ACARA MELEPAS SINTUA PENSIUN

ACARA :

PABORHATHON St SAHALA SIANTURI

MAMONGOTI  MASA PANGSIUN

Di HKBP PANDAN II Ressort Tigalingga, Minggu 06 Maret 2016

============================================================================================

DUNG SIMPUL PAPUNGU PELEAN II

I.            PABORHATHON SINTUA MAMONGOTI MASA PANGSIUN:

01.   Marende No. 15 : 1         “Aut na saribu hali ganda”           (ro ma na pensiun tu jolo rap dohot keluarga)

Ø  Aut na saribu hali ganda saringar ni soarangki, naeng nasa gogo bahenonku mamuji Debatantai. Paboa las ni rohangki hinorhon ni pambaenNa i.

Pdt: Hamu dongan sahuria na pungu di bagas joro on, nuaeng jongjong do ditongatonganta ima Amanta  St. Sahala Sianturi. Nunga digohi tingki pangulaon nasida di hurianta. Na mansohot ma nasida nuaeng sian haparhaladoon di huria i. Alani i tama do pasahatonta hamauliateon ni rohanta tu Tuhanta na mandongani jala  margogoihon, huhut napatauhon nasida salelengon mangulahon haparhaladoon i. Angkup ni une do pasahatonta mauliate nang tu nasida naung manghalojahon, jala mangharonsothon mangulahon ulaon di hurianta. Alani i paborhatonta ma nasida nuaeng laho pensiun.

         Hamu dongan nami St. Sahala Sianturi.  hombar tu Aturan dohot Peraturan ni HKBP, nunga digohi hamu panjouon na sahat tu hamu marhobas di huria i. Na mandok mauliate do huria on tu Tuhanta na patauhon hamu marhobas hombar tu tohonan na sahat tu hamu. Nunga digohi hamu pangoloionmuna marhite panghobasion tohonan Sintua. Dipasahat hamu do napinangido ni hata ni Tuhanta na mandok:”Saat ula Tohonanmi”.

         Na tama do hamauliatehonon ni hurianta siala  pangulaonmuna na saleleng on di Tuhanta, anggiat parbue ni na hinobasanmuna na saleleng on di jolo ni Tuhanta gabe pelean na hushus jala mamboan pasu-pasu tu hagaganda ni na porsea dohot hatotogu ni haporseaon di angka  na hinobasanmuna .

         Alani i; jongjong ma hita sahuriaon martangiang tu Tuhanta (Jongjong ruas): Ale Debatanami, na gok asi dohot holong ni roha, ro do hami tu adopanMu laho pasahathon hamauliateon ni rohanami siala pangurupionMu di naposoM on saleleng diparar Ho manghobasi huriaM. Nunga sahat diula ulaon ha-Sintuaon na pinasahatMi: Sai baen ma ramos parbue ni panghobasion nasida di  ruas ni HuriaM tu hangoluan salelengna. Nang naposoM pe sai asi ma rohaM ramoti ma nasida, lam ramoti ma nasida dung mamungka pensiun sian panghobasionna songon sahalak Sintua. Molo tung dijalo pensiun sian ha-Sintuaon, sai ramoti jala patogu ma pos ni rohanasida  tu Ho. Palas  ma roha nasida tongtong, pahipas ma pamatangna laho mandai hinauli ni tingki pensiun songon jolma na marpanghilalaan, marroha jala na martondi hombar  tu lomo ni rohaM.  Togutogu jala ramoti ma nasida di angka  ariari ni hatuatuaonna asa tongtong manaili tu Ho, ai sian Ho do haroroan ni hadameon, las dohot sonang  ni roha di bagasan Tondi Parbadia. Pasupasu ma nang keluarga dohot sisolhot nasida,  asa rap mangolophon jala manghamauliatehon pasupasu najinalo  nasida sian Ho. Angkup ni i marpamuati ma rohaM di nasa hagaleon dohot hahurangan ni dongannami on di nasa pangulaon dohot panghobasionna na sailaon, sesai ma i ala ni  holong ni rohaM. Pinuji ma Ho  ale  Tuhan Jesus  ro  di saleleng ni lelengna. Amen.

02.Manjaha SK Praeses Distrik VI Dairii Taringot tu  Sintua Pensiun   (Parhalado Ressort)

03.Paborhathon na pensiun (dijalang Pdt ma Sintua na pensiun):

               Ale naposo ni Debata, St. St. Sahala Sianturi., mardongan pos ni roha di Debata Ama dohot AnakNa Tuhan Jesus Kristus dohot Tondi Porbadia, hupaborhat hami ma hamu laho pensiun sian Sintua.

               Dipasu pasu Tuhanta Jesus Raja Ni Huria ima panghobasionmuna na saleleng on, jala diramoti ma hamu di angka ari-ari di ngolumuna jala diparrohai hamu mandai hinauli ni tingki pensiun di angka ariari sidalananmuna dope tu tingki na ro on. Amen.

04.Mandok Hata:

                                                   1. Na Pangsiun/Keluarga

                                                   2. Sian ruas

                                                   3. Parhalado Huria & Ressort

05.Pasahat Cinderamata           1. Sian Huria

                                                   2. Sian Ressort

06.Marende BE. No. 190 : 3      “Las rohangku situtu”                    (laos jongjong ma saluhutna)

Ø      Las rohangku situtu, ai parjambar au tutu. Di na denggan sasudena, pinarbaga ni Debata. Di sude na burju i mangihuthon Jesus i.

07.Tangiang Pelean – Ale Amanami – Panutup/Pasupasu

08.Amen – Amen – Amen

PERESMIAN RUMAH DINAS HKBP BATUGUNGUN

Selamat dan Sukses Mangompoi Bagas Huria Peresmian Rumah Dinas HKBP Batugungun Ressort Tigalingga Distrik VI Dairi Pangojakhonon Uluan ni Huria Diak Mariaty Sinurat dan Pesta Gotilon Yang Di Pimpin Amang Praeses HKBP Distrik VI Dairi Pdt Sunggul Pandapotan Sirait STh MM pada hari ini Minggu Okuli 28 Februari 2016 di bawah Terang Thema Kecap dan Nikmatilah hidangan Tuhan . Ida jala dai hamu ma denggan basa ni Debata Yesaya 55:1-9 Khotbah Yang luar biasa dari Amang Praeses menyirami rohani semua jemaat yang hadir. Ucapan Terimakasih Juga kami haturkan kepada Inang Praeses Pdt Riswanti Panjaitan STh yang dalam hal ini berkenan menggunting Pita Peresmian Rumah Dinas Juga Kepada Semua Undangan yang hadir Semua Uluan/ Bestur HKBP SeResort Tigaligga Koor Ama Agave HKBP Tigalingga Koor Ama HKBP Hapoltahan yang dipimpin Pdt Frizon Saragih STh Pendeta HKBP Resort Hapoltahan , Rombongan Diakones dari Berbagai medan Pelayanan Undangan dari HKBP Gundaling dan HKBP Tumpak Raja II Ressort Lau Mil dan semua undangan lainnya yang tidak bisa kami sebut satu persatu. Ucapan Terimakasih juga kami sampaikan kepada Seluruh Jemaat dan Parhalado HKBP Batugungun Terkhusus Kepada Panitia Pembangunan yang telah merampungkan Pembangunan ini hingga Bangunan ini selesai Kepada Panitia Pesta Yang mempersiapkan segala sesuatunya dengan baik .Penghargaan yang besar pada Amang St Justan Silaban Uluan Huria 2 Periode 2008-2016 atas segala pengabdia dan dedikasinya untuk Huria ini Juga kepada Pemerintah Setempat dalam hal ini Kepala Desa Bapak Mahadi P Siregar hari ini telah tercipta Sejarah Baru ke depan akan tercipta lagi Sejarah Baru yang lebih besar lagi. HKBP Batu Gungun menjadi Greja Yang Patut diperhitungkan di Sekitarnya dan juga di Distrik VI Dairi dan Akhir kata kami Ucapkan Selamat Melayani Buat Inang Diakones Mariaty Br Sinurat Semoga Sukses Horas Bravo HKBP Batugungun

+26

Foto Atas Barisan Prosesi Praeses HKBP Distrik VI Dairi Pdt Sunggul P Sirait STh MM dan Pendeta HKBP Ressort Tigalingga Menuju Rumah Dinas dan Gereja, Bawah Inang Praeses di Kasih Bunga dan Ny Pendeta Ressort

Foto Rumah Dinas HKBP Batu Gungun







Inang Praeses dan Inang Pendeta Ressort Menggunting Pita

Pendeta Ressort Memberikan Kunci Kepada Praeses

Mahadi P Siregar bersama Budianto Sianturi di Tampok Kite Batu Gun Gun.

Kemarin pukul 10:36 ·

Tks my God.
Peresmian Rumah Dinas, Pesta Gotilon, Pangojakhonon Uluan Huria HKBP Batu Gun-gun Rest. Tigalingga.
Special Tks for :
Pdt. Sunggul P. Sirait, STh, MM.
Pdt. Budianto Sianturi....

MANGOMPOI RUMAH DINAS/PANGOJAKHONON ULUAN NI HURIA:Diak Meriaty Sinurat Dan Pesta Gotilon HKBP Batugungun Minggu 28 Februari 2016

A.   ACARA MANGOMPOI/  PERESMIAN RUMAH DINAS HKBP Batugungun Ressort Tigalingga /Pangojakhonon Uluan ni Huria/Pesta Gotilon

1.       Pangaradeon :

Sude ruas dohot undangan nunga marpungu di jolo ni bagas Huria  na naeng masukan.

2.       Marende B.E. 188 :1-2 (Jongjong mangadop pintu ni bagas)

ü Jahowa Siparmahan au Ndang hurang manang aha. ai nasa jea dipadao Do sian dorbiana. Tongon dibaen na lomak i Lao pangoluhon tondingki. Dibaen asi rohaNa.

ü Ditogu au tu na tio Aek mata hangoluan. Dibaen do tondingki sio Di dalan hasonangan. Sabam rohangku do tongtong Saleleng au di tano on. Baen sangap di goarNa.

3.       Pengguntingan Pita

Ruas ni Huria: Sian asi dohot holong ni roha ni Jahowa do hupungka jala hupasidung hami bagas on. Mauliate ma di Debata, dipasupasu, diramoti jala dipargogoi Tuhan I ma amanami Pandita Ressort dohot keluarga mangingani bagas on.

Praeses : Bagas pangalapan tua, pasu-pasu jala hasonangan ma bagas on di hamu tumpahan ni Debata marhitehite Tuhan Jesus Kristus (Pengguntingan Pita oleh inang Praeses).

4.       Mangungkap bagas

Tukang (Pasahat kunci ni bagas tu Pendeta Ressort, dungi didok ma songonon): Hupasahat hami ma kunci ni bagas on tu hamu panditanami. Dipasupasu Tuhanta do hami saleleng on laho paulihon bagas on sahat tu na dimpos. Jalo hamu ma kunci ni bagas on paboa naung sidung hupauli hami.

Pendeta Ressort (pasahat kunci tu Praeses) : di hamu amanami Praeses,  hupasahat hami ma kunci ni bagas on tu hamu, ungkap hamu bagas on asa rap masuk hitaon sude raphon ruas ni huria tu bagas on.

Praeses : Huungkap ma bagas on, marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Porbadia. Amen. Horas ma hamu mangingani bagas on. Inganan na ginohan ni Dame dohot holong ni roha ni Tuhanta ma bagas on di hamu.  Amen  

5.       Pembukaan Tirai  Prasasti  Peresmian Rumah Dinas HKBP Batugungun

 Praeses : Sadarion Minggu 28 Februari 2016 on toho mai di Minggu Okuli, marhitehite goar ni Debata Ama, dohot goar ni AnakNa Tuhan Jesus Kristus, dohot goar ni Tondi Porbadia Amen .Hu ungkap ma Tirai Prasasti Peresmian Rumah Dinas HKBP Batugungun Ressort Tigalingga Distrik VI Dairi on Songon Partanda ni Peresmian Rumah Dinas HKBP Batugungun , Didongani jala dipargogoi Tuhan Jesus Raja ni Huria i ma , HuriaNa di inganan on   Amen.

6.       Marende B.E. 585 : 1 “Somba ma Jahowa Debatanta”

ü Somba ma Jahowa Debatanta Amen Haleluya

Sigomgom langit tano on ro diisi na Amen Haleluya

Beta hita lao, marsinggang tu joloNa

Amen Haleluya na songkal jala na badia do Jahowa

Amen Haleluya endehon Amen haleluya endehon

Amen haleluya endehon Amen haleluya endehon

Amen haleluya

B.      Prosesi .....

C.    PARMINGGUON

1.     Joujou Pamujion tu Debata    (P: Paragenda, H: , Huria)

P :  Huria ni Tuhanta! Namarpungu do hita sadari on di bagas joro ni Debata na sun Badia i, laho marsomba tu Ibana di ari NapinarbadiaanNa on. Laos mardomu ma  di sadarion tutu Pesta Mangompoi Bagas Huria sekaligus Pesta Gotilon dohot pangojakhonon Uluan ni Huria HKBP  Batugungun Ressort Tigalingga Dibaheni tasombahon ma tu Debata, tadok ma: marsangap ma Ho Tuhan di sude ulaonnami, jala gok las ni roha ma ngolunami.

H :    Marsangap ma Ho Tuhan di sude ulaonnami, jala gok las ni roha ma ngolunami.

P :     Nunga ro hita tu adopan ni Tuhanta, alani i tapahohom ma rohanta jala taparade ma tangkas dirinta laho marsaor dohot Ibana. Tahilalahon ma dison do Tuhan i rap dohot hita. Di bagasan unduk dohot serep ni rohanta, taongkuhon ma habadiaonni Debata jala tahalashon ma pasupasuNa. Marende ma hita sian BE No 10 : 1 + 5  “Hupuji hupasangap ho””

ü Hupuji hupasangap Ho Amang pardenggan basa,

Ai jadijadianMu do sude angka na masa

Ditompa Ho do sasude dagingku ro di tondi pe

Pinuji ma goarMu.

             ----- Musik -----                                                                                       

   ___ Jongjong___

ü  Antong ro ma hamu sude saluhut na porsea

Marolopolop hita be mamuji Debatanta

Na sun denggan do sasude binanen ni Debatanta

Pinuji ma GoarNa.

         

2. VOTUM-INTROITUS

     P :      Marhitehite goarni Debata Ama, dohot goarni AnakNa Tuhan Jesus Kristus, dohot goarni Tondi Parbadia, na tumompa langit dohot tano on. Amen. Dihorhon haporsuhonnami na satongkin jala na neang i do hasangapon na sumurung, na lumobi hamuliaon na salelenglelengna tu hami, hami angka na so tumailihon angka na tarida angka na tumailihon angka na so tarida; ai martingki do anggo angka na tarida, alai na salelenglelengna do angka na so tarida. Haleluya

H :    (mangendehon) Haleluya, Haleluya, Haleluya

P :     Ale Tuhan Debata! Asi ma rohaM di hami, ai ndang tarbahen hami mambahen manang aha molo so Ho dongannami.

H :    Dongani ma hami Tuhan, marparbue ma bahen ngolunami.

P :     Sai lehon ma di hami roha banua ginjang, asa tau hami manimbangi dohot mangulahon lomo ni rohaM.

H :    Dongani ma hami Tuhan, marparbue ma bahen ngolunami.

P :     Sai dongani ma hami asa mian hami di bagasan Ho dohot di bagasan hataM, marhitehite AnakMu Tuhan Jesus Kristus Tuhannami.

R :     Dongani ma hami Tuhan, marparbue ma bahen ngolungnami.

R+P:     Amen                                                                                                                    (Hundul ma ruas)

3. Marende BE No 672:1-2 “Tung godang Situtu Ulaonmu”

ü  Tung godang situtu ulaonmu  antong Dipasahat Tuhanta tu ho

ndang adong be tingkim marnalemba tahe  ngolumi bahen tiruan tongtong Sai patupa ma I ala ni Tuhan i  so mangkirim balosna tu ho. Debata do marnida na niulami Manang na adong parbue ni i.

ü  Ai lambok do soara ni Tuhanta i, Ro ma ho las ma nang rohami,

Sai taingot tongtong hata ni Tuhan i, Mangarahon jolma tu      Tuhan i.

 Sai patupa ………

4. Manjaha Patik                              (P: Paragenda, R: Ruas, )

P : Patik ni Debata di hita di Minggunta sadarion, ima Patik pa siahon dohot lapatanna; Unang ho olo manghatindanghon hata na so tutu maralohon dongan mu jolma, Dia do lapatan ni i?  

R :   on do : Ingkon di habiari rohanta Debata jala ingkon holong rohanta di Ibana asa unang hita olo manggapgapi dongan jolma manang manjehehon, manang pahatahatahon, paoruhon sangap nasida, ingkon ampinan do dongan jolma anggo so tangkas dope binoto salana, Holan uhum na denggan i do paboaboaon

P :   Olat ni i do sahat na. Rap mangido gogo ma hita tu adopan ni Debata laho mangulahon patikNa!

R : Ale Tuhan Debata, sai pargogoi ma hami, mangulahon na hombar tu patikMi. Amen

5. KOOR : HKBP Ressort Hapoltahan

6. Marende BE No 722:1-2 “Tu JoloMi Tuhanku”

ü  Tu joloMi Tuhanku huboan diringkon

Palua ma tondingku, sian saluhut dosangkon

Jesus Ho do Tuhanku Jesus Ho do Rajangku,

Tu tanganMu ma O Tuhan hupasahat daging tondingkon

        ------jongjong--------------

ü  Tu jolo ni Tuhanku marsinggang au hohom,

Tangihon tangiangku, asi ma rohaM di au on,

Jesus do na umboto saluhut na rumingkot.

DameMi na manongtong, lehon ma tu au on naposoM.

7.  Tangiang Manopoti Dosa

P       : Tapaunduk be ma rohanta di adopan ni Debata laho manopoti dosanta Martangiang ma hita:

              Ale Amanami jala Debatanami, na di  banua ginjang,  pargogo na so hatudosan. Pardenggan basa do  Ho,  jala ro di salelenglelengna do  asi ni rohaM.  Sai  marpamuati ma rohaM di hajahatonnami,  jala unang be sai ingot angka dosanami. Ai jotjot do  hami mardosa maradophon Ho, jala jotjot do husungguli hami rimasMu marhite sian pangalaosionnami di hataM.  Ale Tuhan Jahowa,  sai unang paingotingot pangalaosionnami,  unang alang asi ni rohaM,  sai urupi ma hami,  Ho ale Tuhan Debata hatuaonnami,  palua hami,  jala  sesa dosanami.

H      :   Mangendehon BE.  165 : 1      BL. 19

Ø  Na basa do rohaM di au  o  Jesus Tuhanki.  Diihuthon Ho  au tu na  dao, mambuat rohangki.

    P       :   Ale  Tuhan Debata Amanami.  Na songkal  jala na badia do Ho. Di bagasan hajahaton do hami  tubu,  jala  ndang adong haporseaon di bagasan rohanami hian, saluhut do hami  manimbil sian angka dalanMu.  Mansai  godang do pangalaosionnami di patikMu.  Sai tu na roa do pingkirannami,  sai tu na jahat nang pangalahonami. Alai ingot ma hami, ale Tuhan,  ala  ni denggan ni  basaM  dohot asi ni rohaM.

    H      :   Mangendehon BE. 165  : 2      BL. 19

Ø  Pardosa na godang do au  badia anggo Ho. Sai  tu na  roa  do  au  lao,  sai tu na jahat do.

    P       :   Sai sahapi ma  tu bagasan rohanami hasesaan ni dosanami.  Sai  unang  paaingotingot angka dosa ni haposoonnami dohot pangalaosionnami. Sai  ingot ma hami hombar tu asi  ni rohaM dohot  denggan  ni basaM. Lehon ma tu hami  TondiM na badia I,  asa unang ganggu rohanami di  asi ni  rohaM, alai asa hot rohanami marhaporseaon laho  manggotaphon nasa dosa dohot  roha portibion.  Asa hupasahat hani dirinami  tu Ho,  gabe pelean na  mangolu jala na badia  marhitehite Tuhan Jesus Kristus Tuhannami. Amen.

       -----manghuling musik angonangon sa ayat    BE.No. 165 ------

        P       :   Tabege ma hata bagabaga taringot tu hasesaan ni dosa

Songonon do hata ni Tuhan Jahowa: Nunga diarsahi ho Ahu marhite sian angka dosam,  jala  nunga dilojai ho Ahu marhite sian angka hajahatonmu. Ahu tutu,  Ahu sandiri  manalesei angka paangalaosim ala  ni hadirionKu,  jala  ndang be Hupaingotingot  angka dosam. Hasangapon ma  di Debata na di ginjang.

        H    : Amen.                                                                 ------- hundul--------

8. Marende, BE No. 178 : 1 + 2 “ Ro ma tu Jesus”      BL 196

ü  Roma tu Jesus ro ma tibu, bege hataNa jangkon burju

Na ro do Jesus Pangoluho Asal porsea ho.

Mansai las rohantai muse molo ias sian dosa pe

Sai ro ma hita tu surgoi, laos sonang ma disi

ü  Ro ma Tu Jesus undukhon ma pambahenanmu na so tama

Naeng sesaonNa do dosami diban mudarNa i.

Mansai las rohantai muse molo ias sian dosa pe

Sai ro ma hita tu surgoi, laos sonang ma disi

9. Epistel                              (P: Paragenda, H: Huria , I: Ina, A: Ama, N : Naposo)

P :       Epistel di hita di Minggunta sadarion, dienet do sian Evangelium 1 Korintus10:1 – 13; Marsingkat sorin ma hita manjahasa: Ai naeng ma tangkas botoon muna di rohangku, ale angka dongan: ia angka amnta na jolo, saluhutna do nia dilinggomi angka ombun i, jala saluhut do nasida mamostnang laut i

H:       Jadi saluhut do nasida tardidi tu bagasan si Musa, dibagasan ombun i dohot di lauti

A:        Jala sada do sipanganon partondion dipangan nasida saluhutna

I:          Laos sada do siinumon partondion diinum nasida saluhutna, ai di inum nasida do sian dolok batu partondion na mangihut i ( Kristus do dolok batu i )

N:     Alai toropan do nasida ndang dihalomohon Debata Ai rage do nasida di halongonani

P:      Alai gabe tudosan panjoraan ma i tu hita, asa unang tahahisaphon na roa, songon nasida na marhisap i

H:     Jala unang ma sioloi debata na leban hamu, songon na deba sian nasida, suman tu na tarsurat i; “Hundul do bangso i mangan dohot minum, dung i hehe ma nasida manortor”.

A:      Unang ma hita marmainan, songon na deba sian nasida na marmainan i, gabe mate satongkin duapulutolu ribu di na sadari .

I:        Unang taunjuni Tuhan i, songon deba sian nasida na mangunjun i, gabe angka ulok i mangagohon nasida.

N:     Unang ma hamu marungutungut, songon deba nasida namarungutungut i, gabe diago pangagoi nasida

P:        Olat nii do sahatna. Martua do angka na tumangihon hata ni Debata jala na umpeopsa.

H:       Amen.

10. Koor : Koor Ama Agave HKBP Tigalingga/Gabungan HKBP Batugungun

11. Marende BE No 377 “Ro ma hamu Sudena ” BL 381

ü  Ro ma hamu sudena dijou Tuhanta i, hamu sude na loja huhut na sorat i

Tingganghon ma sudena, na pasorathon ho Tu Jesus na manjouhon .

HataNa on tu ho, Ro hamu sude, sai ro hamu sude, naloja jala sorat

Sai  ro hamu sude, ro hamu sude, sai ro hamu sude,

Ai sonang be hubahen hamu, na ro sude

                                  -jongjong —

ü  Lam ringkot do panjouMu, di au pardosaon, Antong lam las rohangku

Manggolom hataMon; Namangihuthon Jesus, parroha na burju

Dapotan parjambaran, na denggan situtu, Ro ma dohot au, na loja jala sorat

Na ro ma dohot au, ro ma dohot au, na ro ma dohot au,

Naeng sonang dohot au, Naeng sonang dohot au

12. Manghatindangkon Haporseaon

P :       Rap dohot angka donganta sahaporseaon di sandok portibion, tahatindangkon ma hata haporseaonta i, rap ma hita mandok:

H    : Ahu porsea … dst.

                                                                                                                              — hundul —

13. Tingting ( Holan na mansai Ringkot)

14. Tangiang Pangondianon

15. Marende BE No  385 : 1 – 3 “ Di Johon Jesus Ro ” BL 384  (pelean Ia- & Ib)

ü  Dijouhon Jesus Ro sude hamu na loja i, Hutogutogu do hamu tu hasonangan i

      Hamu sude pamanat i, Hamu sude niarahonNai, Tadinghon niarsakhon mi,

     Dompakhon Jesus i,  Sonang ni roha i, sonang ni rohai, sonang ni roha i        

      Dilehon Jesus i

                ------ Musik -----

ü  Sai bege olopolop ni naung ro tu Jesus i, Malua sian dosai naung saut tu Jesus i

      Antong so tung tarambat ho, marlojong ma tu Jesus i, sai golom panghophopnai

      Malua ho disi. Sonang ni rohai......d,u

              ------ Musik -----

ü  Tibu ma salpu tingkimi? Tu dia na ma ho, Ai Tingki parasian i, So di argahon ho

      So tung ditoishon rohami, Joujou ni Jesus Tuhanmi, masuhi ma adian i

      Na sian Tuhan i, Sonang ni rohai.....d,u

       

16. Jamita :  Jesaya 55:1-9 ( Pdt Sunggul P Sirait, STh, MM) Praeses HKBP Distrik VI

17. Marende BE No 256 : 1 – 5 “ Jesus Kristus I do Raja”(Papungu Pelean II)

ü  Jesus Kristus i do Raja Pinabangkit ni AmaNa 

Manggomgomi sasude Manggomgomi sasude

Jala nasa hajolmaon Tu Ibana do mar-Tuhan

Parhatopotonna be Parhatopotonna be

ü  Angka surusuruanNa Humaliang habangsaNa

Pasangaphon  Raja i, Pasangaphon  Raja i

Na di ginjang marhuaso Harajaon na di tano

Mangoloi patikNa i Mangoloi patikNa i

                ------ Musik -----

ü  Debata do sasadasa Holan Jesus do tudosna

Anak tu Amana i, Anak tu Amana i

Na so meret habangsana So marujung do ngoluna

Tongtong gomgomanNa i              Tongtong gomgomanNa i.

ü  Holan Jesus patupahon Na malua hajolmaon

Ala ni mudarNa i, Ala ni mudarNa i

Nunga sahat hangoluan Sai tongtong do partuaon

Dibagasan Jesus i, Dibagasan Jesus i

                ------ Musik -----

ü  Hamu angka na mardosa Nang hamu na ponjot hosa

Ala ni na porsuk i, Ala ni na porsuk i

Sai pasahat rohamna Nang na hinolsohonmuna

Tu Tuhanta Jesus i, Tu Tuhanta Jesus i.

 18. Gotilon   ( Pandita Ressort )

         1. Marende No 373 : 1  BL 219 “ Mangula hita Jolma”

ü  Mangula Hita Jolma Manabur boni i, alai anggo jadina di Debata doi

Dilehon lasni ari, nang nambur udan pe, tongtong di panumpakNa

Marguru sasude, nasa uli basa na sian Debata, I Pe  Ibana pujima

Huhut haposida

         2. Tangiang Pesta Gotilon ( D  XVII`66)

19. Marende No  848 : 1 – 3 ”Dison adong huboan Tuhan”   ( Laos dison ma dipasahat angka silua, sude ma Parhalado manjalo dijolo ni Langgatan )

ü  Dison adong huboan Tuhan parbue ningolungku naso tardok nian

Sadiama argana Tuhan molo sai nirajuman sude denggan basaM

Jalo ma Tuhan, sai las ma rohaM

ü  Tanganku na metmet da, Tuhan, na so hea mansari dope auon Tuhan

Rohangku ma hulehon, Tuhan na boi pelehononku gabe las ni rohaM

Jalo ma Tuhan, sai las ma roham

                ------ Musik -----

ü  Huingot do Hatam da, Tuhan, ingkon sarihononhon anggim na metmetan;

Ampehon ma tanganMu Tuhan sangkan, itak na otik i unang suda nian

Jalo ma Tuhan, Sai las ma rohaM

ü  Dison adong huboan Tuhan parbue ningolungku naso tardok nian

Sadiama argana Tuhan molo sai nirajuman sude denggan basaM

Jalo ma Tuhan, sai las ma rohaM

                ------ Musik -----

ü   Huingot do Hatam da, Tuhan, ingkon sarihononhon anggim na metmetan;

Ampehon ma tanganMu Tuhan sangkan, itak na otik i unang suda nian

Jalo ma Tuhan, sai las ma rohaM

ü  Dison adong huboan Tuhan parbue ningolungku naso tardok nian

Sadiama argana Tuhan molo sai nirajuman sude denggan basaM

Jalo ma Tuhan, sai las ma rohaM

20. PANGOJAKHONON ULUAN NI HURIA  ( PRAESES) Acara Tersendiri

21. Marende No : 729 : 1   “ Laho ma hamu”

ü  Laho ma hamu tu liat portibion, ; ninna Jesus Kristus Tuhan i 2 X

Baritahon ma Barita na uli i, ; tu saluhut na tinompai 2 X

Asa marlas niroha ma, langit nang dohot hajanghajang i, marolopolop ladang i

Ro di hau na diharangan i. Martopaptopap sunge i, marhasak tao nang laut i

Marolopolop ma portibion nang sude na pangisina  ( Jongjong )

22. Parsuruan (P: Paragenda, H : Huria)

P :  Huria ni Tuhanta, nunga tapasingkop be las ni rohanta,  marhite parsombaonta nang Siluanta t Debata sadari on. Nuaeng sahat ma tu hita parsuruon ni Tuhanta tarlumobi tu hita angka ina ni hurianta. Hombar tu na tarsurat di Mateus 28:18-20, Dungi di dapothon Jesus ma nasida, didokma “Nunga sahat tu Ahu nasa huaso na di banua ginjang dohot na di tano on

H :    Ale Tuhan Jesus Pasahat  ma di hami roha na uli laho mangkobasi ulaonnami n di keluarga, masyarakat nang Huria.

P :     Laho ma hamu, podai hamu ma saluhut bangso, didi hamu ma nasida tubagasan goar ni Ama, Anak dohot tondi parbadia

I :       Ajari ma hami mangaradoti nasa hata naung pinatikhon Mi tu hami, jala pargogoi hami mangulahon i saluhutNa , Ale Tuhan Asi rohaM di hami sai pahot ma rohanami on asa  sipartangiang hami di tonga ni bagas/keluarga nami.

P :     Ai idama sai na dongananHu do hamu ganup ari, rasirasa ro ajal ni hasiangan on

I :       Ale Tuhan sai pasupasuma hami  on, jala asi rohaM di hami, dison do ahu suru ma ahu

23. Tangiang Pelean-Ende Pelean-Tangiang Ale Amanami

24. Tangiang Pasupasu

25. Amen-Amen-Amen

SCHEDULE  PESTA

No	Waktu	Acara	Keterangan
1	08.00 – 09.30	Penyambutan Jemaat, Tamu Undangan	Panitia
2	09.30 – 09.45	Mangompoi  Rumah Dinas	Sie Kerohanian
3	0945 – 10.00	Persiapan Kebaktian	Panitia
4	10.00 – 11.30	Kebaktian	Partingki
5	11.30 – 12.00	Lelang Kata Sambutan -          Laporan Ketua Panitia Pesta -          Pendeta Ressort -          Mewakili Undangan -          Bimbingan & Arahan Praeses HKBP Distrik VI Dairi
6	12.00 – 13.00	Tor-tor Lelang Makanan- Lelang G Royong	Panitia
7	13.00 – 14.00	Makan Bersama	Sie Konsumsi
8	14.00 – 16.00	Acara Pesta: -          Tortor Panitia -          Tortor Ganup Sektor/Huria Undangan  dohot Huria sa Ressort	Panitia
9	16.00 – 16.30	Penutup	Panitia
10	16.30 - .........	Sayonara

Doc .hkbpressorttigalingga.blogspot.com

Selamat

Pesta Peresmian rumah dinas

  HKBP BATUGUNGUN RESORT TIGALINGGA

“TUHAN MEMBERKATI”

PARTURE NI ACARA

PERESMIAN RUMAH DINAS HKBP BATUGUNGUN

 PESTA GOTILON Dan PANGOJAKHONON ULUAN HURIA

Minggu Okuli, 28 Februari  2016

Tema                   : “IDA JALA DAI HAMU MA DENGGAN BASA NI DEBATA

                                Jesaya 55:1-9