PARTORDING NI ACARA PARHEHEON SEKTOR/PEDULI HKBP TIGALINGGA, MINGGU VIII DUNG TRINITATIS , 6 AGUSTUS 2017

PARTORDING NI ACARA

MINGGU VIII DUNG TRINITATIS

PESTA PARHEHEON SEKTOR/PEDULI HKBP TIGALINGGA

TOPIK:

DIPARADE DEBATA DO NA RINGKOT DI HITA

ALLAH MENYEDIAKAN KEBUTUHAN KITA

EV:MATEUS 14:13-21, EP:JES 55:1-5

MINGGU, 06 AGUSTUS 2017

I. ACARA PARMINGGUON (U = Uluan; R = Ruas; A=Ama; I=Ina; N=Naposobulung

   1. Pangaradeon:

       a. Rap sahundulan ma Ama, Ina dohot Ianakhon Marsektor –Sektor, Nuansa Merah,Putih

       b. Parhalado Dohot Panitia marhobas jala martangiang borhat-borhat tu parmingguon, Sude Parhalado Mamakke Baju Parhobas, jala di tingki masuk barisan prosesi tu gareja, marende ma Song-Leader sian BE. 247 :1- “Sai hehe ma hamuna”.

       c.Di Tingki mardalan Prosesi Parhalado/Panitia, Jongjong ma sude ruas di inganan na be.Sude Parhalado dohot Panitia Jongjong di Langgatan ( Dung simpul Jou jou marsomba tu Debata, Mulak ma Parhalado dohot Panitia mulak tu inganan na be )

   2. Jou-jou marsomba tu Debata:       

U: Nunga tangkas huida bohi ni Debata Jala malua do tondingku

R: Alai ale Jahowa, sai pasondangkon ma tu hami sondang ni bohiM! Ai Ho do

      namangalehon las ni roha tu hami. Diparade Debata Ho do na ringkot di hami

U: Huria ni Tuhanta! Namarpungu do hita sadari on di bagas joro ni Debata na   sun Badia on,

      laho marsomba tu Ibana di ari NapinarbadiaanNa on. Laos mardomu ma  di sadarion tutu Pesta

      Parheheon Sektor/Peduli ni Hurianta. Dibaheni tasombahon ma tu Debata, Jala tadok ma:

R : Marsangap ma Ho Tuhan di sude ulaonnami, jala gok las ni roha ma   ngolunami.

U :  Nunga ro hita tu adopan ni Tuhanta, alani i tapahohom ma rohanta jala

      taparade ma tangkas dirinta laho marsaor dohot Ibana. Tahilalahon ma dison do Tuhan

       i rap dohot hita. Di bagasan unduk dohot serep ni rohanta, taongkuhon ma habadiaonni Debata

      jala tahalashon ma pasupasuNa. Marende ma hita sian

3. Marende sian B.E No. 30: 1-2   “Jesus Lehon Hatorangan”          BL. 243

  ^♫♪♫  Jesus lehon hatorangan Hapistaran  Mangantusi hataMi

       Lehon mata na marnida  Dohot roha na umboto dalanMi

       Asa tongtong maradophon BohiMi mardalan hami

       Asa digomgomi TondiMi ma hami.

   ^♫♪♫  Ganup ari ma ajari Hami na di haotoon i dope

       Asa lam porsea hami Ho sambing do hangoluannami i

        Lam lumeleng lam pasolhot Tu rohaM ma rohanami

        Hombar tu HataM ma pangalahonami Tuhan Sihophop au, sai buri tondingkon.

------   JONGJONG ------

4. Votum - Introitus (Responsoria)      

U =    Marhitehite Goar ni Debata Ama dohot goar ni AnakNa Tuhan Jesus Kristus dohot goar ni Tondi Parbadia na tumompa langit dohot tano on. Amen.

        R=   Tung ise ma donganku di angka banua ginjang? Jala dungkon ni Ho, ndang adong dihalomohon rohangku di tano on.

        U =   Nang pe merus sibukhu dohot rohangku, sai Debata do partanobatoan ni  rohangku jala parjambaranku salelenglelengna. Haleluya.

     U/R=    Mangendehon: HALELUYA, HALELUYA, HALELUYA.

 U =    Martangiang ma hita:  Ale Tuhan Debata, Amanami na di banua ginjang. Hupangido hami tu Ho: Sai lehon ma TondiM na badia i tu bagasan rohanami. Sai paian di bagasan hami asi ni rohaM dohot hatigoran, na pinatupa ni AnakMu Jesus, Tuhannami. Sai ramoti hami di hamamasa ni pangunjunan.Dohot angka Parungkilon ni huriaM, Lehon ma tu Hami hasadaon laho mamparungkilhon dohot manghamonanghon hajongjongan ni HuriaM di ingananon, Pargogoi ma hami mangulahon lomo ni rohaM, asa lam marlas ni roha hami mida denggan ni pambahenanMu di hami, marhitehite Tuhan Jesus Kristus, Tuhannami.  Amen.

                                                                                                                (Hundul)

5. Marende sian B.E No. 140: 1 + 3       “Girgir Ma Hamu”                         BL. 141

    ^♫♪♫ Girgir ma hamu manogu sude, na hum na begu manjua dope,

          Di hata ni Jesus na sangap tongtong, sangkapNa patulus di portibi on.

          ^♫♪♫  Radoti burju HataNa sude, sai monang hamu baenonNa muse

                 Ibana do Raja na tong monang i, torop pe aloNa sumurut do i

6. Patik :

U        =   Patik di hita di minggunta sadarion i ma na tarsurat sian Rom. Jakobus 3:

                17-18 songonon ma didok disi:

        Sude  =   Alai anggo habisuhon na sian ginjang i, sandok na bontor do i, olo mardame, lambok, pangoloi, gok asi ni roha dohot parbue hadengganon, dao sian hagangguon nang pangansion.

U        =   Alai di bagasan dame do disaburhon parbue hatigoran di angka na

                 mangulahon dame.

                      Antong, rap mangido gogo ma hita tu Debata.

        Sude  =   Ale Tuhan Debata! Sai pargogoi ma hami mangulahon na hombar tu

                         patikMi. Amen.

7. Koor:  Gabungan “ Bagas Uhirhon tu Rohangkon”C=1 (Biv M Br Simbolon )

8. Marende sian B.E No.218 : 4    “Tong Do Tau Haposan”                              BL. 146

      ^♫♪♫ Ale Tuhannami sai sondangi ma, sude dongannami na di Sumatra

       Dohot halak Nias, halak Borneo , asa tung lam ias lao managam Ho.

       Dohot halak Nias, halak Borneo , asa tung lam ias lao managam Ho.

9. Renungan Situasional:

     U = I da ma, nunga dipatuduhon tu hamu habisuhon na sian TUHAN i. Sai jalo ma i, jala pangasahon i di nasa ulaonmu siganup ari.

  A  =  Suru ma hami TUHAN, jala lehon ma bisuk dohot hatauon asa boi hupauliuli hami HuriaMon laho patujolohon hadameon dohot pasiding pangarupaon.

    U = Tanda ma pasupasu na binasabasahon ni Debata di ngolumi; Tondi pangantusion ma na patau hita mananda lomo ni rohaNa marhite panjouon dohot ulaonta be.

   I =      Ale Tuhan, hujanghon hami ma TondiM di rohanami. Sai togutogu ma hami tu dalan hasintonganMi. Jala Parade di hami angka na ringkot i, dohot di HuriaM

   U =  Halak na bisuk dohot na marroha patuduhon haporseaonna marhite parange na denggan, halambokhon, hademahon, parasi ni rohaon, haundukhon, hadameon dohot pasidinghon angka ragam ni pangarupaon.

   N=   Ale TUHAN, pargogoi ma hami pasauthon dameMi di tongatonga portibion. 

   Sude = Mangendehon B.E No. 651 : 1          “Huria na Huhaholongi Hami ”                    

1.                                       ^♫♪♫ Huria na huhaholongi hami

            na pinajongjong ni Tuhanta i.

            Tung na so lupa sian rohanami Huria I

            Dohot ruasna I, dinasa hasusaan

            Tongtong do I manahan.

            Manggogo pe angka galumbang I,

            Tuhanta do na pademakhon I,

            Martua do na not di Tuhan i.

   U  = Habisukon ni Debata manogunogu partigor mangulahon ulaonna. Pangantusion na sian Debata patauhon huhut mangalehon sahala tu uluan i, na marpargogoi ibana pasidinghon angka pangarupaon dohot  jengkeljengkel ni portibion.

   R  = Ale Tuhan, hupangido hami ma tu Ho: Lehon gogo dohot hatauon tu sude ruas ni HuriaM, Parhalado nang Uluan nami nang songoni angka partogi nang siradoti Uhum di bangso namion, Lehon di nasida habisuhon laho manimbang nasa nauli na denggan na marpanghorhon tu lasnirohaM, asa naung huhalashon hami inganan napinarbadiaanMon gabe inganan parmingguon di hami saleleng na 82 taon on Tongtong mai unang mansohot sahat rodi salelengni lelengna, asa ditiru jala dioloi Ho songon na binahen ni AnakMu Tuhan Jesus Kristus; asa taruli hami di haputusan nauli jala na denggan hombar tu lomo ni rohaM.  

  U  =  Ditogutogu habisuhon ni Debata do halak partigor di nasa ulaonna asa marsihohot mangolu dibagasan na marhabiaran mida Debata.  Jala habisuhon ni Debata manjagai di nasa ulaonna, huhut dilehon huaso asa dipadao sian nasa mara dohot sangkapsangkap ni portibi on

  R  =  Mangendehon B.E No. 651 : 3  “Huria Na Huhaholongi Hami”     BL. 651

                     ^♫♪♫  Huria na hinophop ni Tuhanta, sai mian ma di haholongon i.

Sahata ma pangula nang ruasNa, manomba Jesus na marsangap i,

Sai timbul hadameon lam tang haporseaon.

Manggogo pe angka galumbang i, Tuhanta do pademakhon i,

            Martua do na hot di Tuhan i.

   U =  Antong habisukon na sian Debata margogoihon HuriaNa laho pajongjong hatigoran. Hatauon na sian Debata manjagai angka naposoNa sian halak na geduk roha.

10. Mangendehon B.E No. 417 : 1 - 2   “Rade Situtu Haluaon”                BL.278

      ^♫♪♫ Rade situtu haluaon,  na naeng tangkuponmu antong.

            Rade nang di ho hatuaon, sihalashonon mu tongtong.

             Bernit do di taon Tuhanmu pasehon dosam sasude.

             Tung unang paujat Ibana, sai jangkon pangkophopNa i.  (Jongjong)

             ^♫♪♫ Patedek sude hahurangan, topoti sandok dosami,

        Pangido : sai sesa o Tuhan, sude pangalaosionki.

        Datdati, sai saut botoonmu naung sesa dosam  sasude,

        Mardame dagingmu nang tondi, maniop tongtong  Tuhan i.

11. Manopoti Dosa dohot Bagabaga Hasesaan Ni Dosa 

     U =  Tatopoti ma dosanta tu Debata martangiang ma hita: Ale Tuhan Debata, Ama ni Tuhannami Jesus Kristus, Ho do Debata pargogo na so hatudosan, sitompa nasa na adong, paruhum na tigor, na manguhumi jolma manisia. Na ro do hami tu joloM manopoti dosanami, angka na huula hami marhite sian pangalasionnami di patikMu, i ma marhite sian tubutubu ni rohanami na roa i, nang sian panghataionnami na so ture, ro di pangoloionnami di hisaphisap ni rohanami. Na tama situtu do hona uhum hami ala ni dosanami i, alai tarsolsolbagi do hami nuaeng ala ni i. Asi roham di hami ale Debatanami.        

           Sude Mengendehon BE No.182: 1  “Tu JoloM O Debatangku”    BL.24

            ^♫♪♫ Tu joloM o Debatangku, sai use do rohangkon,

                  Sai pasiat tangiangku, dohot iluilungkon.

     U = Pardengganbasa jala parasi roha do Ho ala ni Anak haholongan ni rohaM, Tuhan Jesus Kristus Tuhannami. Sai sesa ma dosanami saluhutna, jala suru ma Tondi Parbadia tu rohanami be, asa tarbahen hami mangoloi Ho dibagasan hatigoran dohot habadiaon, gabe sahat hami tu hangoluan na so ra suda, na pinarbagabagaM di angka na porsea di AnakMu, Tuhan Jesus Kristus, Tuhannami. Amen       

            Sude Mengendehon BE No.182: 4  “Tu JoloM O Debatangku”    BL.24

            ^♫♪♫ Ala nii tungki rohangku,  jongjong di adopanMi,

                  Sai asi rohaM Tuhanku, sesa nasa dosangki.

    U=    Hata baga-baga taringot tu hasesaan ni dosa: Songon on do Hata ni Tuhan Jesus: Ro ma hamu tu Ahu, hamu angka na loja jala na sorat, hupasonang pe hamu. Buat hamu ma augangKu tu hamu, guruhon hamu ma sian Ahu, ai na lambok do Ahu jala na serep marroha, asa dapotan hasonangan tondimuna. Ai lambok do augangKu jala neang do dohot na hupaporsanhon. Hasangapon ma di Debata na di ginjang.

     R=   Amen !

12. Koor:  Koor Remaja NHKBP Tigalingga

13. Marende sian BE. 238 : 3 + 5   “Ihuthon Au Sude Hamu”               BL. 93

       ^♫♪♫ Hupatuduhon di hamu sipasidingonmuna

            Sude geduk ni rohamu sipaubaonmuna

            Ai naeng ias ma tondimu di na lao suda bohalmu.

            ^♫♪♫ Ndang tarpatupa hami i, dipingkir rohamuna

                  Unang mabiar  ala ni ai Au do donganmuna

                  TaluhononKu musu i, sai pos ma rohamu disi.

14. Epistel:

U =    Hata ni Debata na gabe turpuk di minggunta sadari on  tarsurat di Jesaya 55:1-5, tajaha ma marsingkat soring:  O sude hamu angka na mauas, ro ma hamu tu aek on! Jala hamu angka na so marhepeng, ro ma hamu manuhor, mamonggoli dohot manganhon! Sai ro ma hamu manuhor anggur dohot susu, unang pola marhepeng manang marpanuhor.

H:    Boasa tung mandasing hepeng hamu tu na so tau hangoluhononhon, jala na niomomuna tuhor ni na so tau pasonang hamu? Sai tangihon hamu ma ahu, asa panganonmuna na tabo i, jala bosuran rohamuna di tabotabo.

U:     Tarehon hamu ma pinggolmuna, jala ro ma hamu tu ahu! Tangihon hamu ma, asa mangolu tondimuna i! Jadi bahenonku ma tu hamu * padan salelenglelengna: I ma * padan parasian na sintong i tu si Daud na so tupa muba.

H:    Ida ma, sitindangi tu angka bangso ibana hulehon, bahen partogi dohot silehon patik tu angka bangso.

U:   Ida ma, bangso na so tinandam hian ingkon jouonmu do, jala bangso na so tumanda ho ro manahopi ho ala ni Jahowa Debatam dohot ala ni na badia ni Israel, ai nunga marmulia ho dibahen. Ima sahatna: Martua do angka na tumangihon hata ni Debata jala na umpeopsa.

H:     Amen

15. Marende sian BE.No. 723: 2 - 3    “TujoloM o Tuhan”        BL. 723

      ^♫♪♫ Tu joloM O Tuhan sai gara rohangkon, tung unduk do mangoloi Ho,

             TondiMi ma tongtong margogoihon au on, mangulahon lomo ni rohaM.

             Reff: Tung pogos pe dison manang sonang tahe

                       Marsigantung tu Ho sasude.

                       Holan Ho huihuthon,  ndang be diringkon togutogu au tu na ture.

             ^♫♪♫ Tu joloM O Tuhan tung marpadan do au, ingkon Ho huihuthon tongtong.

Ai huboto tangkas na martua do au, nang muse dohot dingolungkon.

Reff: Tung pogos pe.....................

16.   Manghatindanghon Haporseaon:

      U   = Tahatindanghon ma haporseaonta i, songon na hinatadinghon ni             donganta sahaporseaon di sandok portibi on. Rap ma hita mandok:

      Sude= Ahu porsea ….. du. Amen !   (HUNDUL

17.   Tingting/ Tangiang Pangondianon

18.   Marende sian  BE.727: 1 ...  “Hupillit Asa Marparbue”      BL. 727     (P.Pelean Ia,Ib)

            ^♫♪♫ Songon on didok Tuhanta Jesus : Ahu do na mamillit hamu

              Asa lao hamu na marparbue, jala mian parbuemuna i,

             Hupadiri asa lao marparbue,  jala mian parbuemuna i.

             Hita na pinillit ni Tuhanta, ingot ma hata ni Tuhan i,

             Parbuehonna nasa na denggan, na hombar tu patik ni Tuhan i,

             Na tarjou do hita paimbaru diri, dibagasan Kristus Tuhanta i.

             Tarsolsoli ma nasa dosanta tapauba ma rohanta,

             Tapelehon ma nasa dirinta, baen pelean na mangolu, na badia di Tuhanta

              Na hinalomohon ni Debata. Amen. 

                                                       ------ Musik ------

        ^♫♪♫  Hita na pinillit ni Tuhanta, taradoti panjouon i,

               Paturehon angka na badia, asa tang marhaporseaon i,

               Jala monang disude parungkilonna, mangasahon Kristus Tuhanta i.

               Tu timbo na pe parbinotoan, tu malona manisia i,

               Lam doras pe angka parsaoran, lam soada na mamolati i,

               Nang pe tingki tu hatopna mubauba, sai na hot do hata ni Tuhan i.

               Pargogoi ma ruas ni huria dohot rakyat ni bangsonta

               Asa tau manjalo pasu-pasu, nang hatop pe parhusoran,

               Di sude na partingkian, lam porsea hita tu Debata.

                                                   --------- Musik --------

19.  JAMITA: Mateus 14:13-21 ( Pinatolhas ni Pandita Resort )

20.  Marende sian BE.No.691: 1 ---              “Hupasahat Ma Tu Jesus”  (Persemb. II)

         ^♫♪♫ Hupasahat ma tu Jesus saluhutna ngolungki,

            Roha nang pambaenanku saluhutna tingkingki

            Reff: Hupasahat ma tu Jesus saluhutna diringki,

  Hupasahat ma tu Jesus saluhutna ngolungki.

              ^♫♪♫ Pangkeonku ma tanganku, mangula lomoNa i,

Langka nang simanjojakku mangihuthon Tuhanki.

Reff: Hupasahat ma ………

                                                    ----- Musik -----

               ^♫♪♫ Nang pamereng ni matangku, mandompakkon Jesus,

                Soara ni pamanganku, mamuji goarNa i.

                 Reff: Hupasahat ma ………

                ^♫♪♫ Dang huida Tuhan Jesus, hutundalhon dosangki,

   Lohot rohangki tu Jesus, Sipalua tondingki.

   Reff: Hupasahat ma ………

                             ------- Musik ------

               ^♫♪♫ Tarhalomong do rohangku, dipandok ni Tuhanku,

                Ale-ale ni Tuhanku, au di goar Jesus i.

                Reff: Hupasahat ma ………

                ^♫♪♫ Mauliate ma rohangku, ala au hinophopMi,

   Pujionku ma goarMu, salelengna i.

   Reff: Hupasahat ma ………

                                                ------- Musik ------

21 Pasahathon Silua

( Sude Panitia Jongjong di Langgatan Manjalo Angka Silua /Dipasahat ma siluai marsasasektor , Mamungka sian Sektor I Sahat tu Sektor VI, Mangihut ma muse angka silua sian angka punguan nang Silua Pribadi )

Marende 848 : Dison Adong Huboan Tuhan

1.                  Dison adong huboan Tuhan,

Parbue ni ngolungku na so tardok nian.

Sadia ma argana Tuhan

molo sai ni rajuman sude denggan basaM?

Jalo ma Tuhan, sai las ma rohaM.

2.                  Tanganku na metmet da, Tuhan,

Na so hea mansari dope au on Tuhan;

Rohangku ma hulehon, Tuhan

Na boi pelehononku gabe las ni rohaM,

Jalo ma Tuhan, sai las ma rohaM.

3.                  Huingot do hataM da, Tuhan,

Ingkon sarihononhon anggim na metmetan;

Ampehon ma tanganMu sangkan,

Itak na otik I unang suda nian,

Jalo ma Tuhan, sai las ma rohaM.

22. PARSURUON

U =   Diparade Debata do na ringkot dihita, jala dijou do hita mangolu dibagasan HarajaonNa.  Ai ndada sipanganon manang siinumon harajaon ni Debata; hatigoran do dohot hadameon dohot las ni roha di bagasan Tondi Parbadia

R=   Nunga dison be hami Tuhan, patau ma hami manghatahon hasintongan, mangulahon na denggan, asa gabe Parroha mauliate  hami jala na basar tu angka dongan, Gabe parasiroha songon Ho Parasirohai , gabe dohot ma hami manghobasi HuriaM Mamboan angka pelean na arga tu JoloM Marhite hata nang pambahenan nami songoni nang parulaan nami patujolo.Huringkoti hami ma roha na olo ra , jala Peduli tu HuriaMon

U=   Antong hamuna dongan sahaporseaon songon tanda ni pangoloionmuna tu Debata, tapuji ma goarNa laos tatangianghon ma peleanta, asa lam hembang Harajaon ni Debata di huriaNa dohot di portibion. Jongjong ma hita:

R=   Mangendehon:  B.E  No. 471: 3   “Hupillit Jesus Donganki”     BL. 318

                        ^♫♪♫ Rohangku baen ingananMi, patiur ma langkangku,

  Huhatindangkon ma disi: Ho Jesus palitongku,

  Di Ho ngolungku ro di ajalhu, Jesus di Ho au, mate, mangolu.

  Di Ho ngolungku ro diajalhu, Jesus di Ho au, mate, mangolu.

23. Tangiang Pelean (Agenda) - Ende Pelean. No: 204, 2 - Tangiang Ale

      Amanami – Pasupasu  – Mangendehon: Amen-Amen-  Amen.

II. ACARA PESTA

1.       Pahepenghon Angka Silua

2.       Tortor Ganup Sektor/ Pasahat Sakti-Sakti

3.       Marsipanganon Bersama

4.       Hiburan sian Sektor sektor

 budiantosianturi.blogspot.com