JAMITA TU MINGGU UJUNG
TAON PARHURIAON/PARNINGOTAN NI ANGKA NA MONDING , MINGGU 24 NOVEMBER 2013, 1
TESSALONIKA 4:13-18
Oleh : Gr Anggiat Martua Tambunan/Budianto Sianturi
I.
Patujolo
Ia Turpuk 1 Tessalonika 4:13-18, ima sada alus sian Apostel
Paulus disiala hatiha i adong pangantusion namarasing (kesalahpahaman)
Theologi di huria Tessalonika taringot tu jolma naung monding. Hatiha i, adong
pigapiga sian nasida namansai maol mangantusi, manang na saisungkunsungkun
taringot tu keadaan ni naporsea naung jumolo monding (keadaan umat percaya
yang telah meninggal sebelum Yesus datang kembali) dohot jolma
namangolu di tingki haroroni Jesus (umat
percaya yang masih hidup saat Yesus datang kembali).
Hatiha I, Adong do pigapiga pangantusion (ajaran) Yudaisme
namanaringoti taringot tu ujung ni portibion (eskathologi;
akhir zaman), sada sian pangantusion I nungnga
gabe sahat tu tongatonga ni huria Tessalonik ima pangantusion na mandok; Holan
Jolma namangolu do boanonna tu banua ginjang alai angka naung monding i
andorang so ro Jesus paheheonna doi alai tongtong do nasida diportibion.Hombar
tusi, tontu gabe sada harugian do molo monding andorang so haroro ni Jesus na
paduahalihon jala gabe adongma parasingan (PERBEDAAN/PEMISAH) ni naporsea i, ai adongma na manontong di portibion jala
adong na diboan tu banuaginjang.
II. HATORANGAN NI TURPUK
Ayat 13 : Namarsak ima nasomarpanghirimon.
Di tongos Apostel Paulus do
surat on laho , managajar, patoguhon haporseaon nasida
unang marsak be nasida alani hamatean. Boasa
Marsak nasida
songon nasomarpanghirimon??? Adong 2 sialana :
a. Dang bagas dope pangantusiaon nasida taringot tu jolma
namate disiala tingki nasida dang leleng marsaor manang manjalo pangantusion
sian si Paulus.
b. Torop sian nasida marharoroan (latar belakang)
sian sipelebegu (1 Tessalonika 1:9), ima angka naso adong panghirimonna dung monding.
Ayat
14 : Panghirimon ni angka naporsea.
Di paingot Apostel i do huria i taringot tu Hahehon dohot
hananaek ni Tuhan Jesus tu banuaginjang, dohot tujuan asa mangolu panghirimon
di nasida. Naeng dohonon ni Apostel i, dang hamatean i ujung ni angka naporsea
di Jesus, alai hehe jala togihononna do muse angka naporseai I tubanua ginjang.
Ayat
15 -16 : Namasa diharoroni Tuhan i.
Di patorang Apostel Paulus do paboa na soadong hasurungan ni
namangolu sian naung mate di haroroni Tuhan Jesus na paduahalihon (
Yunani=PAROUSIA=kedatangan).Di haroroNa i, jumolo do paheheonna angka naung
monding dung i pe asa boanonna angka naporsea tu banua ginjang. Dipangke si
Paulus do hata Yunani PAROUSIA namarlapan diebati=didatangi).Somal do
hata “PAROUSIA” di pangke molo ro angka partogini harajaon Rom mangebati sada
luat manang patupa kunjungan resmi, jala molo masa on, saidipatupado angka
hariburon dohot pasahat pangurupion tu houm (penduduk) na diluat i. Naeng di
bahen Apostel i do gombaran i songon haroroni Tuhan i.
Ayat
17 : Hajujumpang/pertemuan/reuni.
Angka na manghaporseai Jesus manang naung mate manang
mangolu dope papunguonna ma nasida jala taitonna dibagasan ombun laho pajumpang
dohot Tuhan Jesus. Sahali nari di patangkas Apostel i patoranghon paboa
nasoadong hasurungan ni namangolu sian naung mate uju di haroro ni Tuhan, alai
gabe pajumpangdo muse saluhutna.
Ayat
18 : Marsitungkotongkolan
Turpuk on ima panosoion tu angka na porsea asa olo
mangaradoti manang mamatahon “memperhatikan; saling mengigatkan” dongan, manang
marsiapoan (bnd; Ibr 3:12 Matahon hamu ma, ale angka dongan, so tung
tardapot di manang ise pe sian hamu roha na jahat, na so porsea, na manundali
Debata na mangolu i!; Flp 2:4 Unang ma na ringkot di hamu be matahon
hamu, dohot ma na di dongan!). Diajari do nasida asa marsitungkoltongkolan
dibagasan haporseaon manang marsiapulan molo masa angka parungkilon nang
sitaonon.
III.
Hahonaan/ Refleksi
Hidup ini hanya sekali maka nikmatilah, binsan mangolu
niallangan ma sude molo dung mate so boibe mangallang pinapuasmajolo lomo
niroha. Jotjot do tabege pandohanon, nang ditongatongani halak Kristen sai olo
dope mandok pandohan on, hape pandohan on marojahan tu pingkiran namandok
“hamatean do ujung ni ngolu on”. Marhite turpuk on, dipaingot do hita paboa
naso hamatean i ujung ni saluhutna.
Bohado hita manjalahi i? Adong pandohan “Bermimpilah dan
wujudkanlah mimpimu”. Molo nipi tontu dang tangkas manang dang adong hataridaan
ni i uju marnipi, alai boi do gabe adong hataridaan ni nipi i dingolu molo sai
nijalahan pandohan ni nipi i. Ngolu napaduahalihon boi do dohonon dang tangkas
dope taida (bnd 1 Kor 13:12), alai naboi doi gabe tangkas muse molo
adong panghirimonta manang haoloonta patangkashon i. Naeng dohononma, ia jolma
nanaeng marnida hangoluan namanontong jala sonang ima jolma namarpanghirimon,
berpengharapan. Molo didok jolma “tarhirim” marsahit do on molo so saut
napinarsintanai, ala ni i ingkon lehonon do tu ibana nahinirim na i manang na
bohape carana manang molo tarhirim hita ingkon usahahonon do asa dapot hita na
tahirim i manang na bohape dalanna. Alani i, tarhirim do hita naeng tu surgo?
Molo tarhirim do hita tausahahonma asa sahat hita tusi, “wujudkanlah mimpimu”.
Boha do Carana?
Huta naneang taebati manontuhon dalan naingkon sibolusonta
manang dalan natabolus di tontuhon huta nanaeng taebati, molo sala do dalanta
tontu dang sahat hita tu hata nanaeng taebati i. Ala ni i, angka nanaeng
tubanuaginjang dangboi sala dalan, molo sala dalan tontu dangsahat, Holan sada
do dalan tu Huta namansai uli i ima Tuhan Jesus. Didok di Yoh 14:6
Ahu do dalan i dohot hasintongan dohot hangoluan. Ndang adong na sahat tu Ama
i, ia so marhite sian Ahu. Yoh 11:25 didok Dung i ninna Jesus ma mandok ibana: Ahu do haheheon dohot
hangoluan; na mangolu do na porsea di Ahu, nang pe mate ibana!
Jesus do dalan i lapatanna mangulahon angka parsuruon ni
Jesus, mandalani dalan naung nidalananNa manang mangihuthon bogasna,mangulahon
angka nadenggan, rade marsitaonon, mamolus hamatean, haheheon dohot manaek
tubanuaginjang. Dohonon ma mamuse ia ngoluni Jesus uju diportibion dang
tarsirang i tu hananaekna. Suang songoni do nang hita, dang tarsirang ngolunta
sinuaeng on tu ngolunta nanaeng ro (Flp 1:21 Ai Kristus do hangoluan di ahu,
jala laba nang hamatean; Mat 16:27 Ai na ro ma sogot Anak ni jolma i di
bagasan hasangapon ni Amana rap dohot angka surusuruanna; dung i balosonna ma
tu ganup, hombar tu na niulana; Pangungkapon 22:12 Ida ma, gira ma Ahu
ro! Boanonku ma upa silehonon tu ganup, hombar tu na niulana!). Antong taulahon
ma angka nadenggan,( Gal 6:10 Antong, binsan sadihari dope, taulahon ma
na denggan di saluhut halak, alai gumodang ma tu donganta sahaporseaon!)
IV.
Panimpuli
Dada hamatean ujung ni langka ni naporsea, alai hamatean ima
dalan siboluson ni naporsea asa sahat tu hatongtongon, mulak tu “BONA PASOGIT”,
Pajumpang dohot Debata Ama “Natoras” asa rap marlas ni roha . (Yoh
17:16 Ndang na sian portibi on nasida, songon Ahu na so sian portibi on.)
Memento mori”, mengingatkan kita kepada kematian dan kefanaan hidup.
Karena kematian itu ibarat misteri
yang menggetarkan eksistensi manusia, dan menganga di pusat kehidupan manusia,
kematian layak merembet ke seluruh rana refleksi filsafat, teologi, sastra,
psikologi, dan sosial. Kematian kerap menjadi pembuka cakrawala kehidupan
manusia, masa lampau, masa kini, dan masa depan.
Lebih
dari itu, adanya kematian setidaknya memberi inspirasi bagi semua orang untuk
mau tidak mau harus berbuat baik, bekerja keras untuk mengabdi, agar kematian
itu menjadi akrab dan diterima dengan senyum, ceria, serta disyukuri. Minimal,
setiap manusia dapat menghadapi kematiannya sendiri dengan sigap dan berani. Memento
mori, “ingot ma ari hamamatem”.
