TONA NI SINODE HKBP DISTRIK XIII
ASAHAN LABUHAN BATU
Asi ni roha ma
di hamu dohot dame na sian Debata Ama dohot AnakNa Tuhan Jesus Kristus dohot Tondi Parbadia. Amen
Na di Ari Kamis 25 Agustus 2022 dipatupa Hurianta HKBP
Distrik XIII Asahan Labuhan Batu do Sinode Distrik namaringanan di HKBP Kisaran
Kota, ima nasinondangan ni Tema “ Masiurupan ma hamu mamorsan angka na
dokdok i, ima dalan mangaradoti patik ni Kristus” (Galatia 6:2).dohot Sub Thema : Marhite Aturan Peraturan na
dumenggan dohot sentralisasi parhepengon HKBP marhiras ni roha pahinsathon
panghobasion di partingkian digitalisasi” Di Pungka do Sinodei marhite
Partangiangan dohot Ulaon Nabadia. Sinode
Distrik on nidohotan ni … Halak sian
84 halak na hinirim ro mandohotisa.
Denggan do Mardalan Sinodei, tarida doi sian parsitutuon
ni sude sinodestan laho marparsirangguthon Draft Amandemen Aturan Peraturan
HKBP na paopathon songon dalan pahinsathon angka panghobasion na lam tu
dengganna ima nanaeng siusulhonon tu Sinode Godang HKBP di bulan Oktober na ro
on. Isarani ke pesertaan ni Sinode Godang ni niwakilan ni Ganup Resort, Program
Sentralisasi Parhepengon, dohot parture ni pamilliton ni nagabe Uluan HKBP.
Marhite Sinode Distrik on dipatupa do pamilliton tu angka
Utusan Sinode godang na berhalangan tetap alani ni angka parpindaan ( Mutasi )
ima pitu halak sian Utusan Pandita dohot sada halak sian utusan non Pandita
Tama situtu do pasahatonta Puji-pujian tu Debata siala
PangaramotionNa bolas denggan mardalan Sinodei dibagasan dame dohot lasni roha
marsangap ma Tuhanta
Songoni ma hupasahat
hami Tona ni Sinode Distrik XIII Asahan Labuhan Batu on, Sai diramoti jala
dipasupasu Tuhani ma hita di ganup angka ulaon, parsaoran nang ganup
panghobasionta be.
Praeses HKBP Distrik XIII Asahan Labuhan Batu
Kisaran 25 Agustus 2022
Pdt Winner Sitorus, M.Min
No comments:
Post a Comment