ACARA PARTUMPOLON

TERTIB ACARA PARTUMPOLON  

MODEL A

HKBP Wahidin Baru

 

I.        IBADAH PARTUMPOLON

1.      Marende Huria BE No. 15 : 1 + 4 BL. 103 “Aut na Saribu hali ganda”

1)     Aut na saribu hali ganda, saringar ni soarangki,

Naeng nasa gogo bahenonku, mamuji Debatanta i

Paboa las ni rohangki, hinorhon ni pambahenNa i

                                                                               (Ruas jongjong)

4)     Mauliate ma rohangku di Ho, O Debata tongtong

Dibaen sude denggan basaMu, naung ni lehonMu di au on

Ai di patongon Ho tongtong, sude na ringkot di au on

2.      Votum – Introitus – Tangiang

U = Uluan              H = Huria                  NM = Na Martumpol

U   :   Marhitehite Goar ni Debata Ama, dohot Goar ni AnakNa Tuhan Jesus Kristus dohot Goar ni Tondi Parbadia na Tumompa langit dohot tano on.

H   :   Amen

U   :   Parangehon hamu ma haholongon i songon Kristus i, na manghaholongi hamu jala dilehon do dirina humophop hita, gabe silua jala pelean bahen uap na hushus tu Debata.

H   :   Na lambas do haholongon i jala na sorta, ndang na mangiburu haholongon i, ndang tenga jala ndang dipaburnangburnang dirina

U   :   Maradat situtu do haholongon i, ndang na ahut, ndang olo pangarimason, ndang dipajujurjujur na jahat. Ndang las rohani mida hageduhon; alai tongtong do dihalashon hasintongan i

H   :   Sada ma parrohahon hamu; sada ma haholongonmuna; saroha, sapingkiran ma hamu! Unang ma mardingkandingkan manang marhasangapon na rumar; alai sian toruk ni rohamuna be ma rajumi hamu donganmuna sumurung sian dirimuna

U   :   Halleluya. Martangiang ma hita : Ale Tuhan Debata Amanami na di banua ginjang! Ho do na mangaturhon pardongansaripeon i, diida Ho do dongannami on si …………. dohot ……………………….na marsangkap naeng marbagas, na ro do nasida nuaeng marpadan di partumpolon sadari on. Antong sai pahot ma nasida di padanna, patogu ma roha na masihaholongan, rajai ma nasida marhitehite Tondi Parbadia, asa tangkas pasauton nasida sangkapmu dibagasan pardongan saripeon nasida i. Tangihon ma tangiang nami on ala ni asi dohot holong ni roham.

H   :   Amen!                                                   (Hundul…)

3.      Marende Huria BE. No. 212 : 1 , 5 “Haholongon Nabadia”

1.   Haholongon na badia, sian Tuhan Jesus i

      Sai songgopi, sai bongoti, roha dohot tondingki!

4.      Habasaron, hadameon na ro sian Tuhanki

Gohi roha dohot tondi, unang munsat sian i!

5.      Koor :

6.      Partumpolon

7.      Manjaha Surat Parpadanan

SURAT PARPADANAN

No……………………….

AHU                            :          

Tubu                            :

Tardidi                        :

M Haporseaon           :

Anak ni amanta :

Tubu ni inanta               :

Sian Huta                     :

Huria                            :

Dohot

Goar                            :          

Tubu                            :

Tardidi                         :

M. Haporseaon            :

Boruni                          :

Huta                             :

Huria                            :

Mangundukhon parpadanan nami songon na tarsurat di toru on;

Nunga tangkas sian nasa rohanami naeng mardongan saripe.

Ingkon masihaholongan hami songon parsaripeon ni halak Kristen natutu.

Ndang jadi sirang parsaripeon nami ia so sinirang ni hamatean

Ingkon saroha hami mangihuthon aturan / ruhut hakristenon ni HKBP.

Torang do parhuriaon nami , jala ndang adong parbogasonnami tu naasing

Molo tung adong pangambat di parbogasonnami , ingkon jolo patureonnami do i

Asa tarpangido hami pasu-pasu laho paujungkon bogas i.

 

8.      Menandatangani Surat Partumpolon

a.      Calon Pengantin             :  Pangoli dohot Boru Oroan

b.      Natoras                            :  Pangoli dohot Boru Oroan

c.      Saksi-saksi                      :  Sian pihak Paranak dohot Parboru

d.      Mewakili Sintua Weyk    :  Sian pihak Paranak dohot Parboru

e.      Na Patumpolhon             :  Pandita manang Guru Huria

9.      Koor :

10. Parsitutuon Mangulahon Padan

P   :   Hamu angka dongan, lumobi si ……………………  dohot …………………… nunga marpadan hamu di jolo ni angka natorasmuna, sisolhot, parhalado ni huria lumobi di adopan ni Debata naeng pajongjong pardongan saripeon. Mansai arga do padan, ndang holan di hita jolma i arga, alai arga do nang di jolo ni Debata. “Hori do ihot ni doton hata do Siingoton; Togu urat ni bulu toguan urat ni Padang; togu ni ihot ni Uhum toguan ni ihot ni Padan”. Antong ramoti ma padan ni pardongan saripeonmuna i; tung unang adong sian hamu silaosi padan, asa dipasupasu Tuhan i hamu.

NM:   “Sai dipargogoi Tuhan Debata ma hami maniop padan naung hupadanhon hami sadarion; sai unang ma adong sian hami manimbil jala si ose padan asa mardalan parsaripeonnami sahat ro di na mate”.

H   :   Ima tutu ale Tuhan, patulus ma pardongan-saripeon nasida tu joloan on

11. Marende Huria BE No. 766 : 1 “Padan na uli”

Padan na uli “Ho ndang hulupahon”, ndang pola mabiar au dingolungki, nang pe holom do dalan si boluson, rodo hatiuron sian langit i. “Ho tung so hahulapahon Au do manogihon Au do mangondihon ho tung so huhalupahon, Au do margogoihon pos ma rohami”.

12. Jamita

13. Marende Huria BE No. 194 : 1 – 3 “Aut so asi rohaM” huhut Parpungu Pelean BL. 62

1.      Aut so asi rohaM, aut so godang basaM tu dia ahu?

Alai dibahen basaM dohot asi rohaM tu surgo ahu

2. Mauliate ma di Ho, o Debata, ala basaM

Sibahen dalan i marhite anakMi, tu banuaM

3. Anggiat ma holong rohangku, sai tongtong burju tu Ho

Sai dongananMu au manang tudia au lao, sonang tutu

14. Tangiang Pelean – Ale Amanami – Pasupasu

II.      MANDOK HATA

-         Sian Suhut Paboru

-         Sian Suhut Paranak

-