ACARA KEBAKTIAN MAMASUHI BAGAS

ACARA PARTANGIANGAN MAMASUHI BAGAS

KEL. A.SRI (M.SIAHAAN/R.BR SIHOTANG)

RABU, 06 JUNI 2012 DI KOMPLEK SETIA BUDI VISTA, BLOK Q NO. 16 MEDAN

 

O1.Marende No . 9:1+4 Hupuji Holong ni rohaMu  BL. 110

1.         Hupuji holong ni rohaMu, O Tuhan Jesus Rajangki

Tu Ho hulehon ma tondingku ai ido pinangidoMi

Huhalupahon ma ma diringku mamingkir holong ni rohaMu.

4.         Di Ho saleleng ni lelengna, au on o Jesus Tuhanki

Ho ma nampuna sasudena gogongku artaki

Ai naung di lehon Ho mudarMu manggarar utang ni dosangki.

02. Votum – Introitus

Uluan           :    Marhitehite goar ni Debata Ama, Anak dohot Tondi parbadia natumompa langit dohot tano on,  Amen.

                      Mandok mauliate ma hamu tu Jahowa, ai padenggan basa do Ibana, ai rodi salelengna do asi ni rohaNa.

Natorop       : Ari on do najinadihon ni Jahowa, marolopolop jala marlasniroha ma hita di si.

Uluan             Habiari ma Jahowa, hamu ale angka nabadiaNa, ai ndang hurangan angka namanghabiari Ibana.

Natorop       : Sai endehononku ma angka asi ni roha ni Jahowa salelenglelengna, sai pabotohonon ni pamanganhu ma hasintonganMi marsundut sundut.

Uluan          :   Martangiang ma hita:

            Ale Tuhan Debata amanami pardenggabasa nasumurung, mauliate ma husombahon hami tu adopanMu. Hupanghilalahon hami tung singkop angka lasniroha huparsaulihon hami sian Ho.Tarbahen hami angka na pungu dison mandok mauliate rap dohot keluarga on. Ditumpahi Ho nasida diangka ulaon nasida sahat tu ombas on, tarbahen nasida manghalashon  pasupasu napinasahatMu ima ulaon mamasuhi bagas sibagandingtua sadari on.Antong sai Ho ma najongjong jala mian dibagas nasida on. Ho ma manumpahi asa gabe bagas pangalapan gogo dohot pasupasu, bagas partangiangan, bagas parmianan anak dohot boru di nasida,  jala gabe inganan patupa ulaon nadenggan.

Alanii sai ramoti ma saluhut pangisi ni bagas on, dao sian angka ragam ni  parsahiton. Ho ma napadaohon nang ragam ni angka abat-abat. Sai tangihon ma nahupangidohon hami on holan mangasahon Kristus Jesus Tuhan nami. Amen.

03.Marende No  309: 1-2         BL   164  

            1.   Raphon Tuhan Jesus i, pungka ulaonmu

                  Ingkon tu Ibana i, parguruhononmu

                  Baen Ibana dongan mi, hehe dohot modom

                  Dege ma bogasNa i, rohami pahohom.

           

                    2. Ganup sogot ingkon do, Jesus jouhononmu

                        Asa urupanNa ho, di siulaonmu

                        Ai arian borngin pe, naeng ho dongananNa

                        Dosami pe sasude, naeng taluhononNa

             

04.Manjaha sian Hata ni Debata na tarsurat di Josua 24:14-15( Responsoria)

Uluan    : On pe sai habiari hamu ma Jahowa jala marsihohot rohamuna mangoloi Ibana dibagasan hasintongan.

Natorop  : Paholang hamu ma debata sileban angka nanioloan ni ompumuna di bariba ni batang aek i dohot Misir, jala oloi hamu ma Jahowa.

Uluan       : Alai molo tung sogo rohamuna mangoloi Jahowa, pillit hamu ma sadarion manang ise naeng oloanmuna, manang debata sileban na nioloan ni ompumuna, manang debata ni halak Amori nampuna tano na niingananmunai.

Parbagas/

Keluarga :Alai anggo ahu dohot donganku sajabu, ingkon Jahowa do oloan nami

Uluan       :  Jadi didok si Josua ma tu bangso i: Hamu sandiri do sitindangi dompak hamu, paboa naung dipillit hamu Jahowa, naeng oloanmuna Ibana.

Natorop   : Jahowa Debata i do naeng oloannami, jala soaraNa i naeng tangihonon nami.

Uluan        : Antong haporseai ma Tuhan Jesus, asa malua ho dohot isi ni bagasmi. Martua

                  Na tumangihon hata ni Debata jala naumpeopsa. Amen. 

05.Marende No 467: 2               BL 315

            Sai ramoti ma rohangku, asa boi gohanMu au

            Sai mabaor ma pasu- pasu, nang marhite sian au

            ingananMu rohanami, TondiMi manggohi  i

            pangke dohot ngolunami, gabe ula-ula Mi

06.Martangiang:  (Mardos ni roha ma tulang dohot hulahula sibahen tangiang)

07.Marende No. 6: 3-4         BL.56 

            3. Puji Jahowa naung tipak manompa dagingmu

                Jala na tongtong manumpak hisar pamatangmu

                  Jotjot do ro pangurupiNa tu Ho, uju na ro hagogotan 

            4. Puji Jahowa situmpak sude ulaonmu

                Ai ditumpakhon tu ho tongong hangoluanmu

                Ingot ma i denggan basaNa do i, tomutomuNa sambing do.

08.Renungan/ Jamita: 2 Samuel  7:25

  09.Marende No. 36:1…………BL     4(Huhut papungu Pelean tu Huria)

            1. Pasupasu hami o Debatanami  Sai sondangkon bohiMi tu napungu on sude.

             2. Lehon ma di hami,  dame ganup ari, sai pasaorhon TondiMi tu na pungu on sude.

            3. Amen hudok hami o Debatanami, na marasi roha i sangap ma di goarMi

10.Tangiang Panutup.

11. Acara selanjutna sahat ma tu padua ni hasuhuton mangaturhon.