MARTURIA STP SIAHAAN

LUKAS 6 : 37 – 47

Oleh : Pdt STP Siahaan ST.h MBA

Hamu angka dongan!

Molo tamba umurta sandiri tarlobi umur ni huria, naeng ma nian lam tang, dewasa di angka parsaoran, pergaulan, dohot sikap hidup maradophon angka dongan. Turpuk jamita sadarion ima pangajarion ni Jesus na mangajari hita taringot tu parsaoranta tu angka donganta. Tarlobi ma i taringot tu na manguhumi (menghakimi). “Unang ma hamu manguhumuhumi, gabe ndang uhumanNa hamu..” (Janganlah kamu menghakimi, maka kamupun tidak akan dihakimi). “Ai parsuhatan na sinuhathonmuna do suhathononNa tu hamu” (Ukuran yang kamu pakai untuk mengukur akan diukurkan kepadamu)

Diida Jesus do bahaya i di angka parsaoranta siganup ari. Tapamanat ma jolo. Molo tapapungupungu angka topik pembicaraan, manang angka na tahatai ganup ari molo pajumpang dohot donganta, taringot tu aha ma na gumodang? Ra, na gumodang ima manghatai halak na asing. Ai ringkot do di hita umboto keadaan ni dongan dohot tondong. Lomo do rohanta manopot jabu ni dongan asa binoto keadaanna. Kita selalu ingin tahu tentang orang lain. Jala ala ni sikap ingin tahu tentang orang lain on ma gabe mangararati, sampe sahat ma tu gossip. Molo dung sahat tu gossip, disi ma masa angka na manguhumuhumi (menghakimi).

Ra on ma sahit naung merasuk masyarakat-ta nuaeng, na ro sian angka televisi. Sude televisi Indonesia, paling sedikit sajom sadari menyiarkan gossip, pola so binoto be angka goar-goarna. Anehnya, on do na paling dihalomohon pemirsa, tarlobi ninna di angka ina. Songon i nang gossip na disurathon di tabloid-tabloid. On ma membangun mental menggosip, jala i ma cikal bakal, manang boni ni na manguhumuhumi.

Memang, sipata mansai tabo do panghilalaanta molo boi hita menilai halak na asing, pintor hira na adong do rasa puas. Ala memang, sai lomo do rohanta asa hita jumago, lebih hebat sian halak na asing. Jala cara na paling hatop jala mura asa humebat hita, ima marhite na menilai halak. Molo dung tapunten sasahalak pintor adong do rasa puas di hita, ala pintor tahilala jumago hita sian ibana, dumenggan hita sian ibana. Molo tahatai: “ Nai adui i siginjang roha do i …” pintor adong do panghilalaanta paboa na serep do anggo ahu.

Hape, molo tauji manguhumi halak na asing, secara tidak sadar kita sudah menempatkan diri pada posisi yang lebih baik dari orang lain. Hita gabe hakim, jala halak na asing i gabe terdakwa, jala ukuran na tapake ima ukuran ni dirinta sandiri. Manguhumuhumi dos do i menempatkan diri sebagai hakim maradophon halak, jala mambahen halak sebagai terdakwa manang orang bersalah. Halak na sai olo manguhumuhumi, ima halak na merasa dirina dumenggan sian halak.

On ma na nioraan ni Jesus. Harus hati-hati! Mangihuthon Jesus, molo tauhumi halak, satingkosna dirinta do na tauhumi. Semakin banyak kita menilai orang lain, sebenarnya itu membuat semakin banyak kekurangan kita yang tersingkap. Ai didok situatua manang orang bijak do: molo sada jarijarim manudu hasalaan ni halak, satingkosna jarijarim na opatnari manudu hasalaanmu sandiri. On do jinamothon ni Jesus: aha ukuran na tapake mangukur halak na asing, i do muse ukuran bahenon ni Debata tu hita (ay.38). Ai adong do Debata, ima Debata na mangolu, namarnida sude na tabahen.

Molo boti, asa unang madabu hita tu na manguhumuhumi, aha ma sibahenon?

Parjolo: TANDA DIRIM. Cara yang terbaik melihat diri adalah jangan pakai ukuranmu, tetapi pakai ukuran TUHAN. Denggan do memang molo didok halak Batak: “hotang binebe, hotang pinulospulos; unang ho mandele, ai godang do tudos-tudos” Mangalehon semangat do i, unang kecil hati (minder), unang menek rohanta. Alai ingkon tajagahon, sotung gabe hakim, gabe besar kepala hita. Asa unang sahat hita tu na songon i, adophon ma dirim tu Debata. Ianggo i pintor idaonmu ma hametmetonmu. Metmet do ahu hape, ninnaonmu ma. Botoonta ma, ternyata “ahu pe gok dosa, hasalaan, dohot hahurangan do” Di Rom 3:23, didok: luhutna do mardosa. Di B.E. no 164 i didok do: ‘nang mata, nang pat, gok dosa do’. Ingkon ingot do hita dison!

Hamu angka dongan! Tung bagas do i dijamothon Tuhan Jesus. Alana, mansai godang do angka na negatip tubu molo sanga adong halak na sai olo manguhumuhumi. Roha dohot sikap na manguhumuhumi (menghakimi), i do salah satu sifat na manegai parsaoran. Ala halak na manguhumuhumi donganna, ima na manghilala na tumimbo, na dumenggan ibana sian donganna. “Dongan do na sala, ianggo ahu ndang”, ima pingkiranna. “Dongan do na sala, ianggo ahu denggan do”. On ma manegai parsaoran, persekutuan. Sursar do keluarga, molo olo ama gabe hakim, mandok sude sala ni halak. Molo olo ina merasa paboa sude sala ni dakdanak. Sursar do huria, molo masiuhuman, molo adong na mandok: halak do na sala, anggo ahu tingkos do.

On do ra naung masa di bangso on nuaeng. Sude marsiadu mangalului hasalaan ni halak, torus manorus adong demonstrasi; angka kritikus-kritikus menuduh/menghakimi, si adui do na sala, si adui ndang mampu memimpin, si pejabat adui ndang becus, ima roha na menghakimi. Negara ini akan hancur oleh sikap demikian. Sursar do huria molo songon i; sursar do keluarga molo songon i. Sega do pardonganon molo songon i.

On ma napinaingothon ni Jesus di turpuk on. “Unang manguhumuhumi”. Ai molo tauhumi halak, hita do na parjolo hona uhum, ai hita pe pardosa do. Ndang na adong tung otik hasintonganta. Holan asi ni roha ni Debata do na tapangasahon. Ala ni i, molo tauhumi halak, nunga tapadao dirinta sian asi ni roha ni Debata. I do ala didok Jesus: ai parsuhatan na sinuhathonmuna do suhathononNa tu hamu”. Ndang manguhumi hita disuru, alai mamboan halak do mananda asi ni roha ni Debata dibagasan Kristus.

Ala ni i, na dumenggan ima: Tanda dirim di jolo ni Debata. On ma mambahen mangolu ma hati nurani, mangolu ma panggora ni roha. Diingot hamu do na binahen ni Jesus tu natorop, uju diboan nasida boruboru na tardapot marlangka pilit (Johannes 8). Didok nasida ma tu Jesus: Aha ma uhuman tu halak on?” Alai didok Jesus ma tu natorop i: ‘Ise hamu na so mardosa, i ma parjolo mandanggurhon batu tu parompuan on”. Dung i, unduk ma Jesus manurati tu tano. Dungkon i, aha na masa? Di Joh.8 : 9 didok: sude ma natorop i laho sadasada, pininsang ni panggora ni rohana, hati nurani. Bila hati nurani bekerja, kita tidak akan berani menghakimi orang lain, alai molo so mangolu be i, masiuhumuhuman ma, jala hancur ma parsaoran. Alai pengenalan diri marhite na berkaca tu TUHAN i, i ma mambahen mangolu hati nurani, gabe tatanda ma dirinta, pardosa do au hape. Gabe dohononta ma: “adong do tiang di mataku, jumonok do i, jumolo ma i huumpat, jumolo ma hupature diringku, asa hubuat silbaksilbak na di simalolong ni dongan. Angka halak na songon on do naginoaran ni Jesus halak na serep roha, halak na pogos tondi, na jumolo mananda dirina di jolo ni Debata.

Napaduahon siulaonta ima: Molo tajaha Bibleta i, tugasta didok ndada manguhumi dongan, alai MAMATAMATAHON do, gabe simatamatai, i do (Tajaha di Ulaon Apostel 20, 28). Lapatanna, mamereng hasalaan ni dongan, alai huhut manogu asa malua, asa selamat. Ianggo masiuhuman, i ma mambahen halak gabe mago. Alai mamatamatahon, ima manjamothon unang madabu, dohot paluahon asa selamat (ay.37). Paluahon do siulaonta. Molo taboto naung sala halak, urupanta ma i asa malua.

Antong: Lam magodang ma hita di haporseaon, songon i nang di parsaoran. Tapatogu ma parsaoranta marhite na mangambolonghon roha na manguhumuhumi. Tapatogu ma parsaoranta marhite na saling mamatamatahon, manjagahon dongan unang madabu dohot paluahon molo dung sanga madabu. Amen

1 MUSA 12 : 1 – 4a

Hamu angka dongan!

Ra, nunga sude hita mamboto barita ni si Abraham on. Molo adong dope na so umbotosa, na so hea marsikola minggu nama i. Taboto do ia si Abraham terkenal songon ompu ni na porsea. Aha do umbahen digoari ibana gabe ompu ni na porsea? Ima ala monang ibana di dua ujian na sian Debata:

1. sada ima turpuk on, haoloonna mangoloi joujou ni Debata

2. haporseaonna di janji ni Debata, ima di na olo ibana mamelehon anakna si Ishak tu Debata, nang pe holan i do anakna

Turpuk naung hujaha nangkin ma ujian parjolo, na patuduhon paboa si Abraham botulbotul ompu ni na porsea.

Alai andorang so i, tasigati ma jolo, aha do huroha haporseaon? Molo tajaha di Heber 11:1, tangkas do dilehon disi definisi, lapatan ni haporseaon ima: pos ni roha do i di angka sihirimon, jala pamotoan na tontu taringot tu na so niida (iman adalah dasar dari segala sesuatu yang kita harapkan dan bukti dari segala sesuatu yang tidak kita lihat). Didok, pos ni roha. Dao dope umbagas i sian na holan porsea boti.

Aha do huroha parasingan ni porsea dohot pos ni roha? Asa ummura taantusi, tabahen ma cerita. Adong ma sahalak pemain akrobat na jago. Dipagistang ibana ma sada tali di ginjang ni sada air terjun na mansai bidang jala doras aekna, jala mansai bagas. Disungkun ibana ma angka penonton natorop i: “Porsea do hamu na boi ahu mardalan di atas ni tali on laho taripar sian on tu bariba an?”. Sude natorop i sahali mandok: “Porsea!!!” “Botul do hamu porsea?”, ninna muse. Tong muse sude natorop i mandok: “Porsea!!”. Didalani ma tutu, songon na mardalan di tano do ibana di atas tali i, sahat tu bariba, dung i mulak muse. Dung i, dibaen ma boban di simajujungna. Disungkun ma natorop i: “Porsea do hamu na boi ahu mardalan di atas tali on tu bariba an huhut mamboan boban on?”. Sude natorop i mangalusi: “Porsea !!”. Toho tutu, mardalan ma ibana, tar di tongan dalan songon na talsu ma patna, mangangguk sude natorop i. Hape na di sangajo do i asa songon na tegang. Tolhas do ibana tu bariba, jala mulak muse. Dung i, didok ma tu natorop i: “Porsea do hamu na boi tolhas au mardalan di atas tali on huhut ompaongku jolma di tanggurunghon?”. Sude natorop i gogo mangalusi: “Porsea!!!!”. Dung i didok pemain akrobat i ma: “Molo porsea do hamu di au, nuaeng …. Ise ma hamu na olo ompaongku huhut mardalan di atas tali on????” Ianggo i, pintor hohom natorop i, marsilonging sude, ndang adong na barani. Diulakhon muse manungkun, sude lam mabiar, ditabunihon be bohina unang ditodo. Dung tar piga minut, ndang adong na mangalusi, tompu ma adong na mandok: “Ahu ma”, ninna. Sahalak dakdanak. Dung i diompa ma huhut mardalan di atas tali i, tolhas muse mulak. Sude natorop i martopap. Ise do dakdanak i? Ternyata, dakdanak i, anak ni pemain akrobat i do.

Hamu angka dongan! Natorop i ma na holan porsea. Alai dakdanak i ma na tutu porsea, na porsea huhut na marpos ni roha. Di hata Inggris dibedakan do hata ‘to believe’ sian hata “to trust’. Ianggo holan porsea songon natorop i, i ma to believe. Alai dakdanak i, ima to trust, ima porsea jala pos situtu rohana.

Songon dakdanak i ma si Abraham. Ndada holan porsea ibana na adong Debata, alai pos rohana di Debata. Didok Debata do tu ibana: “Laho ma ho, tu huta sipatuduhononKu tu ho…! So binoto tu dia, so adong arah na pasti. Alai laho do ibana. Ala ni aha? Ala pos rohana di na mandok i, ndada holan porsea, alai pos rohana, itu pasti benar.

Memang tu angka na porsea jala na marpos ni roha na songon i, boi do dohonon ni halak: “ah.. na oto ma i…tung so dipingkiri i do huroha…” Memang iman itu terkadang terlihat gila atau mungkin nekat. Tetapi sebenarnya iman bukan sekedar nekat. Iman adalah mempercayai dengan segenap hati, tentang hal-hal yang menurut pikiran kita tidak mungkin, hal-hal yang tidak kita dengar, hal-hal yang tidak dapat kita lihat. Iman mengalahkan logika. Ala haporseaon i pos ni roha do i tu na nidok ni Debata. Pos ni roha di Debata. I do ala olo si Abraham songon anak ni pemain akrobat i, olo diboan Debata tu lomo ni roha ni Debata.

Jala udutna, ala ni pos ni rohana i ma gabe adong haunduhon, pangoloion, ketaatan. Gabe unduk, gabe olo do si Abraham borhat. Asa pos ni roha i ingkon tarida di pangoloion, di haunduhon, di ketaatan. Olo mangoloi, olo pasauthon parenta ni Debata. Ndada ala mabiar songon biarta mida mandor, alai ala pos roha, paboa na nidok ni Debata i, ima na dumenggan, jala ala adong kepastian, paboa Debata, ima Debata na burju na umboto na dumenggan taringot tu ibana.

I do kuncina. Asa tangkas hita boi porsea jala marpos ni roha, ingkon jumolo tangkas tatanda, ise do Debata. Debata ima pargogo na so hatudosan, alai huhut parasi roha na sumurung. Na tangkas umboto i i ma halak na porsea jala na pos rohana mandok: sai saut ma lomo ni rohaM Tuhan, ala huboto parholong roha do Ho, pasti na dumenggan do bahenonMu tu ahu.

Hamu angka dongan

Alani i, haporsean, ndada diukur sian lelengna hita gabe Kristen; molo naung gabe Kristen pe hita sian ompung ni ompungta, ndada i ukuran ni haporseaon. Ukuran ima ketaatan, pangoloion tu Debata do. Iman kita diukur bukan dari lamanya kita menjadi Kristen , tetapi dari ketaatan kita terhadap TUHAN. Ido nidokna di Jakobus 2, 17 paboa haporseaon i ingkon marpangulaon (Iman tanpa perbuatan adalah mati). Pangulaon i ima marhite ketaatan, pangoloionta laho mangulahon. Ala ni i, tu hita ma nuaeng, molo tadok hita naung porsea, boha do haporseaonta i? Nunga tangkas hita marpos ni roha? Nunga tangkas pangoloionta? Molo didok Tuhan Jesus: “Ahu do Dalan i…. “ namarlapatan holan Ibana do Sipalua, boha do, nunga tangkas i tajalo jala taoloi? Molo didok Jesus: “Ro ma hamu tu Ahu, hamu angka na loja jala na sorat”, boha, ro do hita? Tu Jesus do hita ro? Manang tu datu do hita ro? Molo marsahit, manang marungkil, boha, tu Jesus do hita ro, manang na lalap do tangis manang mangandungi?. Molo didok Debata ni Poda 10:22: “Pasupasu ni Jahowa do mambahen mamora, jala ndang mardongan hangaluton i dibahen”, boha do pangoloionta disi? Adong dope na laho martogel, manang manangko, manang mangotootoi asa mamora? Molo didok Debata ingkon badia hita ala na badia do Debata, boha do, nunga tajagahon dirinta asa tongtong badia? Didok jamita on asa lam taoloi ma Debata, ima na pataridahon haporseaonta di Debata.

Hamu angka dongan

Na mangihut, didok Debata do tu si Abraham di ay. 2-3 (Tajaha). Tutu do i!!! Ndang parjanji koling Debata. Ala porsea do si Abraham, tutu situtu do dipasupasu Debata ibana. Dilehon do hamoraon, jala ibana ma na ummora di zamanna. Na humebatna, di hagabean do. Sahat tu tingki ni turpuk on, ndang adong dope anakkon ni si Abraham sian si Sara. Alai porsea do si Abraham di janji ni Debata, gabe tubu ma si Ishak, nang pe naung matua si Abraham dohot si Sara.

I do hape ala didok surusuruan i tu si Maria: “Ndang adong na so tarpatupa Debata” di ganup hita, molo porsea hita (Luk.1:27). Diingot hamu do ina na marsahit pendarahan, na so adong boi pamalumhon, alai ala porsea di Jesus, dijama ma rambu ni ulos ni Jesus, gabe malum ma (Mat. 9, 18 ..). Ala ni i, molo botul-botul porsea hita, apapun dapat kita lakukan.

Alai adong dope pasupasu na umbalga dilehon tu si Abraham. Sian pinomparna ma na gabe Sipalua ni portibion, ima Tuhan Jesus Kristus. Ima binahen ni Debata tu si Abraham: gabe halak na tarpasupasu do si Abraham ala porsea. Jala ima na binahen ni Debata tu angka na porsea di Jesus Kristus. Ala ni i molo gabe naeng tarpasupasu ngolunta, sada kunci-na ima: tangkas ma porsea tu Tuhan Jesus.

Hamu angka dongan! Ndang holan manjalo pasupasu angka na porsea di Debata. Di turpuk on dipatuduhon do, adong do tanggungjawab ni angka naung manjalo pasupasu ni Debata, ai didok di ayat 2 – 3: “pasupasuongKu ma ho ….. asa gabe pasu-pasu ho,….. asa dapotan pasupasu marhitehite ho, saluhut angka bangso ni tano on” Angka na manjalo pasupasu sian DEBATA, bertanggung jawab, ingkon gabe pasupasu tu halak na asing.

Molo tajalo pasupasu sian TUHAN, ndada holan laho di hita i, alai ingkon songon si Abrahan, gabe pasupasu tu torop halak. Pinomparna ma na gabe mula ni bangso ni Debata. Ibana do umpompar si Jakob na gabe bangso Israel, sian pinomparna do Raja Daud, jala sian pinomparna ma tubu Jesus Sipalua i. Alai ndang holan i, ala ni haporseaon i do gabe dipintori Debata ibana. Lapatanna: haporseaon na pinatudu ni si Abraham tu Debata, ido gabe tiruan, gabe model, patron dipake Debata laho paluahon portibi on.

Alai ni i dipaingot do hita, molo dung tajalo godang pasupasu sian Debata, ndang boi holan di dirinta i, ndang boi homolhomolonta i, alai ingkon bertanggung jawab do hita mamake i asa gabe pasupasu tu halak na asing . Angka na mamora di arta, dipake ma i asa dohot halak na asing mararta. Adong na mararta, dibuka ma kobun na bidang, dung i torop ma na karejo disi, torop ma na mangan sian i. I ma na gabe pasupasu tu halak. Ganup do hita manjalo pasupasu dohot talenta sian Debata, nang pe tutu marasingasing be. Tu aha do i tapake? Angka na pistar, tapake ma i antong mangajari halak, unang paotootohon halak, unang paleahon halak. Angka raja parhata, raja adat, tapake ma i mangajari halak asa denggan maradat. asa denggan adatta i, unang ma marlobilobi, unang mambahen halak gabe marpogos, alai unang rambuse. Angka pimpinan, tapake ma i laho mangurupi halak, unang laho manindas.

Adong sahalak na malo (filsuf) terkenal: Leo Tolstoy mandok: apa yang terpenting kau lakukan dalam hidup ini? Yaitu : membuat orang yang berdiri di sampingmu berbahagia. Aha do na umporlu sibahenonta tu halak? Ninna ibana, ima, boha do mambahen halak na di lambungmu gabe marolopolop molo di lambungna ho. On ma nian sipingkiranta ganup, boha do hita asa boi gabe pasupasu tu halak. Ndang pola ingkon na mamora. Sipingkiran ni angka ama ima boha do ho gabe pasupasu tu inanta dohot tu ianakkonmu di jabu, las rohana molo dilambungna ho, hira na dapotan sesuatu na luar biasa nasida molo dilambungna ho!. Songon i do halak na gabe pasupasu. Na borat ima, molo sebalikna do, molo gabe sogo roha nasida molo dilambungna ho, malah molo didok: “Nunga ro babiat i”. Songon i nang ho inang, boha do hita gabe pasupasu tu halak, ima molo disi ro hita, las roha ni halak, dapotan las ni roha halak, unang gabe si hutu geok, sai geohan halak, sai sogo roha ni halak molo dung ro hita.

Alai molo tung so boi dope ho gabe pasupasu tu halak, paling sedikit, unang buat pasupasu na tu halak, manang unang ambati halak tarpasupasu. Alai asa tangkas hita gabe na porsea, lului ma dalan asa gabe pasupasu ho tu halak. Taingot ma: molo tajalo pasupasu sian Debata, molo dilehon Debata di hita pasupasu, lam godang ma tanggungjawabta. Semakin banyak kita diberi, semakin banyak kita dituntut dan semakin banyak kita berhutang untuk menjadi berkat bagi orang lain.

Antong, Hata ni Debata sadarion mangido asa gabe jolma na porsea hita songon si Abraham. Tapatuduhon ma haporseaonnta di haunduhon, di pangoloion, di ketaatan tu DEBATA, ima ala pos rohanta di DEBATA, paboa DEBATA parholong na sumalin na mambahen na dumenggan di hita. Haporseaon i do na sumurung, ai ido paluahon hita, ido mangalehon pasupasu di hita. Alai molo tarpasupasu hita ala haporseaon i, ingkon gabe pasupasu ma hita tu halak na asing.

Amen

ULAON APOSTEL 8, 26 – 39

Hamu angka dongan!

Memang ndang piga hali turpuk on gabe jamita di HKBP. Alai ra nunga sude hita umbotosa. Adong sahalak Etiopia, pejabat tinggi, siradoti arta ni rajana, ra Menteri Keuangan ma i, di si Kandase, raja ni Etiopia. Huroha nunga mamungka ditanda ibana ugamo Jahudi, nunga gabe proselit (Proselit, ima halak na so Jahudi hian, alai nunga olo mandohoti ugamo Jahudi). Ala ni i ma laho ibana tu Jerusalem martangiang. Di pardalanan laho mulak, sai manjahai Hata ni Debata do ibana, alai ndang diantusi, alai sai torus dijahai. Ujui ma dipanghulingi surusuruan ni Debata Apostel Pilipus asa laho mandapothon halak Etiopia i. Dung pajumpang, manghatai ma nasida, diajari si Pilipus ma, gabe tardidi ma, gabe porsea ma halak Etiopia i di Jesus Kristus.

Hamu angka dongan!

Nuaeng tasigati ma manang piga na boi gabe jamita di hita sian na masa i.

1. Sian turpuk on taida, ndang hea boi mansohot harararat ni barita nauli i nang pe bahenon ni pangaleleon. Molo tajaha sian bona ni bindu 8 on, na dilele do angka na porsea i, gabe madangadang ma, alai huhut jala torus do marbarita nauli (ay.4). “Maporus” ma si Pilipus sian Jerusalem gabe sahat tu Samaria, dung i gabe porsea ma pangisi ni luat Samaria. Sian i ma muse disuru ibana tu halak Etiopia on gabe sahat barita nauli tu Etiopia.

Sian i taida, ndang haambatan manang ise barita nauli i, gariada tahe semakin dibabat semakin merambat. Ima paposhon rohanta, unang mabiar laho marbarita nauli.

2. Sian na masa di turpuk on ma taida, ndang hea lupa Debata dibagabagaNa, sai pasautonNa do i sude. Molo tajaha di Psalm 68, 32, didok disi paboa halak Kus (ima halak Etiopia di Hata Indonesia) ingkon hapogan mandapothon Debata. I ma napinasaut ni Debata di turpuk on.

Ndang holan i. Di Jesaya 65, 1 didok, angka na so usouso dohot na so mangalului Debata, saut do ingkon usouso jala jumpangan Debata. I ma na jumpang di turpuk on, ai na so usouso jala na so mangalului Debata hian do bangso Etiopia, alai laos jumpangan Kristus do Ibana. Ala ni i naeng nian lam pos rohanta di sude bagabaga na binagabagahon ni Debata; unang holan jamita i, unang holan taboto, alai tutu situtu ma tahaporseai angka bagabaga i jala tapaima dibagasan haporseaon dohot panghirimon na togu, paboa pasti pasautonNa do i. Molo didok bagabagaNa i: “Pasupasu ni Jahowa do mambahen mamora jala ndang mardongan hangaluton i dibahen”, tapeop ma i, asa unang talului hamoraon sian dalan na asing. Songon i ma nang angka bagabaga na asing i.

3. Tatiru ma halak Etiopia on. Dia ma sitiruon?

1. 1. Ringgas manjaha Hata ni Debata. Mansai arga do nian tingki di ibana, jala halak nasangap do ibana. Alai di pardalan i manjaha do ibana; jala najinahana ndada buku filsafat, manang politik, manang budaya, manang novel, alai Hata ni Debata do.

I do nidok ni si Paulus di 1 Timoteus 4, 13: “Sai datdati ma na manjaha i (Tekunlah membaca Kitab Suci)”. Apa manfaat dari membaca? Membaca dapat menghibur, menambah wawasan, menimba ilmu dari seluruh dunia, dan meningkatkan intellektualitas. Buku adalah jendela dunia dan membaca adalah kunci untuk membukanya. Robert L.Lumsden, mandok: Buku yang baik adalah darah kehidupan dan jiwa yang berkuasa. Membaca buku yang baik akan dapat merangsang dan menstimulasi pikiran serta wawasan kita serta membuka cakrawala atau membawa kita ke pengalaman dunia baru. Nang pe tutu ninna Badan Pertimbangan Buku Nasional, minat baca ni bangso Indonesia mansai toru; ninna holan 1 % (saporsen) do halak Indonesia na ringgas manjaha.

Alai na rumingkot ima manjaha Hata ni Debata. Ai ala ni i do sahat halak Etiopia on tu ngolu na imbaru, sahat mananda haluaon, sahat tu haluaon na dibagasan Kristus. Ala ni i tung taharinggashon ma manjaha Hata ni Debata, tarlobi tu ianakkonta, unang lemba disi, unang gumodang manjaha angka na asing.

1. 1. Burju marsiajar, jala olo diajari. Ra nian na pistar do ibana ala pejabat. Alai di na ro apostel manungkun ibana: Diantusi ho do najinahami?”, pintor toruk do rohana mangokuhon: “Sian dia ma haantusan ahu i molo so adong na patorangkon?”. Ndang pajagojagohon ibana. Hape so ditanda dope nian si Pilipus, alai serep rohana, olo marsiajar, mangguruhon Hata ni Debata.

On ma sitiruonta. Godang do na maol antusan di Bibelta i, tarlobi molo taringot tu Jesus. Boi do bingung hita. Ala ni i ingkon tongtong do serep rohanta manungkun dirinta: Boha do, huantusio do na hujaha dohot na hubege taringot tu Kristus i?. Ai Jesus pe, tajaha di Mateus 13, 51, tong do disungkun angka siseanNa i: Nunga diantusi hamu saluhutna i?. Unang adong na pajagojagohon, sai hira naung diantusi sude. “Tole ma, pandok ma disi, angka na somalsomal i nama i” ninna, hape na so diantusi do agia aha, holan sidalian do unang ro tu gareja. Ingkon rade do hita diajari asa mangantusi. Alai godang do muse, ala so diantusi gabe dipaso: “ah.. maolna i”, ninna, laos so diguruhon be. Alai na deba maila marguru, sotung tarboto na so diantusi, gabe maila manungkun; i do ala sai maol hita mardiskusi di partangiangan, ala maila marsiajar.

Tatiru ma halak Etiopia on, girgir, mauas (hata Inggrisna: Eager), ingin melahap, marsiajar di hata ni Debata, gabe dapotsa hasintongan, dapotsa haluaon i.

Sadanari ima olo manangihon. Somalna sipatangi-tangion do ibana ala pejabat. Alai dison, olo ibana manangihon si Pilipus. Gabe saut ibana porsea. I do ala didok si Paulus di Rom 10, 17: Iman timbul dari pendengaran, dan pendengaran oleh Firman Tuhan. Haporseaon i tubu sian na tumangihon Hata ni Debata. Tangihon jamita, tangihon hatorangan, tangihon kaset, radio, TV na marisihon Hata ni Debata asa tamba haporseaonmu. Alai na rumingkot, tangihon soara ni Tondi ni Debata songon nabinahen ni si Pilipus di ayat 29.

Dapot halak Etiopia i do ngolu na imbaru, haporseaon na sintong ala ringgas manjaha dohot manangihon Hata ni Debata.

1. 1. Dung martangiang ibana rap dohot donganna di Jerusalem, dilehon ibana do tingki marsaor dohot Debata secara pribadi. On ma hubungan ni koinonia (persekutuan) dohot pribadi ni na porsea. Ganup hita, unang ma marsaor dohot Debata holan uju rap dohot dongan, alai ingkon gumodang dope lehononta tingki, roha, pikiran marsaor dohot Debata secara pribadi, di jabu, di hauma, di kantor. Mansai uli molo ganup hita patupa meditasi ganup ari, ima parsaoranta na rosu, na solhot tu Debata secara pribadi.
   2. Sitiruonta do hamaloon ni halak Etiopia on mamake tingki. Di pardalanan do ibana nian. Ra nuaeng songon na di mobil, di bus, di kereta api ma i. Alai ndang modommodom sambing manang maranganangan ibana disi. Dipake do tingki i dohot denggan, ima manjaha Hata ni Debata. Diajari i do hita mamake tingki sadenggandengganna songon nidok ni si Paulus di Epesus 5, 16 “Parhaseang hamu ma tingki” Unang tapansuasaehon, unang lalap marnonang na so marguna, unang lalap mardeandean, di lapo tuak mangambolongkon tingki. Waktu bukan hanya uang tetapi waktu adalah sorga.
2. Sian apostel Pilipus pe adong do na gabe jamita sipeoponta.
   1. Taida do panogunoguon ni Debata di ibana dohot haoloonna ditogutogu Debata. Tar sarupa do on tu na masa tu si Abraham. Ianggo angka apostel na asing nunga mulak tu Jerusalem (ayat 25b). Alai ianggo si Pilipus tading dope ala dipanghulingi surusuruan ni Debata (ay. 26). Disuru ma ibana laho tu Gasa mandalani dalan na so apala ditanda ibana, jala ndang diboto manang laho marhua, ndang diboto manang aha ulaonna, manang ise sijumpanganna. Holan didok: asa laho. Jala songon pangoloion ni si Abraham, songon i do si Pilipus, olo, unduk, taat mangoloi parsuruon i. Jala sian i ma masa ma peristiwa na luar biasa. Ai marhite haoloonna i, jumpangsa ma halak Etiopia, jala gabe saut i porsea, gabe sahat ma barita nauli i tu Etiopia. Ima ala haunduhon mangoloi parsuruon ni Debata. Boha do ia hita? Aha do disuru Debata ulaonta, dalananta? Nunga unduk hita mangoloi i? Manang na tapake do utohutok mambahen paretongan, ujungna laos so saut, jala laos so dapot hita agia aha. Ra, mansai ringkot asa ganup hita olo songon si Pilipus on, rade, unduk tu panogunoguon ni Tondi Parbadia ni Debata.
   2. Dung pajumpang nasida, ndang ditanda ibana halak Etiopia i. Alai di ayat 29, dipanghulingi Tondi i ma si Pilipus, jala olo ibana. Gabe masa ma na peristiwa na balga i. Ternyata adong do Tondi ni Debata na mangula tu tondi ni jolma patupa, pasauthon Hata ni Debata. Na ringkot di hita, unduk tu pandok, tu pangajarion, tu parsuruon ni Tondi i. Ingkon lam solhot do hita tu Debata asa lam boi tinggil sipareon ni tondinta umbege parsuru ni Tondi i.
   3. Naparpudi, rade ibana mangajari halak. Gabe dapotan pasupasu na balga do halak Etiopia i jala sahat tu Kristus, ala olo si Pilipus mangajari. Naeng ma nian lam hehe roha di natoras, di angka pemimpin, di angka guru, di angka pangitua, naeng ma hehe roha na rade mangajari halak na asing. Taharingkothon do angka na rade mamelehon diri mangajari angka sikola minggu, angka remaja, angka naposo. Taharingkothon do angka pejabat na burju mangajari rakyatna asa diboto haiason, hahipason, asa diboto pahinsathon pandaramanna. Naeng ma lam tubu di hita roha na olo mangajari, asa dapotan pasupasu halak na asing, asa sahat nasida tu Kristus.

Amen.

PILIPI 2, 1 – 4

Hamu angka dongan !

Turpuk on mangajari hita taringot tu parsaoran ni halak Kristen. Sahalak teolog Kristen di zaman ni si Hitler na margoar Dietrich Boenhoffer mandok: Aha do na membedakan halak Kristen sian na so Kristen ? Didok ibana ima GAYA HIDUP-nya. Jala salah satu sian gaya hidup i ima parsaoran.

Di turpuk on dipangido si Paulus asa parsaoran ni halak Kristen, angka na porsea i, naeng ma MARHASADAON. Ayat 2 b “Sada ma parrohahon hamu, sada ma haholonganmuna; saroha, sapingkiran ma hamu!”

Hamu angka dongan !

Manghatai taringot tu hasadaon on, memang tar maol mura do. Boasa ?

Di satu pihak, kesatuan dan persatuan adalah kebutuhan dasar manusia. I do ala olo hita marsaripe, adong punguan marga, parsahutaon, PGI, PBB, dna. I do mambahen hita gabe mahluk sosial, manusia yang tidak dapat hidup tanpa bersama dengan orang lain. Alai di pihak lain, sepanjang sejarah do taida, sai talpe do jolma i tu parbadaan. Ai sai torus do adong porang, parmusuon, diskriminasi, disintegrasi, perceraian. Sian i taida, di satu pihak manusia membutuhkan kesatuan dan kebersamaan, alai di pihak lain rentan / tolping do hita tu pemisahan.

Alai na pasti, sude do jolma manghalomohon hasadaon dohot kebersamaan. I do didok umpama ni halak Batak : “Tampakna do rantosna, rim ni tahi do gogona”. Hata Indonesia mandok: Bersatu kita teguh, bercerai kita runtuh.

I do nang nisosohon ni si Paulus tu huria Pilipi. Di samping ni na mandok mauliate ala ni angka sumbangan ni huria Pilipi najonalo ni si Paulus, dohot manjouhon asa tongtong marlas ni roha nang pe di sitaonon, marhite surat on disosohon si Paulus do asa MARSADA NI ROHA nasida. Ala tongon do diancam perpecahan huria i, ala tubu semangat partai dohot kelompok di halak Pilipi. Ala ni dijouhon si Paulus SADA MA ROHAMU, saroha sapingkiran ma hamu.

Sada na menarik tajaha di ayat 2 a, didok: “Gohi hamu ma halalas ni rohangkon” (Sempurnakanlah sukacitaku dengan ini…). Marlapatan do i, sumalin do hape dapot las ni roha, martamba-tamba jala makin sempurna do las ni roha ni dongan molo dapot hasadaon ni parsaoran. Kesatuan dan persatuan itu memberi sukacita bagi kitadan bagi orang lain. Alai sebaliknya, molo sai marbadai, marsak ma roha, bohi pe sai murhing ma, semangat pe kendor ma, inspirasi pe mago, pansarian pe gabe moru ma.

Alai dumao sian i dope satingkosna didok Tuhan Jesus. Di Joh. 17, 21 didok Jesus do paboa mansai ringkot ingkon marsada angka na porsea i, ASA PORSEA PORTIBION. Lapatanna, bersatu tidaknya orang-orang percaya sangat menentukan bagi percaya tidaknya dunia kepada Kristus, dan sangat menentukan bagi berhasil tidaknya misi pekabaran Injil di dunia ini.

Mansai gomos do Hata ni Debata manosohon HASADAON ni angka na porsea. Tajaha pandohan ni Jesus di Johannes 14 dohot Johannes 17 nangkin. Si Paulus pe mandok di Efesus 4, di 1 Korintus 12, dohot di Galatia 3, 28, dna.

Jala mansai uli do gombaran/illustrasi na pinangke ni Jesus dohot si Paulus laho patuduhon hasadaon dohot dalan mangeahi hasadaon i. Molo tajaha di 1 Korintus 12 i, didok do ia hasadaonta i ima hasadaon SONGON PAMATANG NI KRISTUS (kesatuan sebagai tubuh Kristus). Aha do lapatan ni i?

Parjolo, ima patuduhon paboa hasadaonta ndada hasadaon organisatoris, alai hasadaon ni visi dohot misi do. Bukan kesatuan dalam organisasi atau rapat-rapat tetapi terutama kesatuan hati.

Paduahon, gambaran sebagai tubuh itu menunjukkan indahnya perbedaan. Semua organ tubuh berbeda satu sama lain, ada kepala, perut, tangan, kaki, mata, dlll, yang saling berbeda tetapi tetap satu sebagai tubuh. Hinauli ni perbedaan i nunga dipatudu Debata sian mulai panompaon na parjolo i. Ditompa do saluhut masiboan mansamna, masiboan rupana, semua saling berbeda. Alai ganup sidung sada ari, tajaha do di Bibelta i, sai didok do: “Dung i, nunga denggan diida Debata” (Maka Allah melihat segala yang dijadikanNya itu sungguh amat baik). Pitu hali i didok di 1 Musa 1 i. Ima patuduhon bahwa perbedaan itu sangat baik.

Ala ni i unang pola marsak hita molo asing hita sian halak, manang asing halak sian hita. Justru molo dos jala sarupa sude, i do mambahen susa. Boi do dibayangkon hamu betapa membosankannya hidup ini bila semua sama dan serupa? Malah ra boi bingung hita; ai holan membedakan halak na kembar pe nunga bingung hita. Holan marbaju seragam pe angka inanta on nunga maol tandaon inanta pardijabu. Apalagi molo holan partigatiga sude, ise panuhor?. Molo partani sude sian dia dapot bajubaju. Ala ni i ma uli do parasingan i.

Patoluhon, ala ni ima unang ma tapangke parasingan i mambahen hita sirang. Alai parasingan i justru ingkon memaksa hita marsada, asa saling melengkapi, saling membutuhkan, saling bergantung, dapat saling memberi dan saling menerima. “Aku ada bila Anda ada. Aku tidak ada bila Anda tidak ada”. Ido ala mahluk sosial hita. Mahluk sosial tidak dapat menjadi sempurna tanpa orang lain.

Perbedaan i do mambahen boi hita lengkap. Tabereng jolo jarijarinta i. Lima do i sambariba alai sude do i marasingasing. Alai ala na marasing i do umbahen boi hita mambuat indahan, boi maniop cangkul, boi manurat, boi karejo. Aut sugari dos ganjang ni jarijarinta i, tung so boi pohulonta indahan i, tung so boi tioponta cangkul, ate?

Di perbedaan i ma hita boi masiurupan. Sude do adong halobianna, alai sude do adong hahuranganna. Ala ni i, molo adong perbedaan manang halobianta, ndada sihaginjanghonon i, alai sipakeon ma i mangurupi hahurangan ni halak. Hahuranganta i ndada mambahen hita i gabe minder, manang maila, alai siurupan ni dongan ma i. Disi do ndang boi hita egois (tajaha di ayat 3 – 4, Rom 15, 1, Galatia 6, 2ff).

Molo dapot hasadaon na songon i, sonang ma roha, las ma roha, tung aha pe boi ma ulaonta, ai ndang masipasombuan, ndang masicurigaan, alai masilehonan jala masiurupan.

Paopathon. Gombaran songon pamatang ni Kristus i mandok: Nang pe marasing be hita, alai dos do derajat-ta sude, ndang adong na lumea, ndang adong na sumangap. On ma mambahen gabe ta-perjuangkan kesetaraan gender, hadosan ni baoa dohot parompuan. Asa dapot hasadaon na tutu, ingkon sude hita memperjuangkan hadosan ni baoa dohot boruboru i, dos do derajat-ta sude, alai berbeda di fungsi.

Ala ni i unang be adong na melecehkan pardihutana, na mambahen boruna tumoru sian anakna; unang adong be na paleahon pardihutana manang parumaenna ala holan manubuhon boru. Molo adong dope na olo palealeahon pardihutana ala boruboru, manang na mardingkan tu anak sian tu boruna, anak baoa dipasikolahon satimbotimbona nang pe oto; alai boru dijabu ma, pinaima ma ro pangoli, hape malo do nian. Molo adong dope songon i, mulak ma i tu huta. Gariada di hutanta pe ndang songon i be.

Hamu angka dongan !

Angka dia do na boi manegai hasadaon i, asa taboto pasidinghon. Ima na boi taida di ayat 3 – 4.

Na parjolo, ima ginjang ni roha, menganggap diri lebih tinggi, lebih hebat dari orang lain. Ima mambahen hita madabu tu kesombongan. BE no. 249, 4 i mandok: Ginjang ni roha i do jumotjot ala, pangalapan sala. Molo adong halak na sombong, sega ma parsaoran.

Paduahon, ima masisarihon dirina be (egois), tidak memperhatikan kepentingan, hak, dan perasaan orang lain. Marpariban do naparjolo i tu na paduahon on. “Orang yang sibuk memperhatikan kehebatan dan jasanya sendiri tanpa memperdulikan kebaikan orang lain, biasanya akan terjebak dalam keegoisan dan kesombongan”, ninna na malo. I do menghancurkan parsaoran. Ala ni i adong na pistar paingothon: “Hati-hatilah dengan segala kelebihanmu, karena hal itu sering menyebabkan kita tergelincir kepada kesombongan yang menghancurkan”

Hamu angka dongan ! Nuaeng aha ma na ringkot sibahenon ni sude asa lam togu hasadaon. Ima na pinatudu ni si Paulus di ayat di 5 – 11. Dia ma i? Ima MANIRU HASEREPON NI ROHA NI JESUS KRISTUS. Kerendahan hati, ima nidok ni si Paulus di ayat 3b: mangarajumi dongan sumurung sian dirinta. Kerendahan hati, serep ni roha, i do na boi memupuk hasadaon ni roha di sude parsaoran.

Hamu angka dongan. Ternyata, haserepon ni roha i memberi kita lebih banyak. Lam godang do pasupasu dapot ni halak na serep marroha. Aha buktina. Ima: Boasa gumodang aek ni laut sian aek ni sunge ? Ala olo laut i tumoru sian sunge. Hata ni Debata pe mandok songon i do. Mazmur 37, 11 “Orang yang rendah hati akan mewarisi negeri dan bergembira karena ksejahteraan yang berlimpah-limpah”. Mazmur 22, 27 mandok: “Orang yang rendah hati akan makan dan kenyang …” 1 Petrus 5, 5 “dilehon Debata do asiasi tu angka na serep marroha”.

Hamu angka dongan ! Halak na marserep ni roha, ido na boi patuduhon parrohaon ni Debata. Yesus Kristus, na mansai sangap, Anak ni Debata, alai olo patutoru diriNa gabe jolma, malah gabe hatoban, gabe dosa ala ni jolma, malah mate humonghop hita. Alai, ala napinatutoruna i do diriNa gabe dipatimbo Debata Ibana tu atas ni nasa goar, nasa tot ingkon marsomba tu Ibana, nasa pamangan ingkon marhatopothon: Ibana do Tuhan.

Sian i taida, dapot hita do hamuliaon ndada ala na tapabongakbongak dirinta, ndada sian haginjangon ni roha, ndada sian na niahut tu diri. Ndang !!! Alai hasangapon na sejati dapot hita justru sian HASEREPON NI ROHA do. Gariada tahe didok si Dranath Tagore do: “Kita bertemu dengan Allah ketika kita mau RENDAH HATI’. Ala ni i, sian turpuk on taida, ROHA NA SEREP, kerendahan hati, i do sada rahutrahut na togu laho memupuk hasadaon.

Hamu angka dongan!

Laho manutup jamita on, hupaboa ma sada barita taringot tu angka alat-alat tukang.

Di sada borngin, na marrapot do angka alat-alat tukang dung sidung nasida karejo. Na tubu do angka persoalan di nasida, pola naeng masipecatan. Dung i jongjong ma si Meter, mandok: Na olo do ahu dipecat, alai jumolo ma si Gergaji an. Ai baeon pe so niantusan on, sai holan na manirang do diula on. Di hutanami Panjaitan do adong, sipadomu na sirang, alai ianggo on, angka na domu do dipasirang, dipotong disan, disirang dison. Ingkon pecaton do tong baeon”. Umbege i hehe ma si Gergaji, huhut didok: OK, olo do au disi, alai si Martil an ma parjolo dipecat. Ai holan na manggaori do ulaon ni baeon, diantuk disan, gaor sude, so boi iba modom dibaen. Ingkon dipecat”. Ro ma muse si Martil: OK, tarjalo au do i, alai ingkon jumolo ma si Tuhil an. Ai baeon pe, holan na manggali lubang do ulaonna, sude jolma terperosok, madabu tu lubang binahenna i. Ibana pe ingkon pecaton do. Hehe ma si Tuhil: OK, sadar do au disi, alai ndada holan au. Si Paku an pe ingkon dohot do. Boasa ? Ai baeon holan na manusuhi ulaonna. Hatana sai manusuhi panghilalaan, mambahen hansit roha. Molo ditarik ibana pe hatana i, alai nunga sanga marbokas di rohaniba, sai hansit do roha dibahen. “Bah, gabe dohot au ate, ninna si Paku. OK! Alai ho pe Meter, memang tung so haampinan do ho. Ai ho do mamulai on sude. Ai sai mangasangi do ho, holan na mangasta. Diukur ho tusan, diukur ho tuson, sai hira ho nama natumingkos. Ho do parjolo pecaton”, ninna si Paku ……. Songon i ma nasida marsoal torus, laos so modom, torus sahat tu manogot, sahat tu na ro tokena, si Tukang i. Dibuat ma nasida jala dipake ma sadasada marguru tu ringkotna be, jala sidung ma dibahen nasida sada langgatan, ai tongon martukang di gareja do nasida uju i. Gabe boi do sidung ulaon ala marasing be nasida di fungsi, ala olo marsada ni roha di bagasan na masipatutoru dirina be pakeon ni si tukang i.

Naeng ma songon i hita. Di angka keperbedaan-ta i, rap ringkot jala rap denggan i, molo sude hita olo marsada ni roha dibagasan pangoloion huhut patutoru diri pakeon ni Raja na sumurung i, ima Debatanta. PakeonNa ma hita sude marguru tu talenta nanilehonNa i di hita. Ima mangarahut hita di hasadaon.

Antong, taeahi ma hasadaon, di rumahtangga, di huta, di masyarakat tarlobi di huria.

Angka perbedaan unang ma mambahen hita marsirang alai tapake ma i laho masiurupan, masipasingkopan, untuk saling membutuh- kan.

Tapadao ma ginjang ni roha dohot roha na egois na holan mangharingkothon na di dirina.

Alai sude ma hita paserephon roha, merendahkan diri maniru Kristus. Molo dapot na songon i, lam togu ma hasadaon i. Sian i ma tandaon ni halak, na tutu situtu do hita siihuthon Kristus.

Amen.

MATEUS 5, 13 – 16

Hamu angka dongan hinaholongan ni Tuhan Jesus Kristus!

Ianggo turpuk on nunga tung godang on tapandok. On ma sada ayat na paling terkenal jala mura ingoton. Nuaeng, boha do hita mangantusi jala mangulahon i, i nama na rumingkot.

Sada sungkunsungkun na tubu sian turpuk on ima: Boasa adong ahu? Boasa dison ahu. Boasa di huta on ahu dibahen Jesus? Boasa di kantor on au karejo? Boasa dison au mangolu?

Idaon mansai sederhana do sungkunsungkun i, alai manontuhon. Molo ndang boi taalusi i, tudos ma hita songon parbola, na malo mamparmeamhon bola, lomo roha marnidasa ala ni malona, alai ndang hea pamasukhon bola i tu gawang ni alo, ndang hea gol. Manang tudos ma i tu parkantor pos na manaruhon surat na so adong alamatna. Ulaon na sia-sia, na so marguna.

Boasa adong ahu? Tu aha do ahu dison? I do na naeng alusan ni turpuk on. Molo didok Jesus: “Hamu do sira ni tano on, hamu do panondang ni portibi on”, marlapatan do i, sasintong ni sintongna, mangolu pe hita, ima asa mangolu tu halak na asing do. Kita hidup adalah untuk orang lain. Aku hidup bukanlah untuk aku semata, tetapi aku ada untuk orang lain.

Sira ima sada sipanganon na sederhana. Alai ndang marguna sira i tu dirina sandiri. Alai marguna situtu do ibana molo dilehon ibana dirina tu na asing, ima tu sipanganon, marguna ma ibana mangalehon dai na tabo molo pas ukuranna, jala marguna ma ibana mengawetkan, unang busuk sipanganon. Tu halak na marsahit, marguna ma sira i gabe ubat. Tu suansuanan, marguna sira i gabe pupuk.

Songon i do nang palito. Molo ditutup i holan tu dirina, ndang marguna i. Alai molo diungkap ibana dirina tu na asing, disi ma ibana marguna situtu gabe panondang, patuduhon dalan, unang lilu manang tarrobung, huhut patuduhon angka na hurang denggan, gabe botoon paturehon.

Ala ni i, molo didok Jesus dison: “hamu do sira dohot panondang” na marsuru hita do i asa sude siihuthon Kristus olo mamake jaa mangalehon ngoluna tu haporluan ni halak na asing. Hidup kita menjadi berarti bila kita mau memberikannya untuk orang lain. Ala ni i do, mansai luar biasa do ayat on, jamita ni Jesus di dolok on. On ma na digoari Golden Word, Sabda kencana, kata-kata emas.

Hamu angka dongan!

Molo tapamanat panompaon ni Debata di angka jadijadianNa i, taida ma, sude do i marasingasing be. Boasa marasingasing i dibahen Debata? Ima asa sude na tinompa i SALING MEMBUTUHKAN, saling memberi dan saling menerima satu sama lain. Asa, sian i ma taida, ditompa Debata do hita ndada holan asa marguna tu dirinta, alai justru asa marguna tu halak na asing do. Molo marsaripe sahalak baoa dohot sahalak boruboru, hape marasing be do nasida, ima ma na mambahen nasida ingkon saling membutuhkan; si suami mangolu laho tu pardihutana, jala si isteri mangolu laho tu sinondukna. I do hasingkopon nasida.

Dilehon Jesus do diriNa gabe tiruan taringot tusi. Na ro do Jesus jala mamelehon diriNa ndada tu diriNa, ndada ala kepentinganNa, alai saluhutna i dipatupa Ibana holan ala ni jolma, demi kepentingan ni hita pardosa. Pola didok: Na ro do Ibana mangalehon hosaNa gabe tobus ni torop halak. Jesus ma na tutu situtu mangulahon nanidokNa, ima gabe Sira dohot gabe Panondang tu halak na asing.

Hamu angka dongan!

Nuaeng, boha ma hita mangulahon i?

1. Marguna do sira laho mengawetkan. Unang busuk ikan, jolo tasirai do. Sira berfungsi manjagahon habusuhon (mencegah kebusukan). On do tugas ni angka na porsea. Disuru Jesus hita tu portibi on manjaga asa unang busuk portibi on, ai nunga dibusuhi sibolis dohot dosa. Tarlobi portibinta nuaeng, na gok haulion, gok kemewahan, jala na modern on, alai nunga gok habusuhon. Pangalaho nunga lam lumlam, ala ni hajahaton na martimburak, tondi egoisme dohot individualisme nunga mangararati. Nunga torop jolma gabe drakula, mangonsop mudar ni donganna. Torop gabe pencabut nyawa, ai mansai mura nuaeng on masimatean. Angka pejabat mambuat jatah ni angka na pogos. Narkoba merajalela, songon i nang juji pe. Tung so hagoaran be ala ni lumlamna.

Ra pintor halak do salahononta molo masa angka i. Hape satingkosna, ndang songon i. Ai hajahaton na masa di masyarakat i ndang na ro boti i. Alai hajahaton na masa di masyarakat i ima parbue ni keluarga. Keluarga do masinna. Molo masa hajahaton di masyarakat, sian anggota keluarga do na patupa i. Ala ni i, sada tugas na ingkon ulaonta, ima manaburhon sira di tonga ni keluarga. Sira ni angka natoras ma na ingkon manjagahon asa unang busuk angka anakkonna. Angka anak na umbalga ma manaburhon sira unang busuk angka anggina. Ala ni i, amang, inang dohot sude hita, tung parade dirim gabe sira na denggan.

1. Sira marguna mangalehon dai na tabo. Adong hata na mandok: Bagaikan sayur tanpa garam, na patuduhon, ndang mardai molo so adong sirana. Ganup mangan halak Batak di pesta sai didok do: “Baen sira na i….” Adong do muse dai sira. Ala ni i, molo didok Jesus: hamu do sira ni tano on, marlapatan do i, ingkon sude ma hita paturehon dirinta mangalehon dai na tabo tu dongan.

Hamu angka dongan! Ulina i ngolu on molo manang didia hita hundul pintor las roha ni jolma, aman dihilala, lambok jala sonang panghilalaanna; molo ro hita gabe dapotan gogo dohot semangat na imbaru angka dongan; angka naung galegale gabe dapotan gogo, angka naung patah semangat gabe marhiras ni roha, angka naung tungki hian gabe boi dirgak dungkon ro hita. Ulina i tahe ngolunta on, molo tung torop halak masihol di haroronta. I ma halak naung pature dirina gabe sira. Alai hansitna i ngolu on, molo ganup ro hita, pintor tahutan halak, manang muruk, manang gabe was-was. Manang gabe lomoan roha ni halak molo ndang ro hita.

Ala ni i tung tapingkiri ma, aha ma sibahenonta asa haroronta di jabu, di gareja, di parpunguan manang di dia pe, manang na di lambung ni sinondukmu, manang pardihutam, manang ianakkonmu sai pintor lomo jala las rohanasida.

Ra boi do marhite SENYUM. Ternyata, Bunda Teresa na terkenal i pe mandok: paboa senyum i boi do i gabe ubat na mansai denggan tu halak. Mardalan ma sahalak ina di dalan. Tung murhing, tungki, sai hira na ponjot rohana. Asal didalani do dalan i boti. Alai di tongan dalan, pajumpang ma ibana dohot sahalak sintua ina. Minar bohi ni sintua ina i, senyum na i mansai uli, mangalehon las ni roha dohot semangat. Disise sintua ina i ma inanta nangkin. Holan disise pintor marganti ma bohi ni inanta i, gabe dohot minar, rohana pe pintor las idaon. Boasa? Ima ala diida senyum ni sintua i. Ra senyum ni inanta di jabu boi mangambolongkon loja dohot boban na dokdok na di roha ni amanta sian karejona. Senyum ni ina di jabu boi mangalehon semangat belajar dohot karejo tu ianakkonna. Alai bohim na murhing i, apalagi soara na sai marbetebete i, boi do i manambai habusuhon.

Ra boi do hita gabe sira marhite hata na lambok, sapaan yang manis, dan sentuhan yang penuh kasih, na haruar sian roha parbagasan. Boi do i mambahen angka roha na mandele gabe margogo.

Hamu angka dongan! Tajaha ma jolo annon di jabu, 2 Raja-raja 2, 19 – 22. Di zaman ni panurirang Elisa, di huta Jeriko, huta na uli, alai aekna paet jala ason, jala sangat berbahaya, ai mambahen angka ina gabe keguguran (santabi). Aha ma dibahen panurirang i? Didok ibana: Buat hamu sada saoan (pinggan), jala bahen sira tusi. Dung i disaburhon panurirang i ma sira i tu aek i, gabe denggan ma aek i, jala tabo.

Hamu angka dongan ! Adong panurat mandok, songon i ma keadaan ni bangsonta nuaeng, Uli do nian negerinta on, alai gabe berbahaya, songon naung ginoaran nangkin. Alai didok panurat on, boasa boi masa angka i? Ndang boi salahononta halak.Alai didok ibana, masa angka i ala jotjot do hita halak Kristen gagal gabe sira. Boasa? Ala jotjot hita holan mangurus dirinta. Gagal hita gabe sira ala lemba hita, mabiar manurangi, mabiar paboahon hasintongan, mabiar menegor kesalahan ni bangso on. Hape asa boi hita gabe sira na marguna, ingkon haruar do hita jala borhat tu tongatonga ni masyarakat. Ala ni i, didok panurat i, ingkon jumolo dirinta tahobasi, tapature, taparade gabe sira na denggan, marusaho mendisplinkan diri asa totop mardalan di dalan hasintongan ni Debata. Dung i nangetnanget tasirai ma angka na humaliang hita.

1. Panondang marguna patuduhon dalan, gabe malua halak sian parmaraan. Sai taboan do sulu, manang palito, manang senter, manang lampu molo mardalan hita, asa unang tartuktuk, unang tarrobung, unang tartombom. I ma guna ni panondang.

Molo dijou Jesus hita asa gabe panondang, ingkon paradeonta ma dirinta boi mangurupi halak asa unang tarrobung, tartuktuk manang tartombon. Toropna i halak, tarlobi ianakkonta nuaeng na mamorluhon i. Ai mansai godang ditawarhon portibi on angka dalan, angka siulaon, na mansai menarik, jala gogo manait roha. Angka halak na so tangkas mamingkiri dohot mananda i, boi do pintor madabu, dung i tarjorat ma disi, laos mate disi. I ma angka narkoba, juji, pergaulan bebas, ngolu na ugal-ugalan, dohot na asing. Dison ma ganup hita ringkot gabe panondang, patuduhon dalan, asa diboto nasida, dia do dalan na tingkos, dia do dalan na sala. Pangajarion, pembekalan rohani, pembekalan budi pekerti dohot etika tu sundut na umposo, ima dalanta gabe panondang tu nasida.

1. Panondang marguna patudu na sala. Molo golap, ndang botoon na kotor manang na ias. Alai holan masuk cahaya, panondang, pintor tarida ma nang abu/orbuk pe, gabe botoon ma paturehon/ paiashon.

Ima ulaonta molo dijou gabe panondang. Godang halak na so menyadari naung sala naniulana. Ai torop nuaeng di masyarakatta halak na mapitung, na so umboto angka dalan na sala nanidalananna. Gariada tahe godang do manghilala na jumago ibana sian halak na asing molo diula ibana na sala i. Disi ma ingkon patuduhononta dosana. Songon panurirang Natan napatudu dosa ni si Raja David ( tajaha di 2 Samuel 12) gabe ditanda si David ma dosana, dung i diboto manopoti. Molo olo hita gabe panondang na patudu hasalaan ni halak jala paingothon, godangna i halak na gabe mananda dosana jala na olo mulak tu Debata.

Hamu angka dongan! I ma gunana hita adong di portibi on. Marguna tu halak na asing.Molo ndang boi be songon i, tudos ma hita tu sira na hambar, siambolonghonon sambing, manang tu palito natinutupan ni ampang, na so marguna, na ingkon siambolongkonon nama. Hamu do sira dohot panondang ni portibi on. Amen.

JEREMIA 1, 4 – 10

Hamu angka dongan!

Di minggu na ro on pestahononta ma Hari Kemerdekaan ni negaranta, naung 61 taon hita merdeka. Nunga lam maju tutu negaranta, nunga lam ditanda portibion. Alai di las ni roha i, godang do na mambahen hita lam marsak. Ternyata pembangunan ekonomi i ndang diihuthon pembangunan partondion. Gabe tubu ma godang masalah. Mamora torop halak, alai ala dionsop do mudar ni halak na asing, marhite korupsi na luar biasa, mamoro upah ni angka parkarejo asal ma godang pangomoanna, manegai hutan na parohon banjir dohot tanah longsor. Mansai godang taida masa pelanggaran hak azasi, ditutungi, ditutup angka gareja, dipasiaksiak angka kelompok na metmet. Godang halak na lam mamora situtu alai lam tamba halak na pogos, na so boi nanggo apala mangan. Arga ni hosa ni jolma pe lam mura, ummura sipata sian hosa ni manuk, ai muramura nama masiseatan, na deba mambahen bom pamatehon halak, na deba masipamatean. Adat lam luntur, nilai-nilai moral makin hancur.

Ndang tarpajojor i sude. Di ari kemerdekaan on, marhite turpuk on naeng sungkunonna hita: Songon halak Kristen ho di tongatonga ni bangso on, aha do tanggungjawabmu, aha do sibahenonmu? Marhite turpuk on, dipaingot hita, paboa na tarjou do huria gabe panurirang na mansoarahon Hata ni Debata tu tongatonga ni persoalan na masa di masyarakat. Huria ndang boi hohom, ndang boi mauhon.

Hamu angka dongan! Di tongatonga ni zaman na lumlan do dijou Debata si Jeremia. Uju i tongon tarhapit do bangso Israel secara politik. Nunga ditoru ni huaso ni harajaon Assur nasida. Ala kepentingan politik, gabe dikorbankan angka pemimpin ni bangso i do ugamona. Ai laho mambuat roha tu raja ni Assur, olo ma Israel marsomba tu debata Baal ni Assur; di bagas joro i pe dipajongjong ma langgatan pamelean tu debata sileban ni Assur. Ala ni i ma, gabe lam merosot ma moral, partondion ni bangso Israel; ndang diharingkothon be parange na denggan, alai angka ilmu sihir, ilmu gaib dohot persundalan suci nama diulahon.

Tong dope muse ala kepentingan politik, gabe laho do nasida mangido pangurupion tu militer ni Mesir. Ndang Debata Jahowa be dihaposi, alai nunga gogo ni hoda ni Misir. Ditadingkon nasida ma Jahowa.

Di keadaan na songon i ma dijou Debata si Jeremia. Jala tugasna ima laho patubegehon soara ni Debata, mangulahon ulaon ni panurirang, laho manjou bangso i, jala patuduhon tu nasida pilihan: Olo paubahon roha asa malua, manang torus manundali Jahowa asa hona rimas ni Jahowa.

Mansai borat do ulaon ni si Jeremia. Di ayat 10 didok, ia ulaonna ima: mangurati, maniaphon, mangango, mangaloha (mencabut, merobohkan, membinasakan, meruntuhkan), alai huhut muse ingkon paulihon dohot manuan (membangun dan menanam). On ma soara hapanurirangon na ingkon sisoarahonon ni huria.

On ma hahurangan ni huria di angka tingki na salpu. Di na hehe angka industri jala hehe nang ilmu pengetahuan dohot tehnologi, sai hohom huria ala lalap mangurus dirina, holan na marbadai, ndang adong soara hapanurirangon (suara nabiah). I ma mambahen gabe gok halumlamon i nuaeng. On ma siulaon ni keluarga songon huria na metmet. Natoras ingkon mansoarahon suara nabiah tu sundut na umposo, mangajari, menegor, asa unang lilu nasida dibahen hamajuon on, unang hona uhum nasida muse. Nang tu angka na masa di masyarakat, ingkon barani do huria menegor; memperjuangkan hak azasi, keadilan, membela angka na tertindas. Tugasta ndada holan membangun gareja, markoor, marminggu; alai dohot do mambahen kontrol sosial, pajamothon pemimpin dohot masyarakatta, unang sanga madabu rimas ni Debata.

Hamu angak dongan! Laos dipatorang turpuk on do tu hita manang na piga hal taringot tu ulaon ni panurirang, tanggungjawab ni panurirang dohot resiko, alai huhut nang pandonganion ni Debata di panurirang i.

Naparjolo taida ima: Debata do na mamillit. Ndada si Jeremia na manonsothon dirina asa dipillit, alai sian roha ni Debata do na mamilllit. Keluarga ni malim do nian ibana, mungkin malim na jonok tu penguasa ima malim Abyatar. Alai ndang i manodo ibana asa gabe panurirang, alai Debata sandiri do.

Marhite on dipaingot hita, asa unang adong manonsothon diri asa dipillit. Paloas ma Debata mamillit, alai tutu, molo dung ditodo, unang ho manjua. Jesus pe didok do: Ndada hamu mamillit Ahu, alai Ahu do mamillit hamu (Joh. 15, 16). Unang pola gabe marbadai hita sama hita ala so tarpillit, songon na godang masa di angka huria. Alai, molo dung diulahon ho pamillitonNa i, unang adong na pajagojagohon, merasa diri na ibana ma na jumago. Alai dok ma: Mauliate Tuhan dipillit Ho ahu gabe parhalado, gabe panitia pembangunan, gabe dirigen ni koor, gabe an, gabe on… goarMu ma na marsangarp, unang goarhu.

Napaduahon: Ulaon na maol do ulaon i, ulaon na gok resiko. Ingkon soarahononna ma uhum tu bangso na jogal i. Hape somalna, jolma ingkon sipanggarpanggaron do nang so tutu. Sogo do roha ni jolma molo nitudu hasalaanna. Ala ni i gabe godang do na mangsogohon si Jeremia, pola dongan sahutana sandiri naeng mamunu ibana (bindu 11), ingkon sirang ibana sian angka donganna, jala ditangkup Malim Pansur do ibana jala dihurungkon. Ala ni hansitna i ma pola do sanga songon na mandele si Jeremia, mogok kerja, mardandi (Tajaha di bindu 20, 7-9 dohot bindu 15, 11+18). Pola dihilala ibana hira na dipaotooto Debata ibana. Sanga ma ndang olo be ibana suruon ni Debata.

Diboto si Jeremia do maol ni ulaon i sian mulana. I do ala di ayat 6 marsidalian ibana. “Ndang huboto manghatai, ai bajar/poso dope ahu”, ninna, ai ra marumur 20 taon dope ibana uju i. Sarupa songon i do nang pandok ni si Musa. Si Jesaya pe marsidalian do mandok: Parbibir na ramun do ahu. Si Jona pe menolak, gabe lari martabuni tu Tarsis.

Songon i ma molo pinake pertimbangan haportibion, molo gogonta tapangasahon mangula ulaon ni Debata. I ma mambahen torop mabiar. Pintor talu sebelum masuk perang. Di huria pe sai masa do songon i. “Boha bahenon manuhuk i, ai pogos do hami … partanitani do hami … karyawan na metmet do hami …., dohot na asing”. I ma mambahen gabe toho ma, laos so adong na boi taula manang aha.

Laos dipaingothon i do hita, mansai maol jala gok esiko do mangoloi parsuruon ni Debata. Maol do gabe parhalado, gabe panitia pembangunan, gabe siparbarita nauli, gabe dirigen koor, dohot na asing. Sai jotjot do hita sitihaan, gabe sihataan; godang angka tuduhan-tuduhan’ godang hatahata na so tabo begeon. Angka na burju marbarita nauli, boi do gabe dihasogohon parugamo na sing, na deba tahe gabe dipamate. Sitagamonta do angka i. I ma mambahen na deba gabe mandele. Alai na deba gabe marbadai. Ingot ma, gok resiko, gok hamaolon do mangoloi parsuruon ni Debata.

Na patoluhon: Jaminan pandonganion ni Tuhanta do gogonta. Dung songon i sidalian ni si Jeremia, didok Debata ma: “Unang ho mabiar, ai sai Ahu do donganmu, paluahon ho” (ayat 8). Ndang hea disuru Debata angka naposoNa so mardongan bagabaga pandonganionNa. Tuhan Jesus pe di Mateus 28, 20, di na disuru hita laho marbarita nauli, dilehon do jaminan pandonganionNa: Sai na dongananKu do hamu ganup ari, rasirasa ro ajal ni hasiangan on”. On ma mangalehon gogo tu si Paulus. Ala tangkas do dihaporseai ibana pandonganion ni Debata, gabe barani ma si Paulus mandok: “Saluhutna do tarpatupa ahu, marhitehite Ibana na margogoihon ahu” (Pilipi 4, 13), jala di 2 Korintus 12, 10 didok: Di hagaleonki do au margogo”. Boasa? Ala adong pandonganina, ima Debata.

On ma ra nian ingkon tangkas peoponta, asa unang mabiar hita patupa ulaon na denggan dohot mangoloi parsuruon ni Debata. “Molo Debata donganta, ise be alonta” ninna si Paulus di Rom 8, 31.

Adong ma dua keluarga di sada huta, sarupa partani do nasida. Rap tamat ma inakkonnasida sian SMA. Alai keluarga na parjolo, mandok tu ianakkonna i: Amang, ndang tolap ahu pasikolahon ho, di huta ma ho, rap ma hita mangula haumanta i, ai na pogos do hita, ninna. Sai diholit ma, ndang olo mangalehon manang aha tu huria, pelean taonna pe ndang digarar be, laos so marminggu be. Alai keluarga na paduahon i mandok tu ianakkonna: Anaha, tung tagogo ma martangiang; sian gogongku ndang tolap ahu pasikolahon ho tu na timbo; alai huboto do adong Tuhanta i, i ma tajou pasikolahon ho. Saut ma i sikola. Huhut sai burju nasida pasahat pelean hamauliateonna tu Debata. Jala saut do tamat sarjana anakkonna i. Ala pos rohana adong do Debata pandonganina.

Hamu angka dongan! Pandonganion ni Debata do jaminan dohot silehon gogo tu angka na porsea. Angka na porsea di pandonganion ni Debata do na mampu mandok songon nidok ni si Paulus nangkin: Saluhutna do tarpatupa ahu, marhite ibana na mamargogihon ahu.

Naparpudi: Dijou do hita sude gabe Jeremia-jeremia na imbaru, na barani menegor angka na sala. Sijamothononta do asa unang hita songon panurirang pargapgap di zaman ni si Jeremia on, na sai holan marhata lemeslemes, na panengennengen pinggol, holan paboahon na tabotabo; i ma mambahen tarpodom bangso i di dosana. Alai Jeremia na imbaru ingkon barani menegor hasalaan asa muba; ndang menghakimi, ndang laho pailahon. Ingkon soarahononta do torus hamubaon ni roha asa muba roha ni masyarakatta.

On do na borat i nuaeng. Sai godang do halak lomoan rohana mambege jamita na lamotlamot, holan na tabotabo. “Panditanami, sintuanami, holan na tabotabo i ma jamitahon hamu … unang pola sai rungkari hamu dosanami ruas on, unang pakorashu jamitamuna i, sotung tersinggung annon ruas i, sotung so dilehon hepengna i…. “ninna. Boha nama tutu molo songon i. Adong do guna ni jamita na songon i? Hata ni Debata songon api na marsigorgor do i, na manutung; jala songon martil (Jer. 23,29) na mamunta roha na koras. Jamita na koras, na menegor, na mangurati, i do na boi manjou roha ni jolma asa pauba roha, jala i do na boi mamuntar roha na koras asa muba.

Gabe Jeremia na imbaru ingkon olo tampil beda. Ndang songon nidok ni halak Batak: eme na masak digagat ursa, ia i na masa i ma niula. Marjuji halak marjuji iba; martogel halak martogel iba; korupsi halak dohot iba. Jeremia na imbaru berani tampil beda ala haporseaonna. Ala ni i, ingkon jumolo hita pature diri, asa boi gabe tiruan. Dung i gabe sira ma i, manirai jolma na humaliang. Perubahan masyarakat dimulai dari perubahan diri orang Kristen di masyarakat.

Antong, dohot do hita dipillit Debata gabe Jeremia-jeremia na imbaru laho patolahashon suara nabiah ni Debata tu keluarga, tu masyarakatta

- unang mauhon ho, soarahon ma soara hasintongan ni Debata

- Borat do ulaon i, unang ho marsidalian

- Pos ma roham, unang ho mabiar, Debata do mandongani, mampargogoi dohot patauhon ho.

Amen.

GALATIA 2:16-21

Hamu angka dongan sahaporseaon!

Sada sungkunsungkun na mansai ringkot di surat Galatia on ima: boha, boi do jolma malua bahenon ni patik? Molo so boi, dia do na boi paluahon jolma? Halak Jahudi, ruas ni huria di Galatia sai mandok, paboa na boi do nasida malua molo diulahon patik. Ala ni i ma gabe sai disosoi nasida, asa sude halak Kristen mulak tu patik. Hape satingkosna, molo didok nasida na boi do jolma malua ala ni patik, usaha nasida sandiri do i na mambahen asa jolma i gabe pusat, jolma i gabe ondolan, asa jolma i sandiri gabe sipalua. Boasa? Ai nunga gabe ala usaho ni jolma mambahen jolma boi malua. Ala ni i, satingkosna, pingkiran na songon i, ndang dao sian na marsomba tu ganaganaan. Ai mambahen ganaganaan jala marsomba tusi, satingkosna na marsomba tu jolma do i, ai jolma do mambahen i. Molo olo jolma marsomba tu ganaganaan, ima usaho na mambahen diri ni jolma i sandiri gabe debatana. Molo jolma na mandok na boi do usaho ni jolma paluahon dirina, ima na mambahen jolma manang dirina gabe debatana.

Tontu, nunga mansai ambal i sian hasintongan ni Hata ni Debata. I do alana umbahen disurathon si Paulus surat Galatia on. Diondolhon si Paulus di surat on, ia haluaon i HOLAN ASI NI ROHA ni DEBATA sambing do, hanya oleh anugerah TUHAN saja. Na boi do jolma malua sian dosa dohot hamatean ndada ala ni na mangulahon patik, ndada ala ulaon ni jolma, alai holan ala asi ni roha ni Debata do. Di Ulaon Apostel 15:11, di sinode parjalo ni angka Apostel di Jesrusalem, nunga tangkas dipatorang si Paulus, ia Patik i, i do mambahen jolma lam bagas masuk tu parhatobanaon ni dosa, lam dao sian haluaon, ai ndang mungkin boi tarulahon hita sude patik i, ndang mungkin adong na boi malua ala ni patik i. Boasa? Ala nunga sude jolma mardosa. Ala ni i, sude ulaonna, sude parbuena pe mardosa do. Songon tuangan ni kue do i, molo tuangan ni kambang loyang i hintung, sude hasil-na pe hintung ma, ndang mungkin segi opat. Songon i do nang jolma i. Ala hakekatna, tompana nunga mardosa, sude ulaonna pe mardosa do. Saburju-burju ni jolma mangula patik ndang tolapsa i, ai pasti mardosa do ibana. Alani i ma, ndang mungkin boi malua jolma bahenon ni na mangulahon patik i.

Molo boti, dia nama na boi paluahon jolma, asa malua sian dosa? Holan sada nama, ima ASI NI ROHA ni DEBATA, ala holong ni rohaNa, ima marhite panobusion ni Tuhanta Jesus Kristus (Joh.3:16). Jesus Kristus ma na pasingkophon sude tuntutan ni Patik i, marhite hamamateNa. Sada do tuntutan ni patik i, ima hosa ni jolma. I ma dilehon Jesus di Golgata. Dilehon ma hosaNa laho manobus hosa ni jolma i, gabe malua ma jolma i. Sude i ndada ala ni ulaon manang burju ni jolma, alai holan ala asi ni rohaNa do. Asa, asi ni roha, marlapatan do i, TUHAN i do na mangalehon, Tuhan i do na berprakarsa, ala ni haoloon ni TUHAN sambing do. Pusatna, ima di holong ni Debata dibagasan Jesus Kristus do. Ndang adong tung otik ulaon manang andil ni jolma disi.

Asi ni roha marlapatan do i, ia hita jolma holan na manjalo sambing do, manjalo silehonlehon, alai ndang ngogong, holan na so. Ndang! Ingkon aktip do, ingkon olo manjalo. Sahat do asi ni roha i tu hita, molo olo hita manjalo. Aha ma bahenonta manjalo? Ima marhite na manghaporseai asi ni roha i. Ima haporseaon. Haporseaon i do tangan jolma manjalo asi ni roha ni Debata. Jala haporseaon i ma na paluahon jolma, ai marhite haporseaon i ma tajalo asi ni roha ni Jesus Kristus. Siingotonta ima, ndada jolma mambahen haluaon i, alai Debata do dibagasan Jesus Kristus. Ulaon ni jolma holan na manjalo asi ni roha i do. Angka na manjalo i ma angka na porsea, ima angka naung mangolu holan di Jesus Kristus sambing (ay.20)

Hamu angka dongan! Mansai lomo do roha ni jolma asa dirina gabe siidaon, asa ibana na tarida. Tapamanat ma pambahenan ni angka Parise. Martangiang do nasida tu Debata, alai holan dirina do dipaboaboa: hubahen do an, hulehon do on. Jala dihilala nasida, molo dung dibahen songon i, nunga boi malua nasida. Hape didok Jesus, ditulak Debata do tangiang nsida, ndang laku i di TUHAN i. Ido tong na masa di zaman ni Martin Luther abad 15 na salpu. Didok Paus, na boi do jolma malua marhite hepengna dohot ulaon na denggan nabinahen ni jolma. Didok nasida boi do sesaon dosa marhite na manuhor surat Aflat goarna. On ma na nialo ni si Martin Luhter, Bapak Reformasi i. Ai molo songon i nama, ndang adong be guna ni hamamate ni Kristus; ai molo songon i nama, jolma dohot hepeng ni jolma i nama na gabe Debata jala sipalua. Ala ni i ma dipertegas si Martin Luther ma hata ni Debata: SOLA GRATIA-SOLA FIDE. Holan ala asi ni roha ni TUHAN sambing do na mambahen hita malua sian dosa, ima na tajalo marhite haporseaon di Jesus Kristus, holan i do na boi paluahon hita.

Hamu angka dongan naung manjalo asi ni roha ni Debata!

Molo didok HOLAN ASI NI ROHA dohot HOLAN ALA HAPORSEAON SAMBING, on do mambahen las ni roha di hita! Boasa? Tarimangi ma jolo. Aut sugari didok, asa boi malua hita ingkon jolo ulahononta ma patik i, ra, ndang adong hita na boi saut malua. Ai molo taula sia sian na sampulu patik i, tinggal sada, tong do dosa. Tarlobi molo didok ingkon ala ulaon na denggan, missal-na, uang do mambahen asa boi malua hita, tong do ndang adong na boi saut malua. Ai ise hita na boi manggarar dosanta. Holan angka parhepeng manang konglomerat ma. I pe belum tentu boi, ala torus do hita mardosa. Ala ni i, ndang mungkin boi malua hita bahenon ni na mangulahon patik dohot ala ulaon na denggan na tabahen. Ala ni i tuani ma mangasahon asi ni roha dohot mangasahon haporseaon. Ianggo i boi ma saut hita malua. “Ro ma hamu tu Ahu, hamu angka na loja jala na sorat …. hupasonang pe hamu”, ninna Jesus di Mat.11:28. “Nang pe rara dosam songon hasumba, bontar bahenonku songon itak”, ninna Debata di Jesaya 1:18. Ro tu Jesus ndang manggarar manang aha pe. Siulaon holan porsea do. Holan manjalo do, pasti malua hita. Boi ma dohot hita disi ala asi ni rohaNa.

Hamu angka dongan!

Molo songon i, adong dope guna ni patik i? Adong dope!! Ima:

1. Taboto do, ndang hea disoadahon Jesus patik i, torus do i marguna. Tajaha ma di Rom 3:20. Didok, ia patik i, marguna patuduhon dosa, songon sorminan. Di Rom 7:7 didok paboa marhite patik i ma tatanda dosanta. Ido umbahen di parmingguon songon on, jumolo do hita manjaha patik asa manopoti dosa. Boasa? Ai molo dung tabege patik i, tatanda ma dosanta. Dung i tatopoti ma. Ala ni i ndang sekedar pengisi acara kebaktian i.
2. Di Galatia 3:24, ia patik i didok songon siparorot (penuntun), manang rel. I ma rel na mamboan hita tu Kristus. I ma rel na patuduhon paboa holan Kristus do na boi paluahon.

Asa, marguna do patik i di hita, alai taingot, ndada patik i na paluahon

Hamu angka dongan! Sungkun-sungkun na mangihut ima: molo songon i, adong do guna ni ulaon na denggan na tabahen? Ai so boi hape malua hita bahenon ni i!

Ringkot do hita patupa ulaon na denggan. I ma parbue ni haporseaon. Ima tanda na tarida, na boi idaon ni jolma, paboa naung tingkos hita songon angka naung porsea di Jesus Kristus. Marhite ulaon na denggan i ma idaon ni halak paboa naung tangkas Kristus i mangolu dibagasan hita, jala hita mangolu dibagasan Kristus. Ai didok di Jakobus 2:17 didok, ia haporseaon na so marpangulaon na mate do i (iman tanpa perbuatan adalah iman yang mati). Ulaon na denggan, i ma parbue ni haporseaon, ima haporseoan na marpambahenan. Alai siingotonta, ima: tagogo do mambahen ulaon na denggan alai ndada asa i mambahen hita malua, manang asa i paluahon hita. Ndang! Ulaon na denggan ndada asa malua, alai ALA NAUNG dipalua do hita.

Hamu angka dongan! Marhite turpuk on dijamothon hita, unang adong na manghilala angka ulaon na denggan boi paluahon ibana. On ma na ginoaranna nuaeng Kristen AKTIVISME, na manghilala ia molo burju tu gereja, burju mangurupi na pogos, burju mangurupi na marsahit, godang ulaon sosial, boi ma ibana malua. Ndang! Ingkon nionjar ni haporseaon. Dijamothon turpuk on do asa unang adong na manghilala, “ala ompungnami do Kristen na parjolo dison, sian hami do tano pargarejaan on, tingki ahu do guru huria jongjong gareja on, ahu do pangituai, ahu do siguru dok”, gabe otomatis ma ibana malua. Ndang! Alai sudena i, naeng ma sian haporseaon, ai haporseaon i do na paluahon.

Antong, asi ni roha ni Debata dibagasan Jesus Kristus sambing do na paluahon hita.

a. jalo ma i marhite haporseaon, asa saut ho malua

b. patuduhon ma parbue ni haporseaon i marhite ulaon na denggan dohot na mangaradoti patik i, i ama na patuduhon ta tutu situtu naung Kristus mangolu dibagasan ho.

Amen

ULAON APOSTEL 3 : 1 – 10

Hamu angka dongan!

Ra sude do hita umbotosa, ia sada tugas ni halak Kristen sian na tolu tugas panggilan gereja ima diakonia, mangulahon asi ni roha. Ai didok Tuhan Jesus di Lukas 6, 36: “ Gabe parasihoha ma hamu, songon Amamuna parasi roha i” Ala ni i, naeng do sude nian ruas ni huria manungkun dirina: Aha ma ulaon parasinirohaon naung hubahen? Nunga tutu parasiroha hita tu angka donganta? Jamita sadarion mangurupi hita taringot tu: Boha do marsilehonlehon, boha do bentuk ni ulaon asi ni roha? Aha do tujuan molo tapatupa ulaon asi ni roha.

Tabereng ma jolo di turpukta on. Adong sahalak na pangpang (lumpuh), na gabe pangidoido. Nunga 40 taon ibana pangpangon, ala ni i nunga tung leleng gabe pangidoido. Di jolo ni pintu ni bagas joro i do ibana mangidoido, paimahon halak na ro jala na olo manampathon hepengna. Holan silehonlehon do dipaimaima ibana. Ianggo hamamalum ni sahitna i tung so hea be i dihirim. Tangiangna pe ra ndada be asa malum pangpangna i, alai ra asa godang do halak na olo mangalehon. Ala ni i nunga gabe benalu ibana, na tarihot jala margantung tu silehonlehon ni halak. Molo di kota besar jotjot gabe tigatiga ni orang tertentu do on, ai adong ma cukongna, mambahen angka pangidoido on songon sapi perah. Asa ndada na mangalehon tu na cacat i hita jotjot, alai gabe tu cukong do.

Alai di turpuk on, di na sadari i, ro ma apostel Petrus dohot Johannes. Di na sahat nasida tu joro i, dipangido na pangpang on ma asiasi (sedekah) sian nasida. Alai dipanotnoti apostel i ma ibana. Dihirim na pangpang on ma godang silehononna. Ai na saleleng na i, ndang hea adong jolma na olo manatap nasida, holan asal dilehon do hepengna i songon i. Ido pengemis na somal, tupa so diida bohina i, disampathon do boti. Alai apostel i, dipanotnoti, diberi perhatian penuh, memberi perhatian.

On do gerakan diakonia na parjolo, ima memberi perhatian, ima na digoari: simpati, turut merasakan, ada kontak bathin, menjalin hubungan bathin. Pangurupion manang asiasi na parjolo tu angka siasian ima memberi perhatian, sympati (turut merasakan). Uju mangae na hansit bangso Israel di parhatobanon Mesir, mangangguhi ma nasida tu Debata. Alai ndang pintor dipalua Debata nasida, alai jumolo do didok Debata: Aku telah mendengar jeritan umatKu”. Tuhan Jesus pe, ganup naeng mangubati, jolo dipangkulingi do na marsahit i, jala jotjot do didok Bibelta i: “…. Maka tergeraklah hatiNya oleh belas kasihan” (Mat.9, 36; Mark.1, 41). Ala ni i, silehonlehon na so dimulai sian simpati, holan silehon-lehon boti do i, ndang marguna i.

Dung i dipangkulingi apostel ima na pangpang i (ay.6): “Anggo perak dohot sere ndang adong di ahu, alai na adong di ahu hulehon ma tu ho: marhitehite goar ni JESUS KRISTUS na sian Nazaret i, mardalan ma ho.” Laos ditangkup ma tanganna siamun pahehe ibana, jadi pintor hot ma patna, mardalan ma na pangpang i, mirjahirjak huhut mamuji Debata (ayat 7-8).

Hamu angka dongan! Aha do na taida disi? Ndada sedekah dilehon apostel i. Alai na umbalga sian i do, ima HALUAON SIAN JESUS, NA PAULAKHON NA PANGPANG I GABE JOLMA NA NORMAL. I ma sumbangan na memanusiakan, na memampukan na pangpang i mangolu songon jolma,. Ima silehonlehon na mambahen na pangpang i boi mengembangkan dirinya sendiri. Dipalua ibana sian ketergantungan, sian na tarihot tu jolma, nuaeng gabe mandiri.. Saleleng pengemis ibana, objek do ibana. Jala torop penafsir mandok, na disengaja angka Parise do godang angka na pengemis di jolo ni bagas joro i, asa disi nasida boi pamer sedekah, asa sude marnida na marsilehonlehon nasida. Pengemis i dibahen gabe objek, gabe pelengkap penderita. Alai ianggo nabinahen ni apostel on, ndang songon i; silehonlehon nasida ima mambahen na pangpang i gabe jolma na normal, na boi mangula sandiri, na gabe subjek, jala pelaku. Na saleleng na i, sampah masyarakat do angka pangidoido i, holan siripe siasian. Alai dung songon i dibahen apostel i, ndang sampah be nasida, ndang tergantung be tu halak, alai nunga jolma na normal, yang punya harkat, jolma na mampu berdiri sendiri. I do ulaon ni angka na porsea (Luk 4:19).

Nang Jesus pe, songon i do dibahen tu jolma. Ndang dibahen Jesus hita gabe jolma na passip, na holan paimahon asiasi sambing. Ndang! Angka na naeng dohot paluaon ni Jesus ingkon aktif do. Ditawar-hon Jesus do haluaon i, ai didok: “Ahu do dalan i ….” Alai ndang sahat boti i tu hita molo holan na so hita, alai ingkon aktif do hita manjalo, ima marhite haporseaon dohot parbue ni haporseaon . Dalan i do dipatuduhon, alai ingkon hita do mardalan. Orang percaya bukanlah objek, alai pelaku do.

Hamu angka dongan! Sian i taida, ia ulaon diakonia manang parasinirohaon ima ulaon pemanusiaan, asa gabe jolma na tingkos jala mampu berdiri sendiri, mampu mengembangkan diri sendiri. On do umbahen di tingki na parpudi on di Hephata, ndang dipaloas be angka na dirawat disi ro mangidoido tu huria. Alai nunga dilatih nasida martani, beternak, deba nunga dipasikolahon di sikola negeri, jala nunga adong di Perguruan Tinggi. Ndang diloas be ro tusi jolma mamboan supermi, boras, roti, kain bekas. Ndang be! Modal usaha na ma silehonon asa mandiri nasida pahembangkon hajolmaonna dohot kemampuan-na. Molo marasi ni roha, ndang sai bahenon be nasida gabe tergantung tu hita, alai ingkon laho paluahon do.

Hamu angka dongan! Ra memang adong do beberapa budaya ni halak Batak, na ingkon sibolonghononta, ala mambahen hita gabe tergantung tu halak na asing:

1. Marmeme, inangna manghilhil (mengunyah) indahan, sian i ma dimemehon tu pamangan ni ianakhonna i laho paborhathon tu pangarantoan. Tujuanna asa torus ianakkonna i tergantung tu inangna i .
2. Istilah na mandok: Mangunsande tu hariara na bolon, ima mangalului boru ni na mora gabe parumaen manang pardihutana, asa unang loja be karejo. Gabe tergantung ma, dung i di bawah bendera ni isteri manang siamtuana ma, gabe maoto ma.

Siambolonghononta do i. Alai sibahenonta ima, songon hata na mandok: bila anda ingin memberi orang makan, jangan beri dia ikan, tetapi berilah dia pancing. Ai molo ikan nilehon, pintor diallang, dung i suda ma. Male ma muse, gabe mangido ma muse. Alai molo hail (pancing) nilehon, molo male ibana, laho ma manghail, gabe mandiri ma.

Angka program na songon on ma siulaonta di bidang diakonia. Ndang hepeng manang silehonlehon boti silehononta, alai keterampilan do asa diboto mangula, karejo. Dung i lehonon ma modal kerja, asa boi mambahen usaha. Asa molo adong tondongta na pogos, unang kirim hepeng, boras manang abit, bolongkononna do i tu togel, tu parjujian, tu tuak.. Bajubaju na tatongos i pakeonna tu hauma. Ndang niantusam na binahen ni pamarenta nuaeng, na mangalehon Bantuan Langsung Tunai tu rakyat na pogos. I mangajari nasida gabe pangidoido. Ambolong boti do i. Alai laho mangurupi nasida, bahenon ma nian nasidamartigatiga, kursus manjait, kursus mambahen kue, manang kursus keterampilan na asing. Dung i lehononta ma modal usaha. I ma mambahen nasida mangolu sian dirina sandiri.

Ala ni i ma ingkon pikiranta do mambuka Credit Union manang Koperasi di tingkat distrik manang resort, asa disi hita dapotan modal, dapotan keterampilan dohot parbinotan na asing na boi pahinsathon pandaraman ni keluarga. Molo dung meningkat pandaraman ni ruas, mampu ma membangun dohot mangalehon balanjo ni pelayan.

Hamu angka dongan! Nang di pendidikan keluarga pe, ingkon parrohahononta do usaha memanusiakan dohot memandirikan. Didok na malo: Jangan mewariskan harta kepada anak-anakmu, tetapi wariskanlah kemampuan dan kemauan mencarinya. On do nian perbedaan ni pengusaha ni halak hita tu halak Cina. Molo halak hita, molo toke amangna, gabe patoketokehon ma anakna, ai pintor arta ni bapakna i do diida, dung i marmewah-mewah ma. Dung monding amangna i, torus ma marfoya-foya, dung i suda ma, molo so i, gabe marbadai ma sude gellengna merebut arta i. Gabe ndang bertahan hamoraon i. Alai ianggo Cina, ndang songon i. Samoramora ni natorasna, tetap do ingkon gabe karyawan anakna, asa dilatih karejo, dilatih mandiri’ dung mampu karejo, dilehon ma modal, marusaha sandiri ma. Dung monding natorasna, diboto ma pahembangkon arta ni natorasna naung adong i. WARISKAN KEMAUAN DAN KEMAMPUAN UNTUK MANDIRI. Laos songon i do dibahen Debata tu hita. Di tingki panompaon, dung diparade sude, ndang diloas jolma i holan siripe mangan. Alai didok do ingkon mangula. Diparade Debata do tano on gabe inganan ni jolma laho pahembangkon dirina, asa mandiri.

Adong do bahaya na mengancam di ngolu partondion dohot ngolu parhuriaon nuaeng on. Dia ma i?

Di Parhuriaon, torop ruas margantung tu pandita, guru huria, bibelvro. Olo do laos pandita manang guru manang bibelvro i mangula sude. Ibana mangajari dohot martak di sude punguan parende, ibana marjamita, ibana marpoti marende, ibana manapu gareja, dohot na asing. Toho ma ndang disi pandita/guru/bibelvro i, pintor so marende be angka punguan, so ma dohot poti marende. Adong do na las rohana songon i, asa idaon songon orang penting ibana. Sude marsigantung tu sahalak. Haporseaon pe olo ma songon i, sude holan sian pandita/guru/sintua i; ianggo ruas siripe manjalo ma. Gabe marpengpeng ma haporseaonta i. Hape asa lam magodang haporseaon, ingkon sude do aktip, sude marusaho mangalului hasintongan ni Hata ni Debata. I do na membangun haporseaon, cari tahu sendiri.

Di pendidikan keluarga pe, olo do dakdanak gabe tergantung tu natoras, ala natoras pajagahu, paaturhu. Gabe sude ma tu natoras; naeng masuk tu UMPTN ingkon natoras, mendaftar pe ingkon dipataru natorasna; dung tamat pe, naeng mangalului karejo sude ingkon natoras. Mangalului pardihutana pe, didok ma asa natorasna mangalului. Boasa? Ala pendidikan ni natoras mambahen ianakkkonna i marsigantung tu natoras di saluhut. Ndang mandiri be. Nuaeng on, ala lam godang pembantu di jabu, dakdanak pe gabe bergantung tusi; sude diulahon pembantu, ndang diboto be tung manang aha; dung i ro ma partandang, dipangido ma kopi. Hape so ditanda ianakkon on be gula dohot sira. Dibahen ma sira tu kopi i, gabe ansimansim ma. Ima ala marsigantung tu halak, ndang mandiri.

Asa turpuk on naeng mandok tu hita, ia ulaon parasinirohaon na dumenggan, ima mambahen halak gabe jolma na normal. Ulaon Diakonia ima usaha memanusiakan, jala mambahen jolma gabe mandiri. Sijagahononta do, asa ulaon asi ni roha i unang mambahen halak gabe marsigantung tu hita.

Antong: ULAHON MA ULAON DIAKONIA/PARASIROHAON, ima paluahon sude jolma sian ketergantungan. Tapungka i sian rasa simpati, dohot mangalehon roha. Ulaon diakonia, ima mambahen halak asa mandiri nang di haporseaon, ai songon i do hita dibahen Tuhanta.

Amen

LUKAS 10, 25 – 37

Hamu angka dongan!

Ra, ianggo umpama ni Jesus taringot tu halak Samaria na asi roha on nunga sude hita umbotosa. On ma sada cerita na menarik, na godang dihatai. Tarlobi molo didramahon, wah.. botulbotul cerita na menarik do on. Ondolan ni umpama on ima: Ise do goaron donganku? Siapakah sesa-maku manusia? Ise do dongan ni halak na hona pungkul i; ise do dongan ni halak na hansitan, angka na hona bencana alam, angka parrenggerengge na pogos i, angka na mardangol na paimahon pangurupion, dongan ni angka na pogos na so boi pasikolahon ianakkonna?

Alus napinangido ni Jesus marhite umpama ndada teori sambing, ndada defenisi, ndada uraian manang hatorangan na ganjang. Napinangido ni Jesus ima: Ise do na olo gabe dongan ni angka nasida, na olo marpam-bahenan, yang mau berbuat. Praktek do, aksi do na pinangido ni Jesus.

Hamu angka dongan! Sian turpuk taida adong 2 (dua) tipe karakter ni jolma:

Naparjolo: ima naginoaran tipe NATO, ndada Pakta Pertahanan Atlantik Utara, alai No Action, Talk Only do. I ma angka na marasiroha holan di hata jala marteori, na holan di jamita, di hatorangan na luar biasa, alai ndang marpambahenan. Di turpuk on, on ma angka malim dohot halak Levi. Holan hata, praktek ndang adong. Ai holan diida do na hansitan i, dung i dilaosi boti. Lewat saja tanpa berbuat apa-apa.

Boasa boi songon i nasida? Aha do na jotjot mangambati hita laho mangurupi dongan na membutuhkan?

1. Ra ala adat hasomalan. Di roha ni angka malim i: “atik beha naung mate i, molo nijama bangke gabe dohot iba ramun, gabe so boi iba annon mangulahon hamalimonniba, tumagon ma pinadao”, ninna rohanasida. Adat na kaku, i do mangambati nasida laho mangurupi.

Di hita pe boi do masa na songon. Hea ma mardalan sahalak ama di atas ni jembatan. Tompu ma diida di sunge na di toruna i adong sahalak ina na mogap na sai mangido tolong. Ndang pola ganjang marpikir, pintor manimbung ma amanta i laho mangurupi, ditiop ma tangan ni inanta i naeng manghandit. Hape aha ma na masa? Dung dihandit, diida ma bohi ni inanta i, dung i gogo ma soarana: “E.. e.. baongku, baongku do hape … nunga sala au maniop baongku..”, ninna, laos dipalua, laos maup ma inanta i. Sundat marasiroha ala ni bao, ala ni adat na kaku. Di halak Batak pe ndada jotjot adatta i ndang mangurupi, malah nda jotjot do i mambahen halak gabe marpogos? Nda jumotjot gumodang hepengta tu adat sian uang sikola ni ianakkonta. Ala umbiar hita didok halak na so maradat sian halak na so marugamo.

1. Sundat hita mangurupi ala patujolohon haluaon ni dirinta sandiri (mementingkan keselamatan diri sendiri – self safety first). “Ah.. atik disi dope parjahat i, sotung dohot iba dipusa muse”, ninna rohanasida ra. Nda godang do angka na hona tabrak di dalan an gabe mate holan ala tarlambat diurupi. Boasa tarlambat? Ala godang halak mabiar sotung ibana dituduh na menabrak, sotung dohot iba dipajoujou polisi.
2. Sundat manghurupi ala mabiar rugi. “Ah … iba anon manggarar ubat ni i .. habis tingki tusi … repot iba”, ninna, gabe songon malim dohot Levi i, holan dibereng dung i dibolushon boti.
3. Sundat mangurupi ala tumabo do mandok, manghatahon sian na mangulahon. Boi do godang hita manghatai, manaringoti dohot mambahen rumusan sian umpama ni Jesus on, alai tinggal holan di harotas, di pikiran, holan di hata.

Angka i ma na holan di teori, holan di ruhut, alai ndang adong ianggo di pambahenan manang praktekna. Hape nunga didok Debata di Hosea 6, 6: “Lomoan do rohangKu mida asi ni roha sian mida pelean (Aku menyukai kasih setia, bukan korban sembelihan)” Tumagon do di Debata marasi ni roha hita tu angka na pogos sian na ringgas marminggu. Ulaon asi ni roha ndada ritus, ndada teori, ndada haputusan ni rapot i, alai pambahenan na tarida do.

Napaduahon, ima karakter ni halak Samaria on. Jotjot do halak Samaria on dianggap songon sipelebegu. Jala mangihuthon halak Yahudi, halak Samaria on ma gabe soban ni api naroko muse. Ndang diboto halak Samaria teori taringot tu ulaon asi ni roha. Alai, marnida do mata ni rohana. Diida ibana adong halak siurupan. Tanpa pikir panjang pintor langsung ibana tuat laho mangurupi. Ndang pola jolo disulingkiti ise do i, boasa songon i, halak aha do on, musungku do manang donganku, sabangsongku do manang bangso na asing, na pogos do manang na mora, na burju do on tu ahu manang na jahat. Ndang songon i! Alai mata ni rohana marnida adong korban na ingkon urupan. Pintor olo ibana gabe dongan ni na hona pungkulan i. Pintor olo ibana mangurupi.

Songon i nang dibahen Tuhanta tu jolma. Olo do Ibana maneahon hosaNa ndada tu halak na burju, manang na badia. Alai tu pardosa, tu parjahat songon hita on do, sian sude marga, sude lapisan, sude luat, tanpa kecuali. Jesus olo gabe dongan tu hita, olo gabe dongan ni angka pardosa, parjahat, olo maneahon diri, mangalehon hosaNa tu halak pardosa asa malua.

Nuaeng gabe sungkunsungkun tu hita: Molo olo Jesus gabe dongan di hita na mardosa, boha, olo do ho gabe dongan tu halak na asing? Sungkunsungkun ni Jesus tu sibotosurat i: “Ise do sian na tolu i dongan ni na tardobo i/ korban i?”Dialusi sibotosurat i ma: “Na marasiroha i do” Dung i didok Jesus ma: “Laho ma ho, bahen ma songon i” (ayat 36-37). Sungkunsungkun i dipasahat Jesus nuaeng tu hita dison: Olo do ho gabe dongan tu angka na hansitan, olo do ho gabe dongan tu angka na marsahit, tu angka na pogos, tu angka na so marama so marina be, tu angka natuatua na so margellok be, tu angka parrenggerengge na hurangan modal, tu naposobulung na putus sikola ala pogos natorasna, tu angka pengangguran na so dapotan karejo, tu angka na marsahit na so adong pasiubatna?

Hea do laho angka punguan ina dohot parhalado manopot ruas naung leleng marsahit. Dung leleng nasida manghatai, martangiang ma. Alai dung sidung martangiang, didok na marsahit i ma: “Ianggo martangiang, holan i nama huula, nang angka dongan na ro pe, sude do martangiang … alai tong ndang boi malum sahithon. Ndang tangiangnami dohot tangiangmu na hurang, alai hepeng manuhor ubat do na so adong….”. Hohom sude angka inanta i. Nangetnanget be masidadap purona be, dung i dilehon tu na marsahit i. Minggu na ro na i, nunga malum be.

Hamu angka dongan! I do haporseaon na mangolu, na marparbue, songon nidokna di Jakobus 2, 17: “Haporseaon na so marpangulaon na mate do i (Iman tanpa perbuatan adalah mati)”. Jala satingkosna, i do ibadah, i do parsombaon tu Debata. Ibadah ndada holan di parmingguon songon on. Tajaha di Jakobus 1, 27, didok paboa ibadah yang benar dan murni, ima manopot na so marama so marina, dohot angka na mabalu di hasusaanna. Ibadah ima mangurupi na hasusaan.

Jala mansai tangkas do on dipamanat Tuhanta Jesus di Mateus 25, 31 – 46 (Tajaha annon di jabu). Disi taida, ia suhatsuhat sibahenon ni Jesus tu hita di ari paruhuman i ndada sadia godang ma peleanmu, sadia godang ma jabatanmu di gareja, sadia balga ma garejamu, sadia burju ma ho marminggu, sintua do ho, pandita do ho…. ? Ndang. Alai sada suhatsuhat bahenonNa tu hita ima: Sadia godang do ho marasi ni roha tu halak na asing? Kita akan dihakimi menurut berapa peduli kita terhadap orang yang kesusahan, tu angka na pogos, na marsahit, na so dapot mangan, na so marama so marina. Di Mat. 25, 40 i didok Jesus: “Nasa nabinahenmuna tu sada sian anggingKu na metmet on, na tu Ahu do i dibahen hamu (Segala sesuatu yang kamu lakukan untuk salah seorang dari saudaraku yang paling hina ini, kamu telah melakukannya untuk Aku)”.

Jala ternyata, molo tajaha Bibelta i, mansai balga do upa sijaloon ni halak na marasiroha. Poda 28, 27 mandok: Manang ise na mardengganbasa tu na pogos, ndang tagamon hurangan. Alai manang ise na papitpit matana, godang ma bura manginona tu ibana. Jala di Poda 19, 17 pe didok do: Na pasali Jahowa do manang ise na mardengganbasa tu napogos, jala Ibana mamaloshon denggan basana i tu ibana. Tu angka na marasiroha i ma dohonon ni Jesus muse di ari parpudi i: “Ro ma hamu angka napinasupasu ni Damang, tean hamu ma harajaon i, naung pinature di hamu sian haoojak ni tano on” (Mat. 25, 34). Luar biasa bukan??? Alai tu angka na so olo marasiroha, dohonon ni Tuhanta i ma: “Laho ma hamu sian jolongkon, hamu angka na binuraan tu api sisalelenglelengna …” (Mat. 25, 41).

Ala ni i tung taradoti ma ulaon parasinirohaon. Tutu do las do roha ni Tuhanta molo lam tamba parminggu, lam godang angka pelean, molo lam godang angka koor di huria. Las do roha ni Tuhanta molo lam uli, lam balga, lam megah angka garejanta. Alai lumas dope roha ni Tuhanta molo gumodang hita patupa ulaon asi ni roha. I do sintuhu ni haporseaonta, ulaon asi ni roha.

Nuaeng, boha do bahenonta paheheon tondi parasi ni rohaon?

Naparjolo: Ra tamulai ma sian angka dakdanakta na metmet i. Tibu hian ma nasida taajari, kita latih asa martondi parasiroha. Denggan situtu ma molo sude dakdanak Sikola Minggu mambahen celengan diakonia. Dilehon guru sikola minggu ma celengan ni ganup dakdanak i, asa diisi i marhite na manopik manang membagi uang jajan-na. Dung dapot ujung taon parhuriaon, dibungka ma i, dipasahat ma tu huria, sipakeonta mangurupi na hurangan.

Napaduahon: Tapingkiri ma mambahen koperasi, manang Credit Union, dalanta masiurupan; na umpeop godang ndang marlobilobi, alai na umpeop otik ndang hurangan, sude masipadosan ma (2 Korintus 8, 13-15).

Memang adong na unik di HKBP. Molo didok papungu dana tu pembangunan ni gareja, pintor sude do marsiadu patudu diri laho menyumbang. Alai molo didok papungu dana mangurupi na pogos, godangan do na so pola mangalehon rohana. Ra, turpuk on boi merubah pikiran dohot sikap na songon i.

Dipangido tu hita: Olo ma ho gabe dongan ni angka na pogos, na hurangan, na so mardihadiha.

- Unang holan di hata, alai urupi ma marhite pambahenan

- Ingot ma, uhumon ni Tuhanta i do hita muse, marguru tu sadia peduli hita mangurupi angka na pogos dohot na hurangan

- Tibu hian, taajari ma ianakkonta na metmet i asa martondi parasiroha.

Gabe parasiroha ma hamu, songon Aamamuna Parsiroha i (Lukas 6, 36).

Amen

1 TESSALONIKA 1, 2 – 10

Hamu angka dongan!

Piga taon na salpu, monang ma Argentina gabe Juara Piala dunia, nang pe marhite tangan ajaib ni si Maradona. Luar biasa ma antong penyambutan dibahen tu nasida. Maradona dipuja-puja songon dewa. Sar baritana tu sandok portibi on. Sude portibion umboto goar ni si Maradona sahat tu nuaeng. Boasa? Ala adong sipujion sian ibana, adong si-bangga-honon, adong sitiruon. Bunda Teresa pe diingot jala dipuji sandok portibi on do ala ni sitiruon binahenna mangurupi angka na hansitan. Songon i Putri Diana. Hadiah Nobel pe torus do dilehon sahat tu nuaeng tu angka halak na mangalehon sitiruon di bidang kemanusiaan.

Songon i ma surat ni si Paulus na tu huria Tessalonika on. Mansai las roha jala bangga si Paulus umbege barita ni huria on ala adong sitiruon dibahen nasida. Pola songon terompet barita i, na sar, ndada holan di Makedonia, alai sahat do tu Akhaya (tu duru ni provinsi), sahat ro di dia.

I ma nian joujou ni jamita on tu hita. Songon halak Kristen hita, aha ma sitiruon sian ho? Songon huria ni Kristus hita, aha ma sitiruon, sihalashon, si-bangga-honon sian hita, na sai torus sipaingotingoton ni jolma, na tarbarita sahat ro di dia? Tauji ma maniru huria Tessalonika.

Dia ma sitiruon binahen nasida na gabe sitiruonta asa gabe sitiruon hita?

1. Didok, mansai denggan “ulaonmuna na sian haporseaon” (pekerjaan imanmu – ayat 3a), ima haporseaon na aktip, haporseaon na marparbue, na tarida di ngolu siganup ari. Ndang hea maila nasida patuduhon di parangena siganup ari paboa siihuthon Kristus do nasida. Haporseaon nasida i ndang mate, ndang so, ndang monggop. Alai tarida di pambahenan, di hata, di cara berpikir, di parsaoran, di perilaku, dohot ngolu siganupari. On ma na nidokna di Jakobus 2, 17 paboa haporseaon i ingkon marpangulaon, molo ndang, haporseaon na mate do i.
2. Denggan holong ni rohana. “Halojaonmuna na sian holong ni roha” (usaha kasihmu). Tung olo do huria i loja, olo bekerja keras laho patuduhon dohot mangulahon ulaon holong ni roha tu halak na asing, asa maduma, asa sejahtera halak na asing i (patudos bd. 3, 12; 4, 9). Ndang holan di hata holongna i, alai di pambahenan. Ndang holan asal boti holongnasida i, alai tung digogo, dengan kerja keras do. Holong ni roha na polin boi haruar holan sian haporseaon na denggan do.
3. Didok muse, togu di habengeton (ketekunan pengharapan). Habengeton on marharoroan sian pos ni roha paboa sude bagabaga ni Debata pasti pasautonNa do. Taboto do, molo tajaha di Ulaon Apostel 17, 1 – 9, sian mamungka huria on, nunga pintor dilele, disusai, disiksa halak nasida. Alai ndang olo nasida sumurut. Justru pangaleleon i mambahen nasida lam togu, semakin tabah, lam benget, jala lam barani. Nang pe dilele, torus do nasida marbarita nauli, torus marholong ni roha, torus berkarya patudu haporseaonna. Boasa boi songon i ? Ala pos situtu rohanasida, paboa sude nabinagabagahon ni Debata di bagasan Jesus Kristus, pasti pasautonNa do i. Ndang parjanji koling Debata, alai Debata na satia do di angka bagabagaNa.

Hamu angka dongan! Angka i ma sitiruon napinatudu ni huria Tessa-lonika na gabe sitiruon di hita. Tarimangi ma dirinta be, adong do sian i naung adong di hita, na boi mambahen hita gabe sitiruon?

Alai na mangihut, tasulingkiti ma jolo turpuk on, boha do huria i boi gabe sitiruon? Bagaimana caranya sehingga mereka dapat menjadi teladan? Tabereng ma manang piga hal:

1. Mereka sungguh-sungguh menjadi Kristen; marsitutu gabe siihuthon Kristus. Di ayat 4 boi tajaha, porsea situtu do nasida paboa nasida tutu situtu naung pinillit ni Debata do. Ala ni i, sian nasa roha do nasida manjalo Barita Nauli i, ndang gait, ndang asal-asalan. Tapaihut tu Kolose 3, 12. Molo taboto do tangkas naung pinillit ni Debata hita, kita akan sungguh-sungguh mengikutiNya. Molo naung dipillit hita tu sada jabatan manang ulaon, tontu marsitutu, bersungguh-sungguh do hita mangula ulaon i. Songon i do huria Tessalonika. Tangkas diboto nasida naung dipillit Debata nasida. Dihilala nasida, itu adalah sebuah kehormatan dan sebuah kesempatan yang baik. Gabe diulahon nasida ma i sian nasa roha. Ima mambahen nasida boi gabe tiruan.

Boha do ia hita? Boasa godang dope ruas ni huria na gait songon halak Kristen? Boasa godang dope parhalado na gait di tohonan haparhalodoonna? Boasa hurang marsitutu hita na gabe Kristen on? Suraon nunga sude hita mangarajumi paboa angka naung pinillit ni Debata do hita? Molo sude hita mangarajumi songon i, kita pasti akan sungguh-sungguh menjadi Kristen.

1. Di ayat 6, didok: olo nasida maniru apostel i (penurut kami), jala olo maniru Tuhan i (penurut Tuhan). Mansai godang do tiruan dilehon apostel laho mamboan hita asa dos dohot pangalaho ni Kristus (Rom 8, 29). Mansai denggan situtu nian, molo disi tabage barita ni Kristus dohot barita ni apostel i, pintor adong keinginanta laho maniru. Tutu maol do i, alai ingkon mulaan, ingkon nunutan mangulahon, asa tudos ho dohot Tuhanmi (BE. 481, 1). Tarlobi di na mangadopi pangalelelon, hahansiton sian halak na asing. Tiru ma Jesus dohot apostel i. Nunga jumolo i diae Jesus dohot Paulus. Ndang hea nasida mabiar, manang murtad; ndang hea mamalos; alai torus manindangi, torus marholong ni roha. Hita pe unang mabiar, alai torus ma maindangi.

Ala ni i, tarimangi ma dirinta, dia ma sian pangalaho ni Jesus dohot apostel i naung tatiru? Molo didok halak Batak: Ndang dao tubis sian bonana, satingkosna ingkon tarida do i di halak Kristen. Ndang dao tubis sian bonana, ndang boi dao pangalaho ni halak Kristen sian pangalaho ni Tuhanta. Tasungkun be ma dirinta, nunga tudos ho dohot Tuhanmi?

1. Boi nasida gabe sitiruon ala tangkas ditinggalhon nasida hajolmaon na buruk. Tajaha di ayat 9. Ditadingkon nasida do angka ajiajian nasida, dipalua nasida dirina sian angka ulaon haholomon. Dung i, seratus persen ma didompakkon jala dioloi nasida Debata na mangolu jala na sintong i. Na godang do jolma mangihuthon Tuhan i, satonga roha (setengah hati), gabe golom riaria ma. Nunga Kristen, alai huhut dipele jala dihaporseai angka begu. I ma mambahen gait hita na Kristen i.

Adong hea barita. Jongjong ma sahalak natuatua di sada gareja mangadophon dinding ni gareja i. Disi adong gantung gambar ni Jesus na tarsilang i. Sai tumatangis amanta i disi. Diida pandita i do i, didok rohana ma: Ah.. tung godang do huroha dosa ni amanta an ala songon i ma tangisna. Alai satongkinnari, meret ma amanta i tu dinding na sada. Disi adong gantung gombaran ni sibolis na martanduk. Disi pe sai tumatangis amanta i. Longang ma pandita i marnidasa, gabe didapothon ma. “Ai aha do nabinahenmu amang” Dialusi amanta i ma: I ma da panditanami. Pardosa godang do ahu. Alai di jamitamu nangkin didok hamu, parasiroha na sumalin do Jesus i, na olo manesa dosa. I do ala sai tumatangis au tu Jesus i, asa disesa sude dosangki, asa dijalo au muse di surgo i. “Na denggan do na binahenmi. Alai boasa tangis hamu di jolo ni sibolis on?”, ninna pandita i. “I ma da. Didok hamu di jamita i, sibolis on do hape parhuaso muse di api naroko i, pasiaksiakhon parjahat i. I do ala sai tumatangis ahu di jolona, atik beha ndang olo Jesus i manjalo ahu, na mangido do au tu sibolis on asa unang apala pahansithu ahu disiksa muse”, ninna. “Dagaa .. dagaa”, ninna roha ni pandita i, “songon i do pe hape haporseaon ni ruashon. Ia hita, songon i dope? Molo sai adong dope ulaon haholomon di hita, pasti gait, anggap enteng dope hita na mamgihuthon Kristus i. Saonari, ambolongkon ma i, pahibul ma roham mandompakhon Tuhan i.

Hamu angka dongan! Dipangido Hata ni Debata sadarion tu sude huria, tu sude angka na margoar siihuthon Kristus, asa sude hita pature diri gabe sitiruon (menjadi teladan). Didok Jesus do di Mateus 5, 47 paboa siihuthon Kristus ingkon sumurung, harus mempunyai nilai lebih dibandingkan orang lain. Tujuan-na ndada asa dipuji halak hita, alai “asa dipuji nasida Amangmuna na di banuaginjang i” (Mat. 5, 16b). Ingkon sun denggan do rohamuna songon Amamuna na di banuaginjang i (Mat. 5, 48), “ingkon andul dumenggan hatigoranmuna (Mat. 5, 20). Parenta do i tu hita sian Jesus na taihuthon i. Keteladanan, i do pinangido ni Jesus sian hita.

Keteladanan adalah proses, yakni pergumulan yang terus menerus setia pada panggilan dan pengutusan Allah dalam hidup kita masing-masing. Keteladanan adalah upaya menempatkan diri sebagai rekan sekerja Allah yang setia pada missiNya. Karena itu menjadi teladan tidak bergantung pada usia, pengalaman, professi atau prestasi.

Ala ni i ingkon mampu hita gabe panutan, unang gabe sorotan. On do masalah di bangso on. Pemimpin ni bangso on ndang piga be, gariada ra ndang adong be na boi gabe tiruan. I ma mambahen masyarakat gabe lam lumlam. Boi do marsak rohanta paidaida toropna i halak Kristen di Indonesia on naung gabe sihasogohonon. Godang pengisap ganja, godang partogel, godang parjuji, koruptor, panangko dohot na asing. Nunga godang halak na sogo rohana marhombar jabu dohot hita ala sai gogogogo soaranta, hira na marbada, sai olo marendei sahat tu tonga borngin, dipalu radio manang tape recorderna mansai gogo, sai hira na so adong ugasan ni halak an. Di huria pe, ra nunga lam moru sitiruon. Ai torop huria na sai marbadai so binoto aha naginulutna; pelayanan do nian ulaon i alai nunga gabe siguluton ala dianggap gabe harajaon dohot hasangapon; adong huria na mago hepengna ditiop sasahalak; adong huria na manamondingkon pelean II; punguan na sada ndang domu tu punguan na sada, dohot na asing.

Hamu angka dongan! Naeng humatop hita membenahi diri. Ra lam tu hansitna ma aeonta songon halak Kristen di negara on. Molo songon na nuaeng on kadar ni haporseaonta, boi do habis hita. Ala ni i, naeng taharingkothon, asa gabe tiruan hita. Dison ma ringkot kualitas (mutu). Sian segi jumlah, otik do hita halak Kristen di negara on. Alai, molo angka na berkualitas do hita, songon angka na porsea na parjolo i, kita akan diperhitungkan. Taingot si Daniel dohot donganna, si Josep di Mesir, si Ester di Persia. Nang pe otik nasida, nang pe bangso na terjajah nasida, alai diperhitungkan, malah dilehon maniop posisi, jabatan na mansai timbo. Ala ni aha? ALA BERKUALITAS. Molo berkualitas hita di haporseaon, di holong ni roha dohot panghirimon, marsiadu ma halak mandongani hita, marsiadu ma jolma mamillit hita gabe donganna, jala ndang sipaduruon be hita. Tarlobi di na lam lumlam pangalaho ni jolma dohot masyarakat nuaeng, ndang boi holan marungutungut hita. Na dumenggan ima, pature dirim gabe teladan, gabe tiruan, asa adong sitiruon ni halak. Molo songon i, secara pelan tetapi pasti, akan terjadi perubahan, gabe lam denggan ma masyarakatta.

Ala ni gabe halak Kristen na berkualitas ma hita, asa boi hita gabe tiruan, siihuthonon ni halak jala asa lomo roha ni halak mandongani hita. Patudu ma i di haporseaon na marpambahenan, di ulaon holong ni roha, dohot di panghirimon na togu. Tiru ma pambahenan ni Jesus dohot apostel i, ihuthon ma i sian nasa roham (dengan bersungguh-sungguh), ambolongkon ulaon haholomon i. Nuaeng, tasungkun be ma dirinta: Boha, nunga boi ngolum gabe tiruan tu halak? Aha ma naung boi sitiruon sian ho? Amen.

MATEUS 6, 25 – 34

Hamu angka dongan hinaholongan ni Tuhanta Jesus!

Di mulana uju ditompa Debata jolma i tung singkop do ngoluna, ndang adong sihabiaran dohot siholsohononna. Ai rade do sude dibahen Debata. Alai ro ma dosa, gabe tamba ma kebutuhan ni jolma i, ima parabiton. Sian i ma gabe tamba ma kebutuhan na sing. Ringkot ma nang papan, ima jabu panisoan sian mataniari, udan dohot alogo, dohot keamanan. Laos songon i sahat tu saonari. Tamba taon, tamba do kebutuhan-ta. Najolo uju di huta, mardalan pat do sikola, alai nuaeng ingkon marmotor, markareta nama. Najolo purik do diinum dakdanak, nuaeng ingkon minum susu, tambaan gizi dohot vitamin. Najolo molo dung dilompa gadong di jabu, dibahen muse sabe na tinutu, i nama na tumabo. Nuaeng, angka na umposo ingkon mangallang KFC, hamburger, roti, dohot na asing. I ma pertambahan ni kebutuhan i.

Ala ni partamba ni kebutuhan i, ihut ma ro holso, kekuatiran. Hape ala terbatas do sibuaton, sumber daya, masa ma kelangkaan, gabe lam balga holso, sotung so boi ibana memenuhi kebutuhan i. Jala lam leleng, holso i ma mandondoni; gabe dumokdok ma holso sian kebutuhan i sandiri. Jala nuaeng, nunga gabe sahit na balga holso i. Adong ahli psikologi mandok: 40 % holso ni jolma ima taringot tu na so hea masa. 30 % holsonta ima mangholsohon naung salpu. Jala 92 % holsoholso ni jolma satingkosna, ninna ibana, ima holsoholso na so maralasan. Jala pola didok nasida: Gumodang do halak mate ndada ala na palojahu karejo, alai gumodang do mate ala na holsoan (banyak orang meninggal bukan karena terlampau capek bekerja, tetapi karena terlalu kuatir). Dr. Charles Mayo mandok, ia holso i mempengaruhi system peredaran darah dohot system saraf.

Hamu angka dongan! Aha do holso, aha do rasa kuatir? Ima biar ni roha mida na so niida, na so masa dope, na mambahen hita gabe busisaon, gabe gelisah. Holso on ma mangonsop sude las ni rohanta, gabe mago ma bohi na minar, alai gabe ro ma bohi na murhing. Gabe so boi be modom, so olo be mengkel. Lalap ma marpingkir, martungkolisang ma, ndang mangan be dung i marsahit ma. On ma mambahen sahit psikosomatis, sahit ni daging na ro ala marsahit roha. Biasanya, on ma mambahen sahit bronchitis, dohot maag, ninna na malo.

On ma naniida ni Jesus. Ringkot di roha ni Jesus mangubati i, ala sahit na balga ma i tu jolma. I do ala didok Tuhan Jesus: “Unang holsohon hamu agia aha”. Dia ma ubatna dilehon Jesus?

Parjolo: Unang holsohon agia aha, ai adong do Debata, ima Debatanta na mangolu, na mora, parasiroha jala naburju. Taida ma di panompaon i. Jumolo do ditompa Debata angka na ringkot di jolma i, dung i pe asa ditompa jolma i. Holan siripe mangan nama jolma i dibahen. Jala disi ditompa, ndang pintor disuru karejo, alai jumolo do maradian laho marsomba tu Debata. I ma di ari papituhon. Dung pe di ari paualuhon asa karejo jolma i.

Nang di pardalanan ni bangso Israel sian Misir tu tano Kanaan, diparade do sude. Dilehon manna ganup ari; diparo aek sian angka batu; disuru ro angka lote gabe juhut; dilehon tiang awan di arianna laho manjaga nasida sian mataniari, dilehon tiang api bodarina gabe sulu dohot mangalehon hamohopon. Baju dohot sipatu napinake nasida sian Misir ndang olo buruk saleleng piga pulu taon. Songon i nang panurirang Elia, disarihon marhite pidong sigak, binatang buas i, di topi ni sunge Kerit.

Alai na umbalga, diparade Debata do hangoluan na sasintongna. Ai disuru do Jesus, AnakNa nasasada i tu hita jolma. Jala didok Jesus di Johannes 10, 10: “Na ro do Ahu, asa mangolu nasida, jala asa marlobilobi di nasida (Aku datang supaya mereka hidup dan mempunyainya dalam kelimpahan). Dilehon do mangan marriburibu jolma holan marhite piga dengke dohot saotik roti. Jala di Mateus 20, 28 didok Jesus: “Sai na dongananKu do hamu ganup ari, rasirasa ro ajal ni hasiangan on” Jala panurat Heber di Heber 13, 8 mandok: Ia Jesus i, i do nantoari, i do saonari, i do nang ro di saleleng ni lelengna. I ma patuduhon na tutu do, adong do Debata na mangolu. Molo dipatupa Debata najolo angka i, pasti patupaonNa do i nang nuaeng, saonari, dison. Jala ala Debata do Ibana, ingot ma, na bertanggungjawab do Ibana.

Tar songon hita do i. Molo barani hita manuhor Honda, nda naung rade do hita nang manarihon masimiakna, manggarar pajakna, manggarar nang biaya servis na? Lumobi sian i dope Debata. Molo olo Debata manompa hita, naung rade do Debata manarihon nasa na ringkot di hita. I ma tandana paboa Debata na mangolu do Debatanta i. Ala ni i, unang pola pasuda tingkin dohot ngolum holan laho holsoan.

Paduahon: Unang holsoan ai ndang marguna i. Didok Dr Charles Mayo nangkin, rasa kuatir itu ibarat kursi goyang, yang terus membuat kita goyang, tetapi tidak akan pernah membawa kita ke mana-mana. Manang boha pe dibahen ho holosoan, ndang boi i mengubah manang aha pe di ngolum nda so holan mambahen ho marsahit dohot margudompong. Ndang boi tamba umurmu nang holsoan ho, malah gabe mangorui (ayat 25 – 26). Gariada tahe di Poda 12, 25 didok, ia holsoholso i mambahen hita gabe tungki, membungkukkan orang, gabe bungkuhon do hita bahenon ni i. Di Lukas 8, 14 didok, holso i ma manghapit haporseaonta gabe mate. Ahli kedokteran mandok, holso i ma pajempek umur. Ai adong dua panghorhon ni holso. Parjolo, ima gabe margudompong, gelisah, holan na ngongong. Alai paduahon gabe palobihu, sude dilojongi, sude diadu, disoro, gabe membabi buta. Sude i holan na merugikan dirinta sandiri do.

Hamu angka dongan!

Nuaeng aha ma sibahenonta asa unang holsoan?

Parjolo: Ingot ma, adong do Debatata, Debata na mangolu. Ingot ma angka na denggan naung pinatupa ni Debata di ngolum. Mari berpikir yang positip. Godang do halak na gabe sai holsoan ala holan na hansit di ngoluna do diida. I ma mambahen ibana gabe sai mabiar. Nuaeng, angka na denggan naung dipasonggop Debata tu ho, i ma ida. Sian i boto ma, adong do Debatanta, ima Debata na mangolu jala na burju.

Paduahon, udut ni i, Debata i ma jumolo lului jala hobasi (layani). Dapotan pasupasu na balga do ina na mabalu na di Sarpat i ala olo ibana pajolohon Debata (marhite panurirang i) sian dirina. I do ala didok Jesus: sai jumolo ma lului hamu harajaon ni Debata dohot hatigoranNa, dung i tambahononNa do sude angka ondeng tu hamuna (ayat 36). Unang tapabalik. Unang jolo dapot angka ondeng dung pe i asa talului Debata. Ianggo songon i, ndang dapot hita agia aha .

Patoluhon: asa unang holsoan, ringkot ma di hita sabam ni roha, rasa cukup. Tajaha di 1 Timoteus 6, 6 – 10. Ianggo kebutuhan ni ngolu on, tamba ari lam tamba do i. Songon lombang na so hajojopan do i. Molo sai taolooloi i, songon linta ma i na torus mangonsop, songon na di Poda 30, 15: “Dua do boru ni linta, nia tuson. Tolu do nasida na so habutongan, opat do tahe na so olo mandok: nunga sae”. Torus do i hurangan, i ma mambahen holsoan. Dia ma dalan asa boi sabam roha? Ima tangiang pangidoan paopathon i: “Lehon ma tu hami sadarion, hangoluan siap ari” (Berilah kami pada hari ini, makanan kami yang secukupnya.

Napaopathon. Asa unang holsoan hita, ringkot ma roha mauliate. Roha mauliate i do mambahen hita tongtong olo manjalo na adong dengan senang hati. Alai roha na so umboto mandok mauliate do na torus marungutungut, tidak pernah puas, i ma mambahen ibana sai holsoan. Roha mauliate, rap dohot sabam ni roha, i do arta na ummarga situtu. Na umboto marroha mauliate, aha pe na masa di ngoluna, i do na torus mandok mauliate, dung i sai tongtong gok las ni roha ma ibana.

Antong, didok Jesus tu hita sadarion: Unang holsoan:

- ai adong do Debatanta na mangolu, na burju jala parasiroha

- ndang adong guna ni na holsoan

- tumagon ho marsabam ni roha, huhut mandok mauliate, asa tongtong las jala sonang roham.

Amen.

ULAON APOSTEL 12, 1 – 11

Hamu angka dongan!

Sian mulana mamungka jongjong huria di portibi on pintor soluk do ro pangaleleon. Parjolo ma i ro sian halak Jahudi, dung i sian pihak pamarenta (penguasa), molo so i kolusi ni Jahudi, angka preman (angka bandit, gambal-gambal), dohot pamarenta. Dimulai ma i sian parmate ni si Stepanus, na mate didangguri. Angka apostel i dilele, angka ruas disiksa jala dipamate. Mamungka ma i sian tingki ni si Saulus torus tu tingki ni Kaesar Nero na jahat i. Jala torus sepanjang abad sai ro do pangaleleon tu halak na porsea di Kristus. Sada do sangkap ni portibi on, ima naeng manesa goar Jesus sian atas tano on.

Alai sada kenyataan na taida ima: ndang hea mate hakristenon i. Nang pe sai dilele ndang hea habis. Gariada tahe gabe lam tamba do, lam rarat. I do ala didok angka na malo: Mudar ni angka na mate martir, i do gabe boni ni huria (Darah martir benih gereja). Lam godang halak Kristen na dipamate ala ni Kristus, disi do lam tubu angka huria. Esa hilang tumbuh berganti. Ala ni i do sai dipatudos pardalanan ni hakristenon i songon pompa. Lam gogo ditekan lam dao pamirsakna (pancaran-na). Ai dung dilele nasida sian Jerusalem gabe sahat ma barita ni Jesus i tu Galilea, sian i muse sahat tu angka luat na asing, dung i tu sandok portibi on Semakin dibabat semakin merambat.

Hamu angka dongan!

On do paposhon rohanta angka siihuthon Jesus i. Ndang haambatan manang ise harararat ni Harajaon ni Debata. Di 2 Korintus 4, 8-9 didok apostel Paulus do: Di na saluhut do hami marhaporsuhon alai ndang hapusohan; tarsosak alai ndang tarhapit; na tarlele do hami alai nda tung pinasombu; pinantinggangkon alai ndatung anggo bolong. Sada na pasti ima: ndang hea talu na tahaporseai i.

Ala ni i unang adong na mabiar molo masa pe pangaleleon. Taida ma na masa di Cina dohot di Rusia. Lobi saribu taon sai dipalelelele do halak Kristen disi, gabe halak Kristen di bawah tanah ma nasida, alai ndang hea mate; ndang hea habis angka na porsea di Jesus disi. Jala nuaeng, di piga taon na parpudi on, luar biasa do pertumbuhan, partamba ni halak Kristen di Rusia dohot di Cina.

Sada siingotonta ima, Huria ima ugasan ni Kristus. Jala Jesus Kristus na tahaporseai i ndada Tuhan na talu, alai Tuhan na monang do jala na mangolu saleleng lelengna. Saleleng mangolu dope Jesus i, angka na porsea di Ibana pe pasti do pangoluonNa.

I do na tumangkas taida di turpuk on. Pangaleleon i ro sian pamarenta, sian Raja Herodes Agrippa I. Halak Edom do nian ibana, keturunan Makkabeus, alai parugamo Jahudi do ibana. Laho patuduhon loyalitas-na tu ugamo Jahudi, ditampul ibana ma ulu ni apostel Jakobus. I ma mambahen lomo ma roha ni Jahudi mida ibana. Dung i naeng datdatanna ma. Ditangkupi ibana ma jumolo angka uluan ni halak Kristen i, ai dirimpu rohana, molo songon i dibahen, gabe mabiar ma anggota-na; ai dung si Jakobus, di turpuk on, ditangkup ma muse si Petrus.

Sada na roa dison ima: si Herodes on mangalele angka siihuthon Kristus holan ala ambisi pribadi demi popularitas, asa angur goarna. Dipake ibana ma huaso na adong di ibana. Memang molo dung domu huaso dohot ambisi pribadi mansai berbahaya do i. Taingot si Haman na mamangke huasona laho pasombu tagasna, laho mangalului popularitas. Dung i naeng rasiphononna ma bangso Israel (tajaha di Buku Ester). Songon i do si Latus, na gabe olo mamparmeammeamhon Jesus ala naeng di ibana huaso, alai unang mago popularitasna.

On ma singotsingot tu angka sitiop huaso. Adong do dua jenis ni huaso:

1. Huaso na mengayomi, na mensejahterakan, na mambahen maduma torop halak. On ma songon si Salomo, si Daud, Mahatma Gandhi, Jesus Kristus, dna
2. Huaso na menghancurkan, na merusak, na manusai halak. I ma songon si Parao, Nero, Idi Amin, Hitler, dna.

Dilehon Debata do huaso na mengayomi, na mensejahterakan tu jolma, jala ingkon i do siihuthonon, siulahonon ni penguasa halak Kristen. Ingkon ambolongkonon do popularitas dohot ambisi pribadi. Jangan korbankan imanmu karena ambisi dan popularitas. Angka kepala desa, angka sitiop sinjata, angka sitiop huaso, pake ma huaso i laho mensejahterakan halak. Angka ama, natoras, angka guru, angka pimpinan, angka mandur, pangke huaso na adong i di ho i laho mambahen halak mangolu, mambahen halak marlas ni roha.

Hamu angak dongan!

Asa lam popular ahu, ninna roha ni si Herodes Agrippa I on, dipaginjang ma ari laho mandabu uhum tu apostel i, ai tongon ari pesta Paskah ni Jahudi uju i. Alai adong do rencana na lebih busuk disi, ima asa di jolo ni natorop dabuonna uhum tu si Petrus, asa lam lomo roha ni Jahudi mida ibana. Sada rencana busuk na luar biasa.

Alai aha do na masa? Ndang sangkap busukna i na saut. Rencana busukna i justru disegai (dihancurkan) sangkap na uli sian Debata. Boha ma i terjadi. Tajaha ma di ayat 5 – 7.

Hamu angka dongan! Di ayat 5 i taida ma adong 2 hagogoon na maradopadop. Isara ni film kungfu, na dua huaso i mengadu tenaga dalam-na be. Di sada pihak ima huaso hagogoon ni si Herodes Agrippa I. Ditangkup ibana si Petrus, dipamasuk tu penjara, dikawal opat lapis hali opat halak panjaga jala dirante. Botulbotul dibaen songon parjahat na sumalin. Alat nasida ima huaso, sinjata, penjara, tentara dohot kekerasan. Alai di pihak lain ima HURIA, angka na porsea. Marpungu do nasida. Alat nasida ima TANGIANG. Na dua kubu i paadopadop di penjara i. Ise do na monang?

Ternyata na monang ima Huria, na porsea. Monang do huaso ni tangiang i. Tompu ma ro surusuruan ni Debata, peut ma sude rante huaso ni Herodes i, buka ma pintu ni huaso ni penjarana i. Haruar ma si Petrus. Kekerasan dikalahkan oleh Doa. Ndada holan talu, alai dipaila (dipermalukan). Ai gabe maila ma si Herodes Agrippa I on ala ni na masa i; dung i laho ma ibana tu Kaesarea. Hape disi hehe ma muse ambisina i. Di ayat 21-23 didok, dipabangkit ibana ma dirina gabe debata. Alai dipastap surusuruan ni Debata ma ibana, jala dipangan gulok (cacing) ma ibana. Botulbotul dipaila Debata ibana. Songon i ma jambar ni halak na mamparmeammeamhon huria, dohot na pajagojagohon mamake huasona.

Hamu angka dongan!

Sian i taida, tangiang do sada alat na boi paluahon hita mangadopi nasa pangalelelon. Tangiang i do na tolap mangalo kekerasan, podang dohot rante. Taingot na masa tu Nommensen, di nanaeng pamateon jala pelehonon ni halak Batak ibana. Martangiang ma ibana, dung i gabe malua. I do ala didok di Jakobus 5, 16 b: Na margogo situtu do tangiang ni partigor molo dihaburjuhon. Ra tar suman do turpuk on tu na masa di Buku Ester. Molo boi tajaha annon di jabunta be, tarlobi ma bindu 3 – 8, tarlobi muse bindu 4, 9-17. Disi didok, disangkapi si Haman do laho mangarasip-hon bangso Israel. Alai disosohon si Ester ma, asa sandok bangso i martangiang mardongan parpuasoon. I ma gabe senjata ampuh manaluhon sangkap na jahat ni si Haman. Songon i do nang na masa tu si Paulus dohot si Silas di Ul. Apost.16, 23. Ala ni i, molo ro pangaleleon, ndang kekerasan bahenon mangalo i, alai gumodang ma hohom martangiang.

Hamu angka dongan!

Sadanari na manait roha di turpuk on, ima ayat 6. “dung i di nanaeng togihonon ni Herodes si Petrus, MODOM do ibana borngin i diholangholang ni dua soldadu, tarihot dohot rante dua. Di ayat 7 tajaha, di na ro surusuruan i, SINOK do ibana na modom i, pola ingkon dituktuhi rusukna (ditepuknya rusuk Petrus, menggoyang-goyoang Petrus). Tung sinok do modom si Petrus nang pe sogotna i ma ingkon mate ibana. Sian i taida KETENANGAN ni si Petrus. Boasa boi ibana begitu tenang?

Parjolo: ala diboto ibana do, ugasan ni Kristus do ibana, songon nidok ni si Paulus: “Ndada ahu be na mangolu nuaeng; Kristus do mangolu dibagasan ahu” (Gal. 2,20). Nunga diseahon ibana dirina tu Kristus naung manobus ibana, ala ni i molo mate pe ibana, ndang adong sihabiaranna ala di Kristus do ibana.

Paduahon: Diboto ibana do, Jahowa do Siparmahan ibana, diboto ibana do hagogoon ni Debata, na pasti sanggup jala olo paluahon ibana.

Molo i tapeop mangadopi nasa hamaolon, i do mambahen hita boi tenang. “Pasahat ma dalanmu tu Jahowa, jala haposi Ibana, asa Ibana paturehon” ninna parpsalmen i. Tajaha ma Psalm 34, 7-8 dohot di Psalm 91, disi taida, boi do tenang parpsalmen i mangadopi godang hamaolon, tantangan, dohot serangan ala Jahowa dihaposi. Taingot ma nang hata ni si Musa tu bangso Israel uju tarhapit nasida di topi ni Laut Rara i, di 2 Musa 14,14 didok: Jahowa do marporang humophop hamu, asal HOHOM hamu. Ingkon tenang.

Patoluhon: Diboto si Petrus do na martangiang do huria mangondihon ibana, jala diboto ibana do hinabalga ni huaso ni tangiang i.

Adong do manang piga sikap ni jolma mangadopi keadaan na kritis: adong do i na lari sian kenyataan, ima mangalului hambalingan (konpensasi), ima na laho marganja, tu narkoba, laho tu minuman keras, marjuji, mardeandean, dll. Alai adong do muse na gabe margudompong; on ma na sai lalap tangis, mabiar, tertekan, depressi. Adong do na reaktip, ima na mura mamalos, balas dendam, mata abul ni mata ninna. Alai na dumenggan ima bersikap tenang, bersikap dewasa, ima halak na umboto tingkina andigan menghindar, andigan bereaksi, na mamarereng kesempatan baik untuk bertindak, ala berpikir jernih. Unang songon nidok ni halak Batak: Na humarojor madabu hudonna, na humalatup tata indahanna, ima ala pintor panik.

Hamu angka dongan! Naeng lam tangkas tapeop on. Ai molo taida perkembangan na masa di bangsonta na parpudi on, boi do lam tu boratna aeon ni halak Kristen di negara on. Nunga ditutungi angka gareja, dipaksa ditutup, diorai marminggu, masa kerusuhan tu angka Kristen, dohot na asing. Molo masa angka i, jamita on ma tapeop. Tatiru ma si Petrus, tetap tenang ala Kristus do nampuna ibana, jala dihaposi Jahowa Siparmaan ibana. Huhut tagogo martangiang, ai di BE no 487 i didok; Tung halak na margogo sipartangiang i, dokdok pe sitaonon ndang olo talu i …..

Antong, Pos ma rohanta, monang do huaso ni Kristus, manaluhon angka huaso na anegai. Asa tajalo huaso i, martangiang pangondianon ma hita, huhut hohom, tenang manghaposi paboa Kristus do nampuna hita, jala Jahowa do Siparmahan hita. Kristus nunga monang, hita pe monang do. Amen.

JAKOBUS 2, 1 – 13

Hamu angka dongan!

Di na sahali ro do sahalak dolidoli mangaririt tu jabu ni sahalak anakboru. Tung sederhana do pamangkeon ni dolidoli on, pangkasna pendek jala panghataionna tung lambok. Disungkun inang ni si boru ma ibana manang aha karejona. Dialusi ma: Songon i ma nantulang, marhais martuduk dope, asal ma dapot mangan, ninna. Aha ma didok inang ni si boru i ? “Marpikir ma jolo ito, ai kebetulan nunga pinaorohon hian borunami on tu paribanna. Mulak balging ma si baeo.

Sabulan dungkon i, ro ma muse sahalak dolidoli laho mangaririt boruna i. Ianggo si baeoon antong tung parlente do, bajuna pe na arga jala uli, marsedan na uli, marjom tangan na arga, marcincin mas na balga, tar gumanjang obukna, markumis, tung uli jala tongam ma idaon. Disungkun inang ni si boru ma ibana, aha karejona. Dialusi ma: General Manager ni sada perusahaan ekspor impor. Jala dipaboa, ia natorasna nuaeng markalapa sawit ma hampir saribu hektar. Pintor minar ma bohi ni inanta i. Pintor ditamuei ma mansai denggan … pokoknya diservis habis-habisan ma. Dung i pintor disungkun ma: “Boha do rencanamu, andigan ma pasautonta bogasmu dohot borungkon?, ninna Alai dialusi si dolidoli ma: “Jolo husungkun ma jolo inongku, nantulang”, ninna.

Saminggunari, ro ma muse si dolidoli i. Bajubajuna, obukna, sipatuna pas songon si dolidoli pangaririt na parjolo i; alai cincinna, jom tanganna dohot sedan-na pas songon si pangaririt na paduahon i. Pintor diadu inang ni si boru ma ala diida sedan i, jala pintor disungkun: Ai boha do didok eda, andigan ma pasautonta?. Dialusi si dolidoli i ma: Sundat ma nantulang, ai nunga hape dipaorohon hamu itoan i tu paribanna. Dung i pe asa tarjolma inanta i, dipamanat ma, ai sidolidoli na parjolo i do hape. Jala tutu, i do si dolidoli pangaririt na parjolo i, laos i do na paduahon, ai na menyamar do ibana asa ditanda ibana parrohaon ni parboru i. Gabe sundat ma marhelahon na mora i ala siida bohi.

Hamu angka dongan! Songon i do nang na masa di huria hasahatan ni surat Jakobus on. Di angka parpunguan, sai masa do, molo ro na mora disambut ma mansai luar biasa, dilehon inganan terhormat, penuh kehormatan. Alai molo halak na pogos do na ro, dianggap sepi ma i, gariada tahe didok: di pathon ma ho hundul … lapatan ni i, jongjong ma ho disi! Ukuran napinake nasida laho menentukan sikap maradophon jolma ima ukuran na tarida, ukuran lahiriah. Angka ruas ni huria diukur nasida ndada songon jolma, alai diukur sian hamoraonna. I do ala didok si Jakobus tu huria i: “Unang ma siidaida bohi hamu” (ayat 1)

Dipaingot si Jakobus huria i, paboa songon ambasang do torop jolma; uli idaon di duru alai busuk dibagasanna. Songon i do di turpuk on. Halak na mora, na disambut dengan penuh kehormatan, justru angka i do na paporsukporsuk nasida, na mamboan nasida tu pamongkihi, na manarat nasida tu pengadilan (ayat 6-7). Ai ala adong hamoraonna, boi do nasida bertindak sewenang-wenang, marlomolomo tu angka na pogos; diporo nasida do hodok ni na pogos i; molo adong na mangalo, diboan ma i tu pengadilan; hape disi pe, tong do hepeng ni na mora i na pamonanghon na mora i. Ala ni i ma gomos didok si Jakobus: unang siidaida bohi hamu.

Tuhanta Jesus pe, diae do na songon i. Di Jesaya 53 didok do, ia Tuhanta i, ima naposo ni Debata, tung halak na lea do, rupana pe mansai roa, ndang adong na boi mambahen tertarik jolma tu Ibana, ala ni i ma gabe dipasiding halak Ibana. Anak ni tukang hau sian Nazareth do Ibana, kelas menengah, na so mararta. Na humansitna, uju dibahen Jesus angka tanda halongangan, tung sude do jolma paihutihut Ibana; alai dungkon disarat Ibana tu jolo ni panguhum, tung sude do natorop i muse mandok: parsilangkon ma Ibana. I ma angka halak siidaida bohi. Hape ala ni hapogosonNa i do gabe mamora hita, ala ni haleaonNa i do gabe marmulia hita.

Hamu angka dongan! Sai dijamothon Hata ni Debata do on tu hita, asa unang marnida bohi, na olo paleahon halak ala pogos alai pasangaphon halak ala mamora, na olo papeolhon uhum, na birong gabe bontar, na mambahen na sala gabe sintong ala na mora jala parhepeng, alai tu na pogos na sintong i gabe na sala. Di Rom 2, 11 didok do: Ai ndang siida rupa anggo Debata. Sarupa do uhuman tu na pogos dohot tu na mora, na lea dohot na sangap, rakyat jelata dohot penguasa, ai sada do ukuran bahenon ni Debata ima haporseaon. Tu halak Kristen pe didok si Paulus paboa ndang adong imbar ni Gorik dohot Jahudi, baoa dohot boruboru, na pogos dohot na mora. Dos do hita di jolo ni Debata.

Ala ni i, ukuran sipakeonta laho manontuhon sikap tu jolma ndada arta manang sangapna, alai hajolmaonna do. Manusia yang patut dihargai adalah manusia yang menghargai kemanusiaan sebagai mahluk ciptaan Tuhan. Manang na mora, manang na pogos, manang na sangap, manang na lea, molo diargahon ibana do donganna jolma songon na tinompa ni Debata, halak sisongon i do na patut sihormatanta. Alai sebaliknya, na so mangargahon donganna jolma songon jolma na tinompa ni Debata, manang na mora i, manang na sangap pe i, ndang patut i hormatanta, gariada sipaleaon do i.

Songon i do sikap ni Jesus tu jolma. Ndang hea dibedakan Jesus manang ise jolma i, na pogos manang na mora, na sangap manang na lea, na hipas dohot na marsahit, sude do dihobasi, sude do didongani. Gariada tahe sikap umum ni Debata dohot Jesus tu jolma ima berpihak kepada kaum lemah, kaum tertindas, kaum miskin. Jala ingkon i do sikap ni huria dohot angka na porsea.

Hamu angka dongan! Ra mansai ringkot peoponta nidok ni turpuk on, molo lomo do rohanta adong haimbaruon di angka hurianta. Ai na parpudi on, tarlobi dungkon taon 70-an, sanga do madabu hurianta tu pangalaho siida bohi. Uju i hehe ma pandaraman ni halak Batak na di pangarantoan. Diparlehon ma sumbanganna tu huria, gabe jongjong ma angka gareja na uli. Alai aha ma na masa? Gabe terpinggir ma, metungmetungon ma angka na pogos. Gabe tubu ma hata na mandok: Ai anggo garejanami on, gareja ni si adu i do i, na mora na sian Jakarta i, anak ni ompu si adui i. I do ala pola hea masa di sada huria, adong hundulan na khusus tu sada keluarga apala di hundulan parjolo di gareja i, na asing, na tandi sian hundulan ni halak na asing, jala ndang boi hundulan ni manang ise i ianggo so keluarga nasida. I ma ala gumodang sumbangan nasida pajongjong gareja i. Di na deba sai adong si parhata oloan, siguru dok; nang pe naung diputushon rapot ni parhalado, ingkon jolo sungkunon do amanta on; aha didok, ingkon i do na saut; molo ndang, dipaso sude bantuanna. Hea do masa muse, ala ro ma na mora mangalehon sumbangan, ingkon jongjong ma sude ruas ni huria, dung i pe asa dipasahat sumbanganna i. Hape nanilehon ni na pogos, ditingtingkon pe ndang, ala mansai otik. Hape di nasahali didok Jesus do: Dia do na gumodang na nilehon ni na mora i sian sisarimis na nilehon ni ina na mabalu i? Didok Jesus: Gumodang do nanilehon ni ina na mabalu i; ai ianggo na mora i, sian lobilobina do i dilehon alai ianggo ina namabalu i sian hahuranganna do, i do sandok ngoluna.

Ra nian, adong do on tadingtadingan ni habatahonta dalam hal on. Ai di halak Batak adong pandohan: matanggak mida bohi. Di angka adat, didok si Jurtul do, molo Siahaan parmotor i, sipaimaon do nang pe naung male; alai molo Siahaan parbeca i do na so ro dope, tole ma, mangan ma hita, mandapoti ma i. Molo di pesta pe, sai gumodang do tumpakta tu parpesta na mora; ianggo tu parpesta na pogos i, leas do tumpak i jotjot tabahen; hape satingkosna, i do siurupan. I do gabe didok hata i : ditambai …. ni manuk do …… ni horbo.

Sikap na songon i ingkon humatop ambolongkononta, ai na mangaleai hajolmaon do sikap na songon i. Tanpa melupakan orang-orang kaya, gereja harus senantiasa berpihak kepada kaum lemah, orang yang kurang beruntung, yang tertindas dan yang miskin. I do hakekat ni Barita Nauli. Tajaha di Lukas 4, 18 – 19, na patuduhon keberpihakan ni Jesus tu angka na pogos, na tarhurung, na marsahit. I do hakekeat ni asi ni roha, dohot holong ni roha. Asi ni roha ni Debata ima di na olo Debata marsaor, bersolidaritas tu hita halak na lea, na pogos dohot pardosa on dibagasan Jesus Kristus. I ma solidaritas ni Debata. Jala ingkon sikap na songon i ma sipatuduon ni huria tu sude jolma. Unang be adong na mora na mandegedegei na pogos marhite na mangalehon upah na patoruhu, manang parhepeng na pabungahon hepengna marhite bunga ni hepeng na patorbanghu. Penghinaan tu angka na pogos dohot tu orang lemah do i. Alai urupi na gale, urupi na pogos, ido sikap na denggan.

Hamu angka dongan! Tarlobi di angka huria na di negara-negara na berkembang songon hita on, mansai ringkot on peoponta. Ai di negara na berkembang songon hita on, perbedaan ni na mora tu na pogos lam nalnal; hak-hak azasi ndang pola ringkot; keadilan jotjot dipapeol; angka na lea, na pogos, na lemah jotjot tertindas. Disi ma huria ingkon marsoara, jala marpambahenan laho mangondihon, membela angka na pogos, memperjuangkan keadilan bagi orang-orang tertindas. Molo sanga huria sai berpihak tu penguasa dohot tu na mora dohot na gogo, ima awal kehancuran ni huria, ai gabe huria penyiksa ma huria na songon i, i ma huria siidaida bohi. Alai huria na missioner, huria na injili, ima huria na berpihak, mangurupi dohot membela hak-hak ni angka na pogos, na lea, dohot na so mardihadiha.

Ala ni i, unang ma siidaida bohi hita. Alai taurupi ma na pogos, na tertindas, na lea. Bereng jala perlakukan ma donganmi songon jolma na tinompa ni Debata. Unang bereng ibana sian sudut materi manang hasangapon. I do hakekat ni Barita nauli dohot huria na missioner.

Amen.

HATA PAMUHAI

Mauliate ma di Debata na paloashon hami manurathon muse buku Pelita Hati 3 on, ima na marisihon deba sian jamita di ari minggu di bulan Juli sahat tu bulan Oktober 2006 on.

Na taronjar do roha manurathon buku on laho mangurupi angka dongan parjamita di angka parmingguon di huria marsadasada siganup minggu. Dung lobi sataon opat bulan hami manghobasi Distrik XXVI Labuhanbatu, niida ma, adong do lobi 180 (saratus ualupulu) huria di na 18 ressort di distrik on. Tingki parmasuk ni parmingguon pe hira na dos do di sude huria i. Hape parhobas na gok tingki di distrik on holan hirahira 52 halak do. Marlapatan do i, ia na marjamita ganup ari minggu di lobi 130 huria ima angka amanta dohot inanta partohonan sintua.

Hape binege ma muse baritana, ndang apala singkop situtu angka pembinaan tu nasida uju marsiajar gabe sintua, ala dao ni angka inganan, huhut ala terbatas jumlah dohot tingki ni parhobas na gok tingki laho mangajari nasida. Jala dung nihilala na sataon lobi on, hira so adong buku-buku na boi mangurupi angka partohonan i laho marjamita, ala dao do huta on sian pusat ni toko buku. Hape, sai binege do sian angka ruas ni huria, sai dihirim nasida do angka jamita na denggan begeon nasida sian gareja ganup ari Minggu i. I ma jamita na boi mangalusi angka parsoalan ni ngolu, na boi patogu haporseaon, na manghehei panghirimon, patubu las ni roha dohot mangalehon semangat na imbaru.

Ala ni ma nibaranihon diri manggurithon jamita on, anggiat nian boi on gabe tambatamba, na boi sijahaon huhut mangurupi angka parjamita mangarade jamitana tu ari minggu i, angkup ni angka buku na asing na ginurithon ni angka dongan. Holan pangurupi do buku on, molo tung boi marguna.

Binoto, mansai dao dope on sian na singkop. Ala ni i, sai pinangido do angka saran, kritik membangun dohot pingkiran asa boi sumingkop muse tu buku na mangihut. Tuhanta ma na marsangap, goarNa ma na marmulia marhite sude panghobasionta. Ibana na marsangap salelenglelengna.

Rantau Prapat, 1 Juni 2006

Pdt. S.T.P. Siahaan

DAFTAR ISI

Hata Pamuhai

1. Lukas 6, 36 – 42 1
2. I Musa 12, 1 – 4a 5
3. Ulaon Apostel 8, 26 – 39 11
4. Pilipi 2, 1 – 4 16
5. Mateus 5, 13 – 16 22
6. Jeremia 1, 4 – 10 27
7. Galatia 2, 16 – 21 32
8. Ulaon Apostel 3, 1 – 10 36
9. Lukas 10, 25 – 37 41
10. I Tessalonika 1, 2 – 10 46
11. Mateus 6, 25 – 34 51
12. Ulaon Apostel 12, 1 – 11 55
13. Jakobus 2, 1 – 13 60

Komentar : Tinggalkan sebuah Komentar »

Kategori : Marturia 1

Jakobus 2, 1-13

2 01 2009

st1\:*{behavior:url(#ieooui) }
<!– /* Style Definitions */ p.MsoNormal, li.MsoNormal, div.MsoNormal {mso-style-parent:”"; margin:0cm; margin-bottom:.0001pt; mso-pagination:widow-orphan; font-size:12.0pt; font-family:”Times New Roman”; mso-fareast-font-family:”Times New Roman”;} h5 {mso-style-next:Normal; margin:0cm; margin-bottom:.0001pt; text-align:center; mso-pagination:widow-orphan; page-break-after:avoid; mso-outline-level:5; font-size:12.0pt; font-family:”Times New Roman”;} p.MsoFooter, li.MsoFooter, div.MsoFooter {margin:0cm; margin-bottom:.0001pt; mso-pagination:widow-orphan; tab-stops:center 216.0pt right 432.0pt; font-size:12.0pt; font-family:”Times New Roman”; mso-fareast-font-family:”Times New Roman”;} p.MsoBodyText2, li.MsoBodyText2, div.MsoBodyText2 {margin:0cm; margin-bottom:.0001pt; text-align:justify; mso-pagination:widow-orphan; font-size:11.0pt; mso-bidi-font-size:12.0pt; font-family:”Times New Roman”; mso-fareast-font-family:”Times New Roman”;} @page Section1 {size:419.6pt 21.0cm; margin:2.0cm 42.55pt 2.0cm 42.55pt; mso-header-margin:36.0pt; mso-footer-margin:36.0pt; mso-paper-source:0;} div.Section1 {page:Section1;} –>
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-parent:”";
mso-padding-alt:0cm 5.4pt 0cm 5.4pt;
mso-para-margin:0cm;
mso-para-margin-bottom:.0001pt;
mso-pagination:widow-orphan;
font-size:10.0pt;
font-family:”Times New Roman”;
mso-ansi-language:#0400;
mso-fareast-language:#0400;
mso-bidi-language:#0400;}

JAKOBUS 2, 1 – 13

Hamu angka dongan!

Di na sahali ro do sahalak dolidoli mangaririt tu jabu ni sahalak anakboru. Tung sederhana do pamangkeon ni dolidoli on, pangkasna pendek jala panghataionna tung lambok. Disungkun inang ni si boru ma ibana manang aha karejona. Dialusi ma: Songon i ma nantulang, marhais martuduk dope, asal ma dapot mangan, ninna. Aha ma didok inang ni si boru i ? “Marpikir ma jolo ito, ai kebetulan nunga pinaorohon hian borunami on tu paribanna. Mulak balging ma si baeo.

Sabulan dungkon i, ro ma muse sahalak dolidoli laho mangaririt boruna i. Ianggo si baeoon antong tung parlente do, bajuna pe na arga jala uli, marsedan na uli, marjom tangan na arga, marcincin mas na balga, tar gumanjang obukna, markumis, tung uli jala tongam ma idaon. Disungkun inang ni si boru ma ibana, aha karejona. Dialusi ma: General Manager ni sada perusahaan ekspor impor. Jala dipaboa, ia natorasna nuaeng markalapa sawit ma hampir saribu hektar. Pintor minar ma bohi ni inanta i. Pintor ditamuei ma mansai denggan … pokoknya diservis habis-habisan ma. Dung i pintor disungkun ma: “Boha do rencanamu, andigan ma pasautonta bogasmu dohot borungkon?, ninna Alai dialusi si dolidoli ma: “Jolo husungkun ma jolo inongku, nantulang”, ninna.

Saminggunari, ro ma muse si dolidoli i. Bajubajuna, obukna, sipatuna pas songon si dolidoli pangaririt na parjolo i; alai cincinna, jom tanganna dohot sedan-na pas songon si pangaririt na paduahon i. Pintor diadu inang ni si boru ma ala diida sedan i, jala pintor disungkun: Ai boha do didok eda, andigan ma pasautonta?. Dialusi si dolidoli i ma: Sundat ma nantulang, ai nunga hape dipaorohon hamu itoan i tu paribanna. Dung i pe asa tarjolma inanta i, dipamanat ma, ai sidolidoli na parjolo i do hape. Jala tutu, i do si dolidoli pangaririt na parjolo i, laos i do na paduahon, ai na menyamar do ibana asa ditanda ibana parrohaon ni parboru i. Gabe sundat ma marhelahon na mora i ala siida bohi.

Hamu angka dongan! Songon i do nang na masa di huria hasahatan ni surat Jakobus on. Di angka parpunguan, sai masa do, molo ro na mora disambut ma mansai luar biasa, dilehon inganan terhormat, penuh kehormatan. Alai molo halak na pogos do na ro, dianggap sepi ma i, gariada tahe didok: di pathon ma ho hundul … lapatan ni i, jongjong ma ho disi! Ukuran napinake nasida laho menentukan sikap maradophon jolma ima ukuran na tarida, ukuran lahiriah. Angka ruas ni huria diukur nasida ndada songon jolma, alai diukur sian hamoraonna. I do ala didok si Jakobus tu huria i: “Unang ma siidaida bohi hamu” (ayat 1)

Dipaingot si Jakobus huria i, paboa songon ambasang do torop jolma; uli idaon di duru alai busuk dibagasanna. Songon i do di turpuk on. Halak na mora, na disambut dengan penuh kehormatan, justru angka i do na paporsukporsuk nasida, na mamboan nasida tu pamongkihi, na manarat nasida tu pengadilan (ayat 6-7). Ai ala adong hamoraonna, boi do nasida bertindak sewenang-wenang, marlomolomo tu angka na pogos; diporo nasida do hodok ni na pogos i; molo adong na mangalo, diboan ma i tu pengadilan; hape disi pe, tong do hepeng ni na mora i na pamonanghon na mora i. Ala ni i ma gomos didok si Jakobus: unang siidaida bohi hamu.

Tuhanta Jesus pe, diae do na songon i. Di Jesaya 53 didok do, ia Tuhanta i, ima naposo ni Debata, tung halak na lea do, rupana pe mansai roa, ndang adong na boi mambahen tertarik jolma tu Ibana, ala ni i ma gabe dipasiding halak Ibana. Anak ni tukang hau sian Nazareth do Ibana, kelas menengah, na so mararta. Na humansitna, uju dibahen Jesus angka tanda halongangan, tung sude do jolma paihutihut Ibana; alai dungkon disarat Ibana tu jolo ni panguhum, tung sude do natorop i muse mandok: parsilangkon ma Ibana. I ma angka halak siidaida bohi. Hape ala ni hapogosonNa i do gabe mamora hita, ala ni haleaonNa i do gabe marmulia hita.

Hamu angka dongan! Sai dijamothon Hata ni Debata do on tu hita, asa unang marnida bohi, na olo paleahon halak ala pogos alai pasangaphon halak ala mamora, na olo papeolhon uhum, na birong gabe bontar, na mambahen na sala gabe sintong ala na mora jala parhepeng, alai tu na pogos na sintong i gabe na sala. Di Rom 2, 11 didok do: Ai ndang siida rupa anggo Debata. Sarupa do uhuman tu na pogos dohot tu na mora, na lea dohot na sangap, rakyat jelata dohot penguasa, ai sada do ukuran bahenon ni Debata ima haporseaon. Tu halak Kristen pe didok si Paulus paboa ndang adong imbar ni Gorik dohot Jahudi, baoa dohot boruboru, na pogos dohot na mora. Dos do hita di jolo ni Debata.

Ala ni i, ukuran sipakeonta laho manontuhon sikap tu jolma ndada arta manang sangapna, alai hajolmaonna do. Manusia yang patut dihargai adalah manusia yang menghargai kemanusiaan sebagai mahluk ciptaan Tuhan. Manang na mora, manang na pogos, manang na sangap, manang na lea, molo diargahon ibana do donganna jolma songon na tinompa ni Debata, halak sisongon i do na patut sihormatanta. Alai sebaliknya, na so mangargahon donganna jolma songon jolma na tinompa ni Debata, manang na mora i, manang na sangap pe i, ndang patut i hormatanta, gariada sipaleaon do i.

Songon i do sikap ni Jesus tu jolma. Ndang hea dibedakan Jesus manang ise jolma i, na pogos manang na mora, na sangap manang na lea, na hipas dohot na marsahit, sude do dihobasi, sude do didongani. Gariada tahe sikap umum ni Debata dohot Jesus tu jolma ima berpihak kepada kaum lemah, kaum tertindas, kaum miskin. Jala ingkon i do sikap ni huria dohot angka na porsea.

Hamu angka dongan! Ra mansai ringkot peoponta nidok ni turpuk on, molo lomo do rohanta adong haimbaruon di angka hurianta. Ai na parpudi on, tarlobi dungkon taon 70-an, sanga do madabu hurianta tu pangalaho siida bohi. Uju i hehe ma pandaraman ni halak Batak na di pangarantoan. Diparlehon ma sumbanganna tu huria, gabe jongjong ma angka gareja na uli. Alai aha ma na masa? Gabe terpinggir ma, metungmetungon ma angka na pogos. Gabe tubu ma hata na mandok: Ai anggo garejanami on, gareja ni si adu i do i, na mora na sian Jakarta i, anak ni ompu si adui i. I do ala pola hea masa di sada huria, adong hundulan na khusus tu sada keluarga apala di hundulan parjolo di gareja i, na asing, na tandi sian hundulan ni halak na asing, jala ndang boi hundulan ni manang ise i ianggo so keluarga nasida. I ma ala gumodang sumbangan nasida pajongjong gareja i. Di na deba sai adong si parhata oloan, siguru dok; nang pe naung diputushon rapot ni parhalado, ingkon jolo sungkunon do amanta on; aha didok, ingkon i do na saut; molo ndang, dipaso sude bantuanna. Hea do masa muse, ala ro ma na mora mangalehon sumbangan, ingkon jongjong ma sude ruas ni huria, dung i pe asa dipasahat sumbanganna i. Hape nanilehon ni na pogos, ditingtingkon pe ndang, ala mansai otik. Hape di nasahali didok Jesus do: Dia do na gumodang na nilehon ni na mora i sian sisarimis na nilehon ni ina na mabalu i? Didok Jesus: Gumodang do nanilehon ni ina na mabalu i; ai ianggo na mora i, sian lobilobina do i dilehon alai ianggo ina namabalu i sian hahuranganna do, i do sandok ngoluna.

Ra nian, adong do on tadingtadingan ni habatahonta dalam hal on. Ai di halak Batak adong pandohan: matanggak mida bohi. Di angka adat, didok si Jurtul do, molo Siahaan parmotor i, sipaimaon do nang pe naung male; alai molo Siahaan parbeca i do na so ro dope, tole ma, mangan ma hita, mandapoti ma i. Molo di pesta pe, sai gumodang do tumpakta tu parpesta na mora; ianggo tu parpesta na pogos i, leas do tumpak i jotjot tabahen; hape satingkosna, i do siurupan. I do gabe didok hata i : ditambai …. ni manuk do …… ni horbo.

Sikap na songon i ingkon humatop ambolongkononta, ai na mangaleai hajolmaon do sikap na songon i. Tanpa melupakan orang-orang kaya, gereja harus senantiasa berpihak kepada kaum lemah, orang yang kurang beruntung, yang tertindas dan yang miskin. I do hakekat ni Barita Nauli. Tajaha di Lukas 4, 18 – 19, na patuduhon keberpihakan ni Jesus tu angka na pogos, na tarhurung, na marsahit. I do hakekeat ni asi ni roha, dohot holong ni roha. Asi ni roha ni Debata ima di na olo Debata marsaor, bersolidaritas tu hita halak na lea, na pogos dohot pardosa on dibagasan Jesus Kristus. I ma solidaritas ni Debata. Jala ingkon sikap na songon i ma sipatuduon ni huria tu sude jolma. Unang be adong na mora na mandegedegei na pogos marhite na mangalehon upah na patoruhu, manang parhepeng na pabungahon hepengna marhite bunga ni hepeng na patorbanghu. Penghinaan tu angka na pogos dohot tu orang lemah do i. Alai urupi na gale, urupi na pogos, ido sikap na denggan.

Hamu angka dongan! Tarlobi di angka huria na di negara-negara na berkembang songon hita on, mansai ringkot on peoponta. Ai di negara na berkembang songon hita on, perbedaan ni na mora tu na pogos lam nalnal; hak-hak azasi ndang pola ringkot; keadilan jotjot dipapeol; angka na lea, na pogos, na lemah jotjot tertindas. Disi ma huria ingkon marsoara, jala marpambahenan laho mangondihon, membela angka na pogos, memperjuangkan keadilan bagi orang-orang tertindas. Molo sanga huria sai berpihak tu penguasa dohot tu na mora dohot na gogo, ima awal kehancuran ni huria, ai gabe huria penyiksa ma huria na songon i, i ma huria siidaida bohi. Alai huria na missioner, huria na injili, ima huria na berpihak, mangurupi dohot membela hak-hak ni angka na pogos, na lea, dohot na so mardihadiha.

Ala ni i, unang ma siidaida bohi hita. Alai taurupi ma na pogos, na tertindas, na lea. Bereng jala perlakukan ma donganmi songon jolma na tinompa ni Debata. Unang bereng ibana sian sudut materi manang hasangapon. I do hakekat ni Barita nauli dohot huria na missioner.

Amen.