Bahan Liturgi Naposo/Remaja Bahasa Batak

LITURGI NAPOSO

LITURGI  I

Oleh Gr Anggiat Martua Tambunan

Prolog

Dimulana i nunga adong hatai, jala saor tu Debata do hata I, jala Debata do hata I, ima na soar tu Debata dimulanai. Saluhutna marhite hata I do umbahen na manjadi.

LITURGI I

1.      Ohhhhhhhtahe portibi (dipukkul jidatna), namboha nama nu aeng, boasa do godang na so porsea na adong Debata ate, ala ni aha do nuaeng I ate…….manang …atik na tohodo dang adong Debata??

2.      Imada (sambil manggutmanggut) alai on majolo (muka bingung) molo taida do portibion mansai ragam na adong, ise musedo na manjadihon I ate?????

3.      iiido daba dongan! Ia Debata adongdo, ibana do parmulaan ni nasa na adong didok di Pangungkapon bindu 1:8 songonon “Ahu do Bonana jala Ujungna,  Debata nuaeng, Debata naung adong hian, na naeng ro , Sigomgom saluhutna!  Pangungkapon 22:13 didok “Ahu do Mulana jala Punsuna, Parjolo jala Parpudi, Bonana jala Ujungna!

4.      Jadi adong do hape Debata ate????? Antong bohado dibahen Debata manompa portibion?????? Alana holon mambaen 1 jabu pe nga leleng…… ,olo mambaen portibion bahhhhhhhh dang binoto be lelng ni ida!! Ahhhh bingung do au di si bahhhh

5.    Bege ma dongan asa hupaboa hombar tu natarsurat di Bibel I, didok songonon :  Di mula ni mulana ditompa Debata langit dohot tano on. Dung i tarulang ma tano i gabe halongonan jala holom di atas lung i, dung i mangareapreap ma Tondi ni Debata di atas ni angka aek.  Dung i mangkuling ma Debata ninna: Jadi ma ho na tiur! Jadi tiur ma tutu.Nunga denggan na tiur i diida Debata, jadi dibahen Debata ma parsirangan ni na tiur sian na holom.

Dung i digoar Debata ma na tiur i arian, goar ni na holom i borngin. Dung i bot ma ari, torang ma ari muse, i ma ari parjolo.

6.     Dung i mangkuling muse ma Debata: Jadi ma ho hajangkajang di parsitongaan ni angka aek bahen parsirangan ni aek tu aek.         Jadi dipauli Debata ma hajangkajang i, asa disirang aek angka na di toru ni hajangkajang sian aek angka na di ginjang ni hajangkajang i, gabe manjadi ma songon i. Dung i digoar Debata ma hajangkajang i langit. Dung i bot ma ari, torang ma ari muse, i ma ari paduahon.

7.       Dung i ninna Debata ma: Dipantumburhon tano i ma duhutduhut dohot suansuanan, na marparbuehon boni, hau angka na marparbuehon bonina di                bagasan tudos tu mansamna be di tano on, gabe manjadi ma songon i.

 Jadi dipantubuhon tano i ma duhutduhut dohot suansuanan, na marparbuehon bonina tudos tu mansamna dohot hau na marparbuehon bonina di bagasan, tudos tu mansamna. Dung i nunga denggan diida Debata.Jadi bot ma ari, torang ma ari muse, i ma ari patoluhon.

8.      Dung i mangkuling muse ma Debata: Jadi ma hamu angka panondang di hajangkajang ni langit i, bahen parsirangan ni arian sian borngin, gabe tanda paboa titik ni padan dohot angka ari dohot angka taon.

Jala gabe panondang angka i di hajangkajang ni langit i, asa dipatiur tano on; dung i manjadi ma songon i.

Dung i dipauli Debata ma dua panondang angka na bolon; panondang na bolon, pangguruan ni arian, dohot panondang na metmet, pangguruan ni borngin, ro di angka bintang.

Dung i dibahen Debata ma nasida tu hajangkajang ni langit i, asa disondangi tano on.

Jala manggomgomi arian dohot borngin, jala bahen parsirangan ni na tiur sian na holom. Dung i nunga denggan diida Debata. Jadi bot ma ari, torang ma ari muse, i ma ari paopathon.

9.       Dung i mangkuling muse ma Debata: Dipantubuhon angka aek i ma gulokgulok na marhosa, angka na manjirir, jala marhabangan ma angka pidong di atas tano on martongatonga langit.

Dung i ditompa Debata ma angka dengke na balga dohot nasa na marhosa, angka na manjiriri di bagasan aek, masiboan mansamna ro di nasa pidong angka na masiboan mansamna. Jadi nunga denggan diida Debata.

Dung i dipasupasu Debata ma nasida, ninna ma: Marpinompari ma hamu, asa lam torop jala gohi hamu ma angka aek ni laut, lam torop ma dohot angka pidong di atas tano on.

Jadi bot ma ari, torang ma ari muse; i ma ari palimahon.

10.      Dung i mangkuling muse ma Debata: Tole ma, itatompa ma jolma, tumiru rupanta, tudos tu pangalahonta,                                                                                   asa dirajai dengke angka na di laut,                          dohot pidong angka na martongatonga langit, dohot angka dorbia, ro di sandok tano on nang sude gulokgulok, angka na manjirir di atas tano on.

Dung i dijadihon Debata Jahowa ma jolma i sian orbuk ni tano on jala diullushon tu bagasan bungbung ni igungna hosa hangoluan i, gabe martondi na mangolu jolma i.

 Dung i dipungka Debata Jahowa ma sada porlak di Eden tartungkan habinsaran, jadi tusi ma dibahen jolma na jinadihonna i.

11.      Ido daba dongan, porsea ma hita, anggo Debata I adongdo, jala Ibana do Pargogo na sohatudosan,antong unduk jala somba ma hita tu Debata, ta olo I ma nasa patikNa.

            LITURGI II

Prolog: Ingkon Pujiaonta do Debata ala hasongkalanNa, dohot hagogoonNa, na manompa sian na so adong             hian gabe adong tanda ni haunduhonta ingkon ulahononta ma  patikna. Didok Debata do tu jolmai “ Dung i             dipatik Debata Jahowa ma jolma i, ninna ma: Jadi do panganonmu sian nasa hau di bagasan          porlak on.

Alai anggo sian hau parbinotoan ni na denggan dohot na roa, ndang jadi panganonmu; ai sadari dipangan             ho sian i, sai na mate do ho.

 (suasana panggung : pohon kehidupan dan hawa)

ulok     :hawa…..ai na didok Debata do dang jadi panganonno parbue ni hau na di porlakon?????

            Hawa   : dang songoni didok Jahowa “ ia parbue ni hau na diporlakon …jadi do panganon nami!!!!                         alai       parbue ni hau na ditonga ni porlakon dang jadi panganon nami!!!

ulok     : Boha haroa molo dipangan hamu???

            Hawa   : Molo hu pangan hami mate dohami!

ulok     : eehhhhh olo.. ma ho diotootoi Debata, Dang tutu ho mate, ala ni i pangan ma, ai di boto ho dooooo molo di allanghoi, gabe sarupa doho dohot Debata!!!

                                    ———-( parliturgi 3 halak masuk berjalan santai)———

            Hawa   : (memperhatikan pohon lalu mengambil dan memakan buah)

1.      (A) Bah..bahhhh babahhhhh ngamarjea be, ngasega be….boha namai ate…..

2.      (B)Aha do nimmu ngasega,!ngamarjea! so niantusan aha ha na ni dokmu!!?

3.      (A)nian.. (menunjuk ke arah hawa) nga diallang ibana parbueni hau na di tonga ni porlak I, hape ngadi orai Debata asa unang di pangan parbue ni hau i.

4.      Bah ido tutu si hawa doi,  (hawa berjalan menemui adam dan memberikan buah kepada adam lalu adam memakannya), bah nga hassur, ngasegabe tutu ngadohot si adam mangallang,  ngasega be tutu, nga magobe, nga hassur be….boha namai ate?????  (layar di tutup)

LITURGI III

Prolog  : Dang unduk si hawa tu patik ni jahowa, Buni do dosa nasidai sian adopan ni Debata?????????

                        Suara Allah    : (setelah didahului langkah kaki) Adam Didia Do ho?????

(A)Adam    : Dison do au Tuhan!!( tampak takut)Hubege nian suaram di porlak i, gabe mabiar ahu, ai                marsaemara do ahu, umbahen na martabuni ahu.

                  Suara Allah    : Ise na paboahon tu ho, na marsaemara i ho? Nda tung dipangan ho sian                                           hau na hupatikkon  i mangorai panganonmu?

(A)Adam  : Na hupangan do…alai….. Boruboru na nilehonmu bahen donganku, i do na mangalehon tu              ahu sian hau i, gabe hupangan.

                  Suara Allah    :Boasa songon i bahenonmu hawa!!!?

(B)Hawa   :Uuuuuuloki do napaotootohon au!!!

                              —————layar di tutup—————–

                              ————masuk parliturgi 6 halak————

Narator     : songoni ma jolma…sai marsipabalibalian….sai naneg manhaisson gara siantanggurungna…alai dang adong na holip sian adopan ni Jahowa, hinorhon ni pangalaosion ni Jolmai tu   Debata, gabe di uhum Debata do jolma I suang songoni nang ulok pangotootoi i, tabege ma uhum napinasahat ni Debata :

1.      Ninna Debata Jahowa ma tu ulok i: Ala dibahen ho songon i gumodang ma torungku tu ho sian tu nasa pahanpahanan dohot sian tu nasa na manggulmit di ladang. Butuham na ma jururhononmu, jala orbuk panganonmu saleleng di ngolum.15  Jala bahenonku ma parbadaanmu dohot boruboru i, ro di pinomparmu tu Pinomparna. Ibana mangalisathon ulum, gabe pargutonmu tambihulna.

2.      Dung i ninna ma mandok boruboru i: Ganda situtu bahenonku parniahapanmu saleleng gabegabean ho; bernit taononmu laho manubuhon anakkonmu, sinondukmu na ma ihutanmu, jala ibana mangarajai ho.

3.       Jala didok ma tu si Adam: Ala ditangihon ho soara ni jolmam, gabe dipangan ho sian hau na hupatikkon i, mandok: Unang pangan sian i, hona torungku ma tano on ala ho, porsuk ma ahaponmu manganhon gogona saleleng di ngolum.

4.       Pantubuhononna ma huhut di ho angka duriduri dohot duhutduhut na marsuga, angka ingkau rata ni ladang i na ma panganonmu.

5.       Ingkon hir hodokmu manganhon sipanganonmu, paima mulak ho gabe tano, pambuatanmu hian, ai tano do ho, jala tu tano do ho mulak sogot.

6.      Jadi dipabali Debata Jahowa ibana sian porlak Eden, asa diula tano pambuatanna i.

Jadi dilele ma si Adam i, jala dipaipahon angka kerubim tungkan habinsaran ni porlak Eden i marpodang sidua baba marjimburjimbur, asa dijaga dalan tu hau hangoluan.

LITURGI IV

Prolog  : Nungnga madabu be jolma  tubagasan dosa, nungnga di uhum Debata…..antong aha nama siulahonon ni jolma i????

1.      Ale Jahowa Debata, nunnga mardosa hami dompak Ho, na ro do hami mangido hasesaan ni dosa sian adopanmu,.Huparhatutu jala hutopoti hami do dosa dohot pangalaosion nami na godang I, tatap ma hami marhite asi ni rohaM. sai jalo ma somba nang pelean nami

2.      Ale Amanami jala Debata nami, Sai marpamuati ma rohaM di hajahaton nami, jala unang be ingot angka dosa nami, sai urupi ma hami, palua mahami, jala sesa ma dosanami, sai jalo ma somba nang pelean nami!!!

3.      Ale Tuhan Debata!!! Ho do Debata pargogo naso hatudosan, sitompa nasa na adong, paruhumna tigor namanguhumi sandok jolma manisia!!!!Na tama situtu do hami hona uhum ala ni dosa nami, alai natarsolsol bagi do hami nuaeng, ala ni I asi ma roham dihami, sai jalo ma somba nang pelean nami!!!

                        NARATOR   :Nungga ro jolmai manopoti dosanan tu adopan ni Jahowa…antong                                                    songon dia do alus ni Djahowa tu jolma I??????bohado ujungna?????

4.      Pos ma roham, nungnga sesa dosam  “ munsat pe angka dolok, jala humuntal angka robean, alai…. anggo asiasingku na so tupa munsat sian ho, jala padan ni hadameonku na so tupa humordit.

5.      Songon sintongna mangolu ahu, tung na so lomo do rohangku mida hamatean ni halak parjahat , alai…. mida hamumulak ni parjahat i tumadingkon dalanna i nian, asa mangolu ibana. Antong sai mulak ma hamu tumadingkon dalanmuna angka na jahat i!

6.       Nunga pola hupasisi songon ombun angka pangalaosim, jala songon ombun manorop angka dosam. Sai mulak ma ho tu ahu, ai ahu do sipalua ho.

7.      Sai mulak ma hamu tu Ahu sian nasa roha muna; ndang be parupionKu bohingku mida hamu, ai pardenggan basa do Ahu, ndang majujur ahu salelenglelengna, asal ma di tanda ho hajahatonmu, na tinundalanmu jahowa Debatam.

8.      Alai anggo ho ale jolma, nungnga di arsahi ho Ahu marhite sian angka dosam, jala nunga dilojai ho ahu marhite sian angka hajahaton, alai….  Ahu tutu; ahu sandiri manalesei angka pangalaosim.

LITURGI V

Prolog  : Didok Jahowa “ahu sandiri manalesei angka pangalaosim, ahu sandiri manesa dosam!!!” Aha do dipatupa Jahowa lao manesa dosanta?????

1.      Ida ma, na ro do angka ari sogot, ninna Jahowa, patindangonku ma di si Daud sada tumbur na tigor, na bangkit raja jala na pistar, jala hajongjongkononna ma uhum dohot hatigoran di tano i.

2.      Ida ma, suruanku ma suruanku, asa dipadiri dalan di jolongku. Dung i tompu ma ro tumopot jorona Tuhan, na niluluanmuna dohot suruan ni parpadanan na hinalungunhonmuna. Ida ma, na ro ma ibana, ninna Jahowa Zebaot.

3.      Ida ma, na ro do angka ari sogot, ninna Jahowa, patindangonku ma di si Daud sada tumbur na tigor, na bangkit raja jala na pistar, jala hajongjongkononna ma uhum dohot hatigoran di tano i.

4.      Jala ahu patindang di nasida sada parmahan, asa ibana marmahan nasida, i ma naposongKu . Ibana ma marmahan nasida, jala ibana gabe parmahan di nasida.

5.      Di angka arina dapotan tua ma Juda, jala Israel marsonangsonang di ingananna; jala on do goarna dohonon ni halak: Jahowa parpintoranta.

6.      Ida ma, gabegabean ma sada namarbaju, jala tumubuhon sada anak, jala bahenonna ma goarna: Immanuel.

7.      Jadi songgop ma tu ibana Tondi ni Jahowa, Tondi ni habisuhon dohot hapistaran, Tondi ni panuturion dohot hagogoon, Tondi ni parbinotoan dohot biar maradophon Jahowa.

8.       jala saluhut bangso, houm dohot halak parpangkuling marragamragam marsomba tu ibana. Ro di salelenglelengna do pamarentaonna, na so tupa munsat sian ibana, harajaonna pe na so tupa pesan do.

9.      Mariaia situtu ma ho, ale boru Sion, marolopolop ma ho ale boru Jerusalem! Ida ma, na ro ma rajam tumopot ho, partigor ibana jala siparmonang; na serep do rohana jala marsihundul di halode dohot di anak ni halode inaina.

10.  Patuginjang ma tohangmuna, hamu ale angka harbangan, jala patuginjang ma hamu, ale angka pintu sian na robi, asa bongot Raja ni hamuliaon i! Ise ulaning Ibana, Raja ni hamuliaon i? I ma Jahowa Zebaot, Ibana do Raja ni hamuliaon i.

Liturgi VI (jika memungkinkan liturgy bentuk Drama Kelahiran Yesus)

Prolog        :  saut do napinarbaga ni Jahowa, Gabe daging ma Hata i jala maringan di tongatonga ni hita on, ima  Anak sasada na sian Ama i, gok asi ni roha dohot hasintongan.

1.    Dungi ro ma uju I parenta sian Kesar Agustus, ingkon suraton nasa jolma di gomgomanna.Pamilangan parjolo  ma I,uju digomgomi si Kireneus tano Siria.Jadi borhat ma sasudena, asa disurat ganup tu bona ni pinasana. Borhat ma nang si Josep na sian Galilea sian nazaret, nangkok tu luat Judea, tu huta ni si Daud na margoar Betlehem, ala sian pomparan jala marga ni si Daud ibana. Pasurathon dirina rap dohot si Maria, oroannai naung gabegabean. Jadi dinadisini nasida gok ma ari ni hangoluanna.

2.     Ditubuhon ma anak buhabajuna, diborhos ma, dipeakhon ma tu bagasan panggagatan , ala soadong inganan na asing di parmianannasida.Jadi adong ma marborngin di ladang na disini angka parmahan, mangingani pinahannasida.Jadi didapothon sada  Surusuruan ma nasida, jala marsinondang ma sangap ni Tuhan I humaliang nasida, gabe mabiar situtu ma.

3.     Alai didok Surusuruan I ma tu nasida: Unang mabiar hamu , ai barita halalas ni roha godang do huboan tu hamu, Parsaulian ni sandok bangso i. Ai naung tubu do dihamu saborngin on, dihuta ni si daud Sipalua I ima Kristus Jesus Tuhan i. On ma partinandaan dihamu; posoposo do dapotonmuna, na binorhos peak dipanggagatan i.

4.      Jala tompu ma adong dongan ni surusuruan I torop angka parangan parbanuaginjang, dipuji nasida do Debata Mandok :Hasangapon ma di Debata diginjang Dame ma ditano on diangka jolma halomoan i.Jai dinalaho I angka Surusuruan I sian nasida dompak ginjang ma sipandohan ma angka parmahan I mandok:Beta ma hita tu Betlehem, taida ma na masa on, na pinabotohon ni Tuhan I tu hita.

5.  Jadi hatop ma nasida lao tusi, gabe jumpangsa si Maria dohot si Josep dohot posoposo I na peak dipanggagatan i.

     Asa dung diida, dibaritahon nasida ma boaboa, naung dihatahon tu nasida taringot tu dakdanak i.Jadi sude na umbegesa, longang be do diala na hinatahon ni angka parmahan I tu nasida.Ia si  Maria dipeop do hata I sudena jala diparhusorhusor dibagasan rohana.

6. Mulak do angka parmahan I, dipasangap jala dipapujipuji do Debata ala ni sude na binege jala naniida nasida, songon naung dihatahon I sudena.Jadi dung dapot ari paualuhon I, asa tarsunat ibana, gabe dibahen ma goarna Jesus, naung digoar parsdisurgo hian andorang so dibortian dope.

     Songon na tarsurat dibagasan patik ni Tuhan I;” Nasa baoa buhabaju ni inana, hadohoan ni Tuhan I do goaran”.

7.    Dung i pajumpang ma si Simeon dohot posoposo I songon naung nihatahonnai, dipuji ibana ma mandok:Paluaonmu ma nuaeng ale Raja, naposomon dibagasan dame, songon na nidokmiAi nung diida matangku haluaon na sian Ho i.

Liturgi VII (atau bentuk drama kematian Yesus)

Sipalua na pinarbaga ni Debata ima Jesusu Kristus nungnga ro be tu portibion laho paluahon  jolma sian             dosa, Antong…aha do dipatupa Jesus Kristus lao paluahon Jolma sian dosa????

1.      Ala ni pangalaosinta ibana tartullang, binahen ni hajahatonta ibana mabugang. Ampe tu ibana pinsangpinsang parhitean ni hasonanganta, jala binahen ni bugangna malum itahilala.

2.      Dipasipal do ibana, sai manaonnaon do anggo ibana, ndang manang mangkuling pamanganna, songon birubiru do ibana na tinogu tu pamotongan, jala songon anak ni birubiru na hohom maradophon jolma sigusting ibana, tung na so dibungka do pamanganna.

3.      Rap dohot halak parjahat hian tanomanna dilehon, hape rap dohot halak na mora ibana dung mate, ala na so adong na so uhum diula jala ndang adong sipaotooto di bagasan pamanganna.

4.      Alai dihalomohon Jahowa do parsipalna mangae sahit! Ia dung dilehon hosana bahen pelean pardengganan, idaonna ma boni jala paganjangonna ariarina, jala manjadi ma lomo ni roha ni Jahowa marhitehite tanganna.

5.      Dung malua rohana sian halojaon, idaonna ma na pasabam rohana; torop ma halak pintoran ni naposongku na tigor i marhitehite parbinotoanna, jala porsanonna ma hajahatonnasida i.

6.      Ai on do dipatupa Debata: Humongkop hita gabe dosa Ibana, na so tumanda dosa, asa gabe hatigoran ni Debata hita di bagasan Ibana.Di lehon do diriNa ala ni dosanta, asa diroro hita sian hasiangan na jahat on, mangihuthon roha ni Debata Amanta.

7.      Diporsan Ibana do dosanta di bagasan dagingna tu hau i, asa malua hita sian dosa, gabe mangolu di hatigoran i: “Hinorhon ni bugangna i do gabe malum hita.” Ibana do pardengganan pasaehon angka dosanta; alai ndada holan dosanta, tung dohot do dosa ni sandok portibi on.

8.      Ala ni I do didok di Johanes 3:16 Allah berfirman :Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana.

11.     Hamu angka dongan, didok Tuhanta Jesus : Ro ma hamu tu Ahu, hamu angka na loja jala na sorat, asa hupasonang hamu! Jangkon hamu ma augangku, marguru ma hamu tu Ahu, ai na lambok do Ahu jala na serep marroha, asa dapotan hasonangan tondimuna.