengatakan kepada manusia : "Bersedialah dirukunkan kembali dengan Allah".

II. Sama seperti kesungguhanmu menasehati orang-orang yang mau hidup dalam kerendahan kepada Allah, demikianlah juga kesungguhan menegor mereka yang tidak mau datang kepada kehidupan, supay tidak seorngpun menjadi sesat karena tidak ada nasihat, sehingga mereka tidak dituntut kepadamu. Ingatlah selalu Firman yang berbunyi demikian : "Dan engkau anak manusia, Aku menetpkan engkau menjadi penjaga bagi kaum Israel. Bilamana engkau mendengar sesuatu Firman dari padaKu, peringatkanlah mereka demi namaKu. Kalau aku ber-Firman kepada orang jahat : Hai orang jahat engkau pasti mati ! dan engkau tidak berkata apa-apa untuk menperingatkan orang jahat itu supaya bertobat dari hidupnya, orang jahat itu akan mati dalam kesalahannya; tetapi, Aku akan menuntut pertanggungjawaban ata nyawanya dari padamu. Tetapi jikalau engkau memperingatkan orang jahat itu supaya bertobat dari kejahatannya, tetapi dia tidak mau bertobat, ia akan mati dalam kealahannya, tetapi engkau telah menyelamatkan nyawamu".

III. Tetapi tidak hanya tugas pelayanan diuraikan tadi yang diserahkan kepada Pendet. Sebab ketika Tuhan Yesus Kristus hendak meninggalkan dunia ini, Dia menetapkan dua sakramen. Yang pertama, adalah Perjamuan Kudus. Sedang yang satu lagi adalah Baptisan Kudus, yang telah dipeankan pada saat Dia hendak naik ke surga. Karena itu saudara harus memelihara kedua pekerjaan kudus itu dan melaksanakannya sebagai pelayanan-pelayanan di dalam rumah Allah. Teliti dan amatilah para anggota Jemaat, agar hanya mereka yang patut, mereka yang mengenal dosa-dosany, mereka menyesali perbuatan-perbuatannya dan mau bertobat, merekalah yang layak mengikuti Perjamuan Kudus. Tegorlah dan laranglah orang jahat yang cinta dosa tidak mendekati yang kudus itu. Ingatlah : Tuhan Yesus menyerahkan kunci Kerajaan Surga kepada Gereja agar dikucilkan mereka yang tidak mau merobah hati dan bertobat, karena dikatakan : Kepadamu akan kuberikan kunci Kerajaan Surga. Apa yang kau ikat di dunia akan terikat di sorga dan apa yang kau lepaskan di dunia ini akan terlepas di sorga. Dan lagi Yesus berkata : "Terimalah Roh Kudus. Jikalau kamu menyatakan dosa orang tetap ada, dosanya tetap ada".

IV. Selain daripada itu tekunlah mendidik dan memelihara anak-anak seperti yang dilakukan Yesus Kristus. Dia berkata : "Biarkanlah anak-anak itu datang kepadaKu, jangan menghalang-halangi mereka, sebab orang-orang yang seperti itulh yng empunya Kerajaan Allah". Karena itu ajakanlah Firman Allah kepada anak-anak. Nasihatilah mereka agar tekun beribadah kepada Allah dan mengasihi sesamanya. Cegahlah segala penyesatan karena saudara adalah gembala, eperti yang di Firmankan Tuhan Yesus Kristus : "Gembalakanlah domba-dombaKU".

V. Jaga dan peliharalah seluruh anggota Jemaat, para janda, kaum bapa dan kaum ibu, anak laki-laki dan anak perempuan, seperti diperbuat Rasul Paulus. Katanya : Sebab itu berjaga-jagalah dan ingatlah bahwa aku tiga tahun lamanya, siang malam dengan tiada henti-hentinya menasihati kamu masing-masing dengan mencucurkan air mata. Doakanlah semua orang yang diserahkan kepadamu, agar Tuhn Yesus menjaga dan memberkati mereka dalah Roh Kudus.

VI. Selanjutnya, milikilah cara hidup yang baik agar menjadi contoh dan teladan bagi mereka yang digembalakan; Teladan dalam perkataan, cara hidup, iman dan kasih. Ingatlah yang dikatakan Firman Allah : Karena itu penilik Jemaat haruslah seorang yang tak bercacat, suami dari satu istri, dapat menhan diri, bijaksana, sopan, suka memberi tompangan, cakap mengajar orang, bukan pemabuk, bukan pemarah melainkan peramah, pendamai, seorang kepala keluarga yang baik, disegani dan dihormati anak-anaknya. Jikalau seorang tidak tau mengepalai keluarganya sendiri, bagaimanakah ia dapat mengurus Jemaat Allah?

VII. Demikianlah segala perbuatanmu harus saudara lakukan dengan baik sesuai dengan yang diaturkan oleh pemimpinmu. Hendaklah saudara sepakat dengan sesama Pendeta. Di dalam kepatuhan kepada Allah, jangan berfikir sendiri-sendiri dan berselisih paham, serta saling memfitnah, agar saudara memperoleh seperti apa yang didoakan Tuhan Yesus kepada BapaNya : "Supaya mereka semua menjadi satu, sama seperti Engkau ya Bapa, di dalam Aku dan, Aku di dalam Engkau, agar mereka juga di dalam kita, supaya dunia percaya, bahwa Engkaulah yang mengutus Aku".

Poda Taringot tu Parjamita ina (Bibelvrow)

 Foto By Thomson Martua Parulian Sinaga, Naskah : Agenda HKBP

1. Dongan ni Pandita do hamu manogunogu jala mamatamatahon ruas ni Huria na masuk tu Huria Kristen Batak Protestant. Hamu do dongan ni Pandita laho manjamitahon Hata hangoluan na tarsurat di Padan na Robi dohot di Padan na Imbaru di tongatonga ni Huria sipasahaton tu hamu be.

2. Ala Parjamita di Huria hamu bahenonmuna ma nasa gogomuna marmahani birubiru ni Tuhanta, i ma angka ruas ni Huria na balga nang na metmet, na poso dohot na matua, na marsahit dohot na hisar, na jengkel dohot na burju. Apulanmuna ma angka na marsak, tungkolanmuna angka na mabalu dohot angka na tading maetek.

3. Laos songon i apoanmuna halak sipelebegu dohot angka parugamo na asing pe na manimbil sian Hata ni Debata dohot sian HuriaNa, asa dohot nasida marsaulihon na pinatupa ni Tuhan Jesus, ojahan ni haporseaonta i.

4. Ala Parjamita ina hamu di Huria Kristen Batak Protestant, tumangkas pasahaton tu hamu panghobasion di tongatonga ni angka Ina, Namarbaju dohot angka Dakdanak.

5. Angkup ni parbinotoan di Hata ni Debata, siajarhonon jala sipodahononmuna tu nasida, siradotanmuna do panghobasion na ampit tu nasida.

6. Asa saut angka na nidok ondeng ingkon marparange na denggan ma hamu di jolo ni Debata nang di jolo ni jolma. Tau tiruan ma hamu di angka na pinasahat ni Debata tu hamu. Sandok hata naung pinasahat tu hamu, radoti hamu ma sian nasa rohamuna hombar tu Hata ni Debata na mamolin i.

Bahasa Indonesia :

Nasihat Mengenai Tugas Pelayanan Penginjil Wanita (Biblevroow)

1.  Saudara adalah teman sekerja Pendeta untuk membimbing dan mengamati anggota Jemaat yang ada di dalam Huria Kristen Batak Protestan. Saudara adalah teman sekerja dari Pendeta untuk memberitakan Firman Allah yang tertulis di dalam Perjanjian Lama dan Perjanjian Baru, di tengah Jemaat yang dipercayakan kepada saudara.

2. Karena saudara adalah Penginjil di dalam Jemaat, saudara harus berusaha sekuat tenagamu menggembalakan domba-domba Tuhan, yaitu para anggota Jemaat yang telah dewasa ataupun anak-anak, orang muda dan orang tua, yang sakit dan yang sehat yang jahat dan yang baik. Hiburlah hati orang-orang yang berduka, teguhkanlah para janda dan yang yatim piatu.

3. Selain itu saudara harus membimbing penyembah berhala, juga pemeluk agama-agama lain yang menyimpang dari Firman Allah dan dari Jemaatnya, supaya mereka memperoleh bagian dalam Karya Penyelamatan Tuhan Yesus dasar kepercayaan itu.

4. Karena saudara adalah penginjil Wanita di dalam Huria Kristen Batak Protestan, maka secara khusus diserahkan kepadamu tugas pelayanan di tengah kaum wanita, pemudi dan anak-anak.

Selain pengetahuan akan Firman Allah yang akan kamu ajarkan dan nasihatkan kepada mereka, saudara harus memelihara dan mengembangkan pelayanan yang sesuai dengan mereka.

5. Agar semua yang diuraikan tadi dapat terlaksana, milikilah cara hidup yang baik di hadapan Allah dan di hadapan Jemaat. Hendaklah saudara menjadi teladan bagi mereka yang dipercayakan Allah kepadamu. Segala nasihat yang telah disampaikan kepadamu camkanlah dengan segenap hatimu sesuai dengan Firman Allah yang benar.

Poda taringot tu Haguruon

 Foto By HKBP, Naskah : Agenda HKBP

Poda taringot tu haguruon, na ingkon ulahononmuna:

1. Dongan ni Pandita do hamu manguluhon jala mamatamatahon ruas ni Huria na masuk tu Huria Kristen Batak Protestant. Hamu do dongan ni Pandita, laho manjamitahon Hata hangoluan na tarsurat di Padan na Robi dohot di Padan na Imbaru di tongatonga ni Huria sipasahaton tu hamu be.

2. Ala parjamita di Huria hamu, bahenonmuna ma nasa gogomuna marmahani birubiru ni Tuhanta, i ma angka ruas ni Huria na balga nang na metmet, na poso dohot na matua, na marsahit dohot na hisar, na jengkel dohot na burju. Apulanmuna ma angka na marsak, tungkolanmuna angka na mabalu dohot angka na tading maetek.

3. Laos songon i apoanmuna halak sipelebegu dohot halak Silom dohot sandok angka na asing pe na manimbil sian Hata ni Debata dohot sian HuriaNa, asa dohot nasida marsaulihon na pinatupa ni Tuhan Jesus, ojahan ni haporseaonta i.

4. Ala guru hamu di Huria Kristen Batak Protestant, pasahaton ma muse tu hamu angka dakdanak siajaranmuna/sitogutoguonmuna. Tamba ni angka parbinotoan sikola ajarhononmuna ma tu nasida nang Hata ni Debata, anggiat tartogu nasida tu panandaon di Tuhanta Jesus.

5. Asa saut angka na nidok ondeng, ingkon marparange na denggan ma hamu di jolo ni Debata nang di jolo ni jolma. Tau tiruan ma hamu di angka na pinasahat ni Debata tu hamu. Sandok hata naung pinasahat tu hamu, radoti hamu ma sian nasa rohamuna hombar tu Hata ni Debata na mamolin i.

Bahasa Indonesia :

Tugas-tugas Pokok Pelayanan Guru Jemaat :

1. Saudara adalah teman sekerja Pendeta untuk mengamati anggota Jemaat yang ada di dalam Huria Kristen Batak Protestan. Saudaralah teman sekerja pendeta untuk memberitakan Firman Hidup yang tertulis di dalam Perjanjian Lama dan Perjanjian Baru di tengah-tengah Jemaat yang dipercayakan kepada saudara.

2. Saudara adalah pengkotbah di jemaat, karena itu berbuatlah dengan segala kekuatanmu untuk menggembalakan domba-domba Tuhan, yaitu : Mereka yang dewasa dan anak-anak, Pemuda dan Orang Tua, yang sakit dan yang sehat, yang jahat dan yang baik. Hiburkanlah mereka yang berdukacita dan tolonglah para janda dan yatim piatu.

3. Saudara juga harus membimbing penyembah berhala dan menasehati mereka yang belum mengenal Tuhan, serta mereka yang menjauhkan diri dari Firman Tuhan dan dari persekutuan jemaatNya, supaya mereka turut serta memperoleh bahagian di dalam karya penyelamatan Tuhan Yesus Kristus yang adalah dasar iman kepercayaan kita.

4. Karena saudara adalah Guru Jemaat di Huria Kristen Batak Protestan, kepada saudara diserahkan tugas mendidik anak-anak. Selain mata pelajaran sekolah, saudara harus mengajarkan Firman Tuhan supaya mereka mengenal Tuhan Yesus.

5. Agar yang diuraikan di atas terlaksana, saudara harus memiliki cara hidup yang baik di hadapan Allah dan di hadapan Jemaat. Jadilah teladan bagi Jemaat yang diserahkan Tuhan kepada saudara.

Poda Taringot tu Diakones

 Foto By : Diakones Riana Sinaga, Naskah : Agenda HKBP

1. Pangula ni Huria do hamu mangaradoti angka ulaon parasinirohaon di tongatonga ni Huria dohot di masyarakat. 2. Ragam do angka ulaon parasinirohaon na pinungka ni Huria, songon dalan manjamitahon asi dohot holong ni roha ni Debata:

- Pangubation dohot sumarihon angka na ringkot di na marsahit.

- Patureturehon angka na mardangol.

- Patureturehon angka na tading maetek.

- Mangurupi angka na pogos dohot angka na di bagasan hasusaan.

- Manungkoli angka na mabalu dohot angka na matua. - Mangurupi angka na suda gogo.

3. Siapulanmuna do angka na marsak, sitoranganmuna do roha ni angka na marsitaonon, situngkolanmuna do haporseson dohot pangkirimon ni angka na naeng mandele.

4. Ulahononmuna do panogunoguon asa diboto halak manjagahon hahipason ni pamatangna, asa diboto jala diparangehon parange na denggan.

5. Manang di dia pe pajumpang hamu dohot halak na ringkot manigor urupan, hobas ma mangurupi hombar tu na tarpatupa hamu, so mamereng upa.

6. Gabe parasi ni roha ma hamu songon Amamuna Parasiroha i, asa pangula na ringgas hamu jala na hinsa.

Bahasa Indonesia :

Nasihat Tugas Pelayanan Diakones :

1. Saudara adalah  pelayan Jemaat untuk mengerjakan pelayanan diakonia di tengah-tengah Jemaat dan masyarakat.

2. Pemberitaan, pengasihan Allah dilakukan oleh Jemaat dalam bentuk pelayanan diakonia yang beranekaragam :

-   Pengobatan dan pengadaan kebutuhan orang sakit,

-   Pemeliharaan dan perawatan yatim piatu,

-   Membantu orang miskin yang menderita,

-   Memberi dukungan bagi para janda dan orang-orang yang tua,

-   Melayani orang jompo.

3. Hendaklah kamu menghibur orng berduk, memberi semangat kepada orang yang tidak percaya, meneguhkan iman dan pengharapan mereka yang diancam keputus asaan.

4. Hendaklah kamu memberi bimbingan dalam bidang kesehatan dan budi pekerti yang baik.

5. Hendaklah kamu siap setiap waktu memberi bantuan yang diperlukan tanpa mengharapkan balas jasa.

6. Hendaklah kamu murah hati, sama seperti Bapakmu murah hati supaya kamu menjadi pelayan yang baik.

Poda Taringot tu Sintua

 Foto Oleh : St Sarda Sitompul, Naskah : Agenda HKBP

1. Pangula ni Huria do nasida mamatamatahon dongan angka na pinasahat tu nasida dohot mangaramoti parangenasida. Molo diboto nasida, na hurang ture parange ni manang ise, ingkon pinsangonnasida i, manang paboaonnasida tu Guru dohot tu Pandita, asa dipature.

2. Mandasdas donganta tu parmingguan dohot manangkasi alana umbahen na so ro.

3. Mandasdas anakboru sikola, asa ondop ro.

4. Maningkir angka na marsahit jala paturehon na ringkot tu nasida dohot nasa na tarpatupasa, alai na rumingkot, pasingothon Hata ni Debata tu nasida dohot tumangiangkonsa.

5. Mangapuli angka na marsak, paturehon angka na dangol dohot na pogos.

6. Mangapuli angka sipelebegu, angka parugamo na asing dohot angka na lilu, asa dohot marsaulihon hangoluan na pinatupa ni Tuhan Jesus.

7. Mangurupi paturehon angka guguan dohot ulaon na ringkot tu Harajaon ni Debata.

Bahasa Indonesia :

Tugas-tugas pokok pelayanan Penetua adalah sebagai berikut :

1. Mereka adalah pelayan jemaat untuk mengamati anggota-anggota jemaat yang dipercayakan kepada mereka dan meneliti perilakunya. Apabila mereka mengetahui seseorang tidak berperangai yang baik, dia harus sitegor dan diberitahukan kepada guru jemaat dan kepada pendeta untuk dinasehati.

2. Mengajak anggota jemaat untuk datang beribadah dan meneliti alasan-alasan orang-orang yang tidak mengikutinya.

3. Mengajak para anak sekolah untuk rajin bersekolah.

4. Mengunjungi orang sakit dan memberi bantuan sesesuai kemampuannya, namun yang terpenting adalah mengingatkan mereka akan Firman Allah dan mendoakannya.

5. Menghibur orang yang berdukacita, merawat orang yang susah dan orang miskin.

6. Membimbing penyembah berhala, orang sesat, supaya turut serta memperoleh hidup dalam Yesus Kristus.

7. Membantu pengumpulan dana dan tugas pelayanan Kerajaan Allah.