TERTIB ACARA PEMBUBARAN PANITIA RENOVASI PEMBANGUNAN HKBP KISARAN KOTA

 

TERTIB ACARA PEMBUBARAN

PANITIA RENOVASI PEMBANGUNAN

HKBP KISARAN KOTA

Rabu , 19 Maret  2025

+++++++++++++++++++++++++++++++++++++++++++++++++++++++++++++++++++

I.      ACARA KEBAKTIAN

1.    Joujou  tu Parsaoran.

U   :  Hamu angka dongan, tama do hita mandok mauliate tu Debata Jahowa. Ala asi ni rohaNa do na tongtong marmudumudu hita umbahen boi simpul Renovasi pembangunan ni Hurianta HKBP Kisaran Kota, godang do angka si parungkilhononton asa boi simpul pembangunan i, jala di ari 16 Maret 2025 nunga di rasmihon Renovasi i dibagasan sada acara na ginoaran Pesta Parolopolopon  

H   : Mauliate ma di Tuhanta naung mangalaehon asi ni rohaNa tu saluhutna ruas nang parhalado ni Huria, suang songoni ma nang di panitia Renovasi

U   :  Sadarion ma paujungonta ulaon ni Panitia Renovasi pembangunan i marhite sada acara na ginoaran Pembubaran Panitia.

H   : Pujionnami ma Ho Tuhan di sude denggan ni  BasaM tu HuriaMi

U   : Ro be ma hamu marsomba jala umpuji Ibana, ai habonaron do saluhut pambahenanNa. Antong taparade ma roha, pingkiran nang tondinta sumomba Debatanta, marende ma hita…

 

2.    Marende B.E. No. 4 : 1 + 3                         “Sai Puji Debata”

        ♫     Sai puji Debata dibaen asi rohaNa. Huhut tongtong basa di nasa tinompaNa.

                Ria ma hita be mamuji Debata. Ai sesa do nuaeng dosanta i dibaen.

♫   Dibahen i tama pujion ni rohanta. Tuhanta Debata nang Jesus pe AnakNa.

      Nang pangondian i naung ro tu hita on. Manggonti Jesus i, pujion do tongtong.

 

3.    Votum – Tangiang Pamuhai

U   :  Marhitehite Goar ni Debata Ama, dohot Goar ni AnakNa Tuhan Jesus Kristus, dohot Goar ni Tondi Porbadia, na tumompa langit dohot tano on, Amen. Endehon hamu ma sada ende na imbaru di Jahowa, endehon ma Jahowa, ale sandok tano on.

H   :  Endehon hamu ma Jahowa, puji hamu ma goarNa, baritahon hamu ma hatuaonNa ganup ari. .

U   :  Marlas ni roha ma disi angka langit jala marolopolop tano on, marhasak-hasak ma laut ro di isina.

H   :  Marolopolop ma angka ladang ro di nasa na disi, marolopolop ma disi sude angka hau di tombak.

U   :  Martangiang ma hita. Ale Debata sitolu sada, Debata Ama, Anak dohot Tondi Parbadia, na mandok mauliate do hami tu joloM diombas on, ala diloas asi ni rohaM do HuriaM Paujunghon Renovasi ditonga tonga ni Huriam  , Huhamauliatehon hami ma saluhutna parsitutuon ni sude angka ruas ni huriaM laho patulushon ualoni, lumobi di angka panitia naung mangalehon gogo, tingki nang pingkiranna laho padasiphon angka pembangunan ni HuriaMi Antong Ho ma na tongtong mangiringiring jala na manjoloani huhut margogoihon hami  disude panggulmiton ni ngolunami marhite TondiMi, Tangihon ma hami ala asi ni rohaM, marhite Jesus Kristus Tuhan sihophop hami. Amen.

 

4. Marende BE. No. 14:1     ”Puji hamu”

Puji hamu Jahowa tutu pardenggan basa, parasiroha salelenglelengna i. Pardenggan basa i, parasiroha i.

5. Renungan :

6.     Marende BE. No. 672 : 1                                        Tung Godang situtu

Tung godang situtu ulaonmu antong dipasahat Tuhanta tu ho. Ndang adong be tingkim marnalemba tahe, ngolumi bahen tiruan tongtong. Sai patupa mai alani Tuhan i, so mangkirim balosNa tu ho. Debata do marnida na ni ulami. Manang na adong parbue ni i.

 

7.    Laporan Pertanggung Jawaban

8.    Pembubaran : Uluan ni Huria

Uluan :             Marojahan tu Aturan dohot Paraturan Huria Kristen Batak Protestan, domu tu angka kepanitiaan  di Huria Kristen Batak Protestan, jala hombar tu laporan  pertanggung jawaban ni Panitia , jala naung simpul Renovasi pembangunan jala nunga di Rasmihon Uluan ni HKBP , Antong, ahu Uluan HKBP Kisaran Kota dibagasan roha na mandok mauliate tu Debata, di ari Rabu 19 Maret 2025 resmi ma hububarhon Panitia Renovasi Pembangunan HKBP Kisaran Kota dibagasan Goar ni Debata Ama, AnakNa Tuhan Jesus Kristus dohot Goar ni Tondi Parbadia. (Ketuk palu 3 x). Didongani jala sai dipasupasu Tuhanta ma HuriaNa , gabe hamuliaon dohot hasangapon di Debata jala las ni roha dohot pasupasu tu sude ruas ni HuriaNa. Amen.

9)            Marende BE. No. 12 : 1   Dipuji Rohangkon Do Ho

                Dipuji rohangkon do Ho, Jahowa Tuhanhi. Huhut hubaritahon do sude pambaenanMi.

10. Tangiang Panutup

 

II.                  ACARA PEMBUBARAN

       Mandok Hata      : Ketua Umum

                                        : Penasehat

                                        : Panitia Parolopolopon

                                        : Mewakili Ruas

                                        : Mewakili Parhalado

                                        : Uluan

III.               Makan Bersama dan Hiburan