PARTORDING NI ACARA PAMASUMASUON

PARTORDING NI  ACARA PAMASUMASUON

                                                 Model  A

  

Di:HKBP Wahidin Baru

 

PANGARADEON :

Pengantin dohot natoras ke dua belah pihak martangiang di Bilut    Parhobasan

Pengantin dohot natoras kedua belah pihak ro di sude rombongan mamasuhi Gareja ni iringan ni musik , laos jongjong ma situan natorop menyambut rombongan

A. KEBAKTIAN                                                                         

01.    Marende No. 697 : 1-2 “Molo Ho do huihuthon”

            Molo Ho do huihuthon dame sonang rohangki

     Sai horas jala martua nasa nahinophop Mi

     Reff :   Ho tongtong ihuthononku, Jesus sipalua i

                 Ho sambing do oloan ku alani  i martua au

                

                                                     (Ayat 2 : Ruas dohot penganten jongjong)

            Narade do au manaon, mangasahon padanMi

     Molo Ho namargogoihon talu haholomon i

     Reff :   Ho tongtong ihuthononku, Jesus sipalua i

                 Ho sambing do oloan ku alani  i martua au

02.    Votum :                P = Pandita H = Huria

P   :  Marhite hite Goar ni Debata Ama, dohot Goar ni Anak-Na Tuhan Jesus Kristus dohot Goar ni Tondi Parbadia, na manompa langit dohot tano on,

H  :  Amen.

P   :  Boto hamu ma on : Jahowa do Debata; Ibana jumadihon hita, jala Ibana nampuna hita, bahen bangsona dohot birubiru pinarmahanNa.

H  :  (Mangendehon No. 697 Holan Reff)

                 Reff:     Ho tongtong ihuthononku, Jesus sipalua i

                 Ho sambing do oloan ku alani  i martua au

P   :  Bongoti hamu ma angka bahalna marhitehite hamauliateon, angka alamanna marhite Anak-Na Tuhan Jesus i.

H  :  (Mangendehon No. 697 Holan Reff)

                 Reff:     Ho tongtong ihuhononku, Jesus sipalua i

                 Ho sambing do oloan ku alani  i martua au

P   :  Martangiang ma hita : Ale Tuhan Debata Amanami na di banua ginjang! Ho do na mangaturhon pardongansaripeon i, diida Ho do dongannami on na marsangkap naeng marbagas, jala na ro do nasida mangido pasupasuM sai tatap ma nasida di bagasan asi ni rohaM, pasupasu jala ramoti ma nasida marhitehite panghahalongiM rajai ma nasida marhitehite Tondi Porbadia, asa mamungka jala marujung di bagasan dame pardongansaripeonnasida i. Tangihon ma tangiangnami on ala ni asi dohot holong ni rohaM.

H  :  Amen.                                                                                    (Hundul)

03.      KOOR :

04.      Jamita :       

05.    Marende No. 159:1-2 “Martua Dongan Angka Na” BL 201

Martua dongan angka na sabagas, Namardonganhon Tuhan Jesus i,

       Namangoloi Ibana mansai ringgas, na so marholang tangiangna i

       Tongtong holong rohaNa di ibana, manungkun lomo ni rohaNa i

       Huhut tongtong marguru tu hataNa dibaen sandok pangalahonai …

Martua baoa dohot inaina, sisadaroha mida Jesus i

       Na rap marholong roha di Tuhanna, marsaulihon hatuaon i

       Na sahat sian asi ni rohaNa tu halak na porsea sasude

       Ido dibaen nasida haposanna manang beha parsorionna pe..

                        

06.    Sipaingot Pardongan Saripeon :

P   :  Hamu ale angka na pinarhamaol ni Debata, ditahi rohamuna do nueang naeng marbagas, alai ndang tama halak Kristen marbagas songon halak sipelebegu. Antong tangihon hamu ma jolo hata ni Debata taringot tu pardongansaripeon ni halak Krsiten. Dung ditompa Debata jolma i, didok Ibana ma : Ndang denggan sasada baoai punjung, hubahen ma di ibana sada boruboru di ibana bahen angkupna.

H  :  Ndang mardiaimbar disi Jahudi manang Gorik, hatoban manang anak mata, baoa manang parompuan, ai sada do hamu saluhutna di bagasan Jesus Kristus.

P   :  Angkup ni i didok Tuhan Jesus: “Ganup na paulakhon naniolina, ia so ala ni na marmainan, na palangkuphonsa do, pangalapangkup do nang mambuat na sirang i! Antong na pinadomu ni Debata ndang jadi sirangon ni jolma”. Songonon do didok Debata tu baoa i “Hamu angka baoa, haholongi hamu ma pardihutamuna be songon Kristus manghaholongi huria i jala na mangelehon dirina humpohopsa. Unang muruk hamu dompak nasida, ingkon marroha hamu mandonganni nasida, sangap bahen hamu nasida, songon dongan panean di hangoluan na so ra suda”.

H  :  Jala pangarehon hamu ma haholongon i songon Kristus i, na manghaholongi hamu jala dilehon do dirina humongkop hita, gabe silua jala pelean bahen uap na hushus tu Debata.

P   :  Dungi songonon do didok hata ni Debata tu angka boruboru : Dioloio angka parompan ma baoana be, songon pangoloina di Tuhan i! Ai baoa i do ulu ni pardihutana, songon Kristus ulu ni Huria i. Ingkon bontor, porman toman mardongan halambohon dohot hamenahon ni tondi parange ni boruboru i. Ima na arga dijolo ni Debata dohot di jolo ni jolma.

H  :  Songon naposo ni Kristus ma ulahon hamu hata ni Debata, sian nasa rohamuna. Sian burjumna ma hamu mangoloi: Songon di Tuhan i, unang di jolma i.

P   :  Antong songon angka na marparangehon hata ni Debata ma hamu! Sumolokhon parasinirohaon, dohot habasaron dohot haserepon ni roha ma hamu.

H  :  (Mangendehon Ende No. 701: 1 “Tu Ho do au Marpadan”

       Tu Ho do au marpadan O Jesus Tuhanki, asa burju haposan au di adopanMi

       Sai Ho ma mandongani au di ulaonki, ajari pargogoi ma au di dalanki

      

P   :  Masipauneunean ma hamu dohot masiasian! Saluhut riting ni roha, muruk rimas, panonggahion, dohot panginsahion dao ma i sian hamu. Alai diginjang ni saluhutna i, masihaholongan ma hamu, ai ido rahutrahut ni na sun denggan. Dungi dame na sian Debata, ima mangarajai rohamuna. Jala saluhut na binahenmuna marhitehite hata, manang pambahenan, tongtong ma i marhitehite Goar ni Tuhan Jesus, asa Ibana mangarajai rohamuna dohot ulaonmuna.

H  :  (Mangendehon Ende No. 701; 3 “Tu Ho do au marpadan”

       PadanMu ale Jesus tu angka ruasMi, Luhut do toguonMu tu hasangaponMi

       Padanhu pe,  o Jesus, satia au tu Ho. Sai pargogoi ma ahu, lao mangihuthon Ho

      

P   :  Antong nunga dibege hamu hata ni Debata taringot tu ruhut pardongansaripeon i. Na manungkun ma ahu nuaeng jumolo di ho ale pangolin:  ……………………..,  olo do ho manghajongjongkon  di jolo ni Debata, na umboto saluhut dohot dijolo ni angka dongan na pungu dison, na dipangido roham do si …………………………,   na niriritmon gabe donganmu saripe? Olo do ho manghaholongi ibana sian nasa roham dohot mangulahon sian nasa gogom, huhut marparangehon parange na badia rap dohot ibana? Na olo do ho manganju dihagaleonna, tung sura hamurang parangena, jala na so tupa paulahonmu manang tadingkonmuna ibana paima disirang hamatean hamu sogot? Molo naung sada roham mangoloi saluhutna i, dok ma alusmu!

       Pangoli     :   Na olo do ahu, sai dipargogoi Debata ma ahu patupahon saluhutnai.

P   :  Na manungkun ma ahu dohot di ho ale: …………………..niririt ni si …………………..,  on bahen donganna saripe. Na olo do ho manghajongjongkon  di jolo ni Debata, na umboto saluhut dohot dijolo ni angka dongan na pungu dison, na dipangido roham do si ………………….on gabe sinondukmu? Olo do ho manghaholongi ibana sian nasa roham dohot marpangalaho nature marodophon ibana, dohot marparangehon parange na badia, paboa halak Kristen ho; jala na so tupa mahilolong homanang tadingkononmuna ibana, paima disirang hamatean hamu sogot? Molo naung sada roham mangoloi saluhutna i, dok ma alusmu!

       Oroan :          Na olo do ahu, sai dipargogoi Debata ma ahu patupahon saluhutnai.

(Over ring/Tukar Cincin (molo rade)

P   :  Pasahat pasu-pasu… 

07.    Koor :

08.    Marende No. 720:1-3 “Naeng Marsinondang Ngolungku” ( P.Pelean)

Naeng marsinondang ngolungku diigil Jesus i,

manang didia pe ahu tongtong huingot i..

Reff:  Tiur marsinondang, ido niigil ni Jesus

          Tongtong marsinondang panondang do au tutu…

Tuhan urupi ma ahu, sai jaga rohangki,

Asa marsinondang ahu, Ho naeng tiruonki

Reff:  Tiur marsinondang, ido niigil ni Jesus

          Tongtong marsinondang panondang do au tutu…

(Organ /Musik)

Naeng oloanku Tuhanku, saleleng ngolungki,

Sogot di surgo endengku pasangap Tuhan i..

Reff:  Tiur marsinondang, ido niigil ni Jesus

          Tongtong marsinondang panondang do au tutu…

09.    Tangiang Pelean , Ale Amanami, Pasupasu

B. FOTO & HATA HUHUASI :

       Foto penganten dohot Pandita

       Hata Huhuasi  sian keluarga Paranak

       Hata Huhuasi  sian keluarga Parboru

       Manjalang penganten / Marende (Mamereng Tu Tingki)