Ev. 1 Timoteus 1:12-17 Topik: Mandok mauliate siapa asi ni roha ni Debata (Mengucap syukur atas kasih karunia Allah)

 

Jamita Minggu dung Natal, 29 Desember 2024

Ev. 1 Timoteus 1:12-17

Topik: Mandok mauliate siapa asi ni roha ni Debata (Mengucap syukur atas kasih karunia Allah)

1. mandok mauliate ma Hita tu Debata di bagasan Jesus Kristus molo boi Hita sahat tu ujung ni taon 2024 on. Tarajumi Ndang ala ni hadirionta i, hamaloonta, tung holan asi ni rohaNa do. Molo tatailihon tu pudi satongkin pardalanan ni ngolu na tabolus, Godang do hagaleon dohot hahuranganta. Gariada jotjot Ndang Porsea Hita dipandonganion dohot pangaramotion ni Debata di ngolunta. Sai tarimpu do ala ni gogonta sude na i umbahen boi Hita mangolu Dope sahat tu tingkion. Taingot ma tung Tuhanta i do "na margogoihon" hita marhite asi ni rohaNa (ay. 12. Pat. BE no 183:2 ipe holan asi ni roha  sipangasahononhon i....)

2. Molo dilehon Debata Dope kesempatan tu Hita, na pasti adong do na naeng diigil Debata sian ngolunta, songon Paulus pangalele, panginsahi dohot siulahon gogo do ibana na jolo, dilehon Debata kesempatan tu ibana di bagasan asi ni roha ni Debata. Sasintongna ala hajahaton do diula Paulus, na pasti uhum ni Debata ma jambarna. Hape justru sian na songon i do dijou, dipillit, diuba Debata Ibana Gabe parhaladoNa.

3. Haporseaonta i do manuturi dohot mengajari Hita asa taboto ulaon na patut sipatupaonta. Ai tung so taboto do na sala na taula manang na Ndang anggo so Porsea do Hita tu tiruanta na denggan i Ima Kristus Jesus Tuhanta i ay 13, Pat. Joh. 13:15 ai sitiruon do Hulehon tu hamu, asa dibaen Hamu songon na Hubahen tu Hamu).

4. Halak naung manjalo asi ni roha ni Tuhanta, pasti ingkon mangolu di bagasan haporseaon dohot mangulahon holong ni roha(ay. 14 pat. 1 Joh. 4:20, pargabus do halak mandok holong rohaNa tu Debata Anggo dihosomi do donganna jolma).

5. Barita nauli, barita las ni roha tu Hita (ay. 15 Haposan jala sandok tau jaloon do hata on: Nunga ro Kristus Jesus tu portibi on, paluahon angka pardosa; sian angka i do ahu na parjolo. Mauliate ma di Tuhan, naung ro Saor tu Hita tu portibion na di pardangolan on ala dosa i, asa Unang hamatean ujung ni ngolu ni jolma i alai asa sahat tu hangoluan salelenglelengna.

6. Taingot ma molo diasii Jesus Hita, asa Gabe ulaulaNa do Hita laho pasahathon dohot pabotohon lambas rohaNa i asa sude Gabe Taruli di hamubaonnni roha (ay.16, Alai ala ni on do, umbahen na diasii ahu: Naeng jumolo marhite sian ahu patuduhonon ni Kristus Jesus sandok lambas ni rohana i, bahen tiruan di angka na naeng porsea di Ibana tu hangoluan salelenglelengna. Alani halak naung taruli asi ni roha ingkon Gabe tiruan na denggan di angka na naeng dohot naung Porsea asa sahat tu hangoluan salelenglelengna.

7. Sapala na diasii Tuhanta i Dope Hita, talehon ma ngolunta Gabe hamuliaon dohot hasangapon di Tuhanta sisalelenglelengna. Ibana do Raja na marmula i; i ma Debata na manongtong, na so dapot idaon, na mamunjung i! (17).

8. Aha ma naeng dohonon ni turpuk on tu Hita?

A. Gabe parroha mauliate ma Hita ala ni asi ni roha ni Tuhanta i naung tajalo di pardalanan ni ngolunta (1 Tes. 5:18, Mandok mauliate ma hamu siala saluhutna! Ai i do dipangido Debata sian hamu marhitehite Kristus Jesus)

B. Mauliate ma molo diparar Tuhan i Dope ngolunta tung pe godang hagaleon dohot keterbatasanta. Tapake ma kesempatan na pinasahatNa on laho manghobasi dohot patuduhon asi ni rohaNa i tu ganup halak (songon syair ni Ende rohani i: Hidup ini adalah kesempatan, hidup ini untuk melayani Tuhan, jangan sia-siakan waktu yang Tuhan b'ri, hidup ini hanya sementara. Reff. Oh Tuhan pakailah hidupku, selagi aku masih kuat, bila saatnya nanti ku tak berdaya lagi. Hidup ini sudah jadi berkat)

C. Hehe ma haporseaon dohot holong ni rohata di tingki Parasian na pinasahat ni Tuhan on tu Hita. Nunga ditogu Hita tu halang ulu, sai Unang be Lao tu talaga. Unang mulak tu pudi be pangalaho ni ngolu alai Gabe marhaimbaruon ma di parange, nang haporseaon, songon apostel Paulus i . Ai arga do hita ditobus, Unang be taoloi dosa dohot sibolis i, ai nunga ro Kristus tu portibi on Paluahon pardosa, jala sahali do i dipatupa. HaroroNa paduahalihon laho manguhum na ma di habangsa paruhuman i.

D. Gabe pasupasu ma ngolunta tu na humaliang. Tau tiruan ma Hita di parange, holong nang haporseaon songon Kristus tiruan na denggan i asa marmulia jala marsangap Debata Bona na dohot ujung na i. Amen.

Dienet sian Pdt Ronni Silitonga MTh