Tertib Acara Partangiangan Parhalado Sa Resort Wahidin Baru

TERTIB ACARA PARTANGIANGAN PARHALADO/KELUARGA Se Resort Wahidin Baru   & Parningotan  Ari Hatutubuni HKBP ke 153

7 Oktober 1861-7 Oktober 2014

Hinasuhuthonni : St G Simarmata/Br Naibaho

Selasa 7 Oktober 2014

Hatorangan  U : Uluan : H : Huria  

01.  Marende No : 565 : 1-2  “Las rohangku lao mamuji”

      Las rohangku lao mamuji Debata parholongi

      Sogon bunga na mangerbang dinabisar ari i

      Arsak dohot haporsuhon mago dibaen AsiMi

      Lasniroha namanongtong lehon di au Tuhan ki

      Sude jadijadianMu, laut, tano, langi i

      Angka bintang dohot bulan nang matani ari i

      Hauma ladang, nang harangan, rura dohot dolok i

      Saluhut na mangendehon sangap di Tuhanta i

02.  VOTUM – INTROITUS

U : Marhitehite goar ni Debata Ama dohot goar ni AnakNa Tuhan Yesus Kristus dohot Goar ni Tondi Parbadia na manompa langit dohot Tano on.

H  : Amen.

U :      Olophon ma Jahowa, ale sandok tano on! Oloi hamu ma Jahowa marhitehite las ni roha, ro be ma hamu tu joloNa marhitehite olop-olop.

H  : Boto hamu ma on: Jahowa do Debata; Ibana jumadihon hita, jala Ibana nampuna hita, bahen bangsona dohot biru-biru pinarmahanNa.

U  : Bongoti hamu ma angka bahalNa marhitehite hamauliateon, angka alamanNa marhitehite pujipujian, mauliate ma roha muna tu Ibana, puji ma goarNa. Haleluya.  Martangiang ma hita: Ale Tuhan Debata, Amanami na di banua ginjang ! Ho do haroroan ni sude denggan basa na marragamragam i. Alani pasupasuM do umbahen  taripar hahipason hami sahat tu tingkion, Di,  Dibahen i marpungu hami nuaeng  Parhalado/Keluarga Saresort Wahidin Baru mandok mauliate sian nasa rohanami tu Ho. dohot manghamauliatehon naung gok 153 taon HuriaM HKBP di Portibion Tongon mai di ari sadarion. Ho ma namandongani huriaM  dohot namanumpah bangsonami, asa lam tusadana jala lam tu Ringgasna hami ParhaladoM manghobasi di tonga tonga ni huriaMi .  Sian tanganMu do sude hujalo hami nasa na denggan  tu dagingnami dohot tu tondinami, jala asi ni rohaM do na mangaramoti hami. On pe sai jalo ma hamauliateon ni rohanami. Angkup ni I sai lehon ma TondiM tu hami, na mamuhai dohot patiurhon matani rohanami, asa lam hobas hami marmahani dohot manghobasi HuriaMi, lam ringgas rohanami mamuji dohot pasangaphon Ho marhitehite Tuhan Jesus Kristus, Tuhannami. Amen.

03.  Marende 672 :1  “ Tung godang situtu”

     Tung godang situtu ulaonmu antong dipasahat Tuhanta tu ho

      Dang adong be tingkim marnalemba tahe ngolumi bahen tiruan tongtong

     Sai patupamai alani Tuhan I somanghirim balosna tu ho

     Debata do marnida naniulami manang na adong parbueni  i.

04.  MANJAHA EPISTEL MATEUS 22:1-14

U : Dungi di ulahi Jesus ma marumpama tu nasida songonon

H : Tarpatudos do harajaon banua ginjangi tu sada raja na mamestahon anakna namangoli

U :  Jadi disuru ma angka naposona manjou angka naginonghonna hian tu pestana i hape ndang olo nasida ro

   H : Dung i diulahi ma , disuru ma naposo na asing, ninna ma; “Paboa hamu ma tu angka naung ginonghon : Nunga huparade panganon pestai, nunga hupotong angka horbo dohot lombu, nunga rade saluhutna, Ipe, ro ma hamu tu pesta i

  U : Alai na laho be do nasida di tois ni rohanasida; Na sada tu haumana, na sada tu partigatigaonna

  H :  Alai ditangkup na deba angka naposona, dipasipalsipal jala dipusa

  U: Jadi tarrimas ma raja i , disuru ma angka soldaduna mangalengsehon angka pamunui jala manurbu hutanasida

  H : Dungi ninna mandok angka naposona “Nunga rade nian nahasea tu pestai, alai ndang tau angka na pinio i

  U : On` pe laho ma hamu tu angka dalan balobung, arahon hamu ma tu haroan on nasa na dapot hamu

   H : Jadi saut ma laho angka naposoi tu angka dalan, ditogihon ma saluhut na jumpang nasida, angka na jahat dohot na denggan, gabe gok tamue ma parpestaan i

  U : Alai laho bongot raja i mamereng angka tamuena , dapot matana ma disi sada halak na so marpahean pesta

  H : Jadi didok ma tu ibana: Na boha do parmasukmu tuson,  Amang, ai ndang marpahean pesta ho? Gabe manghohom ma ibana

  U : Dungi didok raja I ma tu angka naposona: “Tali hamu ma patna dohot tanganna, laos pabali hamu ma ibana tu naholom namarimpotimpot disi ma masa anggukangguk dohot na patungoripon

    H : Ai laon do na jinou, alai otik do na tarpillit: Ima Sahat na Martua ma  angka natumangihon hata ni Debata Jala   naumpeopsa

   H   : Amen

05   MARENDE  774 : 1 “ Tung mabaor sian Ho”

      Tung mabaor sian Ho, mual hanguluan i

      Ai torop pe batang aek angka dolok dohot rura

      Nang pe langit dohot tano Ho do namanompa i  

      Ho do namanompa i ,  Ho do namanomp i, Ho do namanompa i

06.  Tangiang Pangondiannon ( Namanjabui )

07.  MARENDE  518 : 1 “Marsinondang Dibaen Jesus”

      Marsinondang dibaen Jesus asi ni rohaNa i,

      Jala hita do disuru , asa ta paboa i.

      Ta pagalak palitonta, ta patiur dalan i,

      Ai torop dope na lilu, sai hatopma mulak i.

      Nang au on na dao najolo, di na holom lilu au,

      Alai sondang ni Tuhanku do mamboan mulak au.

      Ta pagalak palitonta, ta patiur dalan i,

      Ai torop dope na lilu, sai hatopma mulak i.

08.  JAMITA : Jesaya 25 : 1-9 ( Pdt B Sianturi)

09.   Marende No    470: 1-2 “Jesus Ho Nampuna”) ( P Pelean )

Jesus Ho nampuna au dohot na adong di au

Gogo dohot hosangki sahat ma tu tangan Mi,

Sai rajai ma matangki manangkasi hataMi

Sai patinggil pinggolhi tumangihon hataMi

           Dohot tanganki tahe naeng manjama na ture

            Dohot pat sai naeng tongtong mandalani dalanMon 

10.    Borhat Asa Marparbue, Rimpas tu nasa ulaon na denggan

U   : Ahu do mamillit hamu  jala Hupadiri hamu asa laho marparbue, jala asa mian parbuemunai  

H    : Dison do au Tuhan Suru ma ahu

U    : Radoti hamu ma angka patikHu; I ma dalanna asa mian hamu dibagasan holong ni rohangKu

H    : Saluhutna do tarpatupa ahu marhitehite Ibana na margogoihon ahu

U    :  Laho ma hamu , podai hamu ma saluhut bangso, laos ajari hamu ma nasida mangaradoti hata naung hupatikhoni tu hamu, ai idama sai na dongananHu do hamu ganup ari rasirasa ro ajal ni hasianganon

H    : Gabe daging ma hatai jala maringan di tongatonga ni hita on

U    : Namangaradoti hatangKi ndang idaon ni be hamatean salelenglelengna, Antong ramoti hamu ma dirimu ro disandok panggungan i, ai dipatindang Tondi Parbadia i do hamu gabe simatamatai, asa diparmahani hamu Huria ni Tuhan i , na tinobusNa marhite mudarNa i sandiri.

H   : Diparbadia Tondi parbadiai ma hami gabe sun denggan, jala diramoti ma tondi nami, nang roha nang daging , asa ias so hasurahan sahat ro di  haroroni Tuhanta Jesus Kristus

U     : Jamitahon hata i , hajongjonghon i di ganup tingki na une nang so une;pinsang, paingot apoi marhitehite lambas ni roha dohot pamodaion, radoti natama ulaon ni parbarita na uli, sahat ula Tohonan mi

H   : Nunga hupasidung paraloan na denggan i, nunga hupaujung parlojongonhi: ramot hubaen haporseaon i.

U     : Ai nasa Surat i sinihathon ni Debata do:jala hasea mamodai, maminsang, pauliulihon , manogunogu di bagasan hatigoran. Asa rimpas halak ni Debata, hobas tu nasa ulaon na denggan

11.     TANGIAN PANUTUP/PELEAN/ ALE AMANAMI/PASUPASU