BUKU PARTANGIANGAN HKBP DISTRIK XIII ASAHAN LABUHAN BATU EDISI FEBRUARI-JUNI 2023

 

KATA PENGANTAR

 

Mauliate ma tapasahat tu Debata Parholong roha ala holong dohot asi ni rohaNa na tongtong mangaramoti parngoluonta siganup ari. Jala marhite asi ni rohaNa mardalan do huria i di tongani portibion. Ndang tarbahen so las rohanta tarlumobi boi hita bongot tu taon 2023. Ditotophon Hurianta do orientasi pelayanan 2023 taon Profesionalisme dalam Penatalayanan dohot tema “Mardongan biar dohot lomos ni roha ulahon hamu ma haluaonmuna! / kerjakan keselamatanmu dengan takut dan gentar (Filipi 2:12).” Marhite taon profesionalisme dalam penatalayanan disosohon do tu hita asa marsitutu mangulahon panghobasion ditongatonga ni Huria.

Songon missi ni HKBP patulushon visi ni HKBP tarjou do tongtong huria i asa mangolu di roha na martangiang. Huria marsasahalak nang pe Huria di tonga di keluarga manang lunggu/sektor/wyjk. Tabaen ma bagasta gabe bagas partangiangan marhite jamita partangiangan na pinaharuar ni Distrik XIII Asahan Labuhanbatu asa tongtong hata ni Debata tarbarita di tongatonga parngoluonta ganup. On ma edisi pasampulutoluhon buku partangiangan HKBP Distrik XIII Asahan Labuhanbatu na disurathon Pangula na gok tingki HKBP Distrik XIII Asahan Labuhanbatu. Anggiat marhite buku partangiangan i, lam tahauashon ma parade tingki marsaor dohot Tuhanta. Jala lam tarida ma parsaoran na rosu natoras dohot ianakhon, ai hata ni Debata do gabe bohal partondion ni ianakhon laho manangkasi hata ni Debata.

Pinasahat ma mauliate tu angka panurat na parade tingki laho manurat buku partangiangan on songoni nang tu editor. Marsangap ma Tuhan i jala tarpasupasu ma sude Parhalado dohot Ruas ni Huria HKBP sa-Distrik XIII Asahan Labuhanbatu marhite panghobasion.

 

 

Kisaran, Januari 2023

Praeses HKBP Distrik XIII Asahan Labuhan Batu

 

 

Pdt. Winner Sitorus, MMin

MINGGU SEPTUAGESIMA 05 PEBRUARI 2023

01. Marende BE No.17: 1+3 “Raja Na Tummbul” 02.Votum:A.V/A.2 – D.V/17

03.   Manjaha Epistel: Jakobus 1: 22 - 25

04.  Marende BE No.25: 1 – 2 “HataMi Ale Tuhanhu” 05.Jamita : Jesaya 58: 1-9a

GABE SIULAHON HATA I

(HIDUP BENAR SESUAI DENGAN HUKUM TUHAN)

Huria hinaholongan ni Tuhanta Jesus Kristus!

Di parngoluan si nuaeng, lumobi di era kemajuan teknologi on. Torop do jolma namian di dunia simulakra (simulakra adalah sebuah ungkapan latin untuk menjelaskan suatu kondisi realitas yang semu atau palsu, penuh kepura-puraan dan kebohongan demi mencitrakan bahwa sesuatu itu baik, indah,cantik atau tampan dan tidak bercacat, padahal tidak demikian kenyataannya). Molo taparrohahon di media sosial, mansai uli do dipatuduhon angka foto ni torop jolma, muba sian nasasintongna ai nunga diedit laho pamagohon angka nahurang sian tampilan aslina. Ingkon manat do hita asa unang holan mamereng tampilan parduruna sambing. Dibahen i di dunia simulakra nuaeng on pembuktian do na rumingkot, lobi sian gombaran manang barita naung dipatuduhon.

Isarana, adong dua bengkel jala hita naeng manservis kareta manang motorta di bengkel on. Bengkel nasada ias jala rapi. Saluhut proses perbengkelan didesain marhite sistem komputerisasi na canggih. Ruang tungguna pe ias jala lambok jala tontu sahali arga bayaranna. Hape bengkel nasadanari ndang haru ias jala rundut idaon. Proses perbengkelanna pe ndang canggih, alai sistem manual dope. Ruang tungguna pe sompit jala mohop. Alai dung kaluar mobil sian bengkel na parjolo, pintor mangulahi ma muse sega motorta on, ai ndang denggan hape hasilna. Hape dung dijama bengkel na paduahon, gabe denggan jala ndang jumpa hita be na sega dimotorta on. Bengkel nadia ma natapillit? Gombaran on naeng patuduhon, ndada tampilan parduru napatuduhon kualitas ni bengkel, alai kondisi ni motor dung kaluar sian bengkel i.

Tudos tu si ma nang ngolu parsombaonta, ndada ditontuhon situasi ni hagirgironta mandohoti parmingguon, partangiangan, dohot ragam ni ulaon ni

huria. Naringkot do tutu saluhutna i, alai ndang narumingkot. Ai dao do umpatar kualitas ni parsombaonta dung sidung parmingguon manang partangiangan, ima di parngoluonta siganup ari. Apa yang kita ikuti di gereja adalah ibadah. Namun ibadah yang lebih sejati sesungguhnya terjadi di dalam kehidupan sehari-hari. On ma na digoari ibadah keseharian. Ingkon sarombang do pangalaho siganup ari tu haringgason di ngolu parsombaon

 

Huria hinaholongan ni Tuhanta Jesus Kristus!

Di ombas ni turpuk on, dibereng Debata do adong realitas na ironis di tongatonga ni ngolu parsombaon ni bangso Israel. Na girgir do nian bangso i di ngolu parsombaon jala ringgas do nasida marpuasa, ariari do dilului nasida Debata, dihalomohon nasida do nang parbinotoan di angka dalan ni Debata jala dipangido nasida do nang uhum hatigoran sian Debata. Alai ndang marhadomuan tu si anggo pangalaho nasida siganup ari. Didok nasida do siihuthon Tuhan nasida hape roha nasida mansai dao do sian Tuhan i. Sai girgir do nasida manggulahon nasa ritual parsombaon alai ndang dapot nasida anggo unok ni parsombaon i. Girgir do nasida martangiang, marpuasa jala mamestahon sabbat huhut mamboan peleanna alai sai tongtong mian di angka ulaon hajahaton. Dihobasi nasida do Debata alai dihobasi do nang hinagiot ni rohana dohot portibi on. Paula dihalomohon nasida do sondang sian Debata alai dipillit nasida do mian di hagolapon.

Alai ndada namuba rohana, laos manungkun dope bangso i tu Debata “Boasa tung marpuasa hami hape ndang diida Ho, hupasipal hami dagingnami hape ndang dipardulihon rohaM?” Dirimpu roha nasida molo nunga marpuasa nasida, gabe ingkon sai tangihonon ni Debata ma nasida. Hape ndada siida ruhut parduru Debata, ruhut parbagasan do. Dihagigiihon Debata do angka parsombaon na so marparbue di ngolu siganup ari. Tangkas do diboto Debata na so marparbue ngolu parsombaon nasida i. Dibahen i do ditongos Debata naposona si Jesaya laho pangiarhon soarana pabotohon tu bangso hinaroa ni pambahenannasida i.

Dipatolhas panurirang Jesaya do ia parpuasaan nahinalomohon ni Debata ima: mangharhari angka ihotihot ni hajahaton dohot palua angka tali ni auga, mamonggoli roti tu halak namale, manogihon tu jabu halak nadangol dohot panangkarnangkar, mangabiti halak namasaemara, jala patuduhon diri laho mangurupi sibukniba (saudara). Laos dijanjihon Debata do binsar ma hatiuron songon buha siang ari tu angka namangulahon angka ulaon holong dohot parasinirohaon jala alusan ni Debata ma molo joujou nasida.

Dibahen i molo naeng mangulahon parsombaon angka na porsea i, tangkas ma nian diboto na ingkon marujung ngolu parsombaon i tu angka pangalaho na denggan di parngoluan siganup ari. Ndang sae ulaon parsombaon tu Debata holan di bagasan ibadah parmingguon manang angka partangiangan, na diulahon hurang lobi dua jom. Na ingkon marpangontak do i tu rumang ni parngoluanta siganup ari. Hata ni Debata naung taparsaorhon ditongatonga ni parmingguon taboan ma i mulak bahen bohalta mangula angka na denggan di jabu di tongatonga ni keluarga, di angka parsaoran dohot dongan sahuria, hombar jabu, dongan saulaon, dohot sude tahe na humaliang hita, tarlumobi maradophon angka halak na pogos, gale jala namangharingkothon pangurupion. Amin.

Sungkunsungkun :

1.        Songon dia do parsitutuonta saleleng on mandohoti parsombaon tu Debata marhite parmingguon, partangiangan, dohot parsaoran na asing di tongatonga ni huria i?

2.        Songon dia ma pangontak ni parsombaonta i lumobi di na marpangalaho di ngolu siganup ari?

 

06.   Marende BE No.678: 1 + 3 “Pauba Roham Tu Jahowa”

07.   Tangiang Sian Na Ro

08.   Marende BE 677: 4 “Mansai Lambok”

09.   Tangiang Sian Na Manjabui

10.   Marende BE No. 470: 1.... “Jesus Ho Nampuna Au”

11.   Tangiang Panutup

 

Pdt.Winner Sitorus, MMin Praeses HKBP Distrik XIII Asahan Labuhan Batu

MINGGU SEXAGESIMA 12 FEBRUARI 2023

01.  Marende BE No. 588: 1 – 2 “Tasomba Tongtong”

02.  Votum: A.V/A.3 – D.V/19

03.  Manjaha Epistel: Psalmen 119: 1 - 8

04.  Marende BE No. 140: 3 – 4 “Girgir Ma Hamu”

05.  Jamita: 1 Korint 3: 1 – 9

TUA NI HALAK NA DAULAT MARROHA

(KEBAHAGIAAN ORANG YANG HIDUP MENURUT TAURAT TUHAN)

 

Hamu angka dongan, na masa do parbolatbolatan di tongatonga huria na di Korint, ima ala adong di nasida na memiliki fanatisme na timbo tu angka Apostel i. Gabe adong ma kelompok-kelompok na mandok: Anggo hami sisean ni Paulus, adong na mandok hami sisean ni Apollos, sisean ni si Kefas jala adong muse na mandok Sisean ni Tuhan Jesus. Hape masing-masing Angka Apostel i, mangajarhon taringot tu Tuhan Jesus, tontu dengan cara dan kemampuan yang berbeda-beda. Alai gabe asing ma pemahanan ni angka huria i, ala ganup nasida memfavoritkan na dibagasan rohana be, gabe tubu ma parbolatbolatan di nasida. Marhite turpuk on adong ma tolu sipaingot ni Ap Paulus laho pasidungkon parbolatbolatan i:

1.    Unang be mangolu dibagasan roha daging (manusia duniawi)

Saleleng mangolu jolma dibagasan roha daging, ima tanda ni haporseaon na so magodang, na torus songon posoposo na so ra magodang, nangpe naung godang umurna alai sai tong dope sipanganonna susu (makanan bayi) dang dope makanan keras (sipanganon ni na magodang). Nunga targoar nasida angka naung porsea, naung manjalo Tondi Parbadia, alai pambahenan nasida ndang dope hombar tu pangulaon ni Tondi Parbadia. Ala olo dope nasida terjebak tu parbolatbolatan na holan ala na menfavoritkan naposo ni Debata. Madabu nasida tu na membanding-bandingkan na mabahen nasida madabu tubagasan parbolatbolatan, ndada holan i, laos masa do dinasida pangiburuon, dohot panihaion nasida tu nasida (sesama mereka). Pangalaho na songon on, ima pangalaho naung somal di nasida andorang so ditanda nasida dope Kristus i. Laos sipaingot ma on nang tu angka huria di partingkianon, ai boi do tutu nunga leleng hita gabe Kristen jala nunga sian ompung ni ompungta, alai sai boi dope lohot

bangko na leleng i, mura dope hita marsalisi, jala boi sahat tu na marbolatbolat. Jala jotjot dope hita songon “gotilon botik” na mura terluka, mura marhansit ni roha, jala natorus manimpan dendam dohot parmusuon. Alani unang be nian roha daging i tapangasahon alai taloas ma Tondi i mangula dibagasan hita (Gal 5:22).

 

2.    Dongan pangula ni Debata do hita (mitra Kerja Allah)

Hombar tu parbolatan na masa di huria i ima na adong mengkultuskan seseorang sian angka Apostel hombar tu kelompokna be, dibuat Paulus ma sada tudosan na mansai mura antusan ima taringot pertanian, adong na manuan, jala adong ma na pabornokkon/maniram alai ndang adong sian pangulai na boi patubuhon. Paulus do na manuan, Apollos do na pabornokhon alai Debata do anggo na patubuhon. Asa nanaeng dohonon ni Paulus ima : saluhut Apostel i ima naposo, pangula manang Parhalado ni Debata. Lapatanna ndada marlapatan angka naniula ni Apaostel i molo ndang Debata na marsuru, jala Debata do na pajadihon, asa Debata do sasintongna na gabe pusat perhatian ndang jolma nasinuruNa i. Pertumbuhan hanya berasal dari Allah, tanpa Allah maka usaha menanam dan menyiram tidak ada gunanya. Ndang marlapatn naniula ni angka pangula molo ndang Debata na patubuhon. Asa molo boi jongjong angka Apostel i manang parbaritanauli i mangula ulaon ni Debata, ingkon dirajumi do i songon asi ni roha ni Debata. Alani ingkon ganup mangula hombar tu lomo ni roha ni nampuna ulaon i, ima Kristus. Molo boi diula angka naposo ni Debata angka ulaon na pinsahat ni Debata tu ibana ingkon dohononna do: Naposo na so hasea do hami; intap ulaon na patut do huula hami ( Luk 17:10). Laos songon i ma nang di angka ulaon siganup ari, atik tung boi taula lobi sian naniula ni dongan unang ma adong an mangarajumi bahwa humebat hita sian donganta, alai tarajumi ma paboa dilehon Debata do angka silehonlehon na marragam tu ganup jolma dohot tujuan asa rap masitumpahan jolma i laho pasauthon lomo ni roha ni Debata.

3.    Kristus do ojahan ni parsaoranta

Digombarhon do parsaoran ni angka na porsea i songon sada bangunan (bagas), na materialna terdiri sian angka material na marragamragam mulai na ummura sahat tu na ummarga, alai ndang boi adong na manghilala umporlu/lebih utama ala ni argana, jala manang songon dia pe asa denggan bagas i ingkon na dibangun do i diatas ni ojahan na togu. Marragam do latarbelakang ni jolma diparsaoran dibagasan Tuhan i (Huria) alai ingkon Kristus do ojahan parsaoran i.

Antong, songon hataridaan ni naung magodang dibagasan Kristus, tapatuduhon ma parsitutuonta mangulahon ulaon ni Tuhan i, jala tapasiding ma angka parbolatbolatan sian tongatonganta. Jala ganup ma hita mangarajumi ulaula ni Debata sambing do hita naso tarbahen hita agia aha anggo tung mangasahon hadirionta, alai marojahan tu asiniroha ni Debata. Margogo ma hita mangula ulaonta i, alai unang ma hita na gabe pusat perhatian, alai Debata ma na marsangap diulaonta i. Amen.

 

Sungkunsungkun :

1.    Aha do na jumotjot borsir ni parbolatan di tonga ni keluarga, Huria dohot masyarakat?

2.   Songon dia do hita asa mangolu dibagasan dame dohot halak na marasing sian hita?

06.  Marende BE No. 123: 1 + 3 “Ale Dongan Na Saroha”

07.  Tangiang Sian Na Ro

08.  Marende BE No. 481: 3 “Godang Dope”

09.  Tangiang Sian Na Manjabui

10.  Marende BE No. 724: 1... “Tuhan Baen Ma Ngolungjkon” (P.Pelean)

11.  Tangiang Panutup

 

 

Pdt. Janti Dantes Nababan Pandita HKBP Resort Desa Gajah

MINGGU ESTOMIHI 19 FEBRUARI 2023

01.  Marende BE No 17: 1+3 “Raja Na Tumimbul Sigomgomi Hami”

02.  Tangiang Pamuhai    Votum A.VI.A6 – D V.26

03.  Turpuk Epistel 2 Petrus 1 : 16-21

04.  Marende BE No 581: 1+3 “Sangap di Jahowa”

05.  Jamita: Psalmen 99: 1 - 9

JESUS RAJA NA SANGAP NABADIA (YESUS SANG RAJA YANG MAHA MULIA)

1.        Ise do Debata ? Dang boi tatanda Debata anggo sian dirinta, dang boi tarlului manang tardapothon hita Debata molo holan sian gogo dohot pingkiranta. Debata do na mangalului jolma jala Debata do nang na papatarhon diriNa tu jolma. Asa ingkon tangkas do I di hita, asa unang gabe tadok nunga pajumpang, nunga mangkatai ahu dohot Debata. Dang si Abraham na mangalului Debata, songoni si Musa,Aron, dohot si Samuel. Alai tung Debata sandiri do na papatarhon diriNa dohot na manjou nasida laho patulushon sangkap lomo ni rohaNa. Cara ni Debata papatarhon diriNa ima marhite angka jadijadian na tinompaNa (langit dohot tano) tapatudos tu hata haporseaonta na tahatindanghon: Ahu Porsea di Debata Jahowa na tumompa langit dohot tano on. Sian panompaon I naeng botoonta: Holan Debata do na berdaulat,na marhuaso di nasa na tinompaNa. Asa unang disegai,dirusak jolma na tinompaNai ( tapatudos tu barita panompaon I , dung ditompa sian panompaon na I -VI sai didok Debata do : Nunga denggan situtu diida Debata.

Dipapatar Debata do diriNa secara khusus dibagasan Jesus Kristus. Diabagsan Kristus Jesus ma patar hadirion ni Debata na sempurna. Kesempurnaan holong ni Debata marhite panghophophonNa na badia. Sian panghophophonNai ma gabe tartobus hita dohot sude nasa natinompai. Ai songonon do holong ni roha ni Debata di portibion pola do AnakNa na sasadai dilehon asa unang mago ganup na porsea di Ibana, asa hangoluan na salelenglelngna di ibana ( Joh 3:16 ). Laos disi ma idaonta hapeahan ni pujipujian dohot panindangion ni parpsalmen di haporseaonna di na niongkuhonon dohot nang pangongkuhononta dibagasan ngolunta: Hatimbulon, Habalgaon, Habadiaon ,dohot hasangapon,hasongkalon ni Debata. Asa nunga maralus sungkunsungkun I , : Ise do Debata ? Ima Debata

Na songkal nabadia Raja segala Raja na papatarhon diriNa marhite na tinompaNa dohot na papatarhon diriNa dibagasan Kristus Jesus gabe sipanghophop jala sipalua di hita. Asa maralus ma sungkunsungkuni: Debata do na mangalului hita ala holong ni rohaNa dang hea sian pihak ni jolma boi mangalului.

2.      Laos sian keistimewaan, keunggulan ni Debata nang tinanda dohot na hinangoluhon ni parpsalmen on ma dipapatar , dibaritahon, dihatindanghon di Sion, songoni nang tu saluhut portibion, sude angka bangso parbegu. Molo dibaritahon I, sekaligus diperbandingkan Debata na songkal ,na sun timbul I tu angka debata ganaganaan na sinomba ni angka halak parbegu. Naeng dohononna, ise ma na unggul, na istimewa Debata na tinanda ni parpsalmen martimbanghon angka debata baal na pinadiri ni halak parbegu. Sian keunggulan dohot keistimewaan ni Debata dihatindanghon ma songon na di jamita on : Jahowa do Raja, angka hitir ma angka bangso (gemetar). Sude angka bangso angka hitir/gemetar kepada Tuhan, ditingki ro marsomba, beribadah, ro mandapothon Debata. Ala na sun timbul, badia do Debata, angka na ro beribadah ingkon dibagasan hatomanon, pasada/pahibul roha dohot pingkiran. Ingkon fokus daging dohot tondi di na ro mandapothon Debata. Didok : Marsinggang, unduk dohot serep ro tu jolo ni Debata. Asa dang asalasalan, dang sai manghatai be molo nunga bongot tu gareja, di Ibadah,dang sai adong be na gogo mengkel marceritai tu donganna. Parade, pahibul roha, pingkiran marsomba tu adopan ni Debata.

3.      Ditangihon Debata do joujou ni si Musa, Aron dohot si Samuel. Joujou asa mandongani, mangaramoti dohot mangondihon nasida sian parmaraan di pardalanan bangsoi tu tano baga-bagai. Di bagasan ombun na marsijongjong Debata mangkatai tu nasida, mangalehon patik siradotan asa gabe i sulusulu di pardalanan nasida. Patik ni Debata i ma hata i do na gabe ombun sulusulu di pardalananta, ngolunta dohot ulaonta. Didok hata ni Debata di Psalmen 119 : 105 HataMi do sulusulu ni pathu, jala hatiuron di dalanhu. Ingkon hata ni Debata na gabe songon ombun laho manulu dalan si dalananta unang tartuktuk di ragam ni persoalan, hamaolon na ingkon sidalananta. Hata ni Tuhanta i ma mangajari, patiurhon, patauhon hita asa unang tartuktuk langkanta di dalan sidalananta. Ido pos ni rohanta mandalani ngolunta sahat tu na paujungonta di na joujou hita di angka tangiangta tu adopan ni Jahowa. Nang pe Debata na sun timbul, songkal, rade do Ibana manangihon hita di joujouta, ala Debata

holan sejauh doa. Dang dao, alai laos dibagasan tangiang i do hita manghatai, pasahathon joujounta tu Debata. Tajou, tahatindanghon, tapuji Debata, ala naung gabe anakhonNa hita, jala Ibana gabe Debatanta, Raja di atas segala raja. Molo ido na taongkui, tahaporseai, tahatindanghon, asa sude ma panggulmiton ni ngolunta papatarhon hamuliaon dohot hasangapon ni Debata. Sude nasa ngolunta (habisukon, hapistaran, hagogoon, sinadongan ) gabe patar ma hamuliaon ni Jahowa sian i saluhutna ). Tutu ma Jahowa dibagasan Jesus Kristus Raja na sangap jala na badia dibagasan ngolunta dohot sandok portibion. Amen

 

Sungkunsungkun:

1.      Nunga tangkas tatanda Debata dibagasan ngolunta ? Molo nunga tangkas tatanda, songon dia ma na patut hita mandapothon Debata ? Boasa ?

2.      Molo nunga torang hadirion ni Debata na andul istimewa sian angka debata na ginanana ni portibion , beha do pandapotta taringot tusi, tapadomu tu turpuk on songon na tinanda ni parpsalmen on.

 

06.  Marende No 722 : 1 – 2 “Tu Jolomi Tuhanku”

07.  Tangiang sian na ro

08.  Marende No 755: 3 “Haposan Ho Tuhan”

09.  Tangiang sian parjabu

10.  Marende BE No 783: 1…”Tuhan Sitompa Saluhut” (P.Pelean)

11.  Tangiang Panutup

 

Pdt. Sumihar Sitohang, S.Th Pendeta HKBP Resort Tanjung Balai

MINGGU INVOCAVIT

26 Februari 2023

01.  Marende BE. No. 273:1-2 “Jesus Tuhanku raja I Ma Au”

02.  Tangiang Pamuhai

03.  Votum: A.VI/B1-DV/19

04.  Manjaha Turpuk : 2 Musa 33:15-23

05.  Marende BE. No. 129:1-2 “Huhalashon huringkoti”

06.  Jamita: Rom 5: 12 - 17

 

ASI NI ROHA NI DEBATA DI BAGASAN JESUS KRISTUS (KASIH KARUNIA ALLAH DI DALAM YESUS KRISTUS)

Huria ni Tuhanta Jesus Kristus!

Taboto do, parbue ni dosa do hamatean, jala parbue ni haporseaon do hatigoran, hasintongan dohot lan na uli. Molo dosa do na manggonggomi, mantat hamatean ma ngolunta, baliksa, molo asi ni roha do na manggonggomi ngolunta manghorhon hangoluan na saleleng ni lelengna ma.

Marhite Adam na parjolo i, bongot ma dosa tu portibi on, gabe dihorhon i do uhuman, gabe panean do hita dipangalaho dosa (kecenderungan berbuat dosa, tabiat berdosa), alai dung ro patik i lam hantus ma dingolunta, dia sipasidingon dia siulaon. Gabe sorminan ma patik i laho mamereng dia poda siihuthononhon. Patik na gabe sipatudu dalan hatigoran, asa unang surduk be iba tu dosa i. Sai maos ma iba mamereng patik i, mamereng sorminan i, asa unang madabu iba, alai asa hot iba mardalan dihatigoran. Alai, ingkon na parjolo do iba hape dihatigoran, i pe asa marlapatan patik i di iba.

Marhite Jesus, diasii Debata ngolunta na mardosa i, tuk ma hita bongot tu haluaon ala basabasaNa na pataluphon (dilayakkan, dibenarkan/Sola Gratia) hita diadopanNa. Marhite hamamateNi Jesus sahat tu haheheon nang hananaekNa tu banua ginjang, talu hamatean, talu sibolis. Laos ma na gabe panindangionta, mangolu hita dihasintonganNi holongNa, gabe sangkanbona hita dohot Jesus i. Parbue ni ngolu nanung sangkanbona dohot Jesus, i ma “habadiaon”. Tangkas ma taparrohaon, ndang sian parulanta “habadiaon” i, ndang prestasi ni jolma i, alai ala naung sangkanbona hita dohot Ibana, gabe partigor hita dirajumi, ala ni i do gabe ihut habadiaon i.

Marhite asi ni roha ni Jesus i, gabe dipauba ma sandok dirinta, gabe ditransformasi gabe tu habadiaon. Pembenaran Allah, menguduskan kita. Alani, ndang parulanni jolma i mambahen habadiaon, tung ala diparbadia i Debata do hita.

Adong ma sahalak parpahanpahanan ulok, na metmet nang nab alga dipahani ibana dijabuna. Di sada tingki tubu ma tu rohana manggadis jabu i, jala hatop do antong tarsar barita i, tongon muse ditopi dalan kudi (jalan raya) bagas i. Torop do na marsiadu manuhor jabui, dohot sada siarat, adong ma nian tong dipajongjong balebale na metmet dipudi jabu i ingananni angka ulaok na i. Targoar do torop na marhagiot manuhor jabui, alai sada pe ndang adong na olo manuhor jabu i ala ingkon sajabu dohot ragam ulok.

Tuhanta Jesus pe songon i do, ndang olo mian di angka parrohaon na sai girgir mangulahon dosa.

 

Sungkunsungkun :

1.    Marsala do hita mangihuthon si Adam na parjoloi, tarjalo rohanta do i?, hape nunga tibu masa pola marribu taon na salpu, adong dope hadomuanna tu jolma si nuaeng?

2.    Adam na parjolo i manghorhon tu uhuman, Jesus ro portibion paluahon sian uhuman, diama sipillitonMu?

07.  Marende BE. No. 715:1 “Balga Do Holongmi”

08.  Tangiang sian ruas na ro

09.  Marende BE.No. 678: 1+3 “Pauba Roham Tu Jahowa”

10.  Tangiang sian na manjabui

11.  Marende BE. No. 190: 1- “Las Rohangku Situtu” (P.Pelean)

12.  Tangiang Pelean-Ale Amanami-Pasupasu- Amen (3x) HKBP

 

 

Pdt. Rudi M. Simaremare, S. Th Pendeta HKBP Resort Aek Kanopan

MINGGU REMINISCERE

05 Maret 2023

 

01.   Marende BE No. 9: 1 + 3 “Hupuji Holong Ni RohaMu”

02.   Votum : A.VI/B.2 – D.V/20

03.     Manjaha Turpuk Epistel: Rom 4: 1 – 5, 13 – 17

04.   Marende BE No. 186: 1 – 2 “Jahowa Do Haposanhi”

05.   Jamita: Psalmen 121: 1 – 8

JAHOWA MANGURUPI, JALA MANJAGA (TUHAN MENOLONG DAN MENJAGA)

Dongan sahaporseaon, Digoari do turpuk on Ende hanangkok, manang di hata Indonesia didok nyanyian ziarah, ima sada ende na niendehon ni halak Jahudi di na laho nangkok tu Jerusalem na marisihon saluhut panghatindanghonon dohot pangurupion ni Jahowa di ngoluna. Molo tasungkun dirinta mandok porlu do pangurupion? sude do hita mandok mansai porlu situtu, alani aha? Tarajumi mansai gale do hita songon jolma na mangolu. Umbahen na adong pandohan di Hata Batak na mandok “Ndang tartuhuk sada halak pandingdingan” Masiurupan pasidung ulaon, lapatanna marsiurupan di angka hagaleon, nuaeng tatangkasi ma Pangurupion ni Jahowa di turpuk on

JAHOWA PANGURUPI

“Sai mangaranapi do matangku dompak angka dolok” Pandohan on ima gombaran na manghalungunhon sada gogo na boi mangurupi ngoluna. Songon i do nang pergumulan ni par-Psalmen di turpuk on. Mangaranap ibana dao tu jolo di dalan sidalananna. Diranap nang dolok dohot rura. Gok mara dalan sibolusonna i. Hape ingkon bolusanna do i. Tubu ma sungkunsungkun huhut mardongan biar: Sian dia do ulaning ro pangurupion tu ahu? Pangalaho na umum do i di hajolmaon molo tubu biar, gabe adong do roha mangalului parondingondingan na tau mangaramoti diri. Alai molo so adong be biar ni jolma taringot tu na naeng masa di ngoluna, naung dirina nama dipangasahon i, olomai mansoadahon Tuhanna. Hape talpe do ganup jolma tu parmaraan nang tu hamatean di ganup tingki dohot di sude inganan.

Huria ni Tuhanta suang songon parpsalmen i songon i do nang parngoluonta, mangaranap dompak angka dolok huhut mandok Sian dia do ro

pangurupion tu ahu, Alai ro ma alus sian ginjang mandok: “Sian Jahowa Sitompa langit dohot tano on sambing ro pangurupion ianggo tu ahu” Pandohan on patuduhon, na tung mansai bagas do panandaon ni parpsalmen on tu Jahowa na hinaporseaanna. Na boi mangurupi ibana ima Jahowa, Lapatanna, ndang sian jolma ro pangurupion i, alai sian Debata do. Tung sura songon halongonan humaliang hita, jala hira na so adong na tau mangurupi, alai anggo Debata sai tongtong do mian di sude inganan. Lam dipagomos do pandonganionNa asa tung pos rohanta borhat mandalani ngolu on.

“Ndang tagamon loasonna tarsulandit patmu” .Tudos tu na mardalan do jolma di portibi on mangalangkahon ngoluna. Dalan ni ngolu na didalani i ndang dosdos, alai adong do i na marbuntulbuntul, na landit,   margambo; molo dosdos pe dalan i songon dalan tol, tong do ingkon manat (hatihati) jolma i asa unang tarsulandit ibana di dalan na dosdos i ( tol i). Manat unang tartuktuk jamot unang tarrobung, Pat na tarsulandit ima sada kondisi ragu-ragu manang sala mangalangka alani ojahan na nidalananna i landit jala ndang hot na boi manghorhon sahat tu na madabu, Jahowa pahothon langka ni na porsea i di dalan sidalananna asa denggan ibana mardalan “Hatami do sulusulu ni pathu jala hatiuron di dalanku. (Psalm 119:105) Molo didok Jahowa “Ndang tagamon loasonna tarsulandit patmu” marlapatan do i, mangurupi jolma i asa unang tinggang di pardalanan ni ngoluna.

“JAHOWA MANJAGA”

Ndang tagamon nok mata ni Sijaga ho. Ndada songon panjagaon ni sada harajaon na adong partingkian nok mata ni panjaga harbangan ni harajaon jala boi masuk angka musu na naeng manegai harajaon i. Dison ma patar dihatahon ianggo parhal (penjaga kota) adong do batas ni gogo dohot ketahananna laho marhal (manjaga) huta manang harajaon. Alai ianggo Jahowa, Ibana do nampuna saluhut partingkian arian nang botari, jala na so hea Ibana loja laho parorot dohot parmudumuduhon angka hasianNa. Sai jagaonNa do jala na so jadi nok ianggo Jahowa marhal hasianNa. Sada sifat ni parjaga na so muba sian na jolo sahat ro di nuaeng, i ma: Ndang jadi nok. Ingkon torang roha dohot pingkiranna arian manang borngin pe. Ndang hea Jahowa “maradian” sian na jolo sahat tu nuaeng. Tung na burju situtu do Tuhan i molo didok ndang olo modomi anggo Sijaga Israel, patuduhon bangso na pinillit ni Jahowa do i. Jadi ndang holan marsasahalak na dijaga Jahowa alai tung hibul do sabangso. Songon i do nang angka Huria nang

bangso nang saluhutna hita sude do diramoti. Aut nok mata ni parjaga, masuk ma panakko manursari ugasan ni tuanna. Asa parjaga ingkon tongtong do dungo. Songon i ma Tuhanta i, ndang olo nok manjagahon langkanta unang marmara hita. Alani i do umbahen pos roha ni si Daud mandok: Ai nang pe mardalan ahu di rura linggoman ni hamatean, ndang huhabiari parmaraan, ai Ho do mandongani ahu tungkotmu dohot batahim mangapuli ahu.

Jahowa do Sijaga ho, Jahowa do parlinggomanmu di lambung ni tanganmu siamun. Asa diboto portibion Jahowa gabe parlinggoman ni bangso/HuriaNa. Ditiop Jahowa do tangan siamun ni na porsea i, asa unang humordit di na masa panindangion hasintongan. Ndang tagamon doiton ni mataniari di arian, manang bulan di bornginna i” martudutudu do i di angka musu manang angka hagogoan na naeng manosak manang na naeng mambunu ibana di arian manang borngina i. Molo pangantusion di tingki na masa di turpuk on (zaman Israel uju i) molo halak naung hona sondang ni bulan boi do i mambahen marsahit tondi ni jolma i (uju i diantusi do na marsinondang do bulan, ndang songon pangantusion sisaonari na mandok ndang na marsinondang bulan i) ndang taboto arian manang bodari ro pangunjungan manang ro sibolis i laho pamagohon hita. Alai molo nunga rap hita dohot Jahowa ndang sihabiaranta be i saluhutna.

Sai jagaon ni Jahowa do ho sian nasa parmaraan, sai jagaonna do tondim. Dalan ni Jahowa do i lao manjaga jolma asa unang marmara di daging nang di tondi pe. Ima panjagaon ni Jahowa di nasa parmaraan. Di ngolunta on tung na so boi do hita malua sian ragam ni parmaraan di pardagingon na mambahen dagingta gale manang manghilalahon na hansit. Alai nang pe songon i na taadopi unang ma nian gabe dohot   partondionta   marmara.   Ai   ido mansai tangkas didok parpsalmen i marhite endena on, “sai jagaonNa do tondim”. Molo nunga margogo tondi jala pir tondi, margogo ma daging on mangulahon angka ulaon laos diuduti ma pasupasu na naeng sijaloonta.

Sai jagaon ni Jahowa do ho laho ruar dohot laho bongot, olat ni on ro di salelenglelengna. On ma nidokna: Aturhonon ni Jahowa do jolma na porsea i denggan mamulai, denggan mangujungi, manang aha pe taho na masa di bagasan ngoluna manang sadihari pe manang didia pe jala manang aha pe na masa di ngolunta sahat tu na mate hita manadinghon portibi on, sai na ramotan ni Jahowa do tondinta. Ndang loasonNa hita punjung manaon angka na masa

di hasiangon on. Sai tongtong do Ibana adong mandongani hita. Ndang hea tarpodom Jahowa laho manjagahon hita, tongtong do hita di ramoti di ganuppartingkian , di huta, di baliannang dipardalanansaitongtong do di jagai hita taingot ma hata ni Endenta di 806 na mandok aha pe masa di ngolumon Tuhan Manjaga ho. Amen

Sungkunsungkun :

1.      Hea do diparhatopot roham pangurupion ni Jahowa di bagasan ngolum?, jala songon dia ma sipatupaonmu laho mangurupi donganmu?

2.      Boha do hita manjagahonTondinta?,nang tondi ni angka na mian di bagasta?

 

06.   Marende BE No. 772: 1 – 2 “Tuhanhu Do Pature Dalanhi”

07.   Tangiang Sian Na Ro

08.   Marende BE No. 806: 1 – 2 “Aha Pe Masa Di Ngolumon”

09.   Tangiang Sian Parjabu

10.   Marende BE No.763: 1... “Molo Jesus Donganmi” (Papungu Pelean)

11.   Tangiang Panutup (Agenda)

 

 

Pdt. Budianto Sianturi Pendeta HKBP Resort Kisaran

MINGGU OKULI 12 MARET 2023

 

01.  Marende BE No. 565: 1 + 4 “Las Rohangku Lao Mamuji”

02.  Votum: A.VI/B.3- DV/21

03.  Manjaha Epistel: Psalmen 95: 1 – 11

04.  Marende BE No. 585: 1 “Somba Ma Jahowa”

05.  Jamita: Johannes 4: 20 – 26

MARSOMBA TU DEBATA SIAN NASA ROHA (MENYEMBAH ALLAH DENGAN SEPENUH HATI)

Nats ini adalah cerita tentang perjumpaan Yesus dengan perempuan Samaria di sumur yang ada di Sikar. Sumur dan air merupakan sarana untuk mempertemukan antara perempuan Samaria dan Yesus. Perjumpaan mereka menghasilkan dialog tentang moral (suami) dan pengajaran mengenai Ibadah yang sejati. Dalam dialog, Yesus memproklamasikan diriNya sebagai Air Hidup; air yang tidak akan pernah kering dan akan menjadi sumber air pada kehidupan setiap orang yang membutuhkannya.

Perempuan Samaria mengalihkan topik pembicaraanya dengan Yesus. Tadinya mereka membicarakan soal moral (suami) telah berganti mengenai ibadah/agama. Orang Samaria beribadah di gunung Gerizim sedangkan Yahudi di Yerusalem. Dua tempat penyembahan yang berbeda ini menunjukkan bahwa adanya perbedaan paham dalam tradisi antara Samaria dan Yahudi (kedua kelompok ini tidak ada ketemunya). Orang Samaria adalah keturunan hasil perkawinan campuran, bangsa Yahudi yang kawin dengan bangsa yang lain, dianggap bangsa yang tidak murni sebagai bangsa Israel sehingga dianggap sebagai orang berdosa, najis dan tidak mengenal Allah. Kenapa topik pembicaraan itu dialihkan? Karena perempuan Samaria ini mengetahui siapa dia sebenarnya dan apa perbuatannya. Perempuan itu menginginkan agar dosa- dosanya diampuni. Karena adanya dua tempat ibadah penyembahan, maka siperempuan Samaria ini ingin mengetahui dimana tempat penyembahan untuk penghapusan dosanya. Apakah ia harus ke Gerizim atau ke Yerusalem.

Yesus menanggapi topik yang baru itu yaitu mengenai ibadah. Yesus mengajarkannya, bahwa ibadah yang benar bukan berdasakan dimana tempatnya. Ibadah yang benar adalah mengetahui kepada siapa dia beribadah dan bagaimana cara dia untuk beribadah dan tidak menyembah apa yang tidak di kenalnya. Ibadah yang benar menurut Yesus adalah mengenal Allah dan mengenal Roh, maka setiap orang yang beribadah harus menyembah Allah di dalam roh dan kebenaran. Oleh

sebab itu, yang penting adalah siapa yang kita sembah, dan bukanlah tempatnya di mana kita untuk menyembah.

Percakapan Yesus dengan perempuan Samaria artinya Yesus menghapus batas atau tembok pemisah yang telah lama terjadi di antara kelompok Samaria dan Yahudi. Yesus menghapuskan ajaran liturgi penyembahan yang mengajarkan batas-batas antara orang yang suci dan tidak suci. Keselamatan yang dibawa Yesus melalui kematian dan kebangkitanNya, melalui darahNya yang kudus adalah keselamatan yang ditujukan bagi semua orang, sekalipun bangsa Yahudi yang pertama-tama menerimanya namun bukan mereka satu-satunya. Yohanes 3:16 “Karena begitu besar kasih Allah akan dunia ini …”, keselamatan itu diberikan bagi siapa saja yang percaya.

Ibadah bukan untuk diri kita tetapi untuk Tuhan yang kita sembah. Itu sebabnya Paulus berkata kepada Jemaat di Roma: “Karena itu, saudara-saudara, demi kemurahan Allah aku menasihatkan kamu, supaya kamu mempersembahkan tubuhmu sebagai persembahan yang hidup, yang kudus dan yang berkenan kepada Allah, itu adalah ibadahmu yang sejati”. Rom 12:1-2. Tubuh dan hidup kita adalah ibadah kita, dari sanalah banyak terpancar kebenaran firman Tuhan. Amin.

 

Bahan Diskusi :

1.    Tradisi apa yang masih ada saat ini yang selalu menimbulkan batas-batas persekutuan di   antara sesama orang Kristen? Bagaimana menurut saudara/i cara untuk menghilangkan batas-batas yang terjadi dalam persekutuan?

2.    Coba kita sebutkan Ibadah yang benar menurut Yesus saat ini! Dan apa alasannya.

 

06.  Marende BE No. 185: 1 + 3 “Holan Sada Debatanta”

07.  Tangiang Sian Na Ro

08.  Marende BE No. 427: 1 – 2 “Marserep Marunduk”

09.  Tangiang Sian Parjabu

10.  Marende BE No. 830: 1... (Papungu Pelean)

11.  Tangiang Panutup (Agenda)

 

 

Pdt Alboin H. Tambunan Pendeta HKBP Resort Tanjung Leidong

MINGGU LETARE 19 MARET 2023

01.  Marende BE No. 557 : 1 – 2 “Dao Dumenggan”

02.  Votum: A.VI/B.4 – D.V/22

03.  Manjaha Epistel: Johannes 9: 35 - 41

04.  Marende BE No. 18 : 2 – 3 “Ungkap Bahal Na Umuli”

05.  Jamita: Psalmen 5: 8 – 13

LAS NI ROHA DI ANGKA NAUNG JUMPANGAN JESUS (BERSUKACITA KARENA PERCAYA)

Dongan na hinaholongan di bagasan Jesus Kristus.

Buku Psalmen godang do marisihon angka pengalaman nyata na nialaman ni naposo ni Debata. Fakta manang kisah nyata na binolusna do dipaboa, di na menghadapi angka las ni roha ibana manang angka jut ni roha. Alai tetap do disaksihon ibana, bahwa nang pe borat angka sitaononna, dipalua Debata do ibana sian angka parjahat na naeng mangago hosanna.   Nang pe godang angka parjahat na martahi na roa ,maradophon ibana, angka si ginjang roha, parroha na geduk, angka sidok gabus, alai sai tongtong do ibana marhaposan tu Debata, bahwa Debata pasti mandongani ibana.

Fakta na paduahon dipaboa do sifat ni angka na di sekitarna, gok angka parjehe, kemunafikan, marhata na lemes alai hamagoan do ditahi nasida (ay.10), dipalanditlandit dilana. Dang ditutupi ibana angka na masa i tu adopan ni Debata. Jala tangkas do i tarida di tangiangna, dipaboa sude tu adopan ni Debata, angka na borat na niadopanna di ngoluna. Baliksa, dang adong gogona mangalo i sude molo sian gogona sandiri. Ala ni i do ibana mangalualu tu Debata, pasahathon angka na ponjot na di roha. Boasa ? ala tangkas do diboto ibana molo Debata dang hea manadingkon ibana.

Ay.12 Sai marlas ni roha ma sude angka na marhaposan tu Jahowa, i do dihaposi ibana, molo Debata dang hea manadingkon ibana, manadingkon angka na marhaporusan tu Debata. Diboto ibana do molo dang jolma na gabe pangalualuanna, alai Debata sambing do na tuk mangurupi ibana mangadopi angka parsorionna dohot angka pergumulanna. Aha do upa na jinalona, molo dipasahat tu

Debata sude angka pergumulanna ? na pasti, adong kelegaan di roha ni jolma na pasahathon pergumulanna tu Debata. Molo dihatahon marhite alualuna, tangiangna dohot angka anggukanggukna, lumumbang ma perasaanna. Marasing dope molo dipasahat tu angka jolma, olo do gabe martamba angka sipingkiran, martamba parsorion, ala olo do jolma manambanambai angka hata, gabe lam tamba ma sipingkiran. Di ujungna gabe ro ma arsak na umbalga sian na parjolo i, molo dipasahat tu jolma.

Dongan na hinaholongan di bagasan Jesus Kristus. Fakta ni ngolunta na taadopi saonari, pastina, dang adong jolma na boi bebas sian angka parsorion, pergumulan hidup dohot ragam ni angka masalah di ngoluna, baik masalah pribadi, hahipason ni keluarga, ianakhon, parkarejoan, parhepengon dohot angka ragam ni masalah di sude gulmit ni ngolu ni jolma. Jotjot do tanpa sadar, hita langsung mambahen tindakan lao mangatasi masalah na ro tu hita. Sebagian mangalului pangurupion tu angka dongan jolma, tondong nang aleale pe. Alai godang do i na gagal, dang sesuai tu na diharaphon. Dung putus asa, adong ma na gabe maheu, mandele, mandate. Sebagian adong ma muse na mangarimangi, jala sebagian adong na menyadari kelemahanna songon jolma biasa, sebagian adong ma na mangido gogo sian Debata lao mangadopi angka pergumulanna.

Turpuk sadari on menosoi hita angka jolma asa parjolo taboto ma mamereng dompak Tuhan i, asa tapangido gogo tu Ibana, ala dang tuk gogonta, pingkiranta, haporseaonta lao mangadopi sude na masa di ngolunta molo holan sian gogonta sandiri. Apalagi di jaman na lam tu majuna, godang ma angka na mura mura manonggoti rohanta, kemajuan jaman, parbinotan na marsiadu, dampak ekonomi tu angka masyarakat, godang dope angka sipaotooto na mambahen lomos roha ni angka natoras, apalagi di angka penyakit masyarakat na manait roha ni angka na umposo, bohabohaon roha ni natoras hinorhon ni i. Gabe torop ma angka ianakon ni hurianta gabe manadingkon dalan na tingkos, tartait ala ni angka pangela ni kemajuan jaman nuaeng.

Alai dang pola gabe pesimis hita disi, ingkon adong do panghirimon di angka hita na mangolu nuaeng, nang pe gok angka sipaotooto humaliang hita. Sai tongtong ma margogo hita angka natoras, pihak gereja manosoi, mangajari huhut paingothon angka ruas asa bertahan, mangadopi angka hamaolon na tompu ro tu hita. Di ujungna ingkon tanda ma hita songon angka naung manjalo hata ni

Debata, asa gabe partigor hita, unang be mura mura ditait angka pangela ni portibi on. Asa dipasupasu Jahowa do na tigor marroha (ay13), alai matua diago Jahowa do angka sidok gabus, dihagigihon Debata do angka sipaotooto. Marhaposan tu Jahowa ma hita mandalani ngolu na gok hasusaan i, asa marlas ni roha hita di ujungna, molo marsihohot marhaporseaon tu Jahowa. Amen.

 

Sungkunsungkun :

1.    Saleleng mangolu sai adong do angka parsorion ni ngolu. Boha do hita tongtong marlas ni roha ala haporseaonta tu Debata nang pe sai taadopi ragam parsorion ni ngolu?

2.   Boha do hita mamaritahon las ni roha ala haporseaonta tu humaliang nang tu angka donganta asa dohot nasida dibagasan las ni roha i?

 

06.  Marende BE No. 758 : 2 – 3 “Jahowa Pangurup”

07.  Tangiang Sian Na Ro

08.  Marende BE No. 755: 1 “Haposan Ho Tuhan”

09.  Tangiang Sian Na Manjabui

10.  Marende BE No. 753 : 1...“Di Pardalanan Jesus Di Jolongku” (P.Pel)

11.  Tangiang Panutup (Agenda)

 

 

Pdt. Patar H. Hutagalung, S. Th Pendeta HKBP Resort Hutabaru

MINGGU JUDIKA 26 MARET 2023

 

01.    Marende BE No. 11: 1 + 4 “Aha Ma Endehononhu”

02.    Votum: A.V/B.5 – D.V/23

03.      Manjaha Epistel: Hesekiel 45: 9 – 17

04.      Marende BE No. 485: 1 – 2 “Dongani Au Tuhan”

05.    Jamita: Ulaon ni Apostel 6: 1 – 7

ULAHON UHUM DOHOT HATIGORAN (LAKUKANLAH KEADILAN DAN KEBENARAN)

Dongan sahaporseaon na hinaholongan dibagasan Jesus Kristus, Tuhantai,

Didok di sada pepatah: “TAK ADA GADING YANG TAK RETAK”, lapatanna: dang adong na sempurna di portibi on. Saluhutna hita adong be do hahuranganna, hagaleonna. Tung so boi do saluhutna singkop taulahon. Samalomalo ni sada halak, tontu adong do na so binotona. Sagogogogo ni sada halak, tontu adong do hagaleonna. Diboto jala dipaloas Tuhanta i do jolma na tinompaNa i adong hahuranganna alai laos adong do tong halobianna.

Molo manjalo halobian ni sada halak tung las do rohanta, baliksa molo manjalo hahurangan ni sada halak tung borat do tarjalo ni halak. Alai, na boi do hahurangan ni sada halak i na gabe halobianna, jala halobian ni sada halak boi do gabe hahuranganna. Isarana: Alani na hurang do ibana di parhepengon (tadok ma na pogos) gabe ringgas ibana mulamulaon jala diboto marpangontik gabe tubu roha na serep. On ma na nidokna: hahurangan na gabe halobianna. Alai, ala halobian ni sada halak (tadok ma na mora di arta), gabe marlembalemba, tubu ginjang ni roha jala dang diboto mamangke artana i, gabe holan na dipansuasaehon angka arta i. On ma na nidok: halobian na gabe hahurangan.

Jala di sada ende di buku endenta i na mandok: “        So ho, ungutungut

mi paso, so ho ungutungutmi paso. Hohom ma ho, paso saritami” (BE. 503 “Na loja ho, o donganki”). Diajarhon ende i do tu hita ima laho pasohon ungutungut dibagasan parngoluonta siganup ari. Ingkon jumpang do roha na manghamauliatehon saluhut angka pasupasu na sian Debata. Nang pe loja do pamatang on mangulahon angka siulaon di portibi on, alai ingkon tongtong do ingkon paholangon ungutungut sian rohanta.

Barita partangianganta di borngin on manaringoti pamilliton ni angka parhobas di huria na parjolo i na hinobasan angka Apostel i. Ala lam tu hembangna panghobasion i jala lam tamba bilangan ni angka na porsea i, tung

ringkot do manambai angka parhobas di Huria i asa unang adong na tading panghobasion ni Huria i. Nang pe dipungka do barita on marhite na jumpang do sada partingkian di na marungutungut halak Gorik dompak halak Heber, ala tartading angka parompuan na mabalu sian nasida di pangurupion ariari. (ay. 1) Marmungutmungut nasida ala tading panghobasion di pangurupion ariari tu angka parompuan na pogos na mabalu, gabe holan panghobasion tu angka parompuan na mabalu sian Heber do na dipatujolo nasida. Adong do hape alasan na kuat, boasa marmungutmungut angka parompuan na mabalu sian halak Gorik i:

•          Molo angka parompuan na mabalu sian halak Heber,   adong   dope angka pinomparna na mangurupi nasida, ala kewajiban do di keluarga ni halak Heber mangurupi in ana mabalu sian keluarga nasida (jaha: Jesaya 1:17; Lukas 18:3; 1Tim. 5:3-4)

•          Alai angka parompuan na mabalu sian halak Gorik, sian angka keluarga na pogos mansai godang na terlantar jala sengsara ngolu nasida (ala ndang adong keluarga nasida na boi mangurupi). Marasing molo pinahombar tu angka parompuan na mabalu sian halak Heber ala adong pinomparna (keluarga) na mangurupi nasida. Jala pengurus diakonia di huria na parjolo hatiha i, marpingkir ala gumodang do bantuan na ro tu huria sian halak Heber gabe gumodang ma pangurupion dipasahat nasida tu angka parompuan na mabalu sian halak Gorik.

Marhite situasi na masa i gabe dipatupa ma sada rapot laho mamillit angka parhobas na ringkot tu ulaon i. Dilului ma pitu (7) halak na denggan baritana, angka na gok Tondi jala na pantas marroha, na laho sipabangkiton. (ay. 3)

Dapot ma si pitu (7) halak i dibagasan dos ni roha na sahuria i, dipillit ma si Stepanus, si Pilippus, si Prokorus, si Nikanor, si Timon, si Parmenas, dohot si Nikolaus. (ay. 5). Sian dalan pamilliton on taida do dalan na pinangke apostel i, ima mamangke dalan na demokrasi/musyawarah dang marhite lomolomo nasida sandiri.

Molo taida pamilliton Parhalado ditongatonga ni Hurianta, jotjot do diulahon di sada huria laho mamillit Calon Sintua marhite marnida pangalaho ni sasahalak. Ditimbangi do marhite haringgason ni Calon Sintua i na marhuria i. Songon i muse molo adong angka talenta manang halobian nasida na boi mangurupi huria i, isarana: markoor jala marmusik. Dung i dipasahat ma tu Rapot Parhalado laho manimbangi hatauon ni angka Calon Sintua i asa ditingtinghon ditongatonga ni Huria. Alai adong do tong na mamillit justru dang marnida angka haringgasonna. Sian halosohonna i ma diida asa muba pangalahona dung dipillit gabe parhalado. Sian dalan na dua on, boi do tong gabe saut na pinarsinta ni roha

i.   Naung ringgas jala parroha huria hian di mulana i dung gabe Calon Sintua hot

do ibana jala lam tu ringgasna muse manghobasi huria i. Na losok hian di mulana i boi do tong gabe denggan parhuriaonna dung dipillit gabe Calon Sintua.

Antong, dalan do na binahen alai anggo hasasautna tontu Tuhanta i do pasauthon. Dung i dipabangkit ma nasida gabe dongan ni Apostel i laho manghobasi Huria i marhite na dipajongjong nasida tu joloni angka Apostel i, jala martangiang huhut mangampehon tangan tu nasida. (ay. 6)

Laos diuduti do muse barita pangulaon na pitu (7) halak naung tarpillit i di ay. 7 na pabotohon na lam rarat do hata ni Debata, lam ganda situtu torop ni angka sisean di Jerusalem; laos angka malim pe torop do mangoloi porsea.

Alani, ingkon jumpang do kerjasama ni Parhalado dohot ruas ni huria di angka panghobasion ni huria. Mansai ringkot dukungan sian ruas ni huria di angka ulaon na pinatupan ni huria i. Jotjot masa hamaolon di huria, ala ndang olo ruas mendukung angka ulaon na pinatupa ni huria. Ujungna, gabe ndang jumpang hamajuon di huria i, ala mangalo jala marjogal angka ruas i. Songoni nang angka parhalado pe, olo do dang saihot tu Uluan ni Huria mangulahon angka na denggan laho pamajuhon huria i. Antong, naeng ma sude ruas ni huria boi rap masiutupan jala masitumpahan di angka siulaon ditongatonga ni huria i, asa lam tu ulina jala tu hembangna huria ni Tuhanta laos gabe pasupasu huria i tu na humaliangna.

 

Sungkunsungkun:

1.    Aha do na mambahen jotjotan ruas ni huria i dibagasan parungutunguton?

2.    Songon dia do na hinirim ruas ni huria i taringot tu panghobasion ni Huria sian  angka parhaladona?

 

06.  Marende BE No. 133: 2 + 6 “O Tondi Na Manggohi Roha”

07.  Tangiang Sian Na Ro

08.  Marende BE No. 136: 2 – 3 “Bidang Dope Na Holom I”

09.  Tangiang Sian Na Manjabui Partangiangan

10.  Marende BE No. 691: 1...”Hupasahat Ma Tu Jesus” (P.Pelean)

11.  Tangiang Panutup (Agenda)

 

Pdt. Nevri Sandonal Pasaribu Pendeta HKBP Resort Padomuan Nauli

MINGGU PALMARUM 02 APRIL 2023

 

01.  Marende BE No. 83:1 + 4 “Na Lao do Birubiru I”

02.  Votum: A.VI./B.6 – D.V/24

03.  Manjaha Epistel: Markus 11: 1 - 11

04.  Marende BE No. 412: 2 – 3 “Ndi Di Dolok Adui”

05.  Jamita: Jesaya 50:4 -9a

PINUJI MA NA RO DI BAGASAN TUHAN I (DIBERKATILAH YANG DATANG DALAM NAMA TUHAN)

1.    Dipungka do turpuk on marhite hata na mandok: Nunga dilehon tu ahu “dila sisean”. Boasa pola ingkon dila sisean? Boasa ndang “dila guru”, na malo mangajari? Ai dila sisean do na rade jala marsitutu laho marsijar, ringgas mulaulaon (kerjakeras), mangolu di bagasan aturan (disiplin), jala sai dihasiholi ibana do mangalului parbinotoan, ai sai marnahurang do di rohana naung niantusan dohot na binotona, asa marhatauon ibana laho patupahon na dumenggan di angka ulaonna nang hatana pe, laho pasabam rohani angka na loja. Tinggil do nang sipareon ni sahalak sisean laho manangi angka na masa, asa botoonna aha sipatupaonna, jala songon dia ibana laho mangulahonsa. Nanidokna ndada holan na manangi songon i, alai adong “keperdulian” (care) tu angka na masa di humaliangna. Ndada paula so diida, paula so diboto, paula so di bege. I ma tinggil ni sipareonna na marpanumpak tu “dila sisean” i.

2.    Disurathon si Henri J. M. Nowen do sada legenda na marjudul “The Wounded Healer (penyembuh yang terluka). Hea do ro si Joshua halak Levi tu si Elia, manungkun songon on: Andigan do ro Mesias i? Alusni si Elia:” sukun ma tu Ibana!, antong didia do Ibana?. Tongon hundul do nuaeng Ibana di harbangan ni huta on. Sian dia ma tandaonku i?. Hundul do Ibana rap dohot angka na dangol, halak na pinaduru ni halak, na marsitaonon jala na gale. Mesias na digombarhon di Buku na i, i ma sahalak na manaon na porsuk (sedang terluka) jalana mangadopi godang parungkilon, rap hundul dohot halak na pogos, na marsitaonon, alai dibagasan parsitutuon mambaluti jala pamalumhon angka bungang na niaeNa, alai huhut rade do Ibana mangalehon tingkina manang sadihari Ibana di jou manang ise na mangharinghothon Ibana. Diantusi Ibana do angka na masa na niae ni torop halak, ala Ibana pe nunga diae songon na niae ni torop halak (songon na ginombarhonna di legenda i). UlaonNa do laho mangalehon haluaon dohot

hamalumon, huhut mangalehon gogo tu halak na marsitaonon jala na gale songon i nang angka na pinasiding ni halak(termarjinalkan). Diparhatopot Ibana, ingkon Ibana sandiri do mangubati bugangna sandiri, laos ampe tu ibana do ulaon manang tanggungjawab laho pamalumhon bugang ni torop halak. Ibana ma na di goar “pangubati na mabugang” (Penyembuh yang terluka).

3.    Songon dia do panandaonta tu Mesias na tapimaima i? Atik boha do panandaonta di Mesias i hira sahalak na gogo na satongkin i (sekejap mata) boi pasidunghon saluhut hamaolon na taadopi, laos mago ma sude arsak nang iluilu? Marhite turpuk jamita on diurupi do hita mangantusi laos mangalusi sukunsuku n i. Ai marhite figur “hamba, naposo” na pinatandahon ni si Jesaya pataridahon na masa na niadopanna sandiri. Digoari do Bindu 50 on, “Ende ni naposo ni Debata”. Adong 5 turpuk di buku Jesaya na targoar “Ende ni naposo ni Debata”, Bindu 42:1-4; 49:1-6, 50:4-9; 52:13-15; 53:4-7. Digoari turpuk na 5 i ala turpuk i manaringoti sitaonon ni naposo ni Debata di na mamaritahon hata ni Debata, na dos dohot sitaonon ni Jesus. Nang na denggan do diula angka naposo manang sisean i, alai tong do ingkon mangadopi angka hamaolon, haleaon, insakinsak, dln, hombar tu Hata na binaritahonna i.Parsorion ni naposo ni Debata di turpuk on, dihatahon marhite marrumang ende.

4.    Diparhatopot panurat ni turpuk on do paboa, manang songondia pe siatonon na niaena, parungkilon na manosak ngoluna, dihilala ibana sai na di dongani jala diurupi Debata do Ibana laho pararathon hatani Debata. Pos ni roha na tongtong di bagasan roha ni siesan i na mandok: Tuhan Jahowa do mangurupi ahu.......gabe ndang tarurak jala ndang gabe martabuni. Molo tung pe ro angka panginsahi tu ibana gabe laos disi do ibana patuduhon diri songon halak na ingkon partudu hasintogan asa dohot halak na asing i marsaulihon hasintongan i. Dipatuduhon jala dihatindanghon ibana na Debata mangurupi. Molo dung Debata gabe pangurupina, tahitahi ni angka parjahat pe ndang tulus be tu ibana.

5.    Molo pe ibana na mandok songon halak sisean na sintong di adopan ni Debata, naeng do diboto halak na humaliangna na sintong ibana marhitehon na benget ibana di bagasan sitaonon songon si Job na patuduhon diri sogon na so marsala. Jala molo adong dituduhon halak tu ibana, ingkon sanggup do nasida patudu bukti na tangkas asa boi dapot botoon (terbukti)hasalaanni sisean i. Ndada pandohan na gabe sada haginjangon ni roha molo pe didok:

...di pajonok ma tu ahu... Alai pandohan i songon sada sikap ni dirina do paboa ibana ndang marlaok dosa.

6.    Ndada gabe halak pangoloi sambing molo digoar sisean ni Tuhan i di bagasan sude situasi alai boi ibana gabe bersikap oposisi tu na so manghalomohon pangajaran na sian Tuhan i. I do hataridaan ni pandohan ndang olo sumurut tu pudi molo manghatahon na denggan jala barani mangadopi angka na masa di portibi on. Lapatanna, sisean ni Debata ingkon barani do mandok; “Ndang” tu nasa na so hinalomohon ni Debata nangpe ingkon dipaulik ibana sian sada punguan manang organiassi pe i (berani berkata tidak). Halak na gabe sisean i Debata ndada halak na sai manghaginjanghon diri alai dibagasan haporseaonna songon naposo ni Debata ibana patuduhon sikap na denggan, laos dihatiha i do ibana patudu haserepon dohot pangulaon na dihalomohon Debata.

7.    Pos ni roha ni halak na porsea dipatuduhon do di ay. 9 na mandok: “sai urupan ni Tuhan Jahowa do ahu” dung i ro ma sungkunsungkun, ise do na

niurupanni Jahowa? Tontu halak na tongtong mambahen Debata haporusanna, jala ndada holan di hata halak na marhaposan tu Debata ibana, alai tarida ma nang di bagasan ngolu siganup ari.

8.    Adong ma padohan na naeng pahebaonta marhite turpuk on:

- Ndang hutabunihon biohingku maradophon haurahon ni tijur. Unang adong roha gabe sumurut (kecut dan tawar hati) laho mangulahon na denggan lumobima mamaritahon hata ni Debata molo pe ingkon adopanta angka na masa hamaolon na parungkilon. Alai pos niroha ala ni Tuhan i do mandongani hita laho mardalan jalamangula ganup ari, ndang mabiar, alai

unang gabe pajagojagohon.

-   Tuhan Jahowa do mangurupi ahu. Dipartingkian on nunga godang halak na beralih mangido pangurupion ndada be tu Debata alai nunga lao be tu angka na gogo na di portibi on na dietong ibana boi magurpi ibana di ragam ni hamaolon i. Nunga lam sumurut be haporseaon ni torop halak tu hagogoon dohot huaso ni Debata. Alai anggo sisean manang naposo ni Debata ndada songon i.

- Jonok do ibana na mamintori ahu. Tuhan i ndang dao, jala ala ndang dao ibana sian hita tongtong ma tapahot haporseaonta. Dia tidak dibatasi oleh waktu dan tempat. Dia ada di mana-mana dan kapan saja. Amen.

 

Sungkunsungkun :

1.      Jotjot do hita lupa dipangurupion ni Debata na tu hita. Aha do mambahen i?

2.      Tahilala do na jonok Debata tu hita jala tangkas do tapanghilalahon denggan ni basaNa jala boi dohonon godang do alasan laho mamuji Debata. Angka dia ma i?

06.    Marende BE No. 81: 2 – 3 “Jesus Mual Ni Ngolungku”

07.    Tangiang Sian Na Ro

08.    Marende BE No. 718: 1 – 2 “Hubege Jesus Manjou”

09.    Tangiang Sian Na Manjabui

10.    Marende BE No. 471: 2.. “Hupillit Jesus Tuhanhi” (P.Pelean)

11.    Tangiang Penutup (Agenda)

 

 

Pdt. Lamhot M. Simbolon Pendeta HKBP Resort Teluk Pulai Dalam

MINGGU PASKAH 09 APRIL 2023

01.    Marende BE No. 94: 1 – 2 “Ale Tondingku Naung Hehe”

02.    Votum: A.IX/B – D.VII/26

03.    Manjaha Epistel: Kolosse 3: 1 – 4

04.    Marende BE No. 635: 1 – 2 “Ro Ma Tuhan Jesus”

05.    Jamita: Psalemen 118: 14 – 21

RAPHON JESUS DIPAHEHE (DIBANGKITKAN BERSAMA KRISTUS)

I.            PATUJOLO

Ia Psalmen 118 boi do sagion tu tolu horong, i ma a). Ayat 1 - 4 Ende Hamauliateon, na dijouhon (diendehon) secara responsoria (marsorinsorin), na manogihon bangso na biar mida Debata laho mamuji jala pasangaphon Debata, b). Ayat 5-21; ende hamauliateon ni marsasahalak, jala marrumanghon impola ni psalmen on (patudos. Ay.17 dohot ay. 19), I ma panindangion dohot pangurupion ni Debata. c). Ayat 22-29 panutup, na marisihon ragam ni bentuk ni na manjouhon manang mangandunghon dibagasan ende na masialusalusan manang responsoria.

Jala molo manat taparrohahon, Psalmen 118 on, memiliki keistimewaan, ala diapit dua bindu, ima Psalmen 117, i ma bindu na umjempek (holan 2 ayat) dohot Psalmen 119, i ma bindu na gumanjang (176 ayat). Jala Psalmen 118 on ma na gabe favorit ni Martin Luther (Tokoh Reformasi gereja) jala dilohothon ibana do ayat 14 dohot 17 di dinding ni bagasna, asa gabe hagogoon di ibana mangadopi ragam ni hamaolon dohot parungkilon, i ma : “Ai Jahowa do pargogongku dohot endengku, jadi hatuaonhu Ibana”, alani i, “ndang tagamon mate ahu, sai na mangolu do ahu, asa hupajojor angka pambahenan ni Jahowa”.

II.        HATORANGAN NI TURPUK

a)       Ay. 14 – 18 : Sada Panindangion di pandonganion dohot pangurupion ni Debata.

Psalmen on manggombarhon bangso na dihaliangi angka musu songon loba (ay. 12), i ma na marporang dompak bangsoNa, Umat didorong sampai jatuh dan hampir diinjak sehingga tidak dapat bangkit lagi, dilele hira na so boi be malua sian hamatean (pat. 2 Musa 14). Paingothon hita di hamamate ni Tuhan Jesus, naung tinggang jala hira na so boi be hehe hinorhon ni parungkilonNa na mansai

borat. Alai dipalua Debata do nasida sian ragam ni pangaleleion i, ndang dipasombu Debata na niasianNa, dipataridahon Debata do hagogoonNa, dohot huasoNa. Alai nuaeng, diurupi Debata do nasida, Tuhan menolongnya. Allah menyelamatkan mereka di saat yang paling kritis. Pengalaman inilah yang melahirkan nyanyian pengakuan iman umat, sehingga umat berkata: ”TUHAN itu kekuatanku dan mazmurku; Ia telah menjadi keselamatanku” (Mzm. 118:14 ; pat. 2 Musa 15 : 2). Diurupi jala dipalua Debata do na niasianNa, marhite hagogoon na so hatudosan i, halongangan dipatupa Debata laho paluahon tu hangoluan, ndang di hamagoan manang hamatean be ujung ni ngolu na pasahathon diri tu Debata Ama, songon na pinatupa ni Jesus, dipasahat do diriNa tu tangan ni Debata Ama (patudos Lukas 23 : 46 : Ale Amang, tu bagasan tanganMu ma Hupasahat tondingku..”) Sian i ma tarida, “Siamun ni Jahowa do sibahen hamonangan” (ay. 15 – 16). Tujuan haluaon na pinatupa ni Debata, na mangalehon hangoluan, asa tapajojor, asa tabaritahon i (ay. 17). Keselamatan dan pertolongan Allah tersebut harus dideklarasikan oleh umat agar seluruh umat manusia juga mengalami pengalaman yang sama.

b)     Ay. 19 – 21 : Na manjalo hangoluan sian Debata do na boi masuk tu bahal ni hatigoran ni Debata Haluaon na pinatupa ni Debata, i do na mamboan hita laho mamuji Debata jala mamboan hita bongot tu bahal ni hatigoran ni Debata (ay. 19). Pintu gerbang di Bait Suci itu disebut ”pintu gerbang kebenaran atau keadilan” (Mzm. 118:19), sebab sebelum umat diizinkan memasukinya mereka harus membuktikan kesungguhannya. Umat yang akan memasuki pintu gerbang kebenaran adalah umat yang tidak memiliki dosa yang tidak dapat diampuni, alai i ma halak na burju marpangalaho dohot siulahon hatigoran, halak na so marhata tundal, songon na tarsurat di Psalm 15 : 1 – 5. Jolma na bongot tu bahal hatigoran ni Debata do na mangonjar roha nang pikirannta mandok mauliate tu Debata Jahowa (ay. 21). Hanya dengan hati yang bersyukur atas segala rahmat dan pertolongan Tuhan sebagai penyebab segala sesuatunya boleh ada. Jala i do didok di Psalm 100 : 4 “Bongoti hamu angka bahalna marhitehite hamauliateon, angka alamanna marhitehute puji-pujian, mauliate ma rohamuna tu Ibana, puji hamu ma goarNa.

III, PANIMPULI

Nunga tajalo hamonangan marhitehite haheheon ni Tuhan Jesus, jala marhite i ma boi jumpangta hamonangan nang di hita molo raphon Jesus ngolunta,

songon Topik ni Minggunta, ima Raphon Jesus Dipahehe. Alani i, patut ma songon par-Psalmen on ngolunta, mandok mauliate tu adopan ni Debata jala mamaritahon sude pambahenan ni Debata na balga i, holong ni rohaNa na so tardodo i, menceritakan segala perbuatanNya yang perkasa kepada semua umatNya. Allah itu kasih adanya sehingga apapun tidak dapat membatasi kasihnya. Bahkan sebagai puncak dari kasihNya, Dia rela mati di kayu salib untuk menunjukkan kasihNya. Maka, sepantasnyalah hati kita mengucap syukur atas segala kasihNya. Alani i, taparrohahon ma na di ginjang i, i ma haluaon na pinatupa ni Debata, ai disi do patar sogot hangoluan na sian Debata (Kolose 3 : 1 – 4).

Jika dilihat secara keseluruhan, ada tiga syarat yang harus dilakukan umat untuk melihat bukti nyata anugerah-Nya, yaitu berdoa dalam nama Kristus, memberitakan kabar kebenaran dari-Nya, dan berperilaku sesuai ajaran-Nya. Hendaknya seorang umat mengerjakan tiga persyaratan tersebut agar senantiasa mendapat perlindungan dari-Nya.

Sungkunsungkun :

1.    Godang angka na masa na taadopi di ngolunta siganup ari, marhite on, na gabe sunggulsunggul di hita : Taparhatopot do huaso ni Debata tuk mangalehon hagogoon dohot hamonangan di hita ?

2.    Molo tarimangrimangi pardalanan ni ngolunta siganup ari jala tahilala do pandonganion ni Debata di hita, naung dohot do hita mambaritahon haluaon ni Debata marhite parngoluonta?

06.  Marende BE No. 770: 2 – 3 “Tu Debatami”

07.  Martangiang Sian Na Ro

08.  Marende BE 426: 1 – 2 “Tutu Na Mate Jesus i”

09.  Martangiang Sian Na Manjabui

10.  Marende BE No. 92: 1... “Puji Ma Na Manaluhon” (P. Pelean)

 

Pdt. Edison Nababan, S.Th Pendeta HKBP Resort Labuhan Ruku II

MINGGU QUASIMODOGENTI 16 APRIL 2023

01.  Marende BE No. 2 : 1 – 2 “Naeng Pujionhu Ho Jahowa”

02.  Votum: A.X/B.1- D.VII/27

03.  Manjaha Epistel: Hesekiel 36:22 - 27

04.  Marende BE No. 827: 1 – 2 “Marbungaran Hata I”

05.  Jamita: Pangungkapon 21: 5 – 7

MARPARANGE HOMBAR TU HATA NI DEBATA (DIPERBAHARUI UNTUK HIDUP MENURUT KETETAPAN ALLAH)

Huria ni Tuhanta

Aha do na imbaru na nidokna di bagasan turpuk on? Di ayat 1 tangkas didok na dibereng si Johannes, ima panurat ni buku on do di parnidaanna banua ginjang na imbaru dohot tano na imbaru. Molo adong banua ginjang na imbaru dohot tano na imbaru, antong tudia nama banua ginjang dohot tano sisaonari? Ai didok di ayat 1 salpu ma banua ginjang dohot tano na taingani sinuaeng. Sian i naeng taantusi, ndang manongtong hape tano na taingani on. Salpu do hape sude. Antong molo laho salpu do hape sude, boasa olo hita loja mangalului na di portibion? Ai sipata molo taida ndang diboto sasahalak i be samban holan mangalului na di portibion. Suda ariarina, suda gogona holan pasarisari na ringkot di portibi on. Adong na deba sipata ndang sanga be menikmati ngoluna holan pasarisari na di portibion. Nian ndang sala mangalului arta na godang, mangalului pangkat na timbo, molo sian dalan na tingkos jala boi ma nian dinikmati ngolu na di portibion.

 

Huria ni Tuhanta.

Angka dia do haroa sijaloonta di banua ginjang na imbaru dohot di tano na imbaru? Ayat 2 didok adong ma disi huta na badia, ima Jerusalem na imbaru jala di ayat 3 didok: mian ma Joro ni Debata di tongatonga ni angka jolma. Dung i di ayat 4 dipatorang ma muse songon dia situasi manang kedaaan na masa di banua ginjang na imbaru i dohot di tano na imbaru i ima: Debata na mangapusi iluilu, lapatanna ndang adong disi hamatean, arsak, angguhangguk, na hansit; holan hadameon, las ni roha dohot olopolop nama jumpang disi.

Ima na hinangkam ni ayat 5 di jamita on marhite pandohan: saluhutna do hupaimbaru. Portibi na gok dosa dohot haberniton ingkon salpuhonon ni Debata. Andigan ma i masa? Ima di ari parpudi, ari paruhuman ni Debata. Alani i molo pe marsitaonon angka huria na parjolo i ima hasahatan ni buku on dimulanai ima

alani haporseaonnasida di Jesus Kristus, dipaingot ma nasida paboa na laho salpu do sitaonon nasida i. Molo pe hansit, mangangguhi nasida alani pangaleleon sian panggomgomi Rom hatiha i, salpuhonon ni Debata do i di ari na parpudii. Lapatanna ndang hot pardangolan na niaenasida i ala mangula do Debata jala maringan di tongatonganasida.

Huria ni Tuhanta, ndada holan halak Kristen panuratan ni Buku Pangungkapon on na manaon na porsuk alai hita pe di partingkianta sinuaeng tongtong do mangadopi na porsuk manang hamaolon, nang pe mungkin marasing angka haporsuhon na taadopi. Sahat tu saonari adong do donganta sahaporseaon na marungkil ala ndang dipaloas pajongjong Gereja, ndang diloas beribadah. Adong do mungkin sian hita naung tingkina naik pangkat alai gabe tu na asing dilehon ala halak Kristen hita. Adong do ra sian hita na gabe sisogo ala sidok na tingkos, gabe dipasiding hita, dohot lan angka na asing. Molo masa angka i, gabe mandele do hita? Gabe mandao do sian Tuhan i?

Alani i, songon siihuthon Tuhan i hita, dipasunggulhon ma muse tu hita asa Manahan jala hot dihaporseaon. Ido didok ayat 7: teanon ni na monang ma saluhutna. Jala ingkon taingot do di banuaginjang na imbaru dohot tano na imbaru, holan inganan ni angka na monang do disi. Alani i unang tagadis haporseaonta marhite na mangulahon na maralo tu Hata ni Debata holan alani jabatan, hamoraon, hagabeon, rongkap dohot lan angka na asing. Hata ni Debata na mandok di Pangungkapon 2:10a: Sai burju ma ho rasirasa mate; dung i lehononKu ma tu ho tumpal hangoluan i. Jambarta do hangoluan na salelenglelengna asal ma hot hita sahat tu ujungna.

Huria ni Tuhanta…

Di Ayat 6 didok….LehononHu ma tu na mauas sian mual aek hangoluan i, so pola tuhoron. Tontu pandohan on nunga tajalo jala nunga be tadai. Jesus do aek hangoluan i jala nunga tahaporseai. Alani i nunga sahat be tu hita ayat 6 on. Lapatanna, dibagasan Jesus dapotan aek hangoluan do angka na porsea i, alai dipasingkop ma i di ari parpudi. Molo mauas hita di aek hangoluan i ro ma hita tu Jesus. Mateus11 : 28 didok: Ro ma hamu tu Ahu, hamu angka na loja jala na sorat….Aek Hangoluan i nunga tajalo i marhite pasupasuNa, marhite pandonganionNa, jala uju marsak apulanNa do hita. Ndang dipasombu Debata hita di tano na taingani nuaeng, jala didok so pola martuhor lehononNa tu hita. Alani i sotung adong halak Kristen na merasa “Kesepian”, na merasa ndang adong na mandongani, merasa ndang adong na manarihon. Antong, mangasahon Jesus silehon aek hangoluan i gabe angka na monang ma hita asa parsidohot hita di banua ginjang na imbaru dohot di tano na imbaru i, jala marparange ma hita

hombar tu hata ni Debata songon topic ni partangiangan on: Marparange hombar tu Hata ni Debata.

Sungkunsungkun :

1.      Aha do sipatupaonta asa parsidohot hita di banuaginjang dohot langit na imbaru na pinarade ni Debata?

2.      Aha do na mambahen ndang marparange hombar tu hata ni Debata?

 

06.  Marende BE No.9: 3 + 6 “Hupuji Holong Ni RohaMu”

07.  Tangiang Sian Na Ro

08.  Marende BE No.501: 2 “Sai Ditogutogu Jesus”

09.  Tangiang Sian Na Manjabui

10.  Marende BE No. 248:1... “Saleleng Ho Di Tano on” (Papungu Pelean)

11.  Tangiang Panutup (Agenda)

 

 

Pdt. Frizon Saragih, S.Th Pendeta HKBP Resort Air Batu

MINGGU MISERICORDIAS DOMINI 23 APRIL 2023

01.  Marende BE No. 565:2 + 4 “Las Rohangku Lao Mamuji”

02.  Votum: A.X/B.2 – D.VII/28

03.  Manjaha Epistel: 1 Petrus 1: 17 - 23

04.  Marende BE No.20: 2 + 5 “O Jesus Tuhannami”

05.  Jamita: Psalmen 116: 12 – 19

MANGULAHI TUBU DI BAGASAN HATA NI DEBATA (DILAHIRKAN KEMBALI OLEH FIRMAN ALLAH)

Hamuna dongan sahaporseaon na hinaholongan di bagasan Kristus!

Di pangaranapion ni parpsalmen taringot tu pambahenan ni Jahowa tu ibana, diakui parpsalmen on do molo: (1) ditangihon Jahowa do joujou dohot pangidoanna; dipaeleng Jahowa pinggolNa tumangihon joujouna; (2) dipalua Jahowa do tondina tingki dihaliangi rante ni hamatean, tingki dihagogotan ni banua toru ibana, jala tingki mardangol ibana; (3) dipatuduhon Jahowa tu ibana, na tung parasiroha do Jahowa; (4) diurupi Jahowa do ibana tingki tarjepol ibana siunjurroha; (5) denggan do uhum ni Jahowa tu ibana, jala gabe mulak tondina tu ruma; (6) dipalua Jahowa do tondina sian hamatean; (ay 7) diapus Jahowa iluilu sian mata ni ibana; (8) dipalua Jahowa do patna sian partuktukan. Diranap ibana do na tung konsisten Jahowa marasiroha tu ibana, nang pe naung dangol situtu ngoluna dihilala ibana. Aut unang pangurupion ni Jahowa nunga tung mago situtu ibana.

Songon sahalak na mananda pambahenan ni Jahowa tu ibana, ditompuk ibana andorana mandok: Tung beha ma pamaloshu tu Jahowa, ala saluhut denggan ni uhumna i tu ahu! Denggan do roha mauliate na sihol laho mamalos pambahenan ni Debata. Atik pe ndang tarbalos hita ganup na binahen ni Debata tu hita, alai ndang gabe so balosonta na boi tarbalos hita. Ai dohot do nang roha na ra mamalos i patuduhon balga ni las ni rohanta di angka naung tajalo sian Debata. Ndada holan angka naung patar jala na dapot taida i umbahen tubu las ni rohanta mamalos denggan basa ni Debata, alai dohot do nang denggan ni uhumNa, naung manubuhon hita mangulahi tu godang ni asinirohaNa. Tama do nang hita maniru parpsalmen on. Olo hita tangkas mananda angka dia naung dibahen Tuhan tu ganup dirinta, jala manukkun dirinta be aha bahenonta balos ni na denggan naung tajalo sian Ibana. Halak na so olo mangaranap dohot mangakui aha naung dibahen Tuhan tu ngoluna, ndang olo i mambahen balos ni na denggan na tu ibana. Hukum

kemanusiaan do na songon i. Molo tinanda aha na denggan na binahen ni natoras tu iba, lao do roha mambalos i tu natorasniba i. Molo tinanda aha na denggan na binahen ni dongan sahuta, manang tulang, dongan tubu, boru, tu diriniba, lao do roha mambalos angka na denggan i marhite angka na denggan. Somalna, na denggan do balos ni na denggan. Tabilangi ma jolo angka aha na denggan naung dibahen Jahowa tu hita ganup. Ra olo do ndang hajojoran i sude dison. Ganup do manjalo adong na khusus tu dirina be. Tugasta do manungguli rohanta, dohot roha ni donganta, asa mananda aha na denggan naung dibahen Jahowa tu ganup hita.

Sada pangalaho na jumpang sian par-Psalmen on laho mandok mauliate i ma marhite na mamelehon dirina (ay.13), songon Tuhanta Jesus na mambuat panginuman i, paingothon hita taringot tu haluaonta, haporseaonta tu Ibana, tanda ni pangoloionta tu Ibana, parsaoranta dohot Ibana. Asa molo tasungkun dia hadomuan ni pelean dohot panginuman, ala songon na tarida di 4 Musa 28:7, dipatuduhon gombaran ni panginuman i do las ni roha na suksuk na marlompitganda. Jala ndang di inganan na buni par-Psalmen on manggarar dengganbasa ni Debata, diadopan ni sandok bangso do (ay.14). Hasomalan di na robi, molo naeng marbagabaga ingkon di adopan ni loloan manang natorop do, diadopan ni angka sitindangi. Boasa, ala ditogu jala ditubuhon roha dohot bagabaga na songon i angka roha ni jolma natorop, parsidohot nang mandok mauliate, mamalos nasa dengganbasa ni Debata.

Sada denggan ni uhum ni Debata na dipanghilalahon par-Psalmen i ma tung mansai arga do di roha ni Jahowa hamamate ni angka na niasianNa (ay,15). Upa tinuhor ni dosa do hamatean. Konfessi HKBP 1996 bindu 3 mandok “ujung ni sude dosa manang beha pe rumangna marhapatean tu hamatean do”. Tung so adong do dalanna molo sian dirinta manang sian gogonta sandiri malua hita sian hamagoan dohot rante ni hamatean i. Holan ala asiniroha ni Tuhanta na manubuhon hita mangulahi sian hataNa i, i ma na tahaporseai dipatupa Debata marhite Tuhanta Jesus Kristus umbahen na malua hita. Jadi di hinadangol, panaonon dohot panghongkopon ni Tuhanta i do dapot hita hinaarga ni hamatean ni angka na niasianNa i. Antong songon halak naung ditubuhon hita mangulahi ndang mabiar be hita mida sorop ni hamatean, ndang pola mabiar be hita mate di adopanNa tung jonok pe angka tingki ni hamateanta. Ndada musibah manang kecelakaan bolon be molo di tingki na dipabongot Debata hita mamolus hamatean. Ala na mansai torop do hamagoan na boi mangago hita saleleng di portibion dope hita. Diramoti Debata ma hita jolma naniasianNa i sian adopan ni angka hajahaton na naeng ro. Dipalua hita sian angka pandokdohi ni pamatang, mansohot ma dosa dohot arsak sisalelenglelengna.

Digoari tubu mangulahi, ala sian halak pardosa hian ditubuhon mangulahi gabe naposo ni Debata, marhite na diharhar Debata rantena (ay.16). “Ale Jahowa nunga tung naposoM ahu”, manang aha pe jabatanta, manang sadia timbo pe pangkatta, manang boha pe godang ni artanta intap ni ‘naposo ni Debata do hita”. Marhite i dipaingot ma hita asa unang madabu hita tu ginjang ni roha dohot angka ragam ni pangunjunan. Laos on do tioponta uju mangadopi angka sitaonon na dokdok na ro manahopi hita.

Na parpudi, bagabaga ni parpsalmen on tu Jahowa i ma mamelehon pelean hamauliateon tu Jahowa apala di adopan ni sandok bangsoNa, di angka alaman ni Jahowa, di parsitongaan ni Jerusalem. Ndang dipaboa dison sadia godang ni pelean hamauliateon i. Alai rajuman do i, sampe boi mangalehon mangan sagat sude jolma na hadir di alaman ni Jahowa di bagasjoro i dohot di ruarna. Siat do disi marduaribu halak tingki i. Pelean hamauliateon i, marrumang sipanganon, jala dibagihon ma i panganon ni angka jolma na ro tu bagasjoro, asing ni naung dipasisi gabe balanjo ni angka malim. Pelean i ndang na laho patuduhon na boi sibahenon, ndang patuduhon ginjang ni roha, alai tung haserepon ni roha do i laho pasangap Jahowa, naung manumpakkon boi bahenon na songon i di adopan ni Jahowa laos di adopan ni bangso ni Jahowa. Naeng ma parsidohot hita songon parpsalmen on, di hata dohot di pambahenan. Amen

Sungkunsungkun :

1.    Sian dia do taida naung ditubuhon Tuhanta hita mangulahi (dilahirkan kembali)?

2.    Songon dia do hita marespon pasupasu ni Jahowa na tajalo di bagasan ngolunta?

 

06.  Marende BE No.697: 3 – 4 “Molo Ho Do Huihuthon”

07.  Tangiang Sian Na Ro

08.  Marende BE No.706: 3 “Godang Ni Pasupasu i”

09.  Tangiang Sian Na Manjabui

10.  Marende BE No.694: 1...”Jesus Ho Nampuna Au” (P. Pelean)

11.  Tangiang Panutup (Agenda)

 

Pdt. Noveria Hutapea, S.Th Pendeta HKBP Resort Silau Maraja

MINGGU JUBILATE

30 April 2023

01.    Marende BE No. 435: 1 – 2 “Marolopolop Tondingki”

02.    Votum : A.X/B.3- D.VII/26

03.    Epistel : Psalmen 100 : 1 -5

04.    Marende BE No. 211: 1 – 2 “Tuhan Jesus Siparmahan”

05.    Jamita : Johannes 10: 1-10

MANONGTONG DO ASI NI ROHANA (TUHAN SETIA DALAM PEMELIHARAANNYA)

Dibaritahon ma di negara Skotlandia: panghorhon ni Perubahan Iklim, ternyata juga mempengaruhi ukuran tubuh domba menjadi semakin kecil. Fakta ini ditemukan para ilmuwan yang meneliti populasi domba di sana. Sejak penelitian dimulai 24 tahun yang lalu, ukuran domba ternyata mengerut lima persen. Kaki-kakinya semakin pendek dan berat badannya terus menurun. Mereka kemudian menyimpulkan bahwa jika pengerutan ini terus terjadi, diperkirakan seratus tahun lagi domba akan menjadi seukuran anjing chihuahua.

Domba=birubiru, memang tergolong ternak yang lemah dan sangat rentan mengalami masalah, bahkan pada perubahan iklim. Molo pe dipillit Yesus dipangajarionNa taringot tu Birubiru, ala hubungan antara jolma dohot Debata digombarhan songon hubungan antara Parmahan dohot Birubiru. Birubiru na so mardihadiha, na gale na sai mangadopi ragam ni bahaya dan tidak berdaya. Ima patauhon ngoluna na Ingkon sai membutuhkan parmahan; na membutuhkan Pangurupion laho manogu jala mangondihon, unang mago diallang Babiat.Songon Birubiru do ngolunta, namarhagaleon, na mangadopi ragam hahurangan, ragam ni pangunjunan, alani i: molo soada na gabe Parmahan na Denggan laho manogu ngolunta sai na Lilu jala Mago do hita.

Dipagombarhon Jesus dipangajarionNa taringot tu Siparmahan Birubiru na denggan dohot na so denggan. Marbonsir ma i sian tuduhan ni halak Parise maradophon Jesus, songon siparmahan Penyusup= na sesat do Jesus, ala ndang manjalo mandat sian nasida= Farise songon siparmahan ni Parguruan. Dibuat Jesus ma Parumpamaan sian hasomalan masa diluat i, taringot tu na marmahan Birubiru.

Parmahan na denggan dohot na so denggan terbukti ma i sian pambahenanna. Molo Parmahan na so denggan, ima: na so bongot sian pintu laho tu bara ni birubiru; na manjangkit sian dalan na asing laho bongot; ima

panangko do i jala pamangus, ala ndang sian dalanna laho bongot. Alai siparmahan birubiru, ima na bongot sian pintu jala Karakter Parmahan na denggan, digombarhon do haradeonna na mambege soara ni birubiru i; na mananda birubiruna di goarna be; na manogihonsa tu balian; na manogu disidalanna jala namardalan dijoloihuthonon ni birubiruNa gabe ndang olo birubirui mangihuthon jala ndang mananda disoara ni parmahan na asing.

Ndang diboto Parise Lapatan di Pangajarion ni Jesus i, ala ndang ditanda nasida ise do Jesus na tutu situtu, holan parduru do diboto ia Jesus: “Nda Ibana anak ni tukang i? Nda si Maria do goar ni inana i, jala angka anggina do si Jakobus, Josep, Simon dohot Judas” (Mateus 13:55). Diungkap Jesus ma Unok ni PangajarionNa: “Na tutu situtu na hudok on tu hamuna”, Panindangion na manogu tu Panandaon di HadirionNa, Ibana ma: “Ahu do pintu” na tu birubiru i. Saluhut angka naung manjoloani Ahu, panangko do i jala pamangus; ndang ditangihon angka birubiru i nasida. Hata na manogu tu hasintongan do pandohan ni Jesus, na mengkritisi angka parmahan na so denggan. Dipadua hali Jesus ma mandok laho patota panandaon tu HadirionNa: “Ahu do pintu i”. Pintu na tutu tu Haluaon: Paluaon do ganup na bongot sian Ahu; na laho bongot jala laho ruar ma ibana, dapotan jampalan.Anggo panangko, holan manangkoi, maneati jala mangago umbahen na ro, Alai Jesus, ima Parmahan jala Pintutu Haluaoni: asa adong hangoluan pola marlobilobi di nasida, umbahen na ro: “Boto hamu ma on: Jahowa do Debata; ibana jumadihon hita, jala Ibana nampuna hita, bahen bangsona dohot birubiru pinarmahanna”(Psalm100:3-Jamita tu Minggu).

Jesus do Siparmahan na denggan jala Pintu Haluaon i. Ibana do na tutu situtu Haluaon. Na Rade diparmahan jala na olo bongot sian Pintu haluaon, ido na taruli di Asi ni RohaNa, ai manontong do asi ni Roha ni Jahowa sian mulanimulana sahat tu Ujung ni hasiangan on, ido na patau hita mar-Jubilate= taruli di Olop- olop. Marhite i, hita Huria ni Kristus.mananda ma dohot tutu situtu di Jesus do Pintu Haluaon i. Paluaon do ganup na bongot sian Ahu jala Parmahan na denggan do anggo Ahu (Joh10:9+11), Rade ma ngolunta diparmahan jala mamongoti Pintu Haluaoni, ima Jesus Kriatus i…!! Amin.

Sungkunsungkun :

1)          Dia do naeng sihirimon nang situjuonta dihangoluan on?

2)          Dia do alana, aha do bonsirna umbahen maol jolma mananda jala marsitutu laho mangihuhon Jesus Siparmahan na denggan jala Pintu tu Haluaon??

 

06.  Marende BE No. 233 : 1 – 2 “Turena i ManodoTuhan Jesus”

07.  Tangiang sian Na Ro

08.  Marende BE No. 221: 2 – 3 “Saleleng Jesushi”

09.  Tangiang sian Na Manjabui Partangiangan

10.  Marende BE No. 475: 1... “Ho Tongtong Ihuthononhu” (P. Pelean)

11.  Tangiang Panutup (Agenda)

 

 

 

Pdt. Ramli S. Sihombing, STh Pendeta HKBP Resort Labuhan Ruku

MINGGU KANTATE 07 MEI 2023

01.  Marende BE No. 587: 1 – 2 “Taendehon Las Ni Roha”

02.  Votum: A.X/B.4 - D.VII/27

03.  Manjaha Epistel: 1 Kronika 16: 23 - 28

04.  Marende BE No. 22: 1 – 2 “Nunga Ro Di Parguruan”

05.  Jamita: Kolosse 3: 15-17

 

MARENDE MA HAMU DI JAHOWA ALE SANDOK TANO ON (BERNYANYILAH BAGI TUHAN HAI SEGENAP BUMI)

A.     Patujolo

Buku Kolosse on disurathon Apostel Paulus hatiha dibagasan hurungan ala ni pamaritahonon di barita na uli (Kolosse 4:3, 10, 18). Sahat do barita tu Apostel Paulus taringot tu haporseaon nasida di Kristus Jesus suang songon i nang holong ni roha nasida mida angka nabadia. Barita las ni roha do on. Alai di sisi na asing, dihilala si Paulus do adong siparungkilhononna marpardomuan tu halak Kolosse i ma: haroro ni angka parbarita na asing (Kolosse 2 : 4) “Umbahen hudok songon i, asa unang dihatahatai deba hamu marhitehite malomalo ni panghuling”. Disurathon Apostel Paulus surat on, laho margogoihon dohot patoguhon haporseaon ni halak Kristen na di Kolosse mangadopi angka pangajarion sian panurirang pargapgap.

Deba sian pangajarion i, i ma: na patoruhon (meremehkan) hamonangan ni Kristus maradophon angka tradisi-tradisi naung leleng. Isarana taringot tu subang di sipanganon manang siinumon, manang siala ni pesta manang poltak bulan, manang ala ni ari Sabat pe (Kolosse 2:16, 20-23). Dipatuduhon Apostel Paulus do ulaon dohot hamonangan ni Kristus maradophon hasiangan on. Ibana naung monang i, i do na patut sisombaon, sioloan, jala ganup halak na porsea ingkon mangolu dibagasan ngolu na imbaru naung pinaimbaru ni Kristus.

B.      Hatorangan

Dipatuduhon Apostel Paulus do dasar ni sude sipaingotna on i ma: Dame ni Kristus (Ay. 15). Dame ni Kristus i ma silehonlehon na balga na pinasahatNa tu siseanNa na parjolo i, naung tu sude angka siihuthon Ibana. Dame on do manjou angka na porsea gabe sada daging, gabe marhahaanggi. Marhite dame i do dimungkinkan parsaoran/ persekutuan di angka na porsea. Hombar tu si ma, molo

maringan jala mangarajai dame on dibagasan roha ni jolma, di si ma talup jala margogo jolma i laho manghangoluhon ngolu na imbaru ma sian Kristus i. Di si do boi jolma patuduhon parasinirohaon, habasaron, haserepon, dohot sandok pangalaho na hinalomohon ni Debata. Manghalashon silehonlehon na balga on, disosohon si Paulus do marhhite na mandok “gabe parroha mauliate ma hamu”, asa saluhut halak naung dapotan asi ni roha dohot sibasabasa sian Debata umboto pasahathon hamauliateonna.

Tanda ni halak na mandok mauliate tarida do i marhite sikap na olo unduk manangihon jala rade mangulahon hata ni Kristus di pardalanan ni ngoluna. Na naeng dohonon ni si Paulus marhite on i ma asa marhite na manangihon hata ni Kristus jala paianhon hata i ditongatonga ni ngolu, naeng margogo ganup halak masiajaran jala masipaingotan. Hata masiajaran (ay.16) marlapatan mangurupi dongan mardalan di dalan na sintong. Masipaingotan (ay.16) marlapatan paholanghon dongan sian dalan na sala, suang songon i tarida do marroha hamauliateon nang marhitehite ende pujipujian pasangaphon Debata ditonga ni punguan. Jala dipangujungi ni turpuk on, disosohon si Paulus muse asa, molo tung diulahon angka na porsea i angka ruhutruhut ni ngolu na imbaru, naengma saluhutna marhitehite Goar ni Tuhan Jesus huhut dibagasan roha mauliate. Marhite on na sosoanna ganup hita, asa unang adong jolma i na patengahon diri, mangarajumi angka pambahenanna na denggan maradophon donganna jolma.

Hita angka naung pinillit ni Debata dibagasan haluaon naeng ma mangolu dibagasan haholongon. Ala haholongon i sian Debata do tu angka na pinillitNa asa dapotan haluaon. Jala haholongon i do hataridaan ni ngolu na imbaru. Dibagasan na manghaholongi dongan jolma ma tarida holong tu Debata, sabalikna ndang manghaholongi dongan jolma marlapatan ndang manghaholongi Debata (1 Johonnes 4:20). Naeng ma angka naung dihaholongi Debata saor tu angka dongan jolma, asa marhite parsaoran i dihilala nasida holong ni Debata; adong kepedulian, na rup manghilala di sitaonon nang las ni roha dongan jolma.

Halak naung mangolu dibagasan Jesus Kristus, dipatuduhon do semangat haimbaruon ni ngolu, jala ndang holan dirina na dibangun, manang dipauliuli. Alai adong do rohana laho pauliulihon donganna jolma nang humaliangna. Dipatuduhon ma i marhite na olo mangajari manang paingothon, ndang olo dipasombu dongan nang humaliangna dibagasan haotoon nang hapogoson. Adong

aksi nyata parbue na nihaporseaonna sian Kristus Jesus naung paluahon hita sian dosa nang hamatean i. Ganup ruas ni Tuhanta ingkon mangajari donganna na so umboto jala paingothon donganna na lilu. Nungga dibahen Apostel Paulus tiruan: ndang dirinta be naeng tapatujolo manang tapasangap marhitehite pambahenanta, ndang dirinta naeng pujion ni halak ala ni pangalahonta, alai Debata ma naeng marsangap. Nasa na taulahon di ngolunta ingkon rajumanta do songon hamauliaton ni rohanta tu Debata, ai saluhutna na adong di hita marharoroan sian Ibana. Ndada holan sinamot, manang ngolu portibi on na nilehon ni Debata tu hita, alai lumobi ma ngolu na imbaru marhitehite Jesus Kristus; na gok hasonangan; ima hangoluan na salelengnilelengna i. I do na tama di ngolu ni na porsea, ai marhite Ibana do adong gogo di hita laho mangulahon angka siulaonta ganup marsadasada. Ala ni i naeng rohanta nang ngolunta girgir mandok mauliate tu Debata. Amen.

 

Sungkunsungkun :

1.      Nunga dipasahat Debata tu hita ragam ni angka pasupasu, boha do hita mangalapati i?

2.      Aha do na boi tapatupa songon tanda ni holongta na marhuria?

06.  Marende BE No. 362: 1

07.  Tangiang Sian Na Ro

08.  Marende BE No. 568b: 1

09.  Tangiang Sian Na Manjabui

10.  Marende BE No. 724: 2... (P. Pelean)

11.  Tangiang Panutup (Agenda)

 

Pdt. Pancasona Simbolon, M. Div Pendeta HKBP Resort Mutiara

MINGGU ROGATE 14 MEI 2023

 

01.  Marende BE No.416: 1 + 3

02.  Votum: A.X/B.5 – D.VIII/29

03.  Manjaha Epistel: Pilipi 4:1- 7

04.  Marende BENo. 830: 1

05.  Jamita: Jona 2: 1 – 10

MARTANGIANG MARDONGAN MAULIATE (BERDOA DAN MENGUCAP SYUKUR)

Sian bagasan butuha ni dengke ihan raya do panurirang Jona joujou tu Debata di bagasan tangiangna. Boasa boi ibana bongot tu butuha ni ihan raya i? Disuru Debata do ibana tu huta Ninive laho maningtinghon uhum ni Debata mida huta i alani hajahaton na niula ni pangisi ni huta i, mambahen tarrimas Debata. Alai ndada borhat tu Ninive ianggo panurirang Jona, tu huta Tarsis do ibana maporus, didok rohana ndang adong lapatanna paingoton pangisi ni huta i, ulaon na marisuang do i, tumagon ma diuhum Debata nasida. Gabe borhat ma panurirang Jona marparau tu Tarsis, alai tompu so panagaman diparo Debata ma habahaba siapalutus tu laut i, gabe masa ma hagunturon bolon. Mabiar ma sude angka pangisi ni parau i, alai anggo si Jona modom do peak di kapal i. Pola muruk nampuna kapal i, “Aha di ho parpodom na redem ? Hehe ma ho manjou ma ho tu Debatam, anggiat tung marpangulahi roha ni Debata tu hita, asa unang harom hita.” (1:6). Alai ndang marna mansohot habahaba alogo siapalautus i, gabe marsipandohan ma nasida: “Tole marhopok ma hita (Marilah kita buang undi) asa itaboto manang ala ni ise umbahen na ro parmaraan on tu hita.” Jadi marhopuk ma nasida, gabe hona si Jona. Holan didihindat nasida si Jona jala direongkon ibana tu laut i, so ma laut i sian gunsangna. Diparo Debata ma sada ihan raya asa dibondut si Jona, ido umbahen na di bagasan butuha ni ihan raya si Jona jala di butuha ni ihan raya i ma ibana tolu ari tolu borngin, jala sian ima ibana joujou songon na didok di ayat 1 turpuk on.

Di bagasan inganan na holom (butuha ni parbeguon didok di ayat 3) diingot panurirang Jona martangiang tu Debata. Dirajumi rohana do molo na tongtong do parasiroha jala pardengganbasa Debata. Dirajumi rohana do molo Debata

sitangihon tangiang jala alusanNa do joujou nang anggukanggukna. Nang pe sian inganan na holom, holang sian angka dongan jala dao sian bagas joro ni Debata, alai dirajumi rohana do molo ndang gabe tarambat tangiangna nang soaraNa tu Debata. Ndang haambatan ni manang aha pe soara na joujou tu Debata, nang pe di inganan na soding manang na buni, alai tangihonon ni Debata do soara ni na joujou tu Ibana. Laos on ma nang na gabe sipaingot di hita, manang didia pe hita jala manang aha pe na masa di bagasan parngoluonta, na rade do Debata manangihon joujounta (tangiangta). Asa ndada holan di inganan na tertentu hita boi manjou Debata, manang didia pe hita, di huta nang di balian, di inganan na ribur nang di inganan na lungun, di bagasan roha na magopu nang roha na las, tongtong do tangi Debata di joujounta.

Taida nang sian tangiang ni panurirang Jona on, molo rimas ni Debata na pola mambahen panurirang Jona dibondut dengke, mambahen ibana marhamubaon ni roha. Hamaolon na diadopi ibana, gabe paubahon rohana na sanga mandao sian Debata, pola didok ibana di ayat 5 “Nunga bali ahu sian jolo ni mataM; alai tahe ulahanhu dope mamereng dompak joro habadiaonMi”. Ditanda ibana dirina naung mardosa di adopan ni Debata, jala dirajumi rohana do na so patut ibana manjalo asi ni roha ni Debata. Molo tung pe ingkon manaon ibana alani naung sumurut ibana sian adopan ni Debata, alai ndang gabe disalahon ibana Debata alai justru disolsoli ibana do rohana naung manulak panjouon dohot parsuruon ni Debata tu ibana. Asa molo tung pe sipata taadopi angka hamaolon di bagasan ngolu on amang, inang, unang pintor mura-mura hita mandele jala manudu Debata mambahen na so patut tu hita. Na boi do angka hamaolon i paingothon hita asa lam jumonok tu Debata, manait hita asa unang lam dao sian adopan ni Debata.

Mananda diri di angka hahurangan mansai ringkot do i di na ro hita mandapothon Debata pasahathon pangidoanta tu Ibana. Di na matangiang hita, ndada holan na pajojorhon angka sipangidoonta, alai taingot angka jolma pardosa do hita na patut sirimasan ni Debata. Holan alani asi ni roha ni Debata nama na mambahen hita mangolu sahat ro di tingki on. Nunga ingkon di bagasan butuha ni parbeguaon ala naung disampakkon hita hinorhon ni dosa na taula. Alai mauliate ma tadok tu Debata na paluahon hita sian nasa ragam ni angka parmaraan. Asa, molo martangiang pe hita tu Debata taingot huhut mandok mauliate, unang lupahon denggan ni basaNa sudena naung paluahon hosam sian hamagoan, naung

manarihon ngolum, ngolu partondion nang ngolu pardagingon, naung mangaramoti ho sian ragam ni angka parmaraan. Tadok ma songon na nidok ni panurirang Jona on di ayat 10 “Alai anggo ahu mardongan soara pujipujian ahu mamele Ho, gararonhu do na huparbagabaga. Jahowa do nampuna hatuaon”. Nang di rura hamateon di butuha ni ihan raya si Jona alai tongtong diingot mandok mauliate jala mamujimuji Debata. Boha do ia hita? Amen.

Sungkunsungkun :

1.      Molo masa angka hamaolon/sitaonon tu bagasan ngolunta aha do na pintor ro tu bagasan pingkiranta, jala aha ma tindakan na pintor taulahon !

2.      Di tingki sadihari do hita jotjot martangiang, aha do na gumodang tadok di bagasan tangiangta, mandok mauliate do manang angka pangidoan ?

06.  Marende BE No. 814: 1 + 3 “Sai Ajari Au Tuhanhu”

07.  Tangiang Sian Na Ro

08.  Marende BE No. 788: 1 + 3 “Las Ma Rohamu Manghirim”

09.  Tangiang Sian Na Manjabui

10.  Marende BE No. 115: 1... “Tuhan Debata” (P.Pelean)

11.  Tangiang Panutup (Agenda)

 

Pdt. Natalina Nababan, S. Si Pendeta HKBP Resort Kisaran II

MINGGU EXAUDI 21 Mei 2023

01.  Marende BENo. 3: 1 + 3 “Puji Jahowa Ale Tondingku”

02.    Votum: A.XII.A – D.VII.32

03.    Manjaha Epistel: 2 Samuel 22: 1 - 7

04.  Marende BE No. 30: 1 – 2 “Jesus Lehon Hatorangan”

05.  Jamita: 1 Petrus 5: 6 – 19

DITANGIHON JAHOWA DO SOARA NI BANGSONA (TUHAN MENDENGAR SERUAN UMATNYA)

Huria ni Tuhanta na nihaholongan di bagasan Kristus Jesus,,,

Bagas jala borat do tantangan dohot hamaolon na niadopan ni hakristenon alani haporsean tu Kristus Jesus, mamungka sian huria na parjolo i sahat tu tingki on. Marungkil do huria na parjolo i, ala ndang dihalomohon natorop nasida. Tung apala tandi do parasingan ni cara hidup huria i sian nahumaliangna. Digoari ma nasida kelompok exclusivisme, ala ndang olo nasida marsaor tu natorop na mangolu di hasipelebeguon, harorangon, hahisapon dohot parmabuhon ( 1 Pet 4 : 3).

Di bona ni surat 1 Petrus on, didok apostel Petrus do, ia na tinuju ni surat on ima angka paisolat, naung tarpillit jala namarserak (1:1-2). Alai dihatindanghon apostel i do pangaramotion ni Debata tu huria na parjolo i mambahen margogo, manahan jala marhiras ni roha nasida ala ni haporseaon tu Kristus Jesus, asa gabe sahat tu haluaon. Laos sahat tu tingki on sai tong do mangadopi hamaolon sian duru ni angka na porsea tu Kristus i, isarani pelarangan peribadahan, diskriminasi, dohot angka na marpardomuan tu parkarejoan, dohot na dirajumi gabe angka paisolat na minoritas na tumoru hak na. Alai adong muse do hamaolon sian bagasan diri ni angka ruas ni huria i, ima na sai mangasahon hagogoonna dohot pingkiranna.

Huria ni Tuhanta na nihaholongan dibagasan Kristus Jesus,,,

Di turpuk on dipatorang do dalan laho mangadopi angka hamaolon di parngoluan on.

- Patutoru diri tu toru ni tangan ni Debata. Jotjot do tapangasahon pingkiranta dohot haadongonta, sai taetong do tolap gogonta dohot pingkiranta mangadopi hamaolon dohot angka sitaonon i, hape so ada na boi tapangasahon. Dungi hasomalon marungutungut, na mambahen ngolunta tu pandelean huhut dang porsea tu pangantoion ni Debata di ngolunta. Sai taetong do sude ala ni gogo

dohot malonta, gabe madabu ma tu ginjang ni roha, hape dialo Debata do angka na ginjang roha, alai dilhon do asi asi tu angka na serep marroha. Alani i molo tapatutoru dirinta tu toru ni tangan ni Debata, marlapatan do i; tapaloas Debata mangurupi dohot margogoihon hita di sude hamaolon di ngolunta jala marsigantung holan huaso dohot hagogoon ni Debata.

-          Unang holsoan. Roha na holsoan tubu sian godang ni angka na ta pingkiri dohot angka na tasangkapi tu tingki nanaeng ro. Isarana ; bohado parngoluon on muse, boha do ngoluni iananghon, boha do parkarejoanna dohot angka na asing. Sai boha bohaon ma rohanta, ndang be boi takendalihon rohanta diangka kehawatiran tu tingki nanang ro. Gabe olo ma madabu tu pandelean. Ido asa didok di turpuk on, “Tingganghon” manang tompashon. Tingganghon (Tompashon) lapatanna ndang adong tersisa boban i. Asa sian nasa roha ma tatingganghon sude nasa boban tu Debata, unang mardeba-deba, ai so adong gogonta manghunti/manaon i. Ido asa didok Tuhanta Jesus asa unang holsoan hita ( Pat. Mat 6 : 25-33).

-          Torang ma rohamuna jala dungo. Ayat 8, “sai maotaot do sibolis i mangalului sibondutonna”. Diboto sibolis i do hagaleonta, tingki sadiharina hita marhagaleon dohot holsoan. laos ditingki i ma musunta ima sibolis i mangela dohot mempengaruhi pingkiranta laho patulus angka tahina. Ai dang ro sibolis i ditingki “dungo” hita. Da boi do songon na golap pingkiranta dohot rohanta uju jumpang soncon angka sipingkiran dohot sisarihonon? Laos di situasi na songon ima, sigop sibolisi mnguasai dohot mngendalihon hita. Ala ni, ingkon torang rohanta jala dungo, asa unang gabe dipolgak sibolis i hita. Taingotma, mansai sabar situtu do sibolis i paintehon/menunggu dohot mangintip sadiharina gale jolma i. Torang ni roha dohot ngolu na “dungo” lumobi haporseaon nang pangoloion tu huaso ni Debata, ido gogonta mangalo dohot manaluhon sibolis i dohot sangkap-sangkapna. Ndada marhite gogonta dohot pingkiranta, alai marhite hagogoon na sian Debata ( Pat. 2 Tim 1 : 7).

-          Gomos marhaporseaon tu Debata. Ndang tarbahen so songgop angka haporsuhon tu ngolu ni angka na porsea, alai didok di ayat 10 i, “ Satongkin do haporsuhon i” ndada manongtong i. Asa molo satongkin do, tagamon ma pola marhamonangan haporsuhon i di roha dohot ngoluni na porsa? Baliksa hamonanghonon ni naporsea do ganup haporsuhon i marhite haporsaon dohot Tondi na sian Debata, songon na nidok ni BE No 707 : 1-3. Marsorin do las ni roha dohot arsak ni roha diloas Debata asa lam tau naporseai di pangaramotion ni Debata n manongtong marhuaso dohot marhagogoon. Ala ni, gomosma marhaporseaon, ndang mura-mura hallus, manang harhar. Gomos, unang

golom ria ria; nitiop so nitiop, nipalua so pinalua. Alai sian nasa roha maniop jala hot haporsaon i.

Huriani Tuhanta na nihaholongan dibagasan Kristus Jesus...

Di naung lam borat jala lam komplit angka hamaolon dohot haporsuhon na niadopan ni angka na porsa di Kristus i di partingkian saonari, boi do tubu angka sikap na apatis, mago panghirimon jala na sahat tu pandelean. Umpara sian i tahe gabe madabu tu na meragukan huaso ni Debata laos dipangasahon ma gogo nang pingkiranna di ngoluna. Hata ni Debata marhite Turpuk on, mandasdas roha dohot ngoluni angka naporsea di Debata nampuna saluhut asi ni roha i, asa manongtong pasahat dalanna dohot ngoluna tu Debata, manongtong jala gomos di haporseaonna asa marhamonangan manaluhon huaso ni sibolis. Ai dilehon Debata do jaminan hasangapon na manongtong i di angka naung jinouNa laho pauliulionNa, pahotonNa huhut patoguonNa dung jolo manaon satongkin hamaolon dohot haporsuhon i. Alani ima, sian nasa roha, pingkiran dohot ngoluna ma na porsea i pasangaphon Debata, marhite pasahathon dirina hibul tu toru ni huaso ni Debata na marhagogoon i huhut manongtong joujou tu Debata songon goar ni minggu Exaudi, ai tangihononNa do joujou ni angka na joujou. Amen.

Sungkunsungkun :

1.      Molo ro angka hamaolon dohot haporsuhon, huaso dohot hagogoon dia do na tapatujolo?

2.      Boha, taparhatopot dope na marhamonangan do angka na porsea maralohon huaso ni sibolis na sai maotaot mangalului sipolgahonna?

06.  Marende BE No. 769: 1- 2 “Tu Debata Do Panghirimon”

07.  Tangiang Sian Na Ro

08.  Marende BENo. 279: 1- 2 “O Jesus Tuhanhi”

09.  Tangiang Sian Na Manjabui

10.  Marende BENo.723: 1...”Tu JoloM O Tuhan” (P. Pelean)

11.  Tangiang Panutup (Agenda)

 

Pdt Juwita Nababan, S.Th Pendeta HKBP Resort Exaudi

MINGGU PENTAKOSTA I 28 MEI 2023

01.  Marende BE No. 102: 1 + 3 “O Tondi Porbadia I Bongoti”

02.  Votum: A.XIII.A- D.XI.33

03.  Manjaha Epistel: Johannes 20: 19 - 23

04.  Marende BE No. 826: 1 – 2 “Gohi Au Tuhan”

05.  Jamita: 1 Samuel 10: 6 - 10

JANGKON MA TONDI PORBADIA (TERIMALAH ROH KUDUS)

Huria ni Tuhanta, Pesta na balga do Ari Parningotan Hasasaor ni Tondi Porbadia di hita halak Kristen, ido umbahen na pola dipestahon dua ari padodot. Didok pesta na balga, ala di rajumi Ari Hasasaor ni Tondi Porbadia do na gabe Ulang Tahun ni hurianta HKBP, jala ido songon mula ni parsaoran ni angka na porsea. Jala dung songgop pe Tondi Porbadia asa borhat angka sisean i mamaritahon barita nauli, hombar tu parenta ni Tuhan Jesus. Haradeon/habaranion nasida mangulahon tona ni Jesus, marsending ido tanda ni naung songgop Tondi Porbadia tu nasida.

Angka dongan na hinaholongan ni Tuhanta Jesus Kristus, hombar tusi, sude do nang halak Kristen dapotan parsuruan sian Tuhan i, hombar tu silehonlehon na jinalona be, jala sipertanggungjawabhononna tu Debata. Di na disuru Debata hita mangaradoti ulaonta i, dibagabagahon do tu hita pandonganionNa, dibohali jala dilehon gogo tu hita mangula ulaon na tajalo i. Gariada dilehon do Tondi Porbadia tu hita laho margogoihon hita mangulahon parsuruonNa i. Laos songoni do turpukta sadarion na patoranghon taringot si Saul na nimiahan ni Debatamarhite si Samuel. Si Saul pe dimulana i jolma na biasa do ibana songon hita, anakkon ni si Kish sian suku Benyamin. Poso do pe ibana hatiha i jala na borhat do laho mangalului halode ni natorasna na mago (10:14). Jala dang hea tarpikir ni si Saul dohot natorasna na gabe diangkat jala dipillit Debata ibana gabe sada raja, bahkan si Samuel sandiri dang diboto paboa si Saul na dipillit Debata gabe panggomgomi ni bangso Israel. Sifat ni si Saul dihatiha i holan bergantung tu natorasna do, adong do mandok ibana sahalak parila/pemalu (1 Sam 10:22, Saul bersembunyi), adong muse mandok ibana parbiar/penakut (9:5), alai dung dimiahi Debata ibana, saluhutna do gabe berubah. Tangkas didok di ay.6, muba gabe jolma na asing, lapatanna karakter, sifat, manang pangalaho ni ibana berubah drastic sian pangalahona hian andorang so dimiahi jala dipillit. Jala angka naung tumanda si Saul na sailaon pe (ay. 11) gabe heran do marnida perubahan i, siala gabe tudos tu

panurirang do pangalahona dung dimiahi. Jala ido na gabe tugas ni ibana dung dipillit gabe sahalak panurirang, ima menyuarahon suara ni Debata tu angka bangsoNa. Dihatiha i, Saul benar benar dipauba marhite huaso ni Tondi Porbadia, gabe mampu do ibana manurirangi, mansuarahon suara hapanurirangon, laos perubahan sisongon i do na pinangido ni turpuk on tu hita saluhutna. Songon na nidok ni hata ni Debata di Rom. 12:2, ima ‘asa unang sarombang hita dohot portibion, alai gabe imbaru ma hita, na tau manimbangi lomo ni roha ni Debata’. Siala uju tardidi hita ganup talapati do i nunga diurasi hita gabe jolma na imbaru laho mamboan haimbaruon, jala tarjou do hita manghangoluhon hamalimon na raja (1 Petrus 2: 9). Halak naung manjanghon Tondi Porbadia i do na margogo mangulahon parbue ni Tondi.

Angka dongan na hinaholongan, aha do naeng dohonon ni turpuk on tu hita? Sude do hita tarjou na gabe pemimpin, baik mai pemimpin di tonga-tonga ni keluarga, di tonga-tonga ni huria, di angka punguan/arisan, di kantor, di perusahaan, di masyarakat, nang panggomgomi di ulaon na marragam i. Sialani i mansai ringkot asa tajangkon Tondi i mangolu jala mangula di tonga-tonga ni parngoluon dohot kepemimpinanta. Siala ganup jolma na mangasahon Tondi i dingoluna dibohali, didongani jala dipargogoi Debata do ibana mangulahon saluhut ulaonna. Asa boi hita nang marsiajar sian kepemimpinan ni si Saul, dimulanai pemimpin na mangasahonTondi i do ibana, jala didongani, dibohali Debata do ibana. Alai diujung ni kepemimpinanna gagal do ibana songon sada raja ala dang unduk be tu Debata, gabe ditinggalhon Tondi ni Jahowa do si Saul, gabe dang waras be ibana marpingkir. Alani na ingkon Tondi niJahowa do na manogunogu nang angka kepemimpinanta ganup asa berhasil mangula angka ulaonta. Ala godang do angka pemimpin na gagal di tingki on ala holan mangasahon pingkiranna nang rohana sambing. Diujungna gabe mongkus di hepeng nang jabatan, na so satia, na so bertanggungjawab di ulaon, na otoriter, na so parduli di angka na niuluhononna dohot angka lan na asing.

Angka na manjangkon Tondi Porbadia i di ngoluna ido na gabe mamboan haimbaruon, manang na pauba roha, pingkiran nang parngoluonna. Siala Tondi i do na patauhon hita, memampuhon hita mangantusi dohot mangulahon angka na hombar tu lomo ni rohaNa. Tondi Porbadia do na patauhon hita unduk tu Debata di bagasan serep ni roha. Tondi Porbadia do na patubuhon habaranion di hita mangulahon hasintongan jala mangalo hajahaton. Tondi Porbadia do namanogunogu roha nang pingkiranta gabe margogo hita mangulahon angka na denggan na mampanghorhon pasupasu di ngolunta. Tondi porbadia do na patauhon hita mangulahon lobi sian na patut taula, lobi sian na tapingkiri dohot lobi sian kemampuanta. Tondi Porbadia do na patauhon hita pasahathon hata ni Debata

nang pe godang tantangan na taadopi. Alani tajangkon ma Tondi Porbadia i dingolunta asa Ibana margogoihon, mamasumasu, dohot mangarajai saluhut ngolunta dohot angka ulaonta. Amen.

Sungkunsungkun :

1.    Songon dia ma Pangalaho manang hataridaan ni jolma naung nigohan ni Tondi Porbadia?

2.    Songon dia do tandatanda ni jolma na ginohan ni Tondi Porbadia? Na ingkon boi do berbahasa Roh songon pandapot ni piga-piga halak na mandok, boasa di Huria X boi nasida berbahasa Roh jala idaon sai hira na ro do tu nasida songgop Tondi i dohot berbahasa asing, sedangkan di HKBP so adong hea masa sisongon i? Boha pangantusionta taringot tu pangantusion sisongon i?

6.  Marende BE No. 464: 2 – 3 “Huboan Ma Diringku”

7.  Tangiang Sian na Ro

8.  Marende BE No. 462: 1+ 3 “Ale Tondi Porbadia”

9.  Tangiang Sian na Manjabui

10.  Marende BE No.461: 1... “Songgop Tu Hami” (Papungu Pelean)

11.  Tangiang Panutup (Agenda)

 

Pdt. Marudur Nita Sirait, S.Th Pendeta HKBP Resort Sukarame

MINGGU TRINITATIS 4 JUNI 2023

01.  Marende BE No.569 : 1 – 2 “O Debata Tung Longang Do Rohangku”

02.  Votum : A.XIV.A/D.XII.35

03. Epistle : 1 Musa 1 : 1 – 2, 26 – 28

04.  Marende BE No.128 : 1 + 5 “Ditanda Debatanta”

05.  Jamita :Mateus 11 : 25 – 27

DEBATA SITOLUSADA PANOMPA SALUHUT NASA NA ADONG (ALLAH TRITUNGGAL PENCIPTA SEGALA SESUATU)

Huaso ni Debata Ama tangkas do dipatorang panurat Mateus, di na nidok ni Jesus, “Hupuji Ho Amang, Tuhan   na manggomgom banua ginjang dohot tano on”. Pandohan on pabotohon songon dia Jesus manjou Jahowa. Hata “Amang” paboahon hadirion ni Jesus Anak ni Debata. Jesus di bagasan hadirionNa Anak ni Debata, mangokuhon Debata Ama na marhuaso. Ndang tarsirang Jesus sian Debata. Hata “Tuhan na manggomgomi” (Ibr. Kurie) napatuduhon huaso dohot harajaonNa na mangatasi saluhut – langit dohot tano. Ibana do nampuna siala sian Ibana do haroroan ni saluhutna. Ayat 27 “Saluhutna i nunga dipasahat Damang tu Ahu, asa ndang adong na mananda Anak i dungkon ni Ama i; Ama i pe ndang adong na mananda i ia so holan Anak i”. Hadirion ni Ama nuaeng dipatangkas marhite turpuk on. Jala laos patorangkhon hasadaon ni Ama dohot Anak i.

Di pamuhai ni turpuk on, tangkas do taida na adong panulahion ni angka parise dohot siboto surat taringot tu hadirion ni Jesus. Marragam halongangan dipatupa isara pamalum na marsahit dohot pahehehon na mate. Jamita dohot pangajarion ni Jesus na gok huaso mambahen torop jolma mangihuthon Ibana. Alani i lam tubu ma sogo ni roha ni angka pangituai ni Jahudi. Jotjot ma ro sian horong Parise dohot siboto surat laho mangunjuni Jesus. Alai ndang hea dapot nasida hahurangan ni Jesus. Siala na masa i dietong nasida ma Jesus musu nasida jala didok, Jesus paimbarhon pangajarion ni ugamo Jahudi. Ditulak nasida do pangajarion ni Jesus. Ndang dihaporseai nasida Jesus Anak ni Debata na disuru laho paluahon portibi on sian gomgoman ni dosa.Maol do tarjalo rohanasida hata ni Jesus i. Gabe diuduti ma angka hatorangan na mandok, ia pangantusion i dipapatar do i tu angka siondihononhon. “Angka siondihononhon” (Ibr. Nepiois – posoposo, dakdanak na metmet) na marlapatan Debata papatarhon hataNa tu na so marsigantung tu dirina sandiri manang pangantusionna sandiri, songon posoposo. Tondi ni Debata mangula di jolma i, asa tarbahen jolma i mangantusi hadirion ni Debata Ama dohot Anak i. I do ala na mamangke hata “siondihononhon’, ima

Debata Ama dohot Anak na mangondihon jolma i marhite TondiNa. Hata “Onding sian na pistar dohot na marroha” ndang martudutudu tu halak na bisuk jala parsingkola, alai taringot tu halak na mangasahon dirina dohot parbinotoan na laho mangantusi ulaon ni Debata. Angka na manjua Jesus na mamboan haluaon tu tonga-tonga ni portibi on. Molo tapamanat ayat 25 – 26, ndang jolma na sai holan mangasahon parbinotoan manang utokutok na dapotan parsaulian alai angka na mangalehon rohana. Habuluson do na tinudu ni pandohan i. Ise na bulus roha manjangkon haroro ni Jesus i do na taruli las ni roha. Molo tapatudos songon dakdanak na metmet, boi do mura antusanta dia tinuju ni Jesus sian pandohan i. Ndang haboion ni jolma na dihalomohon Debata songon angka na pistar dohot marroha, alai habuluson songon dakdanak.

“Saluhutna nunga dipasahat Damang tu Ahu . . .”. dipaboa Jesus do parsaoranNa dohot Ama i. Asa hombar tu pandohan i boi dohononta manang ise na mananda Jesus ditanda do Ama i. Ditanda ala naung adong parsaoranna dohot umboto na hinalomohon ni Ama i. Mananda ala adong parsaoran na rosu. Debata Ama i do na manompa saluhut nasa na adong rap dohot Anak i nang Tondi Parbadia (pat. Rom 8:3, Galatia 4, 1 Joh. 4:9). Dipasupasu Debata Ama dohot Anak dohot Tondi Parbadia ma hita asa tarbahen hita mangantusi hadirion ni Debata dohot hagogoonNa. Amen.

Sungkunsungkun :

1.    Aha do na tapatuduhon di ngolunta tanda na Debata do sitompa nasa na adong?

2.    Boasa maol hita manjangkon Jesus i di ngolunta si ganup ari?

06.         Marende BE No.116 : 1 + 4 “Ditompa Ho Do Au”

07.         Tangiang Sian Na Ro

08.         Marende BE No.113 : 1 + 4 “Debata Sitolusada”

09.         Tangiang Sian Na Manjabui

10.         Marende BE No. 112 : 1... ”Haleluya Tapuji Ma”

11.         Tangiang Pelean(Agenda)

 

 

Pdt. Norima Nainggolan Pendeta HKBP Resort Sei Loba

MINGGU I DUNG TRINITATIS 11 JUNI 2023

01.  Marende BE No. 384: 1 – 2 “Ro Ma Hamu Rade Do Sasude”

02.  Votum: A.XV.A.1 - D.XIII.36

03.  Manjaha Epistel: Mateus 9: 18 – 26

04.  Marende BE No. 666: 1 – 2 “Ingkon Do Boanonta Barita”

05.  Jamita: Hosea 5: 15 – 6: 6

 

HAPORSEAONMI DO NA PALUAHON HO (IMANMU TELAH MENYELAMATKAN ENGKAU)

 

1.    DIBOTO ALAI MAOTO :

Saurdot jala ndang tarsirang sian ngolu pangalaho na mangantusi dohot na mangulahon, ai telpang do pardalanan ni ngolu molo holan na mangantusi alai ndang tubu roha laho mangulahon. Tudos do i tu sahalak na manuhor mobil; molo dituhor mobil tontu na ingkon dipadalan do i asa denggan oli ni mobil mamiahi nasa alat ni masin parbagasan dohot angka parputaran ni ban dohot angka remna dohot angka paralatan ni mobil i saluhutna. Molo holan dipangolu sambing do ganup ari alai ndang hea mardalan mobil i, tagamon ragam ma ro angka panahit ni mobil i. Ingkon taantusi do, ia dibaen pe mobil asa dipangolu jala dipadalan do, ndang singkop anggo holan mangolu sambing. Songoni do nang pardalan ni ngolunta; taantusi jala tahaporseai do ia ngoluon ima pasupasu ni Debata na ingkon mardalan, mangula jala haporseaon ipe ingkon do ditambortambori asa marurat jala marparbue. Songon siihuthon jala sitanda Kristus, ingkon tandi ma tapatuduhon pangalaho, haporseaon dohot parsitutuon mangulahon lomo ni roha ni Kristus Jesus dingolunta, ndada holan hata na marpanindangion paboa ianakhon ni Kristus hita, alai panindangion i ingkon pataru jala paborhat hita mangulahon lomo ni rohaNa, ala ido ulaon na patut sihobasanta di dirinta songon halak na tarjou jala tarpillit hita gabe sisean ni Tuhan i. Apostel Jakobus mandok : Antong, na umboto mambahen na denggan, gabe ndang diulahon, na mardosa ma ibana disi. (Jakobus 4 : 17) Asa denggan jala pasupasu ngolu dohot haporseaonta tu angka donganta na humaliang, ingkon hobasanta do dirinta mangulahon parsuruon dohot pangajarion ni Tuhan i, molo holan na so sambing ndang adong pangulaonna, tagamon ragam ma ro angka panahit na manegai haporseaonta i

marhite angka sumbia api ni dosa i; molo holan mamboto sambing do alai ndang adong usaha laho mangulahon tudutudu jolma na maoto do i na pinaotooto ni portibion.

2.    HATA MARHAMUBAON ROHA MANGARUNTA :

Ndang hagabusan ni jolma Debata, ai tangkas do ditanda jala diboto Debata aha na manghuling di bagasan roha, tangkas do i dihatahon di Jeremia 17:

10 “Ahu Jahowa do Sidodo roha, siuji piapia jala mangalehon tu ganup jolma hombar tu dalanna, hombar tu parbue ni pambahenanna.” Sude do angka na porsea umboto i, alai nang pe sude umboto, olo do laos pulut muse roha ni deba jolma manggabusi Debata, marhite na marasing do na dihatahonna tu na niulahonna. Pangalaho ima na pinatuduhon ni bangso ni Debata, na marsipaula do panolsolion nasida diadopan ni Debata, ido umbahen didok di ayat 15 i “Laho ma Ahu tu ingananKu, paima diundukhon nasida dosa nasida, jala dilului nasida bohingKu” Ndada na tubu satongkin panandaon ni bangso i tu Debata, ai tangkas do jumpang ditongatonga ni bangso Israel mamungka sian pardalanan di halongonan uju dipaluhut si Musa ompu nasida namardalan laho tu tano Kanaan jala dipadanhon tu bangso i sada hasomalan na gabe teanteanan sian sundut tu sundut lao mangajarhon panandaon tu Debata namangolu i dohot mangulahon tona dohot uhumNa. (5 Musa 6 : 1 - 9) Panandaon i tangkas tarida di Hosea 6 : 1 - 3, ai jojor do dihatahon bangso i paboa Debata Parasiroha do Ibana mida bangsoNa, jala na tarrimas do Debata mida bangsoNa molo so unduk tu uhumNa. Diboto nasida do naung tarrimas Debata mida pangalaho nasida, jala tangkas do diboto holan sada do dalan asa jumpang muse haluaon dohot pangurupion sian Debata, ima molo mulak bangso i tu dalan hasintongan ni Debata. Masibetabetaan do nasida asa marringgas ni roha mangeahi parbinotoan di Jahowa, jala sude nasida marhaposan jala manghaposi paboa Debata do habaoran ni nasa ragam ni pasupasu na mamornohi tano na mahiang asa sun denggan muse tano i mangalehon silasniroha dohot hangoluan, alai saluhutna i holan di pamangan sambing do ndada anggo na mangula jala nionjar ni roha na marhamubaon. Sada na tangkas tarida di ngolu ni bangso i ima: Rupa manang bohi sitanda uhum ni Debata alai anggo roha sioloi jala hatoban ni sorop hamagoan. Oh .. tahe, tudos ma bangso i songon sada punguan ni situan natorop na mardalan manuju tu sada luat na dao na manumpang di sada kapal na segasega mangadopi alogo dohot galumbang

na gogo ditonga laut, adong ma i namarsipaula songon halak na tenang, jala na sai mangondolhon ngolu partangiangon dohot panghaposion tu hagogoon ni Debata, alai anggo pingkiranna tung dihuasoi parbinotoan dohot hamaloonna sambing, ndada anggo tung sian nasa roha marpangunsandean tu Debata, “ Sega kapal na gabe hitehite manuju tu labuan hape laos sega muse roha ni jolma na diboan; sega roha ni partogi ni bangso i, marsahit baro sirarat muse ma angka natinogihonna: Tudos ma songon hau na bonana hau sotul, dangkana hau ardom, rantingna mar bulung ni demban tung so tagamon jumpang parbue na tonggi” Songon siihuthon Kristus hita, naeng ma dao sian ngolunta pangalaho na songoni, ingkon tangkas do pangantusion di ngolunta : Natarrimas do Ibana molo marsipaulaula hita songon halak na porsea.

3.  NAMANONGTONG DIA DO NA JINALAHANMU ?

Adong 2 dalan na jinalahan ni jolma na di portibion, na parjolo jala na somal sai tahatahon ima: Ngolu na manongtong, alai sada na i hira jarang do tahatahon parhataanna nang pe nian molo di angka panorangion sai tahatahon, dia ma i ima : Panolsolion na manongtong. Jotjot do jolma i ndang manghilalahon pardalanan ni ngoluna naung manirpang tu hamagoan, isara ni sahalak namarbaju na sai marnida rupa ni donganna na marbaju angka na uli, gabe sai tubu ma rohana naeng uli songon na nidana i. Dipangke ma ragam ni angka sipauli bohi isara ni massam ni angka badak na marmiak dohot na marsinar idaon, hape diujungna gabe tubu ma angka peta ni ragam ni pulo di bohina na uli i hian, isara ni pulo sumatera, pulo sibandang manang bandar pulo, dalan risirisi dilogo ni ari gok abu, di rondo ni ari mamirsahan angka gambo. Nang pe naung hona gorga bohina ndada na gabe mulak ibana baliksa lam dijalahi muse ma angka dalan na asing, ujungna gabe jumpang ma dingoluna Panolsolion na manongtong. Di gombarhon panurirang Hosea do diturpukon dalan naung ni dalanan ni bangso Juda i, na paimahon uhum nama sian Debata siala pangalaho nasida. Tudoshon ombun manogot do hadaulaton nasida, jala tudoshon nambur manogot na mura habang, songoni ma ngolu parugamaon nasida, na so jumpang hatauon dohot parsitutuon laho manghehei ngoluna asa tangkas gabe ianakhon ni Debata. Ndada pelean na gabe sintuhu, manang unok ni sude ngolu parugamaon, alai pangalaho do na manghamham saluhut panandaon tu Debata, ima ngolu na masihaholongan, parasirohaon, manang dihata na jumompok na gabe pamusatanna ima

manghaholongi Debata sian nasa roha jala manghaholongi dongan jolma songon dirina sandiri. (Mateus 22: 37-39) Pangantusion dohot pangulahonon di parange namanghaholongi, ido naung mago sian ngolu ni bangso i, jala panghorhonna nunga talpe ngolu nasida naeng manjalo uhum sian Debata. Dipaingot Debata do bangso i marhite panurirangNa si Hosea, laos songoni do nang hita pe sai tongtong do dipaingot Debata marhite hataNa, antong sian nasa roha ma hita dibornginon mandok : Jahowa Debatanta i do naeng oloannami, jala soaraNa i naeng tangihononnami. (Josua 24 : 24)

4.  HATA SIPATUDU PABORHAT TU PANIMPUL

Haporseaonmi do paluahon ho, ido na gabe ondolan ni turpuk jamita on. Didok Tuhan Jesus di Mateus 9 : 29 “Marguru tu haporseaonmuna ma jumpang hamu” dungi buha ma mata ni na mapitung i. Haporseaonta i do na gabe pamusatan ni ngolu partondionta, jala haporseaon na marpangulaon do, (Jakobus 2

: 17) Ndada haporseaon na holan hatorangan di surat sipatanda hadirion sambing na ringkot diparngoluonta, alai aha ma na patut siulaonta asa gabe barita nauli haporseaonta i tu tongatonga ni portibion, ido na ringkot sijalahanta. Molo tajaha Mateus 9 : 18-26, tung tangkas ma dihehei rohanta mangantusi paboa haporseaon ido na pangoluhon, haporseaon ido nang na mangubati sahit na di ngolunta on. Antong asa jumpang hita hangoluan na manongtong, mangula ma hita hombar tu haporseaonta ai ido pelean na hushus diadopan ni Tuhan Jesus

 

Sungkunsungkun :

1.     Molo diparhataan adat sai tarbege hita do hata na mandok : Dia ma langkatna dia ma unok na, dia ma hatana, aha ma na nidokna tangkas ma hatahon hamuna. Hata pamuhai on mangidohon sitangkas ni ulaon na pinatupa nasida sadarinai asa unang sala mangulahon. Molo tagombarhon i di ngolu hakristenonta, dohononta ma: Dia ma langkatna, dia ma unokna dohot pangibulan ni ngolu haporseaonta, antong tangkas ma tahatai dibornginon laho paborhat hita hibul mangolu dibagasan uhum hasintongan ni Tuhanta hombar tu turpuk jamita di borngin on.

2.     Aha ma na tau mamornohi, manambori dohot na paudanhon rohanta, asa boi dengan partubu ni haporseaon i jala marparbue di ngolunta ?

06.  Marende BE No. 173: 1 + 4 “Sai Mulak Sai Mulak”

07.  Tangiang Sian Na Ro

08.  Marende BE No. 443:1 + 3 “Dung Tuhan Jesus”

09.  Tangiang Sian Na Manjabui

10.  Marende BE No. 190: 1...”Las Rohangku Situtu” (P.Pelean)

11.  Tangiang Panutup (Agenda)

 

Gr. Ramses Manurung

Guru Huria HKBP Aekkanopan

MINGGU II DUNG TRINITATIS

18 JUNI 2023

01.  Marende BE No. 25: 1 - 2 “HataMi Ale Tuhanhu”

02.  Votum: A.XV.2 – D. XIII. 38

03.  Manjaha Epistel: 2 Musa 19: 1 – 8

04.  Marende BE No. 28: 1+ 4 “Hata Ni Jahowa”

05.  Jamita: Jakobus 2: 14 - 17

MARSIHOHOT MANGULAHON HATA NI DEBATA (SETIA MELAKUKAN FIRMAN TUHAN)

Sada hasadaon na so boi tarsirang do haporseaon dohot angka ulaon na denggan sian ngolu ni angka na porsea di Tuhan Jesus. Haporseaon na holan di hata, ndang adong pangulaonna, ima haporseaon na mate manang na so marguna. Pangulaon na so borhat sian haporseaon pe boi do mambahen jolma madabu tu ginjang ni roha manang na paburnang-burnang dirina. Asa, molo didok apostel Jakobus di suratna tu huria na adong di parserahan di bagasan turpuk on Haporseaon na Marpangulaon, laho mangondolhon paboa haporseaon i ingkon do boi dipatuduhon marhite pangulaonna. Ndang na maralo tu na nidok ni apostel Paulus di Epesus 2: 8 - 9 molo haluaon i sian asi ni roha dalan haporseaon, ndada alani parulan. Memang haporseaon i do na paluahon, alai haporseaon na songon dia do na nihirim ni Debata sian angka na porsea i. Ima haporseaon na mangolu manang haporseaon na marparbue.

Aha ma gunana ale angka donganhu ninna di ayat 14 turpuk on, molo didok halak, di ibana do haporseaon alai ndang adong di ibana pangulaon ? Tarbahen do haporseaon i paluahon ibana ? Sada sungkun-sungkun na menantang sian apostel Jakobus tu huria sampuludua marga na adong di parserahan i. Unang dipangasahon haporseaonna boi paluahon dirina sian ari uhum sogot, molo holan di hata do ibana mandok na porsea. Boi do tabandingkon songon na nidok ni Tuhan Jesus di jamita dolok ima di Mateus 7: 21 ”Ndada saluhut halak, na mandok Ahu Tuhanna bongot sogot tu harajaon banua gnjang, holan angka na mangulahon lomo ni roha ni Damang na di banua ginjang i do.” Laos dibahen apostel Jakobus do di ayat 15 dohot 16 sada ilustrasi laho mangondolhon paboa na so tarsirang do haporseaon i sian pangulaon. Molo adong dongan na marsaemara manang hurangan di sipanganon siap ari, hape ro ma hita mandok laho ma hamu mardamedame, bosur ma hamu alai ndang talehon na ringkot di ibana, aha ma gunana. Aha ma gunana angka dongan molo adong dongan marsaemara hape adong do parabiton di hita alai ndang talehon parabiton ni donganta na marsaemara i? Aha ma gunana godang sipanganon di hita alai tapasombu donganta ndang

mangan ala hurang sipanganon siap ari? Aha ma gunana tadok hita halak na porsea hape ndang tarpatuduhon hita angka ulaon na denggan songon parbue ni haporseaonta? Aha ma gunana tadok halak na porsea, haru sibolis pe porsea do adong Debata ? (bdk Jakobus 1: 19). Pangulaon di ngolu siganup ari marhite na marsihohot mangulahon lomo ni roha ni Debata do parasingan ni sibolis dohot angka na porsea di Tuhan Jesus. Halak na porsea mangihuthon turpuk on ima angka halak na mangulahon ulaonna nionjar ni panandaon na tangkas di Jesus Kristus. Jala sian pangulaonna i do tandaon ni halak molo Kristus di bagasan ibana jala ibana di bagasan Kristus.

Haporseaon na so adong pangulaonna ima haporseaon naung mate (ayat 17). Molo didok mate, tontu na marlapatan do i haporseaon na so marguna ngoluna tu angka na humaliang ibana, ala na so parduli tu angka donganna jolma, na so boi manghilala na nihilala ni donganna jolma, na mate do hadirionna. Di parngoluon siganup ari jotjot do jumpang hita na songon i, boi do antong mangan ibana marlobi-lobi maradu dipamasuk dope tu palastik, hape di lambungna adong na hurangan mangan. Naung mate do hadirion ni halak si songon i, jala ndang pangalaho ni halak na porsea na songon i. Unang pola tadok hita halak na porsea, ai ndang adong guna ni i molo holan di hata do. Alai tapatuduhon ma molo na tutu do hita angka halak na porsea di Jesus Kristus, marhite na tongtong marsihohot mangulahon hata ni Debata: manghaholongi dongan songon Ibana naung jumolo manghaholongi hita, manarihon dongan songon Ibana naung jumolo manarihon ngolunta, mangurupi dongan songon Ibana naung jumolo mangurupi hita, marasi ni roha mida dongan songon Ibana naung jumolo marasi ni roha mida hita jolma. Sian parbue ni haporseaon manang sian angka ulaon na denggan i ma nian tandaon ni halak, molo angka na porsea do hita. Amen.

Sungkunsungkun :

1.      Aha do haporseaon ? (Hombar tu pangantusionmu sandiri)

2.      Haporseaon na songon dia do na niigil ni turpuk on nuaeng sian hita, nunga boi tapatuduhon molo angka na porsea do hita ?

06.  Marende BE No.716: 1 “Di Na Mamolus Sandok Ngolu On”

07.  Tangiang Sian na ro

08.  Marende BE No.672: 1 “Tung Godang Situtu”

09.  Tangiang Sian Parjabu

10.  Marende BE No.691: 1... “Hupasahat Ma Tu Jesus” (Papungu Pelean)

11.  Tangiang Panutup (Sian Agenda)

Pdt. Natalina Nababan, S.Si Pendeta HKBP Resort Kisaran II

MINGGU III DUNG TRINITATIS 25 JUNI 2023

 

01.  Marende BE No.588: 1 – 2 “Tasomba Tongtong”

02.  Votum:A.XV.6- D. XIII.40

03.  Manjaha Epistel: Mateus 10: 32 – 39

04.  Marende BE No.458: 1 – 2 “Barita Na Umuli”

05.  Jamita: Jeremia 20: 7 – 13

 

MANGIHUTHON JESUS JALA MAMORSAN SILANG (MENGIKUT YESUS DAN MEMIKUL SALIB)

 

Huria hinaholongan ni Tuhanta Jesus Kristus!

Tongon mengalami dilema do si Jeremia di ombas ni turpuk on. Diulahon ibana do ulaon parsuruon sian Tuhan i, alai aha ma nadapotsa? Pangareheon dohot insakinsak do nadapotsa ganup ari (ayat 8). Pola sahat ibana tu sada situasi naeng mansohot jala tadingkononna ulaon parsuruon na pinasahat ni Tuhan i, alai di bagasan rohana mansai bergumul situtu do ibana. Didok si Jeremia di ayat 9, “Ndang be taringotanku Ibana, jala ndang be ahu marjamita marhitehite goarNa, hape gabe songon api na marsigorgor di bagasan rohangku huhilala, tarhurung di bagasan holiholingku, siol mandate ahu mangotapotapi, hape ndang tarbahen.”

Nang pe dipatuduhon si Jeremia holsona jala pola hira na mandate jala mandele ibana, alai sasintongna diudutna dipatuduhon si Jeremia do haporseaon dohot parsihohotonna tu Tuhan i. Tung songon dia pe sitaonon dohot tantangan na niadopanna mangulahon parsuruon i jala Songon dia pe sikap ni si Jeremia mangadopi na masa i, dihatindangkon si Jeremia do paboa tung so hea do ditadingkon Debata ibana. Allah tetap menyertai Yeremia seperti pahlawan yang gagah (ayat 11) jala manongtong do pamujion sian si Jeremia maradophon Debata (ayat 13).

 

Huria hinaholongan ni Tuhanta Jesus Kristus!

Songon pengalaman hidup ni si Jeremia i, hita pe hea do ra sahat tu sada kondisi na mansai borat taadopi di ngolunta on, mambahen hita gabe tertekan, jala boi do sahat tu pandelean huhut sungkunsungkun di bagasan roha: ai marhuaso dope Tuhan i? Didia do Ibana nuaeng? Boasa ndang diurupi ahu uju hagogotan songon on? Dibereng jala diparrohahon Tuhan i do nahutaon on? Urupanna do ahu mamorsan na dokdok on? Dohot angka sungkunsungkun na asing dope.

Alai hata ni Tuhanta di turpuk on naeng pahothon roha nang haporseaonta paboa di sitaonon na borat i jala na mambahen hita gabe mandate jala mandele i do manontuhon parsihohotonta mandalani parngoluon on, jempek dohonon disi do hita diuji. Apakah kita tangguh atau sebaliknya? Apakah kita mau tetap hidup bersama Tuhan atau kita mau beralih dariNya dan hidup dalam kuasa daging? Apakah kita benar-benar yakin pada kuasa Tuhan dalam hidup kita atau tidak?

Marhite pengalaman hidup ni si Jeremia uju mangadopi ragam ni sitaonon dohot tantangan ni parngoluonna tabereng ma di turpuk on paboa nunga dipillit Debata ibana gabe panurirangNa mamungka sian bortian dope alai ingkon adopanna do ragam ni angka tantangan. Suang songon i do nang hita. Nang pe naung tahatindangkon jala tahaporseai huaso dohot gogo ni Tuhan i ndada na marlapatan gabe malua boti hita sian ragam ni sitaonon di portibi on. Tung ise pe hite, tung songon dia hamoraonta, tung songon dia pe sangapta dohot kedudukanta di portibi on, di tingkina sude do hita ingkon mangadopi sitaonon di parngoluon on.

Alai nang pe songon i, ndada na marlapatan Tuhan tidak berbuat atas hidup kita. Sian pengalaman ni si Jeremia di turpuk on dihatindangkon ibana do paboa songon api na marsigorgor do pandonganion ni Tuhan i di bagasan dirina. Lapatanna, boi do ndang tabereng Tuhanta i mangula di bagasan ngolunta, alai sasintongna sada na so boi taporso i ma Debata mian di bagasan hita mangalehon gogo dohot bisuk tu hita laho mangadopi ragam ni sitaonon di ngolunta on.

Molo pe nuaeng tongon taadopi sitaonon na dokdok i, ndada na marlapatan salelengna ingkon mangolu di bagasan sitaonon i hita. Ndang! Adong do tingkina boi malua hita sian sitaonon i asal olo hita manahan satongkin. Sada na mansai ringkot tapahusorhusor di bagasan rohanta sian turpuk on i ma: molo tahaporseai Tuhanta i marhuaso jala margogo di ngolunta, pos ma rohanta Allah pun akan menyatakan kuasaNya atas hidup kita.

Tongtong ma ulahon ulaonmu hombar tu parsuruon ni Tuhanta i. Tongtong ma mian ho di bagasan hataNa, pasahat nasa holsom tu Ibana. Pos roham, donganta do Debata. Amen.

 

Sungkunsungkun :

1.      Hea do ho mangadopi sitaonon na dihilala roham mansai dokdok? Hea do ho mandate jala mandele ala ni sitaonon i? Baritahon ma jo saotik sian pengalaman ni ngolum di tongatonga ni partangiangan on!

2.      Songon dia ma sikapmu mangadopi sitaonon i?

 

06.  Marende BE No.729: 1 “Laho Ma Hamu”

07.  Tangiang Sian Na Ro

08.  Marende BE No. 692: 1 – 2 “Hupasahat Tu TanganMu”

09.  Tangiang Sian Na Manjabui

10.  Marende BE 464: 1...”Huboan Ma Diringku”

11.  Tangiang Panutup (Agenda)

 

Pdt.Winner Sitorus, MMin Praeses HKBP Distrik XIII Asahan Labuhan Batu